إعـــــــلان

Collapse

.

,
See more
See less

تعبان نفسيا من اللانسر .......ممكن تساعدونى

Collapse
X
 
  • Filter
  • الوقت
  • Show
Clear All
new posts

  • تعبان نفسيا من اللانسر .......ممكن تساعدونى

    انا كنت الاول معايا كورولا 2003 اوتوماتيك والعربيه بتاعة مامتى وكنت واخدها وبروح بيها الجامعه وكل مكان مؤقتا لحد ما اجيب عربيه جديده
    المهم كان واحد صاحب بابا معاه لانسر سوبر اكشن مو 2007 وكانت عامله 10الف كم بس وقعدت معاه 4 شهور تقريبا بس وقرر يجيب اوكتافيا a5 علشان بيقول عجبته والمانى وعائلى وكده المهم بابا قالى اشترى العربيه بتاعاته ودى فرصه وزى الزيزو وافقت على طول طبعا دى فرصه المهم ركبت العربيه وفى الاول كنت مبسوط بحكايه الشد بتاعاها لانها 1600سى سى يعنى بتسحب اكتر من التويوتا بتاعة مامتى ولكن ما عداش ايام قلائل وبدات اكره العربيه بجد حسيت بفرق كبير بينها وبين التويوتا
    العيوب:
    اولا:
    قالوا عنها ثابته بصراحه هيا فعلا كدا بس انا مش معترف بكده لما تبقى ماشى على 160 مثلا وفى الطريق منطقه مش متسفله صح تلاقى العربيه طارت من فوقها ووتحس كدا كانك هتفقد السيطره ع العربيه دا غير العربيه طول الطريق عماله تتنطط ع الطريق لان طرق مصر مش متسفله صح واى زلطه او اى شىء فى الطريق هتحس بيه عكس التويوتا
    ثانيا:
    صوتها عالى جدا وبتخنق منه قوى وخصوصا فى الشد اول ما اشد الاقى الناس اللى فى اخر الشارع سمعته وبيبصوا ع العربيه وكمان على السرعات العاليه بحس بتسرب عالى جدا للهواء داخل العربيه مش عارف فين العوازل بقا؟؟؟؟؟
    ثالثا:
    خشنا جدا ع المطبات بيقولوا علشان العفشه رياضيا بس مكانش المفروض يخشنوها للدرجه دى كدا انا مش راكب ملاكى انا اكتشفت ان التويوتا دى عربيه كنزه باخد المطب على 120 عادى جدا اما الللانسر على 20 يبقى هتتعب قوى وهتطير من فوق المطب وهتحس بكل تفاصيل المطب
    رابعا :
    بحس بصوت الكوتش وانا ماشى مش عارف دا ليه دا عيب فى العربيه عامة ولا عندى بس الله اعلم خصوصا ان ركبت عربيه واحد صاحبى وسوبر اكشن برضه وسمعت نفس الصوت مش معقول احنا الاتنين محتاجين تغيير بليه والعربيه لسه جديده
    خامسا :
    التكيييف وحش جدا بجد فى اللانسر
    التويوتا والله على اقل سرعه والعربيه بتبرد بسرعه انما اللانسر مش فاهم يعنى ايه المشكله
    سادسا :
    الفرامل مش قويه والتويوتا اقوى وبكتييير كمان
    سابعا :
    نورها مش قوى وهيتعبك بليل الواطى هو كويس انما العالى بتاعها مش عالى قوى عكس التويوتا الواطى بتاعها واطى قوى زياده عن اللزوم وبرضه العالى العكس عالى قوى زياده عن اللزوم

    --------------------------الخلاصه بجد انا عرفت وتاكدت ان الكورولا تستاهل فرق السعر الاعلى من اللانسر اللى الناس بيقولولى عليها غاليه على الفاضى محدش هيحس بقيمتها اللى ما يركبها حد موضوع الثبات اللى بتتكلموا فيه عنها مبالغ فيه قوى وثباتها مش سىء ولكن وسط واللى مش عجبه ثباتها ممكن يركب جنوط اكبر ويوطيها حبتين انا طبعا بتكلم عن الموديل القديم انما الجديد ثابت تمام ما شاء الله


