بالله عليكم عاجل جداً

[أبو إياد]

قدر الله وما شاء الله فعل الحمد لله

عملت حادثة بالبومة
الخساير
1- خبطة جامدة فى الربع الشمال اللى ادام السوق ووصلت للشاسيه واتعوج من الحتة اللي قبل العجل
2- الرفرف الشمال والفانوس الشمال
3- العتب والباب الشمال
4- الكبوت اتعوج
5- السدر بالريداتير بالسربنتينة بتاعت التكييف

محتاج اعرف تتصلح بكم واسعار الحاجات دي استيراد:
(رفرف شمال
- كبوت
- سدر
- سربنتينة
- ريداتير
- فانوس شمال
- باب سواق
- 2 اكصدام

السمكري قاللى ارجعهالك زي الفبريكة بمصنعية بس 4500 جنيه شاملة سمكرة ودوكو بالاضافة لانى هشتريله كل حاجة

يا جماعة جايبة همها ولا ابيعها حوادث واخلص لانى مقلق جداً من عوجة الشاسيه دي تأثر على سعر اعادة بيعها

قدر الله وماشاء فعل

بالنسبه للدكتور اللى بيقولك 4500ج ده عاوز قطع لسانه وقطع ايده لانه نصاب الشغل اللى هو هايعمله
تغيير الصدر واستعدال الشاسيه وظبط فوارق العربيه بعد تركيب اكصدام ورفرف وكابوت

من الاخر الحاجه لو جاهزه العربيه تاخد فى ايده 3 ايام ومصنعيه ماتزيدش عن 2000ج ده على اساس ان انت راجل سخى كمان
والدوكو حسب اللى هاترشه فى العربيه

بالنسبه للاسعار استيراد

-رفرف شمال = 150ج
- كبوت=1000ج
- سدر=600ج
- سربنتينة جديده بالريداتير بالمراوح واللاريه = 750ج
- فانوس شمال
اصلى = 1150
استيراد=700
صينى=180
- باب سواق = 700ج
- 2 اكصدام
استيراد = 1800ج
صينى=500ج

[Seifmando]

قدر الله وماشاء فعل

بالنسبه للدكتور اللى بيقولك 4500ج ده عاوز قطع لسانه وقطع ايده لانه نصاب الشغل اللى هو هايعمله
تغيير الصدر واستعدال الشاسيه وظبط فوارق العربيه بعد تركيب اكصدام ورفرف وكابوت

من الاخر الحاجه لو جاهزه العربيه تاخد فى ايده 3 ايام ومصنعيه ماتزيدش عن 2000ج ده على اساس ان انت راجل سخى كمان
والدوكو حسب اللى هاترشه فى العربيه

بالنسبه للاسعار استيراد

-رفرف شمال = 150ج
- كبوت=1000ج
- سدر=600ج
- سربنتينة جديده بالريداتير بالمراوح واللاريه = 750ج
- فانوس شمال
اصلى = 1150
استيراد=700
صينى=180
- باب سواق = 700ج
- 2 اكصدام
استيراد = 1800ج
صينى=500ج

ابو اياد باشا فينك من زمان
الحمد لله انا كدا داخل فى حدود 4500 جنيه قطع غيار بس
وطبعاً دا الى باين يعنى ممكن يكون فيه حاجات تانية مش باينة

بعد اذنك طبعاً انا بعتلك الصور على ال@ بتاعك شوغها وقوللى رأيك فيها واكون شاكر طبعاً لو رفعتها هنا

[أبو إياد]

..
..
..

ياريت صور اوضح بالنهار للصدر والباب لانى شاكك ان الصدر يتعمل عادى لان تغيييره مشكله

[Seifmando]

اولاً متشكر جداً لتعبك فى رفع الصور
انا هصورها تانى النهاردة اول لما اروح بالكامل لان كمان نسيت اصور الجنب والرفرف والاكصدام اللى ورا اللى اخدت فيه الخبطة اللى بسببها الحمد لله كل دا حصل

[M!SHO]

أولأً قدر الله وماشاء فعل

أنا شايف الخبطه مش جامده أوى

كان عندى نفس الحادثه فى بيكانتو 2010 واتكلفت حوالى 4000 جنيه

مع العلم ان حاجات البيكانتو أغلى من اللانسر

روح لسمكرى ثقه وشوف الحاجات اللى هتتغير وانزل الحرفين وخد لك لفه حلوه ومعاك ورقه وقلم

واسأل على الجديد والأستيراد والصينى والتايوانى وكله وبعدها قرر

وحمدلله على سلامتك

[Seifmando]

شكراً يا هشام

ان شاء الله ناوى اجيب كل حاجة تيوانى
لان الاستيراد لقيته هيكلفى الضعف تقريباً

بس سؤال صغير الـ4000 دول مصنعيات بس ولا كله

[SASA3]

شكراً يا باشا
انا مستغلى ال4500 جنيه مصنعية فمابالك بالتوكيل

انا قصدى العوجة الى فى الشاسية يعنى الحاجه الحساسه اوى فى العربيه الى ممكن متخليش الزوايا عندك معدولة كويس او كده يعنى و لها اضرار تانيه لو وديتها للتوكيل هيغلى بس هتطله اصح حاجه ممكن تتعمل و ربنا يصبرك و يقدرك و تصلحها تانى
و استعوض ربنا فى الخسائر

