مش عارف السبب فين (ممكن مساعدة)

[devilishtigers]

كل سنة وحضرتكم طيبين بمناسبة رمضان وياريت كدا نشد حلنا في العشرة الاواخر دول
وكل سنة وحضراتكم بخير بمناسبة العيد
معلش انا عندي سؤال وبحثت في القسم ومش لقيت اجابة.
انا النهاردة كنت ماشي على 140 ولما دوست فرامل علشان اهدي لقيت في رعشة في الدريكسيون واضحة (قولت يمكن عادي او بيتهيألي)
جربت تاني لقيت الرعشة فعلا موجودة بجد
انا من شهرين كنت مشيت حوالي 1 ك في طريق مكسر ومش عملت ظبط زوايا او كشف على العفشة بعدها
وبقالي شهر ما ظبتش الهواء اللي في العجل
ولسا ما عملتش صيانة ال 10000 كم وهي عاملة دلوقتي 11500
يا ترى بقى سبب المشكلة ايه.؟؟؟؟؟؟؟؟؟؟؟؟؟؟

[devilishtigers]

مفيش حد عارف حاجة

[M689]

الطنابير عاوزة تتخرط,, عيب معروف في اللانسر طنابيرها ضعيفة ,, لما تغير التيل المرة الجاية قولهم في التوكيل يخرطوا الطنابير و يركبولك التيل الأخضر الناعم بدل الرمادي بيعود اقل بس بيحافظ على الطنابير .

[Ralliart]

الطنابير عاوزة تتخرط,, عيب معروف في اللانسر طنابيرها ضعيفة ,, لما تغير التيل المرة الجاية قولهم في التوكيل يخرطوا الطنابير و يركبولك التيل الأخضر الناعم بدل الرمادي بيعود اقل بس بيحافظ على الطنابير .

+111
لو كنت عملت الصيانه في معادها كانو خرطو الطنابير
روح اعمل الصيانه وابقى قولنا التوكيل نظامه ايه بعد ما اتسحب

[devilishtigers]

+111
لو كنت عملت الصيانه في معادها كانو خرطو الطنابير
روح اعمل الصيانه وابقى قولنا التوكيل نظامه ايه بعد ما اتسحب

بإذن الله بعد العيد هعمل الصيانة
بس مش غريبة الطنابير تبقى عايزة تتخرط وانا لسى هعمل صيانة ال 10000 كم

[M.Nasr]

عملتها معايا قبل كده طالما الرعشة مع الفرامل بس يبقى الطنابير (فيها ريجة ) يعنى عالى وواطى وعايزة تتساوى بالخراطة وفى التوكيل عندهم جهاز بيخرط الطنابير وهى راكبة فى العربية عملتها من سنتين تقريبا فى الرواس اللى فى شارع بورسعيد

[M.Nasr]

بإذن الله بعد العيد هعمل الصيانة
بس مش غريبة الطنابير تبقى عايزة تتخرط وانا لسى هعمل صيانة ال 10000 كم

هى غريبة فعلا
حضرتك غيرت تيل قبل كده؟ المشكلة دى حصلت عندى عشان ركبت تيل مش اصلى

[devilishtigers]

هى غريبة فعلا
حضرتك غيرت تيل قبل كده؟ المشكلة دى حصلت عندى عشان ركبت تيل مش اصلى

انا لسا زي ما هي بكل حاجة
ماعدا اللي كتبته فوق (كان في دماغي انها ممكن تبقى بسبب حاجة منهم)

[ab_1090]

علي فكره المشكله دي بتحصل عشان شوارع مصر الجميله ملاينا تراب وواضح انك يباشا مش بتشحم العربيه كتير او بتشحم وعامل البنزينه بيرشهالك بالزيت من تحت وبيرش معاها الطنابير لان التراب لما بيكون علي الطنابير
وتضرب فرامل يبوز معاك الطنابير والتيل علي طول كانك بتعمل صنفره ليها بالرمله دا راي
وكل سنه وانت طيب

[devilishtigers]

علي فكره المشكله دي بتحصل عشان شوارع مصر الجميله ملاينا تراب وواضح انك يباشا مش بتشحم العربيه كتير او بتشحم وعامل البنزينه بيرشهالك بالزيت من تحت وبيرش معاها الطنابير لان التراب لما بيكون علي الطنابير
وتضرب فرامل يبوز معاك الطنابير والتيل علي طول كانك بتعمل صنفره ليها بالرمله دا راي
وكل سنه وانت طيب

شكرا يا باشا على اهتمامك بس انا مش بغسل عربيتي في بنزينة انا بخلي بتاع الجراج يغسلها. واللي انا اعرفوا ان اللانسر مش بتحتاج تتشحم.

[devilishtigers]

تم عمل صيانة ال 10000 كم وتم الكشف على التكييف والفرامل والهاند بريك وتربيط عفشة.
وتم تغيير زيت موبيل ب 225 (كان نفسي في شيل بس مش لقيت اي بنزينة شيل وانا ماشي)وفلتر ب 50 وتغيير (كف) مرايا يمين ب 85 وميكانيكا وكهرباء ب 155 ضريبة ب 51.75 خصم نايل موتورز 34.25 الاجمالي 535 جنيه.
وبالنسبة للرعشة مع الفرامل قالي عيب الطنابير وقالي لو كدا ممكن يخرط الطنابير وقالي لو بتمشي فوق ال 140 كتير اعملها ولو مشيك لغاية 120 يبقى ممكن تعملها في صيانة ال 20000 ووراني الطنابير بتتعملها خرط ازاي في الورشة فقررت اعملها في ال 20000 .
وكان في صوت تزييق في وانا ماشي قولتلهم عليه ولسه الصوت زي ما هو.
شكلي هروح وارخم عليهم تاني.

[wael2sh]

مش داخلة دماغي الال طنابير ممكن تبوظ على 10 أو 20000 كم
بس عاوز أعرف إيه المشكلة
لما ترجع من التوكيل قلنا المشكلة كانت إيه؟

[wael2sh]

معلش أنا آسف مكنتش قرأت ردك
بس ليه هتستنى lel-20000 ميخرتهالك دوقتي

[devilishtigers]

معلش أنا آسف مكنتش قرأت ردك
بس ليه هتستنى lel-20000 ميخرتهالك دوقتي

قولت اعملها لما اجي اعمل صيانة ال 20000 يمكن اغير التيل لو احتاج خصوصا اني لاقيته ب 500 جنيه.
وانا كل فين وفين لما اعدي ال 140 لما بروح اكتوبر وغير كدا كل المشاوير داخل القاهرة.

[M!SHO]

ألف مبروك وعقبال ال 100 ألف على خير ان شاء الله

بس عملت الصيانه فين ؟؟

والأسعار غليت ولا أنا متهيألى