السياره لا تدور على وضع p و تدور على وضع n

[ahrambc]

السادة الأعضاء

بعد التحيه

لدى صديق اشترى منذ ايام قليله سيلرة لانسر بومه 2009 اتوماتيك 1600

و هذه أول مره يركب فيها لانسر

عند تدوير السياره و هى بارده فى الصبح لا تدور اذا كان الفتيس على وضع P = Parking

و تدور بكل سهوله على وضع N

فهل هذا طبيعى أم هنك مشكلة ما ... أم هناك معلومة لا يعرفها

مع خالص الشكر مقدما

[amrrashed]

متابع باهتمام

[Ahmed_selmy]

غريبه دى , انا اللى اعرفه عن اللنسر انها متدورش الا على وضع ال p
عموما ننتظر اراء الاعضاء

[MohammedAladel]

الطبيعى إنها تدور على p أو n

[ahrambc]

ايضا انا معلوماتى ان كل الأتوماتيك لابد يدور على وضع p

و لذلك قررت أن أسألكم

[bmya]

طيب سؤال العربيه على نقله p لما تيجي تدورها بتدي صوت الدواره بس مش بتدور ولا مش بتدي صوت دواره خالص

[ahrambc]

انا ركبت معاه النهارده و شفت الوضع بالضبط

هوا بيفتح الكونتاكت و يسيبه شويه و بعدين يدور

اللى بيحصل كان مافيش مارش اصلا ...... كأن البطارية مش موجوده اساسا

و بعدين ينقل على n ...... فتدور عادى

قلتله

طبي جرب تدور على طول بدون فترة الأنتظار دى

فدارت السياره بشكل طبيعى

[NoRmAl]

انا ركبت معاه النهارده و شفت الوضع بالضبط

هوا بيفتح الكونتاكت و يسيبه شويه و بعدين يدور

اللى بيحصل كان مافيش مارش اصلا ...... كأن البطارية مش موجوده اساسا

و بعدين ينقل على n ...... فتدور عادى

قلتله

طبي جرب تدور على طول بدون فترة الأنتظار دى

فدارت السياره بشكل طبيعى

.

معلش مش قادر أفهم
هو ليه كان بيعمل كده؟

[محمد يوسف]

الطبيعى إنها تدور على p أو n

P فقط

[NoRmAl]

p فقط

لأ تدور على n بردو..

[ahrambc]

.

معلش مش قادر أفهم
هو ليه كان بيعمل كده؟

هوا متعود على كده علشان السياره اللى كانت معاه قبل كده خارج مصر كانت كده

يعنى يلف المفتاح و عندما تطفىء لمبة معينه فى التابلوه يدير السياره ( تقريبا لمبة check ) على حاجه فيها .... ده طبعا فى سيارته القديمه

علشان كده هو معتاد على هذه الحركه

[محمد يوسف]

لأ تدور على n بردو..

أنا عندى الياريس ماتدورش غير على p فقط وكذا موديل أتوماتيك تانى

[NoRmAl]

أنا عندى الياريس ماتدورش غير على p فقط وكذا موديل أتوماتيك تانى

غريبه أنا عندي السيراتو بتدور على p أو n
وكل العربيات الي سقتها أوتو كدا :)
هي بس الاختلاف دايما يكمن فى أنت تبطلها على أيه
في مترضاش غير على الp وفى الى مش فارقه
وفى الى لازم p وبعدين لو عايز n تدوس على ال rm
لكن كويس معلومه اليارس جديده عليه
متشكر :)

[ahrambc]

ياريت واحد من مالكى اللانسر يوضح حقيقة الموضوع بالتجربه

[bmya]

الياريس فعلا مش بتدور غير على p ولو مانوال مش بتدور غير لو دوست دبرياج
وده امان