ما هو افضل زيت محرك للانسر البومة

[hatemmohsen]

السلاالمانى م عليكم
انا بستخدم زيت كاسترول من اول ما اشتريت العربية زيرو 2009
لكن االان مش لاقيه فى اسيوط ومحتار اغير الى ايه ..
فى نوع واخد توكيله ناشيونال موتورز اسمة بيزول
وطبعا لن استخدم الاسو والموبيل
ايهما افضل الشل ام الشيلد الكويتى ام التوتال

[mahmoud85]

متابع
الكاسترول كان نوعه ايه وبيقعد كام كيلو ؟ وظروفه ايه هل فيه بخر ولا بينزل كويس وصوت المكنه كان عامل ايه

[Dr.lancer]

أنا لسه مغيره فى صيانة الألف كيلو و التوكيل بيستخدم زيت توتال و المهندس اللى هناك شكرلى فى شل 10.000 قالى أنه كويس بس بلاش موبيل لان البخر بتاعه عالى

[salah_86]

انا كنت بستخدم توتال ومكنش فيه منه مشكلة مرة وانا بغير بعد ما نزلت الزيت قلت للولد عاوز توتال قالى مفيش فاضطريت احط شيل وبصراحة ارتحت معاه بكتير عن توتال وصوت الموتور هدى عن الاول كتير

[hatemmohsen]

متابع
الكاسترول كان نوعه ايه وبيقعد كام كيلو ؟ وظروفه ايه هل فيه بخر ولا بينزل كويس وصوت المكنه كان عامل ايه

كنت بحط كاسترول بيتغيير من 5000 - 7000 كان ممتاز ونسبة الخر قليلة جدا والموتور مرتاح عليه ع الاخر ولما بينزل مش بيكون موسخ قوى ومش عامل زى الشربة زى موبيل واسو وده بحوالى 130
.. وفى كمان اللى بيتغيير كل 10000 - 12000 وده عالى جداا بحولى 210
بس للاسف مش موجدين دلوقتى فى اسيوط

زى مقلتلكم زيت جديد اسمه بيزول بس بصراحة مسمعتش عنه
وشيلد الكويتى الناس بتشكك فيه
مفيش امامى غير توتال او شل وللاسف الاتنين تجميع مصرى بردوه ومش عارف اجيب مين فيهم

[hatemmohsen]

محدش جرب زيت مولى ليكوى او فالفولين

[mahmoud85]

اللي جربو لكوي مولي كتير وبيشكرو فيه اوي وانا ناوي ان شاء الله اجربه لما انزل الموبيل وان الزباله اللي انا حاطه ان شاء الله

[nabil.maher]

انا عربيتى لانسر بومه 1300 cc موديل 2008 ماشيه 90 الف وكنت بحط زيت شيل الاصفر الى سعره 130 ج بيقولوا بيقعد 5000 كيلو المكانيكى قالى انه مش كويس فانا مش عارف اغيره بنوع تانى ولا لا
وفى ناس قالتلى ان زيوت الامارتيه كويسه ايه رايكوا

[salah_86]

ياباشا انا عربيتى 1300 موديل 2009 وكنت بحط موبيل xhp وبعدين توتال 5000 وفى الاخر لما جربت شيل الاصفر العربية صوتها هدى جدا جدا
والاخوة الاعضاء نصحونى انى اغير لزيت ال 10000 فبقيت بحط زيت شيل الرصاصى اللى هو الالترا وعاوز اقولك بكل امانة انه فوق الممتاز

[salah_86]

بس انا مش هقعده 10000 انا هقعدة 7 او 8 بس

[Egy_fan]

انا كنت بستعمل موبيل 1 لحد مصريه نفسهم قالوا ان شيل احسن منه

بقيت استعمل شيل الترا هيلكس

[ehabahmedie]

السلام عليكم:

أنا كنت رديت على الأستاذ نبيل ماهر في مشاركة تانية

http://www.nilemotors.net/Nile/36252...post3875043094

على فكرة الشل ألترا الرصاصي 5w-40 بـ 300 مقفولة في بنزينة شل

[hatemmohsen]

زيت شل الاالترا اللى ب 300 غالى جدا
وزيوت كاسترول ارخص وانظف بكتير
وامارات مصر ممتاز
وولف جامد جدااا
ليكوى مولى سمعت عنه انه برضوه ممتاز
اما موبيل واسو دى اسوا انواع الزيوت

[sherif010]

طب انا معايا باسات 2000 وكنت بحط موبيل وان تنصحونى يا اعضاءا المنتدى الكريم اغير اى زيت افضل منه

[Fadi Ezzat]

انا بحط زيت ولفر بصراحة خطييييير كفاية صوت الماتور
والزيت بينزل عامل ازاى