If this is your first visit, be sure to
check out the FAQ by clicking the
link above. You may have to register
before you can post: click the register link above to proceed. To start viewing messages,
select the forum that you want to visit from the selection below.
--------------------------الخلاصه بجد انا عرفت وتاكدت ان الكورولا تستاهل فرق السعر الاعلى من اللانسر اللى الناس بيقولولى عليها غاليه على الفاضى محدش هيحس بقيمتها اللى ما يركبها حد موضوع الثبات اللى بتتكلموا فيه عنها مبالغ فيه قوى وثباتها مش سىء ولكن وسط واللى مش عجبه ثباتها ممكن يركب جنوط اكبر ويوطيها حبتين انا طبعا بتكلم عن الموديل القديم انما الجديد ثابت تمام ما شاء الله
----------------اخيرا يا جماعه ممكن اسمع ارائكم واحب حد يساعدنى عن رايككم بالرينو ميجان غير حكايه ان صاجها صعيف ممكن تقولوا ايه رايكم فيها بكل حياديه وعاوز اعرف ليه سعر المستعمل فيها بينزل الارض ليه؟
وشكرا على متابعتكم
انت قلت الخلاصة.....
يعني بلاش بقي تفكر في ميجان او غيرة....ما دام الكورولا عاجباك...هاتلك واحدة وريح دماغك...ممكن تبيع اللانسر ايلي معاك...وتزود عليها شوية وتجيب كورولا 1600 موديل 2006 او 2007...كدة هايبقي الفرق بسيط...وهاتعجبك جدااا....موتور اقوي من الكورولا الـ 1300 واوتوماتيك وسحب سريع ونفس نعمومة الكورولا ايلي انت مستريحلها....
عيب اللانسر انها تحسسك انها عملية زيادة عن اللزوم..يعني تقريبا مافيش اي مظاهر رفاهية داخليا او خارجيا..تحسسك ان صناعها كانو بيصنعوها و هدفهم الوحيد ضغط النفقات..فانسى العزل و الراحة و الكلام ده..الكرولا و الحق يقال على الرغم منن كرهي لشكلها لكن ففيه فرق كبير بينها و بين اللانسر..لما تركب الكرولا بعد اللانسر تحس ان خامات الصالون في الكرولا اعلى..كراسي اكبر و اكثر راحة..صوت موتور مريح للاعصاب..عفشة ملفته من حيث النعومة ..دركسيون يحسسك انه بيساعدك فعلا..
الميجان بقى قصة تانية..دي حاجة كدة ملزوقة بصمغ في الارض..عربية ثابتة بشكل مستفز..انا ببقى ماشي على 170 مثلا و حاسس ان الدنيا حواليا ماشية بالتصوير البطيئ!طبعا من ناحية الكماليات و الراحة و الرفاهية مافيش زي الميجان.
الي قاللك ان الميجان صاجها ضعيف ده عمره ما حط رجله فيها..كل الي هاقولهولك انك تنزل من لانسر او كرولا و تركب ميجان..وتشوف الفرق في قوة و ثقل باب الميجان..ممكن كمان تلاحظها بالنقر على باب الميجان..واساسا مع احترامي يعني الكلام عن تخن الصاج ده كلام موضة قديمة و الناس بره مابيبصوش للكلام ده..المهم شاسيه العربية بيمتص الصدمة ازاي و نقاط الانهيار في العربية الخ
Tyler_durden سابقا
المشكلة ليست في إيجاد رئيس محترم و يخاف الله في شعبه ... المشكلة في إيجاد شعب محترم يعمل له رئيسه ألف حساب
لإن صحابي واحد معاه كوكو 1300 أوتو والتاني لانسر صبااااااح الفرق في النعومة والقعدة كنا مرة راجعين من إسكندرية وماسكين الصحراوي -وطبعا إنتو عارفين الطريق مش نضيف أوي- وماشي على 150 تحس إنك ماشي على سحابة من نعومتها أما اللانسر بحس بكل صغيرة وكبيرة في الطريق ودي يرجع لسببين أولهم العفشة الناشفة وسانيا العفشة صوتها عالي جدا يعني بتحس بكل حاجة تحتك وإنتا ماشي
بس في نقطة مهمة برضه إنتا نسيت تضيفها ألا وهي إستهلاك البنزين الكبييييييير
والصراحة الحق يقال تكيييف العربية مش وحش ومحستش بفرق بينه وبين الكوكو