    ----------------اخيرا يا جماعه ممكن اسمع ارائكم واحب حد يساعدنى عن رايككم بالرينو ميجان غير حكايه ان صاجها صعيف ممكن تقولوا ايه رايكم فيها بكل حياديه وعاوز اعرف ليه سعر المستعمل فيها بينزل الارض ليه؟
    وشكرا على متابعتكم

  • #2
    نسيت اضيف ان الباور بتاعها سىء جدا وغير مرن وبالزات وانت بتلف فى منطقه ضيقه عكس التويوتا طبعا اللى باورها افضل بكتير وكمان الدريكسيون تقيل قوى
    وشكرا وانتظر ردكم

    Comment


    • #3
      ----------------اخيرا يا جماعه ممكن اسمع ارائكم واحب حد يساعدنى عن رايككم بالرينو ميجان غير حكايه ان صاجها صعيف ممكن تقولوا ايه رايكم فيها بكل حياديه وعاوز اعرف ليه سعر المستعمل فيها بينزل الارض ليه؟
      وشكرا على متابعتكم
      طبعا انا اوافقك في قولته تماما

      اما بخصوص الجزئية الاخيره فده اللي هرد عليه
      الميجان عربيه كويسه جدا
      ولكن يعيبها عيوب مش اي حد بيرضى بهذه العيوب

      اولا اسعار الصيانة بتاعتها واسعار قطع الغيار مع قلة عمرها الافتراضي
      وزي ما بقول لكل واحد
      شوف الكورولا بعد الــ100 الف كيلو اتصرف عليها كام وعملت كام مشكلة
      وشوف الميجان صرفت كام وحصل منها كام مشكلة وانت صدقني هتعرف العربيه سعرها مستعمل بينزل ليه جامد كده
      [SIZE="5"][CENTER][COLOR="Teal"][SIZE="4"]عن أبي هريرة قال :[/SIZE][/COLOR]
      [COLOR="Olive"]قال رسول الله صلى الله عليه وسلم :[/COLOR]
      [COLOR="Purple"]إذا قال الرجل لأخيه :جزاك الله خيرا ، فقد أبلغ في الثناء[/COLOR][/CENTER][/SIZE]

      Comment


      • #4
        موضوع الميجان هتلاقيه هنا بالتفصيل



        اما اللانسر, مش هقدر افيد, لكن ملاك السيارة هما اللى يقدروا يردوا على النقط دى
        [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

        Comment


        • #5
          أنا معايا لانسر1300 وحاسس إنك بتتكلم عن عربية تانية وبالذات إنى سقت تويوتا كورولا عدة مرات..
          الفرق أقل من اللى بتقوله بكتيييييير، وأعتقد إن حبك للسيارة القديمة مأثر على شعورك بالجديدة
          وجايز تكون الرياضية دى مواصفاتها.. صوت عالى وعفشة خشنة..
          جرب تركب العادية

          وبخصوص الرينو : عربية زى الفل وتوكيل محترم
          للى يقدر يصرف عليها وميهموش أنه يخسر فى إعادة بيعها
          [CENTER][aldl]http://www.jewelsf.com/up/uploads/542f6eee3a.gif[/aldl]
          [/CENTER]
          [CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
          [CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
          [CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
          [/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]

          Comment


          • #6
            اعتقد ان دة حاجة طبيعية لأن الكورولا بجد عربية ناعمة بطريقة رهيبة و مريحة جدا و انا عارفها لأنها مع عمى

            بالنسبة للميجان عربية تحفة بجد بس اسعار الصيانة و قطع الغيار عالية و احسنلك تشتريها كسر زيرو انت الى كسبان فى الأخر و سعرها فى المستعمل نازل كدة علشان الأشاعات الكتيير الى طلعت عليها :(
            [CENTER]الحمد لله[/CENTER]
            [CENTER] [/CENTER]
            [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

