خلاص كرهت اللانسر

[yousefsemsem]

ولا سعر اسكودا رابيد انا اتحايلت علي زمل ليا بلاش يجبها شكل بقاله 8 سنين مارداش وجابها ودلوقتي بيبيع وهي 2013

[salah_86]

كنت حكيت عن قيادتى لسيارى قريبى نيو اكسنت موديل 2011 و بعد مركبتها فعلاً ندمت اندى دفعت فى اللانسر 128000 و كان ممكن اوفر و اجيب اى عربية كورى ارخص و اليكم انطباعى بعد القيادة علماً بان سيارتى لانسر كلاسيك 1600 موديل 2013 اوتو و ماشية 2500 كيلو :
1- طبعاً التكييف لا يقارن اساساً النيو اكسنت اسقع بكتيييير حتى فى الشمس
2- باور الاكسنت ناعم جداً بايد واحدة تلفه غير اللانسر خالص لدرجة انى حسيت ان الباور عندى مش شغال
3- العفشة ناعمة لاقصى درجة ممكن تتخيلها عكس اللانسر
4- سحب ممتاز معرفش عشان العربية مانيوال و انا اوتو و لا ايه بس السحب جبار و اعلى من اللانسر
5- فرامل يدوب تحط رجلك تقف و مشوار دواسة الفرامل اقل بكتير من اللانسر
6- صوت الموتور اهدى بكتير ن اللانسر
اما النقاط الايجابية للانسر
1- طبعاً اللانسر اوسع بكتير بالذات فى الخلف
2- ارتفاع اللانسر عن الارض اعلى
3- عزل الهواء فى اللانسر احسن
مش عارف هو الواحد لما بيتعود على العربية بيكرهها و لا ايه بالذات ان كان عندى قبل ى لان برده بس 2008 ياريت نسمع ارائكوا و يارب يطلع كل كلامى تهيؤات لانى فعلاً مش طايق العربية دلوقتى

بص ياباشا انا كتبتلك قبل كدا بس النور قطع قبل ما ادوس رد
وهقولك تانى
بص ياباشا صلى على النبى الاول ووحد الله فى قلبك انت اشتريت وخلاص استمتع بالعربية على قد ما تقدر مش هقولك بقى انت راكب يابانى وسيبك من الكورى والكلام دا ولا هرد على كلامك خالص انا هحكيلك عن تجربتى انا وانت ابقى احكم
بص انا كان معايا نيسان مارش بعتها وزودت عليها وجيبت كريستالة كانت من الزيرو مع عمى قعدت معايا سنة سنة وشهرين كدا وبعتها وجيبت اوكتافيا المانى كان ابن خالتى قاعد فى المانيا وواخد الجنسية بعتهالى وقعدت معايا سنة ونص واخو اللى بعتهالى اشتراها منى لانى كان نفسى اركب زيرو وكمان حيرتنى فيها مش اى صنايعى بيعرف يشتغل فيها يعنى حساس الحرارة بتاعها كان باظ غلبت وكاانت بتبطل منى كتير ومحدش عرف فيها ايه غير لما وديتها لواحد عرفته بعد معاناه كان بيشتغل فى توكيل اسكودا وعرف العيب وصلحة بس بوجيهات وفلتر زيت وفلتر هوا كلة كان غالى قوى
المهم بعتها وقررت اشترى لانسر لان الكريستالة كانت مريحانى قوى
بس الفلوس اللى معايا مكفتش غير انى اجيب لانسر 1300 مانيوال
واشتريتها بفضل الله واهى معايا 4 سنين انا جايبها زيرو 2009
ومش ندمان ممكن اكون ندمت انى جبتها مانيوال و 1300 كان نفسى فى 1600 اوتو
وعارف انا ان اللانسر مش بتجرى زى الهيونداى لان والدى معاه جيتز العربية ممكن وانا على التالت تفرك من تحت رجلى وانا مش قاصد بس دا راجع لايه لانهم بيعملو مواتير قوية جدا جدا على اجسام خفيفة صدقنى ثبات اللانسر ممتاز وجميل
انا نفسى لو هغير هجيب لانسر شارك اوتو ولو هخرج برة الميتسوبيشى هجيب تويوتا او هوندا
لاتندم وبعدين الخيرة فيما اختارة الله

[BASOOMVIP]

