بالله عليكم عاجل جداً

[Seifmando]

قدر الله وما شاء الله فعل الحمد لله

عملت حادثة بالبومة
الخساير
1- خبطة جامدة فى الربع الشمال اللى ادام السوق ووصلت للشاسيه واتعوج من الحتة اللي قبل العجل
2- الرفرف الشمال والفانوس الشمال
3- العتب والباب الشمال
4- الكبوت اتعوج
5- السدر بالريداتير بالسربنتينة بتاعت التكييف

محتاج اعرف تتصلح بكم واسعار الحاجات دي استيراد:
(رفرف شمال
- كبوت
- سدر
- سربنتينة
- ريداتير
- فانوس شمال
- باب سواق
- 2 اكصدام

السمكري قاللى ارجعهالك زي الفبريكة بمصنعية بس 4500 جنيه شاملة سمكرة ودوكو بالاضافة لانى هشتريله كل حاجة

يا جماعة جايبة همها ولا ابيعها حوادث واخلص لانى مقلق جداً من عوجة الشاسيه دي تأثر على سعر اعادة بيعها

[mohammedabdallh]

الحمد لله على كل شى
واحمد ربنا الى انت سليم وفى ستين ..... العربيه المهم حضرتك
شوف لو هتبعها حوادث هتخسر كتيير اوى
صلحها باقل التكلفه لو حضرتك عندك نيه فى البيع
لو مش هتبيع صحلها عند حد كويس وان شاء الله ترجع زى الاول واحسن
بس الاسعار اعذرنى الاخوه فى المنتدى يجاوبوك

[M.Elgergawy]

لا حول ولا قوة الا بالله
الحمد لله على كل شئ
ممكن حضرتك تشوف سمكري تاني
عشان تقدر تعرف الاسعار وتقيمها
وتشوف عند ورشة كريم منير بيتعامل مع صنايعية
محترفة وشاطرة ونصيحة بلاش تبيع عشان هتخسر كتير
صلحها وامشي بيها

[Seifmando]

انا للاسف نفسي شالت منها خلاص
هصلحها بس بنضافة وابيعها بعد ما اقول لاي حد هيشتريها على اللى فيها

بس محتار اجيب الحاجات دي استيراد ولا اي كلام لانى عرفت ان الاستراد هيبقى اغلى كتير

بالشكل دا هي ممكن توصل لـ 10000 جنيه بالمصنعيات

ايه رأيكو

[yyy]

قدر الله وما شاء الله فعل الحمد لله

عملت حادثة بالبومة
الخساير
1- خبطة جامدة فى الربع الشمال اللى ادام السوق ووصلت للشاسيه واتعوج من الحتة اللي قبل العجل

(طالما قبل العجل بس عادى مش هاتاثر فى حاجة)

2- الرفرف الشمال والفانوس الشمال
3- العتب والباب الشمال
4- الكبوت اتعوج
5- السدر بالريداتير بالسربنتينة بتاعت التكييف

محتاج اعرف تتصلح بكم واسعار الحاجات دي استيراد:
(رفرف شمال
- كبوت
- سدر
- سربنتينة
- ريداتير
- فانوس شمال
- باب سواق
- 2 اكصدام

السمكري قاللى ارجعهالك زي الفبريكة بمصنعية بس 4500 جنيه شاملة سمكرة ودوكو بالاضافة لانى هشتريله كل حاجة

يا جماعة جايبة همها ولا ابيعها حوادث واخلص لانى مقلق جداً من عوجة الشاسيه دي تأثر على سعر اعادة بيعها

حط صور للعربية وياريت لو تصور الحوض من جوة كمان علشان اللى يتكلم يعرف يقدر صح

من كلامك كدة المصنعية دى كتير

[Seifmando]

والله مش جايلي قلب حتى ابص عليها وهي متغطية
لو جاللى قلب اصورها بالليل هصورها واوريهالكو

بس انا عاوز حد يفيدنى فى المصنعية المفروض تبقى كام وجيب الحاجات دي استيراد ولا اي حاجة وخلاص

[M.Elgergawy]

هاتها استيراد يمكن لما تتصلح ترجع زي الاول

[Seifmando]

المشكلة ان الاستيراد غالى
يعنى لو اتكلفت 10000 جنيه وهى مثلاً كانت تجيب 70000 قبل الحادثة وجيت ابيعها مثلاُ بـ 60000 جنيه
يبقى نظرياً انا خسران 20000 جنيه تقربياً
دا لو جابت الـ 60 ألف

كل اللي مقلقنى هو عوجة الشاسيه لو اتصلح ورجع زي الاول ممكن اخليها بس مش عارف لما يتعمل له زرجينة هيرجع زي الاول ولا لأ

[SASA3]