            Comment


            • #7
              بجد شكرا ليكم على ردكم واهتمامكم
              يا دكتور احمد انا اعارف مسالة العفشه الخشنه دى واضحه جدا فى السبور ولانسر العاديه اقل خشونه منها ولكن شفت بقيت العيوب اللى زكرتها وانا متاكد منها 100% لان اللى بيركب سياره بالايام هو اللى يقدر يحكم عليها مش اللى ساقها على الماشى بس بجد حاسس الفرق مش بسيط بين الكورولا واللانسر زى ما حضرتك بتقول انا مثلا جبت بسياره الوالده الكورولا 1300 سى سى اوتوماتيك 182كم وكمان عندى صوره للعدادا ع السرعه دى انما اللانسر 1300 الناس اللى معاهم منها بيقولوا اخرها 165 وكمان التكييف بياثؤ قوى على سحبها وطلعتها ........بجد انا حزين واعتقد اللانسر خيبت امالى
              ومستنى اسمع بقيت ارائكم فى المنتدى

              Comment


              • #8
                وبعدين يا اخ فهد ممكن تقولى ايه الاشاعات اللى على الميجان؟
                وميرسى قوى ليك ع اهتمامك

                Comment


                • #9
                  اشاعات عن الكمبيوتر بتاعها انة بيبوظ و بيخرف و ان العربية كلها فعلا الكترونية زيادة فا الناس خايفة من الحكاية دية و كمان اشاعات انها كل شوية تعطل و كمان لأن قطع غيارها غالية و الصيانة غالية
                  [CENTER]الحمد لله[/CENTER]
                  [CENTER] [/CENTER]
                  [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

                  Comment


                  • #10
                    اولا:
                    قالوا عنها ثابته بصراحه هيا فعلا كدا بس انا مش معترف بكده لما تبقى ماشى على 160 مثلا وفى الطريق منطقه مش متسفله صح تلاقى العربيه طارت من فوقها ووتحس كدا كانك هتفقد السيطره ع العربيه دا غير العربيه طول الطريق عماله تتنطط ع الطريق لان طرق مصر مش متسفله صح واى زلطه او اى شىء فى الطريق هتحس بيه عكس التويوتا
                    طب مهو برضه انت شايف الطريق وحش تقوم تجيب 160 عليه ماهو اجدع عربيه لازم تعوم منك في لمناطق دي .
                    حكايه اي زلطه تحس بيها و دا لان عفشتها رياضيه وبتفضل الثبات علي حساب الراحه.
                    ثانيا:
                    صوتها عالى جدا وبتخنق منه قوى وخصوصا فى الشد اول ما اشد الاقى الناس اللى فى اخر الشارع سمعته وبيبصوا ع العربيه وكمان على السرعات العاليه بحس بتسرب عالى جدا للهواء داخل العربيه مش عارف فين العوازل بقا؟؟؟؟؟
                    ماهو اي عربيه بتشد بيها لازم صوتها يعلي و لا انت عاوز لفت الموتور تزيد و صوت العربيه يفضل هادي وبالنسبه للعزل فاكيد دا مقصود علشان يحسسك بالطابع الرياضي للعربيه.
                    ثالثا:
                    خشنا جدا ع المطبات بيقولوا علشان العفشه رياضيا بس مكانش المفروض يخشنوها للدرجه دى كدا انا مش راكب ملاكى انا اكتشفت ان التويوتا دى عربيه كنزه باخد المطب على 120 عادى جدا اما الللانسر على 20 يبقى هتتعب قوى وهتطير من فوق المطب وهتحس بكل تفاصيل المطب
                    نفس رد اولا !!!!!!!

                    رابعا :
                    بحس بصوت الكوتش وانا ماشى مش عارف دا ليه دا عيب فى العربيه عامة ولا عندى بس الله اعلم خصوصا ان ركبت عربيه واحد صاحبى وسوبر اكشن برضه وسمعت نفس الصوت مش معقول احنا الاتنين محتاجين تغيير بليه والعربيه لسه جديده
                    ممكن يكون صوت الكاوتش عالي و دا بيرجع لنوعيه الاطار نفسه ما الياريس عندي صوت الكاوتش برضه عالي بس مش للدرجه المزعجه .
                    خامسا :
                    التكيييف وحش جدا بجد فى اللانسر
                    التويوتا والله على اقل سرعه والعربيه بتبرد بسرعه انما اللانسر مش فاهم يعنى ايه المشكله
                    ما جربتوش بصراحه بس ركبت عربيه الدكتور احمد عبد الغني و الاستاذ اسلام شاهين و الاستاذ اسلام المصري(1600) و كان التكييف كويس لكن بيأثر علي السحب او لاء ف دي ما اعرفهاش .

