حياتي مرت امام عينية .....انا حزين حتي الموت!!!!!!!!!!!!

[johnyweb]

العربية عومت بمعني اني كنت ماشي علي 70 كم ولا العربية خبطتني ارتبكت ودوست علي الفرامل وكسرت الدركسيون فالعربية لفت بيا .

[مصراوي جدا]

شكرا لرضوضكم ومواستكم
انا رحت النهارده التوكيل فرع جسر السويس كان اقرب حاجة للمعادي
انا بجد اسف علي الكلام الي هاقوله ده وطبعا عمري ماهشك في ذوق المشمهندس طارق وياريتني كنت فعلان روحت القليوبية لكن المعاملة سيئة للغاية في جسر السويس
وصلت الساعة 10:15 تقريبا وبعد صباح الخير دخلت علي الاستقبال واذا موظف الاستقبال بحكيلوا عندي خبطة في العربية وعايز اردها قالي في ضغط وممكن تحجز ميعاد قولتلو ديه حاجة مش هاتاخد وقت قالي ممكن تنتظر ساعة لغاية ما المشرف ينزل ويعاين العربية ويقولك ممكن تتعمل النهاردة ولا نحجز ميعاد قولتلوا يعني استني ساعة علشان اعرف هاتتعمل النهاردة ولا لا علما انا متصل بالتليفون الصبح وقالولي اروح بالعربية عادي طالما حاجة مش هاتاخد وقت

هو فرع جسر السويس عليه ضغط جامد جدا وحجز لمدة اكتر من شهر لقدام ويمكن علشان كده موظفي الاستقبال بيركزوا على الناس اللي جاية بحجز (حاجزين من شهر فات) وبيوافق فقط على صيانة الألف بدون حجز ، انما طبعا ده لا يعني معاملة العملاء معاملة جافة او سيئة

المهم فين وفين نزل مشرف الصنايعية وبص علي العربية وقالي ممكن تتعمل لكن مش هاترجع زي الاول يعني بنسبة 70% كداوهتتعمل علي البارد وهاتاخد بتاع ساعتين او 3 ساعات
قولتله التكلفة ممكن تكون كام قالي 300 جنية فين وفين نزلي 50 جنيه مع انها رد بس ويستعدل الاكصدام
انا امبارح مفتحتش الكبوت بعد الخبطة
لكن النهارده المظف فاتحها
التلفيات كانت :
- ودان الفانوس اتكسرت اوحي ليا انو مش هاينفع وهايحاول يعمل حاجة فيها.
- الباقي كان خدوش في الرفرف اليمين والخبطة في الاكصدام والرفرف
طلعت فوق في الاستقبال وكنت بتفرج علي الشغل الي بيحصل للعربيات من الشباك الزجاج
وطبعا السمكرة كانت في دور تاني ومشفتش حاجة المهم بعد ساعتين الا شويه نادوا عليا
واشوف العربية
لموها شويه لكن الشغل معجبنيش انا حاسس اني في ورشة في الشارع مش في التوكيل المشرف الصنايعي يقولي كدا احسن حاجاة معقولة مفيش معدات او اجهزة تخليها قريبة من الطبيعي .
وافاجيء وانا ماشي بعد مادفعت الفاتورة وماشي بجرب العربية لقيت سلك مددل من الكاسحات من قدام شكيت في الانوار شغلتها وافاجء لا شبورة ولا اشارة لمين مطرح الشغل شغالة بجد مش عارف اقول ايه بس تجربتي وتقيمي للشغل سيء للغاية وشكلي مش هاروح هناك تاني لو لينا عمر هابقي اعمل صيانة 1000 في القليوبية.
شكرا ليك يابشمهندس طارق ويريت لوتوصل تقيمي السيء للفرع هناك.

هو طبعا الاصلاح الصح في حالة حضرتك بيكون تغيير الفانوس والاكصدام أما الرفرف يا اما يتغير يا اما يتسمكر ويترش ، ده بخلاف الكبوت وحالته

انما واضح من كلام حضرتك انك مش مأمن عليها وبالتالي كان المطلوب لمً الأمور في أضيق الحدود وسمكرة على البارد وكمان في وقت قليل

طبعا كل ده خلى النتيجة غير مرضية وخلاك تحس انك في ورشة بلدي مش توكيل انما طبعا اللي تم ده كان مش هو الصح اللي بيتم دايما في التوكيل

انما برضه الاستعجال ده لا يعني ان العربية تتسلم للعميل دون ارجاع كابلات فانوس الاشارة والفوج لمكانها والمراجعة على العربية قبل تسليمها

شكرا ليك يابشمهندس طارق ويريت لوتوصل تقيمي السيء للفرع هناك.

طبعا لازم هاوصل الموقف بكامله لادارة الصيانة

وانا باعتذر لحضرتك بالنيابة عنهم وباذن الله لما تيجي لنا في قليوب في صيانة الألف ثم العشرة آلاف وما بعدها هتتغير نظرتك للتوكيل

[johnyweb]

شكرا لردك يأستاذ طارق بجد ياريت كنت انت موجود في الفرع هناك بجد كنت هبقي مطمن علي العربية وسوري للتاخير ظروف الشغل بقي احنا في خدمة المواطنين
إن شاء الله انا قربت من 800 وبفكر اجي علشان اعمل صيانة 1000 صحيح هما لازم 1000 بالظبط ولا ممكن شويه كدا قبل ولا بعد
شكرا جدا علي ردك

[مصراوي جدا]

مفيش مشكلة لو اقل او اكتر شوية
وصيانة الألف بدون حجز - حضرتك شرفنا في اي وقت

[hatem_badawe]

ربنا معاك مع الوقت هتتعود ان دا عادي