تجربتى مع بريدج ستون my-01

[kokyrawan]

امبارح روحت غيرت فردتين الكاوتش الامامى علشان من الحفر الجميلة اللى بلدنا الكاوتش عمل بالونة بعد اسئلة و قرءات لاقيت الناس بتشكر فى ال my-01 روحت fit & fix فرع الهرم و الناس محترمين جدا بصراحة و ركبت الكاوتس و رصصت و نيتروجين و الذى منة و توكلت على اللة و طلعت اجرب و كانت النتيجة :


العربية بقيت خشنة جدا جدا جدا ليها صوت مسموع اكتر من الكاوتش اللى كان بايظ

العربية بتدب (الكاوتس ناشف جدا جدا) مع اقل حاجة حتلاقى العفشة بترزع


فيها عمومان غريب كدة مش عارف لية مع انى و الله العظيم مع الكاوتش القديم كنت بمشى 165 كم

يمكن هو مش عيب فى الكاوتش بس هو علشان رياضى بيبقى طبيعتة كدة
المهم روحت مكتئب و مش عارف اعمل اية انا عايز ابيع الكاوتش دة لو حد بيحب السواقة الرياضية و مبيفرقش معاة الكلام دة يقولى انا كنت صريح جدا و قولت اللى انا بحسة لانى عندى مشكلة و هى انا بحس بدبة النملة فى العربية


ارجو النصيحة من اصحاب الخبرة

[تامر.محمد]

شيء غريب جدا !!!!!!!!!!!!!!!!!
انا مجرب نفس الكاوتش في نفس العربية (لو اللانوس)

لو هانتكلم على خشونة ممكن ابقى معاك , و لو ان بالنسبة لي كانت الخشونة دي كلبشة في الارض

صوت مسموع ممكن عشان ده كاوتش رياضي
دبدبة , احتمال , مش عارف, انا عموما كانت عفشتي ناشفة عشان المساعدين المونرو

عومان , دي اللي غريبة جدا , معايا كانت العربية مكلبشة في الارض بصورة هايلة

انا من النوع اللي باحس بدبة النملة زيك بالظبط

[M.Elgergawy]

مقاسه كام

[kokyrawan]

هى المساعدين المونرو جميلة بصراحة و غريبة بعنى ناشفى بس حنينة فى نفس الوقت يعنى مبتحسش بدبة جامدة انا كنت مركبهم فى عربيتى اللانوس و فى عربية ابوى نوبيرا

و موضوع العومان انا مستغرب يمكن محتاج اظبط زوايا بعد الكاوتش مش عارف و الله انا صعبان عليا الفلوس اللى دفعتها اوى و حاسس انى هاكرة العربية

[kokyrawan]

185/65 r14

[hany63]

متهيألي عشان الكاوتش لسه جديد

[kokyrawan]

انا كنت عندهم انهاردة الصبح و سالتهم هو حيريح او حاجة بس علشان هما ناس محترمين قالى يا افندم هى طبيعة الكاوتش كدة و مش حيتغبر و كان صريح معايا مع انى كان نفسى يقولى حيريح هههههة

[تامر.محمد]

185/65 r14

لو لانوس فالمقاس ده مش مظبوط , مفروض 185/60 r14

ما تشوف تاريخ الانتاج بتاع الكاوتش طيب لربما يكون كاوتش قديم ولا حاجة , ولو اني ما اظنش

اغرب حاجة في الكلام بصراحة موضوع التعويم , طب الكاوتش القديم بتاعك كان ايه ؟

[kokyrawan]

انا معايا لانسر بومة 1600 رياضية كاملة اتو مو 2005 و تاريخ انتاج الكوتش 5111 يعنى الاسبوع 51 سنة 2011 يعنى اخر 2011 كويس و الكوتش اللى كان فيها يوكوهاما الاصلى و كان حلو

[HANYCAR]

بالنسبة للدبدبة والنشوفيه يمكن مقاس الهوا راجع عليه تانى وبالنسبة للتعويم فاعرف انه مع تغيير الكاوتش لابد من اعاد ضبط الزوايا وعرفنا عملت ايه

[kokyrawan]

انا سمعت ان فى واحد بتاع زاويا فى نازلت كوبرع الدقى فى بنزينة التعاون و بيقولوا علية ممتاز حاروح النهاردة بالليل اظبط و اكيد حقولكم اية اللى وصلتلة

[ashouhdy]

مستحيل ال my-01 احلى كاوتش ركبتة فى حياتى !!

والعومان دة عشان المقاس غلط

[kokyrawan]

المقاس غلط ازاى هو دة مقاس الكاوتش الاصلى اللى كان فى العربية

[Eng.Mina]

الكاوتش ده بقاله معايا سنة وممتاز جدا هو في الاول كان ناشف جددددددددا بس مع الوقت بقي احسن بكتير . والافضل حضرتك تملاه نيتروجين

[ashouhdy]

185 - 60-14

مش 65