نداء الى خبراء لانسر بومة

[elbaz18]

السلام عليكم ورحمة الله وبركاتة
أنا كنت فى قسم كماليات السيارات والاكسسوار ولقيت موضوع مفتوح بخصوص كاسيت ووش كاسيت اللانسر بومة لكن للأسف الردود قليلة و لايوجد بها اى افادة لذلك قررت ان ائتى بلينك الموضوع لخبراء اللانسر وارجو منكم الافادة لاهمية الموضووووع وراجو منكم افادتنا بكيفية الحصول على الكاسيت الموجود فى الرد ووش الكاسيت ايضا ونشكر الجميع للتعاون و المجهود

http://www.nilemotors.net/Nile/174950-double-din.html

[elbaz18]

اية يا جماعة 42 مشاهدة ومفيش ولا رد فى الموضوعين لية هو انا بسأل عن الفنكوش ولا أية
يا جماعة زى مانتوا شايفين الكاسيت شكلة هو والوش جامدييييييين موت ياريت نحاول ندور ونتابع لغاية ما نوصل للكاسيت دة

[elbaz18]

ياجماعة بقت 80 مشاهدة ومفيش ولا رد واحد لية كدة اليأس دة
الصور بتاعة التابلوة والكاسيت شكلها جااااااااااامد موووت بجد لازم نلاقية بس ياريت محاولات وبلاش يأس
ياريت ردود اعضاء المنتدى الكرام

[Ralliart]

بص يا باشا انا قتلت الموضوع بحثاً ووصلت لان الوش ده علشان تجيبه لازم تجيبه من على النت وبيكون غالي (اكتر من 500 جنيه) لانه متشال من ايفو
يا اما تعمله عموله عند واحد بتاع فيبر ويرشه ويظبطه وممكن يطلع احسن من الاصلي كمان
وبعدين بتنزل تشتري مفاتيح التكيف بالوش الـsingle din (او تقطع الوش القديم بتاعك) وتعمله على قد الحته اللي تحت الفاضيه اواللي بيبقى فيها السي دي
وتنقل المفاتيح تحت ويبقى عندك فوق مكان تركب dvd player وكل اللي نفسك فيه

[Ralliart]

وعلى فكره في واحد عارض الوش ده للبيع على المنتدى

http://www.nilemotors.net/Nile/members/3276.html

ممكن تبعتله رساله عالخاص
ويا ريت لو اشتريته تقولنا علشان عايز اوديه عند واحد بتاع فايبر ياخد مقاسه ويعملهولنا

[Ralliart]

لقيت حاجات ارخص على الـe-bay
lancer double din items - Get great deals on eBay Motors, Electronics items on eBay.com!

[elbaz18]

بجد الف الف شكر ليك انا كنت فقدت الأمل ان حد يرد عليا وكنت حسيت انى بسأل عن الفنكوش بس بجد مشكووووور جدا على تعبك واهتمامك بالموضوع اصل فعلا الشكل زى مانت شايف طالع تحفة ومخلينى هتجنن بس:
الكاسيت اللى فى الصورة دة هو اساس الليلة بمعنى انى هعمل كل دة مخصوص علشان اركب الكاسيت اللى فى الصورة لكن المصيبة بئة اجيب الكاسيت دة منين اية رأيك فى شكلة بجد جااااااااااااااااامد
انا عارف انك تعبت معايا بس يارب نعرف نوصل للموضوع دة ونعملة مع بعض دة هيخلى شكل صالون العربية تحفة وياريت مساعدة الاعضاء ومحاولة البحث

[Ralliart]

يا باشا انا تحت امرك وانا بقالي كتير نفسي اعمل زي الصوره دي وسألت عنها توكيل شاشات في المنتدى وللاسف ملقتش رد

http://www.nilemotors.net/Nile/172010-gps-dvd-tv-radio-bluetooth-ipod-usb-sd-card-touch-screen-4.html

ووصلت ان الصوره دي الوش معمول فيبر وجايب شاشه dvd وفاكك الوش بتاعها ومركبه في الوش الفايبر بس باحترافيه رهيبه
وانا عارف واحد بتاع فايبر بس معرفش حد بتاع كاسيت يجيبلي واحد زيه يكون من غير زراير ويطلع السي دي عن طريق السوفت وير مش بزرار لان صعب اعمل زرار فايبر
انما لو كنت عايز اعملها كده

دي سهله وهي عن طريق الوش العادي والجهاز اللي راكب ده يعمله في حدود 3000 جنيه بس المشكله ان شكله وحش

[Ralliart]

وعلى فكره مفاتيح التكيف في الصوره دي


هي مفاتيح ميتسوبيشي جالانت قديمه ودي الوحيده اللي بتنفع مع اللانسر وحجمها single din من غير ما تقطعها بتركب بس ملقتهاش في الحرفيين وهي موجوده على النت بس كده التكلفه هتعلى وهيبقى الموضوع مش مستاهل

[wisheey]

أنا عندي الوش دة وعايز أبيعو ..... كلمني 0100216021

[mr_vampire]

أنا عندي الوش دة وعايز أبيعو ..... كلمني 0100216021

عايز فيه كام ياباشا. وياتري عندك الكاسيت كمان ولا ايه ؟؟؟؟؟؟؟؟؟؟

[wisheey]

500 جنية ...ومعنديش كاسيت ....شكرا ..

[elbaz18]

اخيراا الموضوع نال الاهتمام من بعض الاعضاء الحمد للة يارب نتايج تكون مفرحة
لكن العضو Ralliart
اية الجمال دة كلو يا باشا دة انت واللهى طلعت استاذ بجد كدة تمام انت دارس الموضع كويس قوى ممتاز يارب نحاول نساعد بعض للوصول للنتيجة المطلوبة
لكن انا ملاحظ حاجة يا باشا لو ركزنا فى الكاسيت الجامد اللى فى الصورة هنلاقى علامة متسوبيشى فى الشاشة معنى كدة يا باشا ان دى مش شاشة دى فى دى عادية وحد شايل الفريم بتاعها ومخلى الشاشة بس ومركبها على الوش
لكن هنلاقى ان دى متصممة كدة يعنى دى اساسا شاشة خاصة بالمتسوبيشى لانسر والموديل دة كمان ودة شكلها مش ملعوب فيها وجاهذة على التركيب على طول على الوش دة لكن السؤااااال فييين الشاشة دى اللى فيها علامة المتسوبيشى كدة

[Ralliart]

لا يا باشا دي سهله هو لاعب في السوفت وير وحاطط علامه ميتسوبيشي
والشاشات الاصليه بتاعت ميتسوبيشي السوفت وير بيكون شكله مختلف خالص وبيكون نوعها روكفورد ودي منزلتش للانسر بومه خالص
هي ممكن يكون مصنع صيني وعامل منها جاهز للانسر بس اكيد كانت هتنتشر وصورها هتغرق النت
المرحله الجايه هحاول اراسل الشركات بنفسي يمكن يرضو يعملو منها

[M!SHO]

أنا نفسى أعمل الحوار ده بس مستنى لما العربيه تقدم شويه ( عشان اللعب كتير )

بس عايز الشاشه ديه