                    سادسا :
                    الفرامل مش قويه والتويوتا اقوى وبكتييير كمان
                    الفرامل مش قويه علي سرعه كام؟؟
                    ماهو ما تبقاش ماشي 160 و تقول الفرامل مش قويه برضه
                    انا جربت اللانسر ال1600 سبور من كام يوم و كانت لسه جديده زيرو و ما حستش باي ضعف في الفرمله .
                    و احتمال يكون التيل بتاعك بيودع ما انت ما تعرفش اللي قبلك كان بيستعمل الفرامل ازاي
                    ممكن برضه يكون بيشد و يجري و يدوس فجأه و دا بيقلل من عمر اللتيل.
                    سابعا :
                    نورها مش قوى وهيتعبك بليل الواطى هو كويس انما العالى بتاعها مش عالى قوى عكس التويوتا الواطى بتاعها واطى قوى زياده عن اللزوم وبرضه العالى العكس عالى قوى زياده عن اللزوم
                    مفيش عربيه جديده نورها وحش حتي لو عربيه معموله تحت بير السلم !
                    و انت في التوكيل خليهم يضبطوا النور يمكن يكون عاوز يترجلش او حاجه,
                    يا راجل انا معايا سويفت 93 و نورها لما بيشتغل بيبقي الطريق ضهر قدامي .

                    اخيرا يا جماعه ممكن اسمع ارائكم واحب حد يساعدنى عن رايككم بالرينو ميجان غير حكايه ان صاجها صعيف ممكن تقولوا ايه رايكم فيها بكل حياديه وعاوز اعرف ليه سعر المستعمل فيها بينزل الارض ليه؟
                    وشكرا على متابعتكم
                    شكلكك كده من الناس اللي بتتلكك للعربيه:)
                    و اقدر اقولك لو حتغير هات كورولا و بلاش الميجان خالص لانها عاوزه معامله خاصه شويه علاه علي قطع لغيار الغاليه
                    و زي الاستاذ ابو عبد الله ما قالك شوف بعد ال 100 الف كيلو اللي معاه ميجان صرف كام و اللي معاه كورولا صرف كام ؟؟؟

                    Comment


                    • #11
                      كلامك صحيح فعلا
                      بالنسبة لصوت الماتور فهو أعلى من الكرولا
                      و بالنسبة لصوت الهواء فهو واضح جدا بسبب قلة العوازل
                      وصوت الكاوتش مزعج لأن نوع الكاوتش اصلا مزعج
                      التكييف كان وحش من اسبوعين فقط اما الآن فهو جيد لأن العيب كان في نقص الفريون والراجل قاللي ان كل موديلات 2007 فيها العيب ده
                      طبعا العفشة ناشفة جدا جدا عشان العربية اوطى من الكرولا
                      الفرامل بتديك احساس انها مش قوية عشان مشوار البدال لكن بصراحة بالترجبة لقيت ان فرامل اللانسر احسن :
                      الكرولا من 100 الى 0 تتوقف في 40 متر اما اللانسر من 100-0 تتوقف في 38 متر
                      ده غير ان بوز العربية لما تيجي تفرمل جامد ما بيطلعش لقدام زي الكرولا و ما بتعومش من ورا
                      نيجي للباور هو اتقل فعلا بس ده بيدي feedback احسن على السرعات العالية
                      النور كويس
                      من الآخر كده هل الكرولا احسن من اللانسر عشان شوية الحاجات دي
                      بالتأكيد لا اللانسر عندي احسن من الكرولا بمراحل وكنت حندم فعلا جدا لوجبت الكرولا لأن هي فعلا ما تستاهلش فرق 30 الف!!!
                      [shr71=http://pic.phyrefile.com/2007/10/20/jtte2o.gif]TG[/shr71]

