حادثة لعربيتى سوبر اكشن فى عربية فيرنا

[khaledmekawy2008]

يا جماعة الحمد لله قدر الله وما شاء فعل الواحد ماشى فى خيرة الله وعلى سرعة 80 لقى واحد بيعربية فيرنا كاسر من يمين للشمال من غير ما يبص يمين ولا شمال ومتهور
والمهم مدى انتظار لعربيتهيعنى يركن لا راح كاسر شمال وحصل اللى حصل وديه الصور انا عاوز اعرف احسن توكيل لعربيتى هى خليجى انا اتصلت بشركة مصرية واتفقت معاهم هل هى بتتعامل مع الخليجى ولا لا

[salem]

la ellah ela allah
rabena ye3awad 3alik wel 7dl enak kowayes
kadar allah we masha2 fa3al

ana lel 2asf m3andish fkra wallahy bas akid ostaz tarek zoweil haygaweb 3ala hadretak

[momenhamdy]

الحمد لله علي سلامتك اولاً ......... و ان شاء الله العربية ترجع زي الاول و احسن و ان شاء الله خير و ( قدر الله و ماشاء فعل )

[limo]

الحمد لله على حال ونشكر ربنا انك بخير
ان شاء الله الخبطه هتصلح وترجع زى الاول بسهوله
هيه الاير باج فتحت ؟

[khaledmekawy2008]

انا يا جماعة بجد كان نفسى اجيبلكوا صور الفيرنا اللى خبط فيها عشان تشوفوا مدى قوة الخبطة بجد الفيرنا بقت خرده من كل ناحية العفشة وقعت والقزاز من الخبطة اتكسر والاربع بواب اتكسروا.( الحمد لله مفيش خسائر انسانية خالص) وعشان خاطر صاحب الفيرنا وهو نقيب شرطة كتفه فيه شبه تمزق وجروح تانية اتنازلت عن المحضر انا