بص ياباشا انا كتبتلك قبل كدا بس النور قطع قبل ما ادوس رد
وهقولك تانى
بص ياباشا صلى على النبى الاول ووحد الله فى قلبك انت اشتريت وخلاص استمتع بالعربية على قد ما تقدر مش هقولك بقى انت راكب يابانى وسيبك من الكورى والكلام دا ولا هرد على كلامك خالص انا هحكيلك عن تجربتى انا وانت ابقى احكم
بص انا كان معايا نيسان مارش بعتها وزودت عليها وجيبت كريستالة كانت من الزيرو مع عمى قعدت معايا سنة سنة وشهرين كدا وبعتها وجيبت اوكتافيا المانى كان ابن خالتى قاعد فى المانيا وواخد الجنسية بعتهالى وقعدت معايا سنة ونص واخو اللى بعتهالى اشتراها منى لانى كان نفسى اركب زيرو وكمان حيرتنى فيها مش اى صنايعى بيعرف يشتغل فيها يعنى حساس الحرارة بتاعها كان باظ غلبت وكاانت بتبطل منى كتير ومحدش عرف فيها ايه غير لما وديتها لواحد عرفته بعد معاناه كان بيشتغل فى توكيل اسكودا وعرف العيب وصلحة بس بوجيهات وفلتر زيت وفلتر هوا كلة كان غالى قوى
المهم بعتها وقررت اشترى لانسر لان الكريستالة كانت مريحانى قوى
بس الفلوس اللى معايا مكفتش غير انى اجيب لانسر 1300 مانيوال
واشتريتها بفضل الله واهى معايا 4 سنين انا جايبها زيرو 2009
ومش ندمان ممكن اكون ندمت انى جبتها مانيوال و 1300 كان نفسى فى 1600 اوتو
وعارف انا ان اللانسر مش بتجرى زى الهيونداى لان والدى معاه جيتز العربية ممكن وانا على التالت تفرك من تحت رجلى وانا مش قاصد بس دا راجع لايه لانهم بيعملو مواتير قوية جدا جدا على اجسام خفيفة صدقنى ثبات اللانسر ممتاز وجميل
انا نفسى لو هغير هجيب لانسر شارك اوتو ولو هخرج برة الميتسوبيشى هجيب تويوتا او هوندا
لاتندم وبعدين الخيرة فيما اختارة الله

شكراً استاذ صلاح

[limo]

اما راكب بومه 2008 1600 اوتوماتيك
العربيه عدت الخمس سنوات استخدام وانا جايبها من الزيرو وبسم الله ما شاء الله بالعربيه ممتازه وعمرى ما ندمت انى اشترها بالعكس متمسك بيها جدا
انا ركبت نيو اكسنت وانترا الشكل القديم وشايف ان ده ميزه الانترا والاكسنت عن الانسر فقط فى الفرامل غير كده الانسر احسن

[kazamodia]

بص انا كنت محتار جدا وانا بشتري العربية الجديدة كنت نفسي اجيب الصني الجديدة ولحد دلوقتي والله نفسي اجيبها او اسوقها لكن كل ما اسأل حد يقولي وحشة وكل ما اسأل على اللانسر الاقي كله يقولي .. "اللانسر ياباني يا باشا" وفعلا اشتريت لانسر مع ان كمالياتها فقيرة جدا وشكلها من بره ومن جوه وحش اوي ... لكن كل اللي اعرفه انها حمالة قسية .. ويوم ما اقول انا عايز ابيع .. هلاقي 100 مشتري وبالسعر اللي انا عايزه ! اوعى تندم اللانسر لانسر وسيبك من الكوري والله عربيات ورق وسرقتها زي الحلاوة شوف السيراتو ودلوقتي الالنترا كمان بيكسروا القزار ويدوروها ويمشوا ! الكوري ده منظر من بره لكن بعد كام سنة هتلاقيها فتحت بقها !

[bmya]

يا جماعه اكسنت ايه بس اللي فراملها حلوه دي !!!

