إعـــــــلان

Collapse

.

,
See more
See less

كيف تحول لانسر إلى ايفو

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة tigernet مشاهدة المشاركة
    ياباشا هو لما اشد مع حد واقطعة لحد 160 دة يبقى اية
    ياباشا احنا مش بنقول ان الايفو احسن من الفيرارى و انما لما بتاع الفيرارى يسقط مع ايفو بيبقا عارف انة مش هيطلع منها بسهولة
    ما هي طبعا الايفو مش حاجه جمب الفيراري و الكل عارف كدا مش هقول العين متعلاش عن الحاجب لا هقول الفار عمره ما يبقا نسر! و انا قلت هي طلعت تسارع لانها اخف بكتير و 4*4 و القياس بالسرعه القصوي مش التسارع و كمان 160 دي حاجه صغيره طبعا في العربيات دي لان عدادهم 360!!!
    ياريت متردش علي عشان منفتحشي كلام انا داخل اقول بس بلاش فيدوهات مع عربيات تنيا و شكرا
    سبحان الله و الحمد لله و لله اكبر
    https://www.facebook.com/medo.akef

    Comment


    • المشاركة الأصلية كتبت بواسطة medoakef مشاهدة المشاركة

      ما هي طبعا الايفو مش حاجه جمب الفيراري و الكل عارف كدا مش هقول العين متعلاش عن الحاجب لا هقول الفار عمره ما يبقا نسر! و انا قلت هي طلعت تسارع لانها اخف بكتير و 4*4 و القياس بالسرعه القصوي مش التسارع و كمان 160 دي حاجه صغيره طبعا في العربيات دي لان عدادهم 360!!!

      ياريت متردش علي عشان منفتحشي كلام انا داخل اقول بس بلاش فيدوهات مع عربيات تنيا و شكرا

      ! فار إيه وعين متعلاش عن الحاجب إيه

      الرد في الموضوع يبقى باسلوب يحترم عقليه القارئ و كاتب الموضوع لو سمحت

      Comment


      • المشاركة الأصلية كتبت بواسطة skybird مشاهدة المشاركة
        شوقتنا يا ايفو كمل ..........

        لي تعليق على الحته دي

        ليه يا باشا
        ده عربيتي في اشد الاحتياج ان اقوي الشاسيه بتاعها
        طيب اعمل ايه ؟؟

        المفروض إن مفيش أي تحميل زيادة على الشاسيه يؤدي إنك تحتاج تدعمه إلا إذا كان انت بتدور على تعديل واحساس بالثبات أكتر بس مازلت فرضية إن الشاسيه مش محتاج تقوية .

        الاول راجع على العفشة والمقصات ووجلبها لانها أول متهم في الاحساس بان العربية مش ثابته

        Comment


        • المشاركة الأصلية كتبت بواسطة medoakef مشاهدة المشاركة

          ما هي طبعا الايفو مش حاجه جمب الفيراري و الكل عارف كدا مش هقول العين متعلاش عن الحاجب لا هقول الفار عمره ما يبقا نسر! و انا قلت هي طلعت تسارع لانها اخف بكتير و 4*4 و القياس بالسرعه القصوي مش التسارع و كمان 160 دي حاجه صغيره طبعا في العربيات دي لان عدادهم 360!!!

          ياريت متردش علي عشان منفتحشي كلام انا داخل اقول بس بلاش فيدوهات مع عربيات تنيا و شكرا


          ماشى ياباشا و لاتزعل انا مش هارد علشان خطرك

          Comment


          • احلي حاجة بصراحة يا ايفو طريقة سردك للموضوع مميزة وبتناسب الجميع (الي فاهم والي بيحاول يفهم والي ميعرفش حاجه)
            احييك بجد وانا متابع التجربة وبحاول افهم
            [CENTER]سبحان الله وبحمده سبحان الله العظيم
            -:: ياسلام لما كــان منتـدى سيـارات ::-
            . . . . A l o n e . . . . [/CENTER]

            Comment


            • الموضوع دا لازم لازم يتثبت
              [CENTER][rmade]http://cdn-www.greencar.com/images/alpha-romeo-hot-diesel-sports-car/Alfa-Romeo-Article-Lead.jpg[/rmade]


              You 're beautiful , Its true


              [/CENTER]

