سؤال لمالكى بومه 2012

[ahhazem]

اولا : انا سعيد جدا انى معاكم واتمنى تقبلونى صديق.
ثانيا : بالنسبة لموضوع الكاسيت فعلا هو فيه نوعين وانا برضو كان عندى مشكلة فى الكاسيت انه كان بيقطع بعد 10 ثوانى من تشغيله وفى صيانة الالف غيرولى الكاسيت بس بنفس النوع الغريب اللى هما حطينوا ده ولما سالت المهندس رد عليا قالى مهو ده برضو كاسيت اصلى .
ثالثا: بالنسبة لموضوع الباور هو فعلا تقيل شوية على عربية 2012 وعربية لانسر تحديدا ده طبعا من وجهة نظرى .
رابعا : بالنسبة لموضوع تمن العربية وما يقابله من اوبشن ورفاهية انا شايف ان فعلا العربية ينقصها الفخامة والرفاهية اذا ما قورنت بالكورى مثلا وايضا الشكل الخارجى وهو ازواق متواضع او خلينا نقول تقليدى زهقنا منه على اساس ان حلو ووحش دى عملية ازواق .
خامسا : بالرغم من اعتراضنا على الفخامة والاوبشن انا شايف اننا راكبين عربية محترمة ليها اسمها اللى مبنى على الكفاءة والاعتمادية بجد انا عن نفسى ساعات كتير تحدثنى نفسى انى كان ممكن بالتمن ده اشترى عربية شكلها واوبشنها افضل لكن بتغنينى عن الفكرة دى اداء العربية اللى من وجهة نظرى كويس جدا واعتمادى جدا وثبات رائع وهكذا والحمد لله انه اكرمنى بهذه العربية من غير حول منى ولا قوة
اخيرا : انا اتكلمت كتير لانى فرحان انى بتكلم معاكم اسف لو كنت صدعتكم او طولت عليكم

شرفتنا ياباشا وشكراً للرد ؟

ايه رايك في التكييف بقى بالمره
انا مضايقني جداً بصراحة

[eng_mero82]

بالنسبة ليا انا ممكن يكون رايى لا يعتمد عليه فى موضوع التكييف لانى اصلا انا مش من هواة التكييف لا فى العربية ولا فى البيت ولا فى المكتب لكن طبعا بحاول اشغل التكييف شوية كل كام يوم كدة عشان مايحصلوش حاجة فانا شايف ان التكييف عندى كويس انا شغلته من يومين وانا واقف فى طابور البنزين على 2 ومن وجهة نظرى كان كويس على اساس انى كنت واقف وانه كان على درجة 2

[mhmdeissa]

استهلاك البنزين

السلام عليكم يارفاق البومة 2012

ايه رأيكم فى استهلاك البنزين بتاع العربية (أوتوماتيك) ؟

أنا شايف بصراحة انه عالى جدا... يعنى الصفيحة (20 لتر) بتعمل عندى حوالى 160 كيلو، مع العلم ان ده العادى يعنى مش زحمة ولا حاجة!!

وبعدين أول شرطة فى عداد البنزين بتختفى بعد حوالى 30 كيلو بعد ما كانت 60-70 كيلو أول لما جبت العربية!!

حد عندو تعليق أو ممكن يشارك بالأرقام اللى عنده ؟؟

[Optiplex]

السلام عليكم يارفاق البومة 2012

ايه رأيكم فى استهلاك البنزين بتاع العربية (أوتوماتيك) ؟

أنا شايف بصراحة انه عالى جدا... يعنى الصفيحة (20 لتر) بتعمل عندى حوالى 160 كيلو، مع العلم ان ده العادى يعنى مش زحمة ولا حاجة!!

وبعدين أول شرطة فى عداد البنزين بتختفى بعد حوالى 30 كيلو بعد ما كانت 60-70 كيلو أول لما جبت العربية!!

حد عندو تعليق أو ممكن يشارك بالأرقام اللى عنده ؟؟

بص علشان تحسب استهلاك صح لازم تعرف تحسبة ازاى يعنى هاتكون رايح مشوار مش هايقل عن 100 كيلوو تقوم رايح للبنزينة الفولانية تفول للزور و تنطلق للمشوار بشرط تروح و ترجع فى نفس الوقت من غير فصل دوارة و تريح كتير علشان دة بيستهللك و بعد ما ترجع تفول لنفس الزور و كدة هاتعرفة بالدقة بالنسبة ليا انا جربت الى قولتلك علية لقتها معقوله ولا حلوة و ولا وحشة يعنى سواقة متوسطة و من غير تكيف الصفيحة عملت 230 الرقم الى حضرتك ذكرتة دة الى هو 160 عملتة لما قرصت شوية مع تكيف دائم اوووو على مدى اسبوع و دوارة و تسخيب يوميا يعنى الخلاصة الشرطة المربعة بتعمل رقم حسب استهلاك انت اقصى استهلا فعلا الى هو 70 كيلووو و شكراا

[eng.ghost]

مبروك السيارة حلوة طبعا

[hamed007]

بص يباشا انا لسه شاري بومه 2012 هاف اسبور وكان فيها الكاست ده الي فيه فلاشه ولما رحت اعمل صيانه ال 1000 قولت للمهندس انا عايز الكاست التاني ال كينود قالي حاضر واتغير الكاست في نفس اليوم وكان عندي صوت بيطلع الزجاج الخلفي واتنظفت الجريده وكله تمام دلوقتي

[iNjECTOR]

السلام عليكم يارفاق البومة 2012

ايه رأيكم فى استهلاك البنزين بتاع العربية (أوتوماتيك) ؟

أنا شايف بصراحة انه عالى جدا... يعنى الصفيحة (20 لتر) بتعمل عندى حوالى 160 كيلو، مع العلم ان ده العادى يعنى مش زحمة ولا حاجة!!

وبعدين أول شرطة فى عداد البنزين بتختفى بعد حوالى 30 كيلو بعد ما كانت 60-70 كيلو أول لما جبت العربية!!

حد عندو تعليق أو ممكن يشارك بالأرقام اللى عنده ؟؟

انا بعتذر منك ...
الحقيقة الاستهلاج ده غريب قوى
انا معايا بوما 2012 1600 CC MT بتستهلك حوالى 6 : 7 لتر لكل 100 كم

غالبا حضرتك بتقرص عليها فى الاول والثانى ... او بتكون مخنوق من الزحمة بتدوس ACC جامد شوية فطبعا ده بيزود إستهلاك البنزين ...

انا دايما بقول لنفسى وانا بسوق انه عندى 60 سنة مش 30 سنة علشان سواقتى تكون أهدى