[khaabas]

لانسر ايه اللى احسن من الار بى
الار بى احسن منها شكلا وموضوعا ولا يجوز المقارنة بينهما
بالضبط كانك بتقارن ( 128 اللى هى اللانسر ) ب ( بى ام )
وعالفكرة الاسطوانة المشروخة بتاعه الكورى دى خلصت
لان الكورى تفوق على كتير من اليابانى
اما اللانسر فراحت عليها اصلا من زمان

[ma7oo]

كوووووووووووووورى يعنى بترمى فلوسك فى الارض منظر من بره ومهلبية من جوا واسال اللى مجربين

[cafe]

واضح جدا ان عربيتك نفسها تعاني من مشاكل كتيرة اوي ..... مشوار الفرامل دة معناة ان الفرامل عندك خلصانة سواء تيل او طنابير او ماستر او ايا كان
وحكاية العفشة فبردو واضح اوي ان عربيتك عفشتها فطسانة و بدل ما نعد والتكييف كذا وغيرة كذا يبأى الافضل تشد عربيتك

[bmya]

ياباشا يشد ايه بس هههههه العربيه زيرو لسه

[BASOOMVIP]

واضح جدا ان عربيتك نفسها تعاني من مشاكل كتيرة اوي ..... مشوار الفرامل دة معناة ان الفرامل عندك خلصانة سواء تيل او طنابير او ماستر او ايا كان
وحكاية العفشة فبردو واضح اوي ان عربيتك عفشتها فطسانة و بدل ما نعد والتكييف كذا وغيرة كذا يبأى الافضل تشد عربيتك

واضح انك مقريتش الموضوع كويس العربية موديل 2013 و عاملة 2500 كيلو بس برجاء التمهل قبل الرد و شكراً على ردك على اى حال

[Habd]

حضرتك بس استهدى بالله و صلى عالنبى و استعيذ بالله من الشيطان الرجيم
و احمد ربنا على نعمته
للاسف اللى حضرتك بتتكلم عليه سببه انتشار فكرة تميز اليابانى عن الكورى المطلق فحضرتك نازل من اللانسر متوقع انها هاتكون افضل بمراحل كتيرة من الاكسنت فده سبب الصدمة مش اكتر
عربيتك حلوة و زى الفل اتمتع بيها و مفيش داعى للمقارنات

[pop13]

[mdogs1979]

مع كامل احترامى .. لو ضربونى بلمؤخذه ,,,,,,,,, عمرى ما اجيب كورى تانى

اقل عربيه يبانى برقبت اجمد الكورى


اوعى يغرك المنظر او حتى الاداء ,,, انسى مفيش اعتماديه و المشاكل هتبداء تظهر قريب و اسال مجرب


على فكره انا جربت حجات المانى و كمان فرنساوى ... و كانت اقل متعه من الكورى فى السواقه

زى الرينو فليونس ,, و الاوبل فكترا ... و ااكد لك ان الالنتر سوقتها كانت انعم و استجبتها اسرع,,,

لاكن حرام دى فلوس تعبانين فيها مينفعش نجيب عربيه نفرح بيها شويه و نرميها او نقضيها عن بتوع قطع الغيار

ااقلك ,, جرب تهمل فى الانسر و متوديهاش صيانه و عمالها وحش ( اتحداك انها هطتلع اصيله معاك و مش هتقل معاك ابدا )

دا طبعا مستحيل مع الكورى لو فوت صيانه واحده ... هتتعاقب و تندم .. ازاى تعملها كده دى بتاعه دلع ,, خد بقى مصاريف


خليك مع الاصيله تريحك وقت الشده .. حتى لو مصرفتش عليها ... و عجبى

[msds_eg]

مع احترامي لجميع الموجودين ومع احترامي لجميع السيارات اوعي تندم يباشا انك جيبت الانسر لانها من افضل السيارات ولاتوجد مقارنه بين الانسر واي سياره كوري اولا حوار التكيف انا معاك انو ضعيف شويه حوار العفشه النشفه ده ميزه مش عيب انتا عندك عفشه اسبور بعد سنتين ابقا شوف العفشه بتاعت الاكسنت وانتا تعرف قصدي هتكون ادمرت بسبب الطرق الي احنا بنشوفها لاكن انتا معاك عفشه اسبور علي السحب بقا معلش في الكلمه دي بتبقي مهارات سواق لان خلي بالك الانسر تسبق الالنترا شكل 2010 والسيراتو كمان انا والله لما جيت اشتري عربيتي الي نصحني بيها والله ناس ركبه سيراتو ونيسان والنتراقالولي هتندم ندم عمرك الانسر عربيه اعتماديه ثباث عالي جدا اوعي تندم يباشا انا معايا هاف اسبور 2012 وافتخر