اهالي المتسوبيشي الكرام - صباح الفل :-)

[nabaster]

ان شاء الله قدامي عربيه متسوبيشي ولو لينا نصيب فيها هنضم للعصابه :)

العربيه 2008 بومه 1600 خليجي اوتوماتيك

تكييف - باور - كاسيت - سي دي 6 اسطوانات - مرايات كهربا - زجاج كهربا - ايرباج سائق وراكب امامي

سنترلوك - (مش متاكد بصراحه فيها abs او امبوليزر ولالا)

مفيهاش (عتب جانبي - كساحات اماميه - اسبويلر - فوجات - جنوط اسبور ) غالبا اسمها كلاسيك او حاجه زي كده

العربيه راشه الخارج بالكامل ومفيهاش اي حاجه في الدواخل باستثناء تبخير بسيط للشنب الامامي

والعربيه ماشيه 45 الف كيلو

العربيه دي السعر العادل ليها هيبقي حدود كام؟؟

وبالنسبه للفتيس الاوتو اخد بالي من ايه واكشف عليه ازاي؟؟

وصيانة الـ50 الف ايه الي هيتعمل فيها؟؟

علما بان مالكها الاول مغيرش طول الفتره دي غير زيت موتور وفتيس بفلاترهم وفلتر الهوا

A.Yakout

[M!SHO]

أهلاً وسهلاً يا فندم

أولاً عشان تعرف العربيه فيها abs ولا لأ....شوف الموضوع ده

http://www.nilemotors.net/Nile/8766-abs.html

وبالنسبه للإمبوليزر....بص على الكونتاك لو الداير بتاعه لونه نحاسى يبقى فيها

ثانياً موضوع السعر مش هقدر أفيدك بصراحه...بس تبخير الشنب معناه أنها كانت مخبوطه من قدام

المهم قبل ما دوس فيها أكشف عليها كويس والكشف الشامل فى التوكيل ( ميكانيكا وسمكره ودهان ) بحوالى 200 جنيه

ثالثاً الفتيس بتاع اللانسر ( CVT ) حساس جداً ولو قدر الله وحصله حاجه بيتغير كله وملوش قطع غيار....لازم تاخد بالك منه وتغير الزيت فى معاده ( عند 40 ألف كم )

رابعاً المفروض لو معملش صيانة ال40 ألف كامله تعملها ( هى وال 80 ألف من أهم و أكبر الصيانات )

وصيانة ال 40 ألف بيتم فيها الأتى

صيانة الأربعين ألف كيلو متر :

زيت موبيل وان 210 ج
فلتر زيت 50 ج
بوجيهات 88 ج
فلتر بنزين 460 ج
فلتر هواء 185 ج
زيت باور للعربيات الأوتوماتيك 350 ج

الصيانة (الزوجية) 145 ج
تغيير زيت باور 40 ج

اذا احتاجت تيل فرامل :
تيل فرامل 385 ج
تركيب تيل فرامل 40 ج

يضاف 10 % ض.م على اجمالي الفاتوره

بس الأسعار دى قديمه والأسعار الجديده فى الموضوع ده

http://www.nilemotors.net/Nile/206659-40-14-3-a.html

بس حضرتك هتغير بوجيهات وفلتر بنزين بس طالما هو غير الباقى

بالتوفيق

[nabaster]

الف شكر يا رايس علي الاهتمام

العربيه راحت لصاحب نصيبها

A.Yakout