[Seifmando]

انا قصدى العوجة الى فى الشاسية يعنى الحاجه الحساسه اوى فى العربيه الى ممكن متخليش الزوايا عندك معدولة كويس او كده يعنى و لها اضرار تانيه لو وديتها للتوكيل هيغلى بس هتطله اصح حاجه ممكن تتعمل و ربنا يصبرك و يقدرك و تصلحها تانى
و استعوض ربنا فى الخسائر

تصدق انا بقالى كتير مضحطتش ومهزرتش
انت عارف لو تديني شوية من توقيعك هكمل عليهم واشترى توكيل ميتسوبيشي ذات نفسه :)

[SASA3]

و مالة :)))))) شوف يلزمك كام و قولى ابعتهوملك

[M!SHO]

قطع غيار ومصنعيات

[darshing]

لالا 4500 كتيييييير اوي
ده مش حيعمل حاجه ده حيفك ويركب
طيب انا اعرف سمكري شاطر جدااااا في الحرفيين اسمه سعيد
كان واحد صحبي عامل حدثه جامده برده رفرف وكبوت واكصدام وفنوسين وكل ما هو قدام الموتور طبعا احنى اشترينى كل قطع الغيار وهو كان عليه الباقي وخد 700جنيه بس انا مش عارف ينفع اكتب رقمه ولا لأ

[Seifmando]

لالا 4500 كتيييييير اوي
ده مش حيعمل حاجه ده حيفك ويركب
طيب انا اعرف سمكري شاطر جدااااا في الحرفيين اسمه سعيد
كان واحد صحبي عامل حدثه جامده برده رفرف وكبوت واكصدام وفنوسين وكل ما هو قدام الموتور طبعا احنى اشترينى كل قطع الغيار وهو كان عليه الباقي وخد 700جنيه بس انا مش عارف ينفع اكتب رقمه ولا لأ

الـ 4500 دول شاملين الاتى
1- كل المصنعيات من سمكرة (الكبوت - الرفرف - الجنب بتاع السواق كامل - فردتين الشاسيه الاماميين) ومصنعية الميكانيكا كاملة - مصنعية الدوكو لانى هرش حزام وكبوت ومصنعية الكهربائى
2- تكاليف الدوكو والدهان كاملة

انا هديله العربية زي ما هى وهستلمها على المفتاح مع العلم ان انا اللى هجيب كل المشتريات

[Seifmando]

معلش يا جماعة انا تاعبكو معايا
انا روحت للسمكرة ولما فك الحاجات ظهرت شوية حاجات جديدة

1- العجلة (الطمبورة) بتاعة الباور كانت لازقة فى الحوض والراجل بيقوللى انى لو كنت دورت العربية على الحال دا كانت مكنة البور كلها اتكسرت - يا ترى الطمبورة دي تعمل كام
2- قنطرة الموتور معووجة جامد - يا ترى تعملها فى حدود كام
3- الراجل قاللى ان الاكصدام بييجى فاضى يعنى الاكصدام الفبر لوحده والباكتات (بتاعت الفوجات ) والهوايتين وعلامة اللانسر لوحدهم - الباكتات والهوايات والعلامة يعملو كام

جزاكم الله خيراً

[darshing]

كل المصنعيات من سمكرة (الكبوت - الرفرف - الجنب بتاع السواق كامل - فردتين الشاسيه الاماميين)

لو حضرتك حتسمكر ده كله يبقى جايز انا بصراحه مش عارف
لكن لو حتشتريهم جداد يبقى فعلا كتيييير
عموما موفق ومعوضين ان شاء الله
وبالنسبه للاسعار الي حضرتك طلبتها فانا معنديش فكره الصراحه
لو حد عارف ان شاء الله حيفيدك

[Seifmando]

لا حول ولا قوة إلا بالله العلي العظيم

كل يوم نفسي تتسد اكتر من العربية
السكرى قالىلى انها هتحتاج ربع سدر يعنى هيجيب قطعية من عربية استيراد ويقطع فى الشاسيه من ادام ويلحم السدر بفردتين الشاسيه
ولما سألته عن حالة العربية لما بعد كدا يعنى لو اخدت مطب جامد او العربية اتهبدت جامد من ادام اللحام دا هيفك ويعمل مشاكل قاللى العربية هترجع احسن من الاولوما اخافش من اللحام خالص والكلام دا على فكرة اكدهولى واحد صاحبي وحبيبي شغال سمكرى (مش عارف ازاي ماجاش فى بالى قبل ما اوديها للسمكرى الحالى) قاللى ان اللحام مش هيفك ابداً لو اتعمل صح
انا قلقان جداً من لحام الشاسيه لان الفردتين دول هما اللى شايلين الموتور بالفتيس وبعد ما كنت بفكر اصلحها واخليها حاسس انها مش هتبقى امان خالص
ومش عارف لو بعتها بعد التصليح اللحام دا هيخسف بتمنها الارض يعني نفس تمنها لو بعتها حوادث ولا ايه
انا فعلاً محتار وقلقان ومش لاقى حد اثق فى رأيه غيركو
اتمنى تفيدونى بالرأي