اول حمدا لله على سلامتك و قدر الله و ما شاء فعل و ان لله و ان اليه راجعون

انت ممكن تصلح الحاجه الى ممكن تستبدل بره عند الصنايعيه و عوجة الشاسيه يفضل تكون فى التوكيل علشان هيعملوها اقرب الى السليمة الى حد ما و اضمن
و متبيعهاش حوادث و صلحها و ممكن تبيعها بعدها

[Seifmando]

اول حمدا لله على سلامتك و قدر الله و ما شاء فعل و ان لله و ان اليه راجعون

انت ممكن تصلح الحاجه الى ممكن تستبدل بره عند الصنايعيه و عوجة الشاسيه يفضل تكون فى التوكيل علشان هيعملوها اقرب الى السليمة الى حد ما و اضمن
و متبيعهاش حوادث و صلحها و ممكن تبيعها بعدها

شكراً يا باشا
انا مستغلى ال4500 جنيه مصنعية فمابالك بالتوكيل

[memo200545]

ياباشا اولا حمدالله على السلامة والمهم سلامتك ثانيا انت شكلك من القاهرة انت لو من الصعيد انا لسه زميلى حصل معاة نفس الموقف بالظبط واحد وقف فجاة على مطب فلبس فيه المهم الصنايعية اللى انا اعرفهم فى اسيوط بس صنايعية على حق هو الحادثة وصلت لسلاح العربية المهم ودناها عند سمكرى اخد 1000 بس وواحد بتاع دوكو اخد بردوا 1000 جنيه بس بالامانة الراجل دكتور دواخل العربية ولا كانها عملت حادث وفرجناها لناس معرفوش اللى فيها دا من باب الاطمئنان ان الصنايعية نضاف والف سلامة مرة تانى

[أبو صلاح]

مبدايا انا مستغلي جدا 4500ج

لازم تسأل عند حد تاني
بس اتفق على سمكرة لوحدها ودوكو لوحده وبعد كده لاقدر الله لو في حاجة في العفشة والميكانيكا والكهرباء
يعني من الاخر ادي العيش لخبازه متخليص صنايعي هو اللي بشيل الليله كلها لوحده
لو عجبك تتعامل مع جد من مبدأ انك تستلم العربية خلصانة يبقى تروح مركز خدمة كويس ومحترم


وطبيعي انت اللي هتجيب قطع الغيار
انا رأيي الصاج والفوانيس هاتهم استيراد
والباقي جديد
والموضوع ان شاء الله بسيط
وبعد كده هتفرح بيها وهتلاقيها عروسة
ولو لسه متضايق منها ابقى فكر تبيع

ولو فكرت تبيع بسرعة كده هتخسر جدا خصوصا لو بيعتها حوادث مش هاتجيبلك اصلا نص تمنها اللي انت بتتكلم فيه

[mohammadrashee]

اولا حمد الله على السلامه
قدر الله وما شاء فعل
متزعلش نفسك بالعكس انت لازم تفرح ان العربيه اصيله حادثه جامده وانت بخير فبصراحه متفرطش فيها
بص 4500 جنيه انا شايفهم كتير اوي
بس برده اللي يسمع مش زي اللي يشوف
انا قبل كده كنت عملت حادثه صغيره روحت التوكيل قالي 1500 جنيه مصنعيه سمكره
روحت الحرفييت عند واحد مشهور قالي 2000 جنيه!!!!!!
يعني اغلى من التوكيل
عملتها في مركز خدمه معتمد 1200 جنيه مصنعيه بس
في الحالات اللي زي ديه اهم حاجه متتوهمش واسمع من كذا واحد وبص برضه على ورشه نايل موتورز مش هتخسر حاجه
اسمع وبعدين استخير وقرر
بس على رواقه عشان لو انت مستعجل هتدفع كتير
بالنسبه للأسعار انا متأسف انا معايا تويوتا مليش في اللانسر

[minicooper20]

صلحها و بيعها لانك قفلت منها

[Seifmando]

شكراً لاحلى اعضاء

انا كلمت السمكري امبارح وقاللى ان الـ 4500 دول داخل فيهم كل المصنعيات يعنى ميكانيكى و كهرباء وسروزجى لو احتاجت
يعنى هديله العربية زي ما هى وهو بعد 25 يوم هيديهالى على المفتاح وطبعاً انا اللى هشترى له كل القطع

وزي ما قولت يا minicooper 20 انا فعلاً اتقفلت منها جداً لانها اول عربية اعمل بيها حادثة مع انها رابع عربية اركبها
بس شهادة حق انا والـ 3 اللى كانو معايا بفضل الله طالعين من العربية من غير حتى خدش وكل الناس بتقوللى انها لو كانت عربية تانيى اقل منها فى الصناعة بدون ذكر ماركات معينة كنت هتضر انا واللى معايا
الحمد لله فى الاولى و الاخرة