مفيش فلوس

[A7MED_PHARMA]

السلام عليكم
زي مالرجالة عارفة
الموتور بتاعي 1.3 هيتغير قريب أوي إن شاء الله
وإلي ذاك الحين
لازم العملية تمشي من غير مصاريف

ام هند
.
أخر مرة ف القاهرة مع ميدو والعقيد خالد
واقف ع الدائري وقفة مايعلم بيها الاربنا
حاجة زي ساعتين تقريبا
ساعتين واقفين.نمشي متر ونقف عشر دقايق
نمشي متر
ونقف ربع ساعة

المهم
العربية شكلها سخنت
بعدها على طوووووووول

العربية بقت بتطلع نافورة دخان أبيض(والله أعلم يمكن مزرق).. بتقل خااااااالص(لكن مابتروحش بشكل نهائي) بعد العربية ماتسخن
يعني الموضوع حصل فجأة..مش تدريجي

إيه الحل بقا؟

ماحدش يقولي عمرة علشان مازعلش منه


عاوز العملية تمشي تمام..لحد شهرين تلاتة أربعة خمسة قدام

والله المستعان

[AHMEDCAR]

لو المية بتنقص يبقى جوان وش سلندر

[ahmed_h_g]

لو دخان أبيض يبقى طقم شمبر
لو أبيض مزرق يبقى جلب صبابات

[A7MED_PHARMA]

مفيش طحينة .. يعني الميه مابتخلطش ع الزيت
والميه تمام.. مش بتنقص
الزيت هو إلي بينقص......
والدخان أبيض.. وساعات بحسه أزرق باهت

يعني الموضوع يتلم بكام يارجالة
انا ممكن أمشي كده عادي.. بس بيبقا شكلها محرج أوي
وإنت ماشي بنافورة دخان وراك

[mohammedabdallh]

اصل لو فتحت المتور الموضوع مش هيتلم واكيد انت عارف كدا كويس
المضاعات مش عارف حد من الاخوه ممكن يفدوك
والدخان لما حد يقولك ايه ده قوله علشان الناموس
هههههههههههههههههه
فخليك ماشى كدا بيها اليومين دول وخلاص لحد حق المتور ما يجى

[ser3a]

انا مشيت بموتوري كده اكتر من 8 شهور
بس تابع الزيت و و ابقي حط شنبر في الاواخر

[A7MED_PHARMA]

وكلف كام الشمبر؟

[ahmed_h_g]

لو الموتور حالته كويسه وده أعتقادى يبقى طقم شمبر وطقم وجوانات وخلص الموضوع
خساره تغير الموتور لو ييجى منه
طقم الشمبر يعمل حوالى 600ج
أكشف على حالة الموتور الأول لو شغل طقم شمبر فقط الحق غيره
لكن لو الموتور بيخبط وبيرزع وبيعمل أشتغالات يبقى تجيب موتور

[A7MED_PHARMA]

ابو حميد
انا هغير الموتور ... لموتور أكبر
هسقط يعني حتى لو الموتور بتاعي كويس
موتور 1.3 ياراجل مابيديش عشين حصان على بعض ههههههههههههه

[ser3a]

لا انا معملتش شنبر
انا قصدي زيت
و لما الموتور خبط و معتش بيمشي
سقط1500 توين
كريستاله

[ahmed_h_g]

ابو حميد
انا هغير الموتور ... لموتور أكبر
هسقط يعني حتى لو الموتور بتاعي كويس
موتور 1.3 ياراجل مابيديش عشين حصان على بعض ههههههههههههه

ممممممم يبقى ناوى من الأول
خلاص توكل على الله وغيره
أمشى بيه شويه بزيت لزوجته عاليه مش هيحصل حاجه

[IronHead]

ممكن تمشى بيه لحد مايجيب اخرو خالص بدام كده كده هتغيره, بس ركب بوجيهات سن قصير عشان مجيش عليها زيت بسرعه

[A7MED_PHARMA]

زيت لزوجته عالية زي ايه؟
بتاع الميكروباص مثلا؟؟؟؟
ولا ايه

ولا أعمل طقم شنبر يكفيني الشهرين تلاتة دول

[mohammedabdallh]

اوعى تعمل حاجه
وتفتح المتور بيبقى عامل زى البطيخه لاتطلع ارعه لا تطلع ارعه وممكن تلاقى بتعه جوه تبقى مشكله
اكيد فاهمنى
امشى بيه كدا اليومين الى فاضلين
وخلاص

[kar!m]

زيت لزوجته عالية زي ايه؟
بتاع الميكروباص مثلا؟؟؟؟
ولا ايه

ولا أعمل طقم شنبر يكفيني الشهرين تلاتة دول

زيت لزوجتة عالية .. زيت شل الأحمر التقيل

شوف الموضوع ده http://www.nilemotors.net/Nile/255398-a.html