موضوع لافادة الاعضاء بخصوص التيش والبارات

[elbaz18]

بالنسبة لأسعار الحاجات دى انا كاتبها فى الموضوع البارات والتيش نوعهم 555 يابانى وثمنهم حوالى 300 جنية وخلى بالك ان فى نفس الماركة صينى لكن ماتخفش دة مكتوب علية يابانى والثانى مكتوب علية صينى دول كويسين وتمام لكن دول مش اصلى لو عايز اصلى يبئة روح اشتريهم من التوكيل او منفذ بيع معتمد وثمنهم حوالى 1200 جنية
لكن جلب المقصات اوعى تشترى اللى فى السوق فى اى محل كلهم مضروبين وهتلاقى الواحدة تقريبا 25 او 30 جنية احترس منهم واياك وان تشتريهم مش هيكملم معاك اسبوع لازم تجيب الاصلى وثمن الاصى حوالى 270 جنية
أرجو ان اكون افدت الجميع

[prisoner]

كتر خيرك

[elbaz18]

ياباشا انت تأمر ويارب اكون افدت جميع الاعضاء

[prisoner]

بالنسبة لأسعار الحاجات دى انا كاتبها فى الموضوع البارات والتيش نوعهم 555 يابانى وثمنهم حوالى 300 جنية وخلى بالك ان فى نفس الماركة صينى لكن ماتخفش دة مكتوب علية يابانى والثانى مكتوب علية صينى دول كويسين وتمام لكن دول مش اصلى لو عايز اصلى يبئة روح اشتريهم من التوكيل او منفذ بيع معتمد وثمنهم حوالى 1200 جنية
لكن جلب المقصات اوعى تشترى اللى فى السوق فى اى محل كلهم مضروبين وهتلاقى الواحدة تقريبا 25 او 30 جنية احترس منهم واياك وان تشتريهم مش هيكملم معاك اسبوع لازم تجيب الاصلى وثمن الاصى حوالى 270 جنية
أرجو ان اكون افدت الجميع

معلش سؤال كمان 270 سعر الواحدة والا الطقم والطقم عبارة عن كام واحدة لانى جديد فى موضوع الكريستالة ولسة مفكتش العفشة تحياتى والاتياش برضو قد ايه

[elbaz18]

ياباشا انا كاتب فى اول مشاركة فى الموضوع ان عربيتى بوما 2006 ولذلك كل البيانات المكتوبة والاسعار تتعلق بالبوما وليس الكريستالة لكن بردو بالنسبة للبوما طقم جلب المقصات كااامل بحوالى 270 جنية

[prisoner]

ياباشا انا كاتب فى اول مشاركة فى الموضوع ان عربيتى بوما 2006 ولذلك كل البيانات المكتوبة والاسعار تتعلق بالبوما وليس الكريستالة لكن بردو بالنسبة للبوما طقم جلب المقصات كااامل بحوالى 270 جنية

معلش والله ما اخد باللى شكرا على التوضيح

[elbaz18]

ياباشا لا شكر على واجب وياريتنى كنت اعرف بيانات عربيتك علشان كنت اعرف افيدك ويارب اعرف افيد ملاك البوما

[elbaz18]

للرفع و التذكير

[M.FOUAD]

طيب هو بعد ما تغير التيش و البارات العربية بتحتاج تظبط زوايا تاني

[elbaz18]

بتيئلى المفروض ايوة انا عن نفسى ظبط زوايا أول ماغيرتهم

[محمد فضالي]

أنا كمان لسه مغير التيش والبارات من 3 أسابيع كده تقريبا وكنت عملت موضوع سابق هنا في المنتدى عن أحسن نوع تيش وبارات بس للأسف محدش رد عليا وحسيت اني بكلم المرايا
المهم أنا كنت سألت على النوع ده وفعلا اشتريته الياباني الأصلي وخصوصا بعد لما عملت سيرش على النت ولقيت لهم كمان موقع SANKEI INDUSTRY CO., LTD.
وعموما هو في منه نوعين أنا لقيتهم نوع ياباني ونوع تاني تايواني بس هما فيهم عيب انهم مش محملين في خامتهم زي الأصلي فكاوتش المزيكا بتاعهم مش بيقفل عليهم كويس وبيحتاج كوليه شريط لربطهم كويس غير كده هما زي الأصلي تماما في الكفاءة والشغل

أما بخصوص معرفة التيش والبارات بايظة ازاي مش شرط وانت ماشي لكن ممكن والعربية مش دايرة تخلي حد يهز الدركسيون يمين وشمال وانت تكون تحت العربية ماسك التيش في ايدك حتلاقي صوت طقطقة باين اوي في ايدك ويمكن تكون سامعه كمان

أرجو اني أكون رديت من غير تتطويل