موضوع لافادة الاعضاء بخصوص التيش والبارات

[elbaz18]

بسم الله الرحمن الرحيم
احب افيد الاخوة الاعضاء ان البارات والتيش الى نوعهم 555 فى منهم اتنين
الاول صناعة صينى
الثانى صناعة يابانى
الاتنين متقاربين فى شكل العلب لكن مكتوب على كل واحد فيهم صناعتة
انا كان فى ناس قالولى على النوع دة لكن ماقلوليش ان فى منة صناعتين فرحت اشتريت واراجل ادانى الصينى وقعد معايا الطقم كامل مدة لاتزيد عن 3 شهور وباظوووووووووووو
فرحت فعرفت بعد كدة ان فية من النوع دة صناعتين فرحت اشتريت اليابانى وشغال عندى دلوئتى بقالو شهرين تقريبا بس اداءة افضل بكتيييييير من الصينى
اليابانى كان سعرة 300 جنية لكن الصينى مش فاكر سعرة بس تقريبا كان 150 جنية والاسعار دى للطقم كامل
اتمنى ان اكون افدت الجميع

[elbaz18]

نسيت اقولكم ان عربيتى بوما 2006

[ahmed_h_g]

شكرا" عالأفاده

[elbaz18]

اية يا جماعة هو الكل كان عارف المعلومات دى وانا جايب حاجة قديمة ولا اية اصل مافيش غير رد واحد بس

[elbaz18]

بالنسبة للعضو dede_sese لما بحاول ارد عليك فى رسالة خاصة بقولى :-
dede_sese إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.
اذا كنت تحاول ارسال الرسالة الى أعضاء متعددين، احذف dede_sese من الاعضاء الذين ادرجتهم لتلقي رسالتك حتى تتمكن من ارسال الرسالة
لذلك انا متضر ارد عليك هنا ويارب تشوف الرد ايوة انا اعرف عفشجى كويس جدااا فى الهرم ومعروف قوى هو اسمة جمعة وهو عند قاعة سيد درويش اللى فى شارع خاتم المرسلين

[dede_sese]

بالنسبة للعضو dede_sese لما بحاول ارد عليك فى رسالة خاصة بقولى :-
dede_sese إختار عدم تلقي الرسائل الخاصة أو لا يسمح بتلقي الرسائل الخاصة. لذلك لن تتمكن من إرسال الرسالة اليه.
اذا كنت تحاول ارسال الرسالة الى أعضاء متعددين، احذف dede_sese من الاعضاء الذين ادرجتهم لتلقي رسالتك حتى تتمكن من ارسال الرسالة
لذلك انا متضر ارد عليك هنا ويارب تشوف الرد ايوة انا اعرف عفشجى كويس جدااا فى الهرم ومعروف قوى هو اسمة جمعة وهو عند قاعة سيد درويش اللى فى شارع خاتم المرسلين

اولا الف شكر للاهتمامك .وانا صلحت قصه الرسائل الخاصه ديه. وان شاء الله اروح لجمعه العفشجى قريب .بس ليه سؤال هل هو اللى غيرك التيش و البارات

[nice_bird]

انا عايز اعرف ايه التيش والبارات وايه علامة تلفهم علشان حاسس العفشة مش مظبوطة معايا وناشفة حبتين

[Haitham10]

شكرا علي الافادة وياريت تقولنا برضه علامات انهم عايزين يتغيروا عشان نبقي عارفين

[elbaz18]

بسم الله الرحمن الرحيم
بالنسبة للى قام بتركيب التيش والبارات عندى فهو جمعة العفشجى فعلا هو ممتاز فى شغلة

[elbaz18]

اما عن طريقة معرفة تلف التيش والبارات هى ملهاش طريقة معينة لكن هى عندى مع اى مطبات او نقر وتكسير فى الطريق بتلاقى تعمل صوت خبط ورزع قدام لكن ممكن تروح يكون الصوت دة من حاجة تانية وممكن يكون بارات وتيش

[dede_sese]

خبط ورزع قدام فين بالضبط عشان نعرف

[nice_bird]

لما اخد حفر بحس العربية ناشفة جدا

[prisoner]

كنا عايزيين نعرف اسعار الحاجات دى علشان عايز انزل اجيب البارات والاتياش وكمان جلب مقصات انا اول مرة هاعمل الحاجات دى وخايف اجيب حاجات مضروبة

[elbaz18]

بالنسبة لصوت الخبط والرزع هتسمعة من قدام من عند العفشة من تحت عند المقصات وعلبة الدركسيون

[elbaz18]

موضوع نشفان العفشة ممكن والله اعلم يكون مساعدين لكن البارات والتيش مالهاش علاقة بنشفان العفشة مع العلم انى بحس ان العربية البوما اساسا عفشتها ناشفة ومش عارف دة صح ولا لا لأن انا كانت بردو العفشة ناشفة قوى وغيرت مساعدين قدام واتحسنت لكنت بردو حاسس انها ناشفة