معلش انا حاسس انك متحامل على اللانسر شويه و كل اللى انت بتشتكى منه فيها هيا العفشة و ده شئ طبيعى علشان عفشة التويوتا ناعمة بطريقة فظيعة بس ده على حساب الثبات
عاوز عفشة ناعمة من غير ثبات خليك فى التيوتا عاوز عربية ثابتة بس بتحس بالمطبات يبقى خليك فى اللانسر
كل المرات اللى ركبت فيها الكورولا حسيت أنها ناشفة وحاسس بالمطبات تقريبا زى الانسر وسامع الصوت الخارجى تقريبا زى الانسر وسامع صوت الموتور لكن أقل من الانسر وقوة التكييف هى هى والباور الفارق لا يمثل إشكال
يعنى لو فيه فرق لا يتعدى كونه بسيط وليس ظاهرة كما تقولون
[CENTER][aldl]http://www.jewelsf.com/up/uploads/542f6eee3a.gif[/aldl]
[/CENTER]
[CENTER][COLOR=Blue]وأقم الصلاة طرفي النهار وزلفا من الليل إن الحسنات يذهبن السيئات ذلك ذكرى للذاكرين[/COLOR] [/CENTER]
[CENTER] [FONT=Tahoma][COLOR=darkslateblue][B][SIZE=4][SIZE=2]Dr Ahmed Abdelghany[/SIZE][/SIZE][/B][/COLOR][/FONT][/CENTER]
[CENTER][SIZE=4][B][FONT=Tahoma][COLOR=darkslateblue][SIZE=2]ENT,H&N consultant - Benha University
[/SIZE][/COLOR][/FONT][/B][/SIZE][SIZE=5][COLOR=Purple]my website: [url]www.drahmedclinic.com[/url][/COLOR][/SIZE][/CENTER]
بص انا معايا لانسر بقالى تقريبا 3 اسابيع وعامل بيها حوالى 400 كم فقط يعنى اعتبر لسه مركبتهاش كتير
انا ركبت كورولا 2006 وركبت اوكتافيا A5 2008 والاثنين كنت حاسس بالمطبات فيهم
اما الانسر فانا معاك انها عفشتها انشف شويه من الكورولا بس مش اوى يعنى مش فرق السماء والارض
الكورولا صوت متورها ليه نعمه معينه انا عن نفسى بحب اسمعها بس الانسر برضو صوت متورها ناعم جدا اينعم وانت بتشد وبتسمع صوته بس هاتلى عربيه صوت متورها ما بيعلاش وانت بتشد
يصراحه انا شايف ان الاثنين صوت متورهم عالى بالعكس كمان يمكن الكورولا اعلى
الحاجه الى عجبتنى اوى فى الكورولا هيه كراسيها العاليه الى بتديك احساس بالرفاهيه وكمان الصالون بتعها افخم من الانسر بس مش معنى كلامى ان تابلوه وكراسى الاتسر وحشه بس الكورولا احسن
فى النهايه انا شايف ان الفرق بين العربيتين فرق طفيف لصالح الكورولا طبعا
دكتور احمد ممكن حضرتك تركز شويه ازاى الكورولا بتحس بيها ع المطبات زى اللانسر دى العربيه دى اصل اهم ميزه فيها النعومه الخرافيه يعنى (ما شاء الله) وبعدين والله والله كمان مره وانا بحلف بالله اهو الباور بتاع التويوتا احسن بكتير من اللانسر لما اجى الف على مسافات صغيره التويوتا بتلف بكل السهوله اما اللانسر اضعف
وبرضه يا استاذ ليمو ازاى الاوكتافيا برضه بتحس بيها بالمطبات طبعا لا الاوكتافيا برضه معروفه بالنعومه .........زما عرفش يا جماعه يعنى انتوا من كتر حبكم فى اللانسر خليتوا العربيات التانيه خشنه زيها طب انا والله كان ليا واحد صاحبى معاها لانسر السوبر اكشن دى ولما ركب معايا قالى ايه الراحه دى دا الفرق كبير موووووووت بينها وبين اللانسر ومش انا بس اللى بقول كدا
بالنسبه للميجان انا محتار بعض الشىء فيها وليا واحد صاحبى معاه ماذدا 3 وباباه عنده ميجان بيقولى الميجان اثبت من الماذدا وبيمشى بيها بجراءه على السرعات العاليه انما بيقول الماذدا ع السرعات العاليه 180 مثلا اقل ثباتا وبيقول جاب بالميجان 212 كم ودى سرعه تدل ان العربيه مش عاديه وموتورها جامد بس قالى الصراحه اى خبطه فيها مش بتترد ولازم تغير الجزء اللى اتخبط كله وقالى ده عيبها الوحيد وعاوز تحاولوا تساعدونى بليز وبالزات من اصحاب الميجان وعاوز اعرف ميجان 2007 بانوراما full option تبقى بحوالى كام انا دورت كتير مش لاقى 2007 انما فيه 2006 و2005 كتير
