شارك ولا بومة

[IronHead]

يمكن عشان لما جربتها كنت لسه نازل من عربيتي (عزمها عند 2200 بس)

ما شاء الله, يا ريس لما يبقى عربيتك فيها تربو واتعودت عليه, مش هتعرف تركب عربيات طبيعية تانى :-)

[ahmedbasto]

الشاهين العزم بيطلع عند 3000

[ahmedbasto]

مظنش ان فى شارك مانيوال !!

فى مانيوال اللى هى أول فئة خالص

[ahmedassaf]

بصراحه انا سقت الاتنين
البومه احسن بكتير جدااااااااااا في القياده
وقطع غيارها ارخص بكتير جدا جدا جدا
وموتورها اقوى بالنسبه لوزن العربيه
وسعر بيعها احسن بكتير
بس الشارك شكلها احسن وشياكه زي مانت شايف وكماليات بقى وجنوط والحركات دي
سعر بيعها في الضياع مابتتباعش الا بخساره جامده
بس الاتنين ميتسوبيشي يعني من ناحيه المتانه ماتقلقش

[ahmedbasto]

مشكور على ردك وفعلا كلامك صح بس انا مسقتش البوما ولا الشارك بس من ناحية قطع الغيار البوما ارخص بكتير فعلا من الشارك وكأعادة بيع أفضل

[shaddadfalcon1]

الشارك احلي واشيك واجدد ومتميزه اكتر وليها حضور اكتر من البومه بكتييييييييير
بس لو جبت شارك يبقي اعلي فئه اللي فيها سبويلر وعتب وجنوط اسبور عشان بصراحه اول فئه بيبقي شكلها عريان قوي ومش ظريفه خالص

[ahmedbasto]

ماهى الفكرة ان والدى عايز عربية مانيوال ومش عايز اوتو وكمان عايز حاجة قطع غيارها موجودة

[VTC]

انا عندي الاتنين ونصيحتي ليك
الشارك احسن بس تكون كامله , غير كدا مش هتستمتع بالعربيه
والبومه تسارع حلو تحت 100 بس بعد 100 الشارك تجميعها احسن وثبات عالي جدا
طبعا البومه برضو ثابته بس الشارك تحس بأنك مطمأن اكتر ومتحكم في العربيه اكتر
البومه الي عندي 2006 بس ما اعرفش بقى هل البومه الجديده ثباتها وامكانياتها اختلفت ولا زي ما هيا