              Comment


              • بس لازم السيد المشرف يقوم بدمج مشاركات إيفو المتعلقة بصلب الموضوع في مشاركه واحدة مع عمل بعض التنسيق...
                وده طبعا بعد إيفو ما يكمل الموضوع للأخر
                [CENTER]قال تعالى " [FONT=&quot] وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ [/FONT]" 281 البقرة
                [/CENTER]

                Comment


                • المشاركة الأصلية كتبت بواسطة evo مشاهدة المشاركة
                  ! فار إيه وعين متعلاش عن الحاجب إيه

                  الرد في الموضوع يبقىباسلوب يحترم عقليه القارئ و كاتب الموضوع لو سمحت

                  ولله انا برد كويس و مش مستني حضرتك عشان تقول لي اقول ايه و مقلشي ايه

                  و عموما دي امثال شعبيه لو حضرتك منعت الشعب كله انه ميقلهاش انا بردو هقولها برحتي و لو حضرتك مش عجبك كلامي ياريت تشتكيني للاداره و هما يشوفو بقا كلامي مش بيحترم عقل القارئ ام لا
                  ارجو اختيار الافاظ و التحدث بحترام اكثر لشخصيه المخاطب

                  المشاركة الأصلية كتبت بواسطة tigernet مشاهدة المشاركة
                  ماشى ياباشا و لاتزعل انا مش هارد علشان خطرك

                  ولله انا لو عليا عاوز اعد اتكلم معاك للصبح بس عشان منخرجشي الموضوع عن مساره بس

                  الف شكر يا مان علي كرمك و استجابتك لطلبي و نتقابل في موضوع تاني ان شاء الله و انتظر مني اثباتات جويق



                  الموضوع هام ومفيد لكثير من الأعضاء
                  نرجو ان يتعاون الجميع لابقاء الحوار في صلب الموضوع وبعيدا عن اي خلافات شخصية
                  6 أ
                  26/07/2010
                  12:55
                  سبحان الله و الحمد لله و لله اكبر
                  https://www.facebook.com/medo.akef

                  Comment


                  • أكمل يا ايفو أكمل
                    مستنيين
                    [SIGPIC]http://imageshack.com/a/img838/5746/61n6.jpg[/SIGPIC]

                    Comment


                    • بغض النظر عن المصاريف الهريبة اللي اتصرفت و الوقت الكتييير اوي ده بس كل حاجة عملتها تستاهل و بجد شغل رائع جدا جدا و مستني الباقي و ياريت تتكلم مع صاحب العربية و تقنعه ينزل الصور او فيديو

                      مستنيينك يا ايفو تكمل
                      [CENTER]ربي قد مسني الضر و انت ارحم الرحمين
                      لا إله إلا انت سبحانك اني كنت من الظالمين[/CENTER]

                      Comment


                      • نحن معك يا أيفو ..
                        [CENTER][FONT=Tahoma][COLOR=darkorchid][FONT=Tahoma][SIZE=4][COLOR=darkorchid][shfaf2]http://img810.imageshack.us/img810/3041/image003002.gif[/shfaf2][/COLOR][/SIZE][/FONT][/COLOR][/FONT][/CENTER]
                        [CENTER][SIZE=4][COLOR=#9932cc][/COLOR][/SIZE] [/CENTER]
                        [CENTER][SIZE=4][COLOR=#9932cc]يا لذيذ يا رايق[/COLOR][/SIZE][/CENTER]

                        Comment


                        • بسم الله ما شاء الله عليك يا ايفو

                          علي فكره انا مستغرب

                          لاني واخد انطباع عنك من زمان انك بتفهم بس كلامك قليل

                          A.Yakout
                          [CENTER][IMG]http://img100.imageshack.us/img100/4097/voegelpc3jk2jx2kw4xg6.gif[/IMG][/CENTER]

                          Comment


                          • متابع باهتمام وشكرا على المعلومات


                            فيديو للتعديلات
                            YouTube - Rami Serry Evo _TPS
                            [img3]http://s11.postimg.org/5u651o4eb/bsmlhe41104899dnj0zx5.gif[/img3]

                            Comment


                            • شباب هي الايفو بتستخدم بنزين 92 أو 90 أوكتان ....؟!
                              اسمعوا الراجل دة بيقول إيه في الدقيقة 1:28 بالضبط