وشكرا لكم
صعب تلاقي ميجان 2007 لإن مبيعاتها في هذه السنة قلت مثلا بنسبة 90% لإن ساعتها الناس عرفوا سعر إعادة بيعها المتدني جدا وبطلوا يشتروها جديدة
بس لو في 2007 بنوراما مستعملة لو نضيفة جدا كالزيو حتبقى في حدود 110 - 115 ألف
العفو ياباشا وأنا قلت يمكن عشان 2007 شكل جديد والعربية تكون يدوب مكملتش 10آلاف كيلو وبدون أي خدوش ممكن توصل السعر ده بالكتير
ومعاك حق في السعر هي المفروض أقل من كده فعلا دنا والله مرة شفت ميجان بانوراما 2005 ب 80 ألف
وبرضه يا استاذ ليمو ازاى الاوكتافيا برضه بتحس بيها بالمطبات طبعا لا الاوكتافيا برضه معروفه بالنعومه .........زما عرفش يا جماعه يعنى انتوا من كتر حبكم فى اللانسر خليتوا العربيات التانيه خشنه زيها طب انا والله كان ليا واحد صاحبى معاها لانسر السوبر اكشن دى ولما ركب معايا قالى ايه الراحه دى دا الفرق كبير موووووووت بينها وبين اللانسر ومش انا بس اللى بقول كدا
بص يا استاذ ميدو ده الحقيقه انى لما كنت راكب الاوكتافيا والكورولا كنت حاسس بالمطبات
ومش معنى انى كنت حاسس بالمطبات ان العربيات ده عفشتها مش ناعمه
وان كان هناك فرق فى امتصاص المصبات لصالح الكورولا والاوكتافيا بس برضو انا شايف انه مش فرق السماء من الارض
وبعدين كون العربيه بحس بالمطبات وانت سايق ده ميعتبرش عيب فى العربيه اساسا
على فكره انا الباور عندى ناعم مش تقيل
وبعدبن انا مش متحيز للانسر ولا حاجه بالعكس انا بعشق الكورولا بجميع موديلاتها
انا بركب لانسر من سنة 92 لحد موديل 98 و نزلت منها السنة اللى فاتت و جربت لانسر 2008 الشكل القديم 1600 و كورولا 1600 2007 و شايف ان اللانسر ما أتغيرتش يعنى العربية دى معمولة علشان تبقى كده عفشة رياضية تمسك فى الارض (موديل 98 كنت بامشى بيها لحد 150 كويس بس بعد كده ابتداء من 160 لحد 180 كنت باحس ان العربية طايرة عن الارض من ورا) موديل 2008 ماجبتش بيها اكتر من 140 و صاحبى قعد يصوت علشان كان خايف علشان العربية جديدة فما اقدرش احكم علشان الموضوع كان محتاج كام غرزة على الماشى على 140 صوت الموتور زى ما هو كانهم حاطين شريط واحد لدرجة انا باعرف انها جاية ورايا او ماشية جانبى من غير ما ابص (واحد صاحبى ساكن فى عمارات الضباط بمصطفى كامل فى اسكندرية فى الدور 13 و كان بيعرف انى جيت من صوت الشد بتاع الموتور)
الفرامل اتحسنت كتيير اوى و الباور زى ما هو نفس الاحساس
اما بالنسبة للكورولا فبصراحة انا شايف ان فراملها احسن من اللانسر 2007 و 2008 و برضه الباور اسهل و اخف
اما التكييف اللانسر تكسب التبريد احسن و اسرع بس الكورولا لما التكييف يشتغل و يفصل ما تحسش بالموضوع اوى و اللانسر تحس بالموضوع ده فى بدال البنزين
الكورولا لما تمشى على سرعة عالية 140 تبقى خايف تحود يمين او شمال يعنى عربية عايزة طريق مستقيم بس مريحة فى المطبات .
اما الميجان بصراحة ماعرفش عنها علشان ما سوقتهاش
بص با ميدو باشا العملية تحسم من خلالك انت
يعنى لو عايز عربية هادية و عزلها ممتاز و برضه ممكن تتشاقى بيها لحدود عادية فخليك فى الكورولا
اما لو عايز عربية تعلم الاجرام فى السواقة يبقى لانسر و ارضى بيها كده زى ما هى
Comment