Tweet
كذا مره حد يتكلم على ان انجكشن الخليجى داخله 3 مواسير و المصرى واحده فقط و بصراحه مكنتش شوفت الفرق بنفسى بس لما كنت فى توكيل الرواس كان فى كذا عربيه مفتوحه قدامى مصرى و خليجى و لاحظت ان فعلا فى مواسير رفيعه زياده فى الخليجى عند بوابه خنق الهوا انما مسطره الانجكشن هى هى بالضبط و لما شوفت بنفسى اقدر اشرحلكم الماسورتين الزياده فى الخليجى دول ليه؟؟؟؟؟؟؟(على فكره انا مهندس ميكانيكا).......المهم.........
دلوقتى لازم نفهم حاجه الاول وهى ان فيه بوابه هواء للتحكم فى كميه الهواء الداخله للمحرك تبعا لدوسه رجلك على بدال البنزين و ده اللى مربوط فيها سلك بدال الاكسلاتير و كل ما بندوس على البدال بيفتح الباب اكتر و يدخل هواء اكتر و تقوم الرشاشات بحقن كميه البنزين المناسبه لكميه الهواء الداخله تبعا لدرجه و زاويه فتح هذا الباب...
الباب ده ليه حد ادنى لقفله بحيث وانت شايل رجلك خالص من على الدواسه يبقه مفتوح سنه بسيطه تسمح بدخول كميه الهواء الازمه لان المحرك يكون داير فى السلانسيه(دوران المحرك بدون حمل) وطبعا زى ما كلنا عارفين ان سرعه دوران المحرك على السلانسيه مش ثابته يعنى و العربيه بارده بتبقى عاليه و و كمان لما بنشغل التكييف بيعلى شويه و كمان لما بنستخدم الباور ده غير فى الموديلات الأتوماتك لما بتديها غيار بيحصل تحميل على الموتور و بيزود بنزين عشان يحافظ على سرعته.....
طبعا كل الزيادات فى الrpm ده محتاجه بنزين زياده من الرشاشات بس البنزين الزياده ده محتاج هوا زياده عشان يتحرق!! طيب هيجيب الهوا ده منين وانت شايل رجلك خالص من على دواسه البنزين و الباب ثابت على فتحه معينه مش هتزيد لوحدها كده؟؟؟؟؟؟
هنا بقا تيجى وظيفه الماسوره الرفيعه اللى بنتكلم عليها و ده عباره عن كوبرى يعدى منه الهوا من قدام البوابه لخلف البوابه و بكده يبقه كأننا فتحنا الباب ده شويه لان فيه هواء هيعدى من خلال الماسوره بالإضافه للكميه الاصليه اللى هتعدى من فتحه الباب و طبعا الماسوره ده فى سكتها بلف بيتحكم فى درجه فتحه و قفله الكمبيوتر حسب حاجته لمزيد من الهواء ولا لأ .................
نيجى بقه ليه الماسوره ده 3 بدل من واحده فى الخليجى؟؟؟؟؟ و الاجابه هتكون درجه الحراره العاليه جدا اللى بتكون فى الخليج بتخلى الهواء اللى داخل سخن جدا و معنا انه سخن يبقه كثافته قليله و معنا ان كثافته قليله انه اتمدد و حجمه زاد.......فعلشان ادخل نفس كتله الهواء اللى انا محتاجها و الجو عادى محتاج ادخل حجم اكبر من الهوا و الجو حر... فعشان كده الكمبيوتر فى الخليجى مش هتكفيه ماسوره واحده فى الحر الشديد حتى لو فتحها على الاخر .
دلوقتى لازم نفهم حاجه الاول وهى ان فيه بوابه هواء للتحكم فى كميه الهواء الداخله للمحرك تبعا لدوسه رجلك على بدال البنزين و ده اللى مربوط فيها سلك بدال الاكسلاتير و كل ما بندوس على البدال بيفتح الباب اكتر و يدخل هواء اكتر و تقوم الرشاشات بحقن كميه البنزين المناسبه لكميه الهواء الداخله تبعا لدرجه و زاويه فتح هذا الباب...
الباب ده ليه حد ادنى لقفله بحيث وانت شايل رجلك خالص من على الدواسه يبقه مفتوح سنه بسيطه تسمح بدخول كميه الهواء الازمه لان المحرك يكون داير فى السلانسيه(دوران المحرك بدون حمل) وطبعا زى ما كلنا عارفين ان سرعه دوران المحرك على السلانسيه مش ثابته يعنى و العربيه بارده بتبقى عاليه و و كمان لما بنشغل التكييف بيعلى شويه و كمان لما بنستخدم الباور ده غير فى الموديلات الأتوماتك لما بتديها غيار بيحصل تحميل على الموتور و بيزود بنزين عشان يحافظ على سرعته.....
طبعا كل الزيادات فى الrpm ده محتاجه بنزين زياده من الرشاشات بس البنزين الزياده ده محتاج هوا زياده عشان يتحرق!! طيب هيجيب الهوا ده منين وانت شايل رجلك خالص من على دواسه البنزين و الباب ثابت على فتحه معينه مش هتزيد لوحدها كده؟؟؟؟؟؟
هنا بقا تيجى وظيفه الماسوره الرفيعه اللى بنتكلم عليها و ده عباره عن كوبرى يعدى منه الهوا من قدام البوابه لخلف البوابه و بكده يبقه كأننا فتحنا الباب ده شويه لان فيه هواء هيعدى من خلال الماسوره بالإضافه للكميه الاصليه اللى هتعدى من فتحه الباب و طبعا الماسوره ده فى سكتها بلف بيتحكم فى درجه فتحه و قفله الكمبيوتر حسب حاجته لمزيد من الهواء ولا لأ .................
نيجى بقه ليه الماسوره ده 3 بدل من واحده فى الخليجى؟؟؟؟؟ و الاجابه هتكون درجه الحراره العاليه جدا اللى بتكون فى الخليج بتخلى الهواء اللى داخل سخن جدا و معنا انه سخن يبقه كثافته قليله و معنا ان كثافته قليله انه اتمدد و حجمه زاد.......فعلشان ادخل نفس كتله الهواء اللى انا محتاجها و الجو عادى محتاج ادخل حجم اكبر من الهوا و الجو حر... فعشان كده الكمبيوتر فى الخليجى مش هتكفيه ماسوره واحده فى الحر الشديد حتى لو فتحها على الاخر .
Comment