تغيير قواعد لانسر بوما 2008

[mazagngi2010]

الموضوع ده كان المفروض ينزل من يوم 25 يناير بس الثوره والايقاف الطويل اخروه جدا المهم شفت انه ممكن ينفع الناس هنا
نبذه عن سعيد الاول:
سعيد واحد صاحبى يؤمن بعدم تغيير اى حاجه فى العربيه الا لما يطلع عين ابوها ومبيعترفش بصيانات التوكيل والصيانات الدوريه (منزه نفسه قوى ودى اكتر حاجه بتعجبنى فيه) ومقتنع زيي ان العربيه جايبها علشان تشيل عنه مش يصرف عليها واكيد بعضكم هيفهم النقطه دى العربيه لانسر 2008 1600 اوتوماتيك
باركوا لسعيد وادعوا له يبعد عنه العين لانه بعد ماغير السيور وبليه الشداد وفلتر البنزين وزيت الفتيس الاتوماتيك على 120 الف كيلو وبعد ماغير فردتين كاوتش قدام على 130 الف كيلو واشترى كوموهو وكان هاين عليه يدمع على الفردتين الاصليتين بتوع العربيه بعد ما اتهروا خوابير وبقوا بيغرموه لحامات كل يومين
اخيرا بعد الحاح منى غير قواعد الموتور والفتيس اللى جايين مع العربيه على 150 الف كيلو
وبعد سؤال الميكانيكى عن القاعده الاهم اللى لازم تكون اصليه والقواعد اللى يجيبها من المنير
اشترى قاعده قنطره خلفيه اصليه من الرواس ب 310 جنيه +31 ضريبه=341
وجاب من المنير قاعده ب 100 جنيه اندونيسى تقريبا وقاعده اماميه ب 40 جنيه وميكانيكى 80 جنيه لانه ظبط حاجات تانيه بالمره
بعد ماتغيروا صوت العربيه بقت هاديه جدا على D وهى بتبدا حركتها وانعدم تمام فى المارشدير
طبعا المفروض كانوا يتغيروا على 80 الف او اقل
دى صور القواعد القديمه وكان الميكانيكى هيلطم






ودى الجمل


طبعا حالتهم تصعب على الكافر

[HOSSAM99]

السلام عليكم
مجهود جميل و شكرا علي نقل التجربه
لكن الكيلومتر ده معقول جدا في غيار قواعد الموتور و المفروض ميتغيرش أقل من كده إلا لو فيها حاجه

لكن شكل العربيه دي شغاله ماشاء الله علي طول