If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
شاسيه اايفو هو نفسه شاسيه اللانسر مع بعد التقويات المضافة ليه وهي عبارة عن Plates من صلب متثبتة في أماكن قدام ووراه
طبعا احنا ممكن بكلل سهولة نعمل الPlates دي زي المصنع لكن ماحدش بيرضى يلحم في حوض العربية علشان ميبقاش المنظر مش ولابد لذلك بنستعوض عنها بـ strut bars وأكيد مش الصيني أو التايواني اللي في دماغكوا. وإن كان الصيني والتايواني ممكن تؤدي الغرض إلا لو ناوي تعمل profisional EVO for AutoX أو Drifting
بتبقى حاجة زي كده فوق قدام عند الموتور
وحاجة زي ده تحت الموتور بتمسك الشاسيه من تحت
وحاجة زي كده وره فوق في الشنطة
وفي ناس بتجيب الكيت الكامل ده وده بيخلي العربية وهم في الثبات يعني بجد ثبات مش هتحسه في أي شيء تركبه على 4 عجلات في حياتك وبالذات لو في coilovers
الكيت من شركة CUSCO
بالنسبة للترخيص العربية بتترخص لانسر cc 2000 لكن ال original بيتكتب في الرخصة لانسر ايفوليوشن
معلش سؤال بس. هي الدعامة اللي بتتركب في الكبوت بين بطاحتين المساعدين ده تعملها كام؟؟؟؟؟؟؟؟؟ بصراحة داخلة دماغي اوي وعايز اجيبها شوفتها في عربية متقطعة علي موتور 2400 وكنت هاخدها بس الراجل قال خد المكنة وخدها معاه هدية. ( بيهرررررررررج ) قولتله طب مااشتريها لوحدها واخد المكنة معاها هدية ( تهريج بتهريج بقي ) .........
من عند عادل وجدى, فى حدود 250 جنيه, انا نازل اجبها دلوقتى, و هبقى اصورهالك ان شاء الله.
[CENTER][FONT=Palatino Linotype][SIZE=2][COLOR=RoyalBlue]It doesn't matter how fast you are, As long as you are reving it up to the max
[/COLOR][/SIZE][/FONT][/CENTER]
آخر حاجة وصلنا ليها إن احنا شغلنا العربية ومكنش في شكمان والصوت طبعا كان لا يطاق لدرجة إن واحد في ورشة جنبنا اتخانق معانا بجد وكان هيضرب وحاجات كده !!
اطمنا إن كل شيء في مكانه سليم ومفيش تسريب زيوت وسبناها شغالة فترة علشان نطمن إن المراوح بتشتغل وإن قراءة العدادات كلها سليمة
رجعنا تاني عند السمكري علشان نرفع العربية ونمشيها على الهوا ونشوف الكردان في رفه أو خلافه ونطمن إن كل الات الجر مفيهاش أصوات غريبة
كله تمام الحمد لله
كده العربية تقريبا خلصت كبناء هيكلي لكن لسه الصالون والفرش و شوية تشطيبات نهائية
أخدنا العربية من عند السمكري علشان نظبط زوايا لان الدنيا كانت محوولة تحت تماما
ظبطنا الزوايا والحمد لله لقينا برنامج لانسر ايفوليشن على السوفتوير عند بتاع الزوايا وعلى فكرة مختلف تماما عن الانسر العادية لاختلاف الابعاد
بعد كده كلنا نروح نركب الشكمان لكن طلعت في دماغنا نروح نعبي بنزين لانها تقريبا كانت فاضية كان التنك فيه حوالي لترين من عند الميكانيكي
أنا بقى : يابني بلاش دا احنا قاعدين على جنط هنطلع برة الحرفين إزاي
أبدًا والله لازم اجربها
يابني العربية لسة تحت التليين اهدى شوية
وده دماغه وألف جزمه يطلع البنزينة بره الحرفين
ماشي يا عم اشهد ان لا اله إلا الله امسك كويس في الجنط يا عم
وعلى مخرج الحرفين وداس المجنون وبوووووووووووووم من الموتور '
هيههههه طبعا أول انطباع ''' يا لهوي دي ملحقتش الله يلعن أبوالعين '' وأنا فطسان من الضحك
نزلنا فتحنا الكبوت واخينا حاطط ايده على قلبه '' يا رب بس ميشوفش الكلام ده هتبقى بزعله شكلها ''
الحمد لله طلع خرطوم المانيفولد فلت ولما داس فتح بوست فـالخرطوم فلت من مكانه وبفعل البوست العالي عمل البوم دي
المهم روحنا لبتاع الشكمانات وركب الشكمان والدنيا بقت silent تماما العربية ولا كانها فيها وحش تحت الكبوت
رجعنا للميكانيكي للمراجعة والتربيطات النهائية والمفروض العربية تحت التليين والتجربة لمدة لا تقل عن 500 كم ومفيش دوس ولا جري ولا غيره لحد مايطمن تماما إن كل شيء تمام
نسيت أقول إن التابلوه هو هو بتاع الانسر لكن مع الإختلاف في بعض الإكسسوارات وفتحات اللي بناخدها من الأيفو زي مكان زرار اختيار ال differential settings والتكيف وكلمة EVOLUTION وكمان نفس الاكسسوارات في الكونسول الوسطي ده طبعا بخلاف العدادات و ال steering wheel من MOMO
طلعت العربية بعد كده على بتاع البويه و على فكرة هو مكان مشهور جدا البوية اتكلفت لان احنا جبنا بوية مخصوصة شوية هقول على التكاليف بعدين العربية اخدت عنده حوالي 10 أو 12 يوم لييه ؟!
أولا البوية على مالقاها
ثانيا رش الاربع ابواب من جوه
رش الكبوت من تحت
العربية كانت بتتجهز على كلامه تجهيز ملوكي :D فأخدت وقت شوية
عند السروجي
بعد ماخلصت بوية روحنا للمرحلة النهائية '' تقريبا ''
كان غسل فرش الايفو كامل الكراسي وفرش والكونسول وفرش السقف و أخد التركيب والحنتفة بتاعتنا طبعا يوم كامل
وهوب اصبح امامنا ايفو لو حاطتها جنب أي ايفو طالعة من مصانع ميتسوبيشي مش هتفرقها عنها إلا إذا كنت خبير فيها وعارف هتبص فين كويس جوه طبعا حتى لو كنت خبير ممكن تفوت عليك :D
نيجي بقى للمصاريف
احنا دفعنا للميكانكي حوالي 2000 جنيه و 500 كمان زيوت وحركات كده و 3800 للسمكري زي ماأنا قلت قبل كده
السروجي حسابه كان مع السمكري واديناهم 100 جنيه tips
نتكلم شوية عن الصيانة وقطع الغيار الدورية ونبقى نكمل بعدين
أولا فلتر الزيت هو بتاع اللانسر لكن احنا جبنا k & N بـ 100 جنيه
فلتر الهوا فيها ايربوكس لكن علشان صاحبي مش عايز يرحم نفسه من أولها قال فاكس... أجيب فلتر سبور في حموتها كده
جبنا واحد استيراد حالته كانت نضيفة و كان راكب على EVO ونلاحظ إن الايفو مفيهاش هزار في المواضيع دي يعني الحاجة اللي تركب تعديل لازم تكون بتاعتها أو معمولة ليها وإلا هتلاقي مشاكل واقلها loss of power عموما الفلتر كان بـ 300 جنيه
زيت الفرامل كان DOT 4 ويفضل DOT5 لكن مفيش للأسف
فلتر التكيف لانسر بومة عادي مفيش اختلاف
البوجيهات NGK لايزر بلاتنيوم لازم Heat range 7 أو لو في تعديلات يبقى 8 ... كانت بـ 280 جنيه
بالنسبة بقى لتيل الفرامل لو brembo أصلي تمنه حوالي 1400 جنيه وفي نوع اسمه HAWK سيراميك بردو بيركبوه برة كتير وبصراحة ممتاز بـ 1000 جنيه ومتوفر
الايفو 4 مافيهاش brembo وبيركب ليها تيل فرامل عادي بتاع الباجيرو بـ 450 جنيه تقريبا
الزيت شل الترا ولو العربية ستوك ومش معدلة بيكفي 5000 ل -7000 كم تقريبا بدون مشاكل لو معدلة في كلام تاني وانسي الموبيل 1 ده نهائي . الكاسترول زيت ممتاز والايدج سبورت يا روحي عليه لكن الحلو مبيكملش بيتبخر بسرعة و مع الشد والحرق وخلافه هتحتاج تزود انما طبعا هو أحسن من شل مفيهاش كلام
زيوت الكرونه والفتيس لازم شل 80/90 مش اتقل ولا اخف العلبة بـ 12جنيه تقريبا
المقصات الواحد بـ 750 جنيه استيراد .
لو هتمشي بالايفو تسارع وشد واستمتاع كله هيبقى تمام لكن لو هتمشي بالجنب وده أغلب الظن
تخاف من
الكرونه الامامية ودي تمنها بيتراوح من 3000 لحد 5000 جنيه على حسب
الفتيس لان ده رباعي ونقلة غلط مش في مكانها في أي دريفت
الفتيس ممكن يتكسر وده تمنه من 5000 ل 70000 جنيه
المقصات لو سعادتك لبست في الرصيف في أي دريفت :D
استهلاك البنزين
لو ماشي عادي بدون عفرتة هتكون بنت ناس قوي زيها زي أي عربية 2000 cc لو عفرتة والله سفاحة ومش هاتصدق اللي بيحصل قدامك وبالذات لو عربيتك معدله تحت ظروف قاسية شوية ممكن تخلص تانك البنزين في 70 كم
طبعا العنايه بالايفو بتكون أكتر شوية من أي عربية عادية لانه تربو و في أحمال كتير فوق الموتور يعني دايما متابعة المياة والزيوت كاملة فوق وتحت والحرارة باستمرار
يفضل تركيب عدادات لقرائة كل الاشارة الحيوية من العربية من حرارة وضغوط وغيره والموضوع ده نتكلم فيه بعدين إن شاء الله لما نتكلم عن خطوات تعديل الايفو واحدة واحدة
تابعونا في الحلقة القادمة
أهم المشاكل اللي قابلتنا ومن اهمها إن العربية مبتعديش 180 كم/س , العربية مش راضية تعمل أي دريفت وتعرض بالمعنى الشايع
مغامرات مبتدئ مع الايفو وهل أي مبتدئ ممكن يسوق الإيفو ويرمح بيها في الشوارع
خطوات تعديل الايفو واحدة واحدة وبالذات مع واحد مجنون ايفو !
من عند عادل وجدى, فى حدود 250 جنيه, انا نازل اجبها دلوقتى, و هبقى اصورهالك ان شاء الله.
تسلم ايدك ياصاحبي ومبروكة عليك مقدما وان شاء الله تكون منظر بس ومتحتجهاش خالص ( ربنا يستر طريقك وطريقنا جميعا ان شاء الله ). مستني الصور بتاعتها ياجميل لما تجيبها وتصورها براحتك.
Comment