                      Comment


                      • #12
                        شكرا يا استاذ حازم على ردك
                        بس انا لم قولت فراملها ضعيفها وعزلها والامور دى انا بقارنها بالكورولا يعنى الكورولا اقوى فى الحاجات دى انما يمكن تكون اللانسر افضل من عربيات تانيه كتير
                        وبعدين انا ما قلتش انها بتعوم لا هيا ما شاء الله مش بتعوم ولا حاجه حتى فى الرياح الشديده ثبات جميل ومتميز زكمان احسن من الكورورلا بمراحل وفرق السما عن الارض كمان انما انا اقصد انها حساسه شويه يعنى اى تفاصيل فى الطريق بتحس بيها بسرعه ودا طبعا علشان موضوع العفشه الرياضيه ودى مش هنعتبرها مشكله
                        وبالنسبه لتيل الفرامل العربيه عامله دلوقتى 17 الف وانا مغيرها من 15 الف لما لقيتها بتصفر ومش بتمسك جامد
                        على فكره يا جماعه ممكن كل الحاجات دى اقبلها عادى فى العربيه واعتبرها امور عاديه وبسيطه لان مفيش عربيه تخلو من العيوب
                        بس بجد نفسى فى حل لشيئين
                        (1) ازاى ازود من عزل السياره للهواء وصوت الموتور اكتر .........فيه طرق ممكن اعملها
                        (2) صوت اللى بسمعه من الكوتشات .......اغير الكوتشات يعنى ولا اغير الجنوط ولا اعمل ايه ولو غيرت اجيب نوع ايه

                        ..........بجد لو العيبين دول اتحلوا العربيه هتبقى ملهاش حل خصوصا الشد بتاعاها اللى بيخلينى اشد مع اى حد وبثقه انا دايما بسمع انها من صفر الى 100 فى 13 ثانيه وجربت فعلا وكان برضه 13 انما لما عملت ds بجد العربيه جابتها فى 10 ثوانى بالظبط وعندى فيديو كمان وانا بشد من صفر الى 100 علشان اللى مش مصدق
                        بالنسبه لسرعتها القصوى هى تتراوح من 190 الى 200 حسب اتجاه الرياح وحالة العربيه وقتها مثلا الزيت والحوارات دى وبجربها اكتر من مره على طريق العين السخنه
                        وشكرا على تفاعلكم معى واحب اسمع ردكم

                        Comment


                        • #13
                          حضرتك لو عايز صوت الكاوتش يروح
                          يبقى حتجيب كاوتش 185/70 R15
                          و بالنسبة للنوع هات كاوتش عادي مش performance
                          ممكن toyo

                          Comment


                          • #14
                            مبرسى على ردك يا استاذ نو بودى بس الكورولا 2003 اللى بتكلم عنها دى كانت اسبيشل اورد فيها abs وفتحة سقف و2 airbags علشان كدا ما ينفعش تقار ن كورولا العاديه اللى مفهياش abs باللانسر لان الكورولا اللى فيها abs فراملها اقوى وبكتير كمان جدا من العاديه ودى عن تجربه عمليه ومسالة انها ما تستاهلش تدفع فرق 30 الف بصراحه وجهات نظر انما انا شايف ان الجديده تستاهل فعلا وخاصة الافريقيى علشان فيها options اعلى من اليابانى وموتورها اقوى كمان واثبت من الشكل القديم وبجداره انما الصراحه شكلها من وراء محتاج تعديل اعتقد بالسبويلر بيبقى شكلها الطف شويه
                            وشكرا يا استاذ nobody

                            Comment


                            • #15
                              يا استاذ احمد ازا ى مقاسها الاصلى 195 واركب 185 الناس بتركب كاوتش اعرض وانا اعمل العكس طبعا صعبه يعنى الكاوتش بيعمل كدا علشان performance?????

                              Comment

                              Working...
                              X