                              [youtube]http://www.youtube.com/watch?v=0qDfSzBN778&feature=related[/youtube]
                              [SIGPIC]http://imageshack.com/a/img838/5746/61n6.jpg[/SIGPIC]

                              Comment


                              • أولا أحب أشكر كل من بيساندو الموضوع وبيحافظوا على استمراره وده بيديني الإحساس بتقدير مجهودي اللي اتعمل في العربية


                                وبالنسبة للبنزين المستخدم في الأيفو في وجهات نظر كتير


                                في اليابان أو النسخ اللي بتيجي من اليابان بيكون ال ECU مظبوط على بنزين 98

                                في امريكا بيعملوا remap على بنزين 91 وبنزين 93 لانه البنزين غالي جدا هناك اللتر بيوصل 6 جنيه وسعره بيتغير يوميا

                                وبيعملوا map تانية على ال race gas لزوم السباقات وبيحولوا بين الاتنين بسويتش في جهاز اسمه باور كوماندر

                                احنا في مصر هنا بنعمل remap على بنزين 95 وده للأسف موازي في جودته لبنزين 91 في امريكا . عجب العجاب صح !


                                ممكن تحط بنزين 92 لكن هتكون في خطورة معظم الوقت وبلذات لو دست جامد وهيقابلك loss في ال باور مش أقَل من 30%



                                نرجع لموضوعنا تاني


                                احنا كنا قلنا إن احنا عملنا بعض التعديلات في العفشة ودورة التبريد قبل ال remap

                                احنا غيرنا الرادياتر بواحد سبور أكبر من الستوك اللي كان فيها وطبعا المواسير فيه أكبر وقدرته على التبريد أعلى

                                اسعار الرادياتر الماركة الكويسة بيكون حوالي 400 دولار في تايواني في مصر بـ 1200 جنيه !


                                غيرنا الانتركولر وهنا لينا وقفة


                                حجم الانتركولر مششرط هو الفيصل ولا يدل على الأداء العالي دايما

                                يعني مش معنى إن كل ماحجمه يكبر يكون أحسن ممكن انتركولر صغير يدي تبريد للهوى اللي داخل للمانيفولد أحسن من الانتركولر الكبير


                                طيب السر فين


                                السر في الكواليتي بتاع الخامات وفي الماركه وكمان في حجم المواسير اللي بيعدي من خلالها الهوا


                                بمعنى انتركولر 4'' صيني ممكن انتركولر 3'' أو أقَل من HKS يبرد أحسن منه


                                الستوك اللي ينزل في الايفو بيكون حجمه صغير لكن بيؤدي كويس لحد 450 حصان لكن طبعا تغيير الانتركلر وتبريد الهوا أكتر بيزود ال HP بشكل جنوني ممكن يوصل ل 70حصان لو اتركب عليه NOS كت لتبريد الهوا


                                كمان هوا ابرد يعني تسقيف أقَل يعني safety أعلى وخصوصا في مصر لان الجو حر جدا في الصيف


                                المراوح الامامية اتغيرت بمراوح ذات قدرة أعلى بالاضافة إن في سويتش سبور بيخلي المروحة تشتغل بدري عن الطبيعي لضمان التبريد المستمر .


                                الانتركولر المناسب للايفو بيبدأ من مقاس 3'' لحد 4.5'' على حسب ال setup وال HP المطلوب تعديل العربية ليه

                                نقدر نقول من 450 حصان لحد 1000 حصان وأنا بأتكلم عن الماركات مش الصيني


                                بالنسبة للاسعار HKS وجريدي و AMS ومعظم الشركات الكبيرة اسعارهم متقاربة ابتداءا من 400 لحد 900 دولار على حسب ال HP ability للانتركولر

                                الصيني بيبدأ من 600 جنيه لحد أكبر حاجة بـ 1300 جنيه


                                بعد التغيرات دي كان المفروض نطلع على ال remap لكن الموضوع اتأخر شوية ليه


                                المفاجأة بقى


                                المعلم جاب ECU جديد :)


                                طالبة معاه launch control و Anti lag وحركات

                                نتكلم شوية عن عالم ال ECU علشان تتابعو معايا


                                ال ECU الستوك لاي عربية مهما كان رائع الأداء لكن ليه حدود وحدوده هي آخر المكونات الستوك في العربية بمعنى موتور الايفو ممكن يستحمل لحد 450 حصان بدون rebuild يبقى دي حدوده

                                لكن أنتم هنا بتتعاملوا مع 2 مجانين ايفو :)


                                الهدف 700-800 حصان وحركات من اللي في الرالي !


