مش عارف السبب فين (ممكن مساعدة)

[devilishtigers]

ألف مبروك وعقبال ال 100 ألف على خير ان شاء الله

بس عملت الصيانه فين ؟؟

والأسعار غليت ولا أنا متهيألى

انا اسف والله على التأخير بس النت عندي ما كنش قادر يفتح اي صفحة
الله يبارك في حضرتك وفعلا انا حاسس ان الاسعار غليت (المهندس قالي تيل فرامل ب 500 جنيه) والصيانة انا عملتها في قليوب.
بس شكلي هروح تاني علشان الفرامل عندي مش عجباني. لو خرط الطنابير هيجيب نتيجة وهو السبب هعملها. ولو التيل هغيره.
معلش سؤال صغير هو انا لو هغير التيل لازم بردو يخرط الطنابير.؟؟؟ ولما اغير التيل اغيره ل sumitomo الاخضر مش كدا.؟؟؟؟؟

[tarek250]

السلام عليكم
ان شاء الله بسيطة كما قال الاخوة الافضل دة عيب طنابير لازم الطنابير تتمس بالمخرطة+ زبط زويا+ترصيص عجل +ظبط هواء العجل +مع مراجعة كاملة للعفشة وان شاء الله هتظبط العربية

[M!SHO]

انا اسف والله على التأخير بس النت عندي ما كنش قادر يفتح اي صفحة
معلش سؤال صغير هو انا لو هغير التيل لازم بردو يخرط الطنابير.؟؟؟ ولما اغير التيل اغيره ل sumitomo الاخضر مش كدا.؟؟؟؟؟

ولا يهمك يا باشا

هى غريبه حكاية خرط الطنابير بعد 10000 كم خصوصاً أن التيل أصلى

واللى أعرفه أن التيل لو ناشف ( غالباً مش أصلى ) هو اللى يبوظ الطنابير

الأفضل أن حضرتك تغير الطنابير طالما عملت عالى وواطى

ولو مفيش امكانيه أخرطهم ( كفايه سعر التيل )

وفى الحالتين هتضطر تغير التيل وفيه نوعين فى التوكيل بس أسمع أن الأخضر أحسن

[M.Nasr]

انا شايف انك تخرط الطنابير احسن قبل ماتغير التيل وتخليهم يكشفولك على تربيط العجل والعفشة عشان المشكلة ماتزدش اكتر من كده

[darkangel007]

السببين الرئيسين لموضوع الطنابير دة
نوعية تيل مش نضيف
او
العربية بتتغسل كتير بعد ما ترجع من مشوار فالطنابير بتبقى حرارتها عالية جدا فايجى ماية ساقعة عليها فتآدى لاعوجاجها
فا حاول متغسلش العربية كتير فى الجراج بتاعك و هيا لسة راجعة سخنة!
عموما الطنابير سعرها
350 كورى
450 يابانى
دة من برة التوكيل طبعا
و كف مراية زى الاصلى ب 25 :)

[devilishtigers]

ولا يهمك يا باشا

هى غريبه حكاية خرط الطنابير بعد 10000 كم خصوصاً أن التيل أصلى

واللى أعرفه أن التيل لو ناشف ( غالباً مش أصلى ) هو اللى يبوظ الطنابير

الأفضل أن حضرتك تغير الطنابير طالما عملت عالى وواطى

ولو مفيش امكانيه أخرطهم ( كفايه سعر التيل )

وفى الحالتين هتضطر تغير التيل وفيه نوعين فى التوكيل بس أسمع أن الأخضر أحسن

هو التيل اصلي
بس العربية كانت مركونة فترة كبيرة والمشي بيها قليل يمكن دا السبب..؟؟؟؟؟؟

انا شايف انك تخرط الطنابير احسن قبل ماتغير التيل وتخليهم يكشفولك على تربيط العجل والعفشة عشان المشكلة ماتزدش اكتر من كده

والله انا لما اروح التوكيل هشوف هما هيعملوا ايه.
انا المهندس قالي انها من الطنابير وانها عايزة خرط علشان بيبقى في ساعات تراكم تراب مع المياه ساعة غسيل العربية فدا بيعمل..... كلام كدا مش فهمه.