                                في انواع كتير وشركات كتير بتنتج ECU للايفو منها


                                HKS , Greedy ,AEM , MINES واخرهم واقلهم شهرة RallyART لان امكانياته أقَل من التانيين شوية

                                الاسعار بتبتدي من 950 لل Rally ART لحد 2200 دولار لل AEM وال MINES

                                ال stand alone ECU بيبقى في شوية امكانيات بصراحة جامدة جدا اولها واحلاها ال Anti lag وده اللي بتشوفوه في العربيات الرالي

                                مع كل نقلة العربية تطلع شرار نار من الشكمان

                                ال ECU بيحضر بخار بنزين في الشكمان ومع النقل بيحصل انفجار صغير في الشكمان الانفجار ده بيخلي التربو ميقفش أو دورانه يقل لما تشيل رجلك من على البنزين في النقل ( التربو بيلف بواسطه عادم الشكمان )


                                بس ده ليه اضرار ... بيقصر عمر التربينه لانها بتلف على طول بدون لاج أو تريح

                                لكن النتيجة إن الباور موجود على طول وتسارع خرافي



                                الامكانية التانية هي ال LAUNCH CONTROL



                                كلنا عارفين إن الايفو AWD ولما نيجي نطلع بالعربية من الثبات مفيش أي burn out هيحصل بمعنى إن كل الباور اللي طالع من العربية بينزل على العجل ويتحول لطاقه حركه مباشرة بدون أي فقد واللي ععادة بحصل في ال burn out


                                وده ليه ميزة كبيرة وعيب خطير

                                الميزة إن العربية بتنط لو في سباق من الثبات وبتتفوق على اللي بيسابق معاها لانه ممكن يضيع نص النقلة الاولي وهو واقف في مكانه لسة بينما الايفو تكون جابت 40 ولا 50 كم/ساعة


                                طيب والعيب ؟


                                العيب إن لو الموتور قوي شوية فوق ال400 حصان والات الجر ستوك مش معمولها rebuild الكرونه ممكن تتكسر أو الفتيس يتشرخ من عزم الموتور لو متكسرش هو كمان وبالذات مع وجود طقم دبرياج اجريسيف زي اللي راكب في الايفو دي ...مبيهزرش وكل رزعه والتانية ممكن تكسر وسطك :D


                                طيب الحل


                                يا اما نعمل rebuild للكرونه علشان تستحمل الطلعة من الثبات على RPM عالي أو نشغل ال launch control

                                احنا عملنا الإتنين :)


                                ال ECU بيخلي ال RPM مهما دست بنزين على الاخر وإنت واقف مكانك مايعلاش عن 3500 أو 4000

                                يعني تكون ضارب الداوسه في الارض وإنت واقف في السباق بتحضر للطلعة وال RPM ميزدش عن 4000 RPM

                                وأول ماالعربية تتحرك ويزول تأثير النطة الاولانية القاتل على الات الجار بيفتح ال RPM للاخر على حسب ماإنت ظابط ال red zone لعربيتك وعال فكرة ده بيحصل في اجزاء من الثانيه مجرد ماالعربية تنط ال RPM يكمل للاخر


                                وعلى فكرة في ايفوهات ال red zone فيها بـيوصل 10000 RPM
                                وده بسبب تركيب Stroker kit وده مرحلة تانية احنا ماعملناهاش لكن محطوطة في الخطة ان شاء الله وهنبقى نتكلم عليها واللي بسببها بنعمل كل التعديلات دي كتجهز للمرحلة دي .



                                المهم تركيب الECU سهل جدا بتشيل القديم من الفيش وتركب الجديد لكن طبعا العربية مش هتنطق لان مفيهاش map أو ال map اللي في ال ECU الجديد base مش هتتعمل مع التعديلات اللي في العربية


                                وهنا بقى ييجي التيونر علشان يشوف شغله


                                نكمل المرة الجاية ان شاء الله



                                هنتكلم عن عالم ال REMAP وعملنا إيه مع العربية

                                وممكن قبلها أو بعدها نتكلم عن تعديلات العفشة الشاملة اللي عملناها

                                Comment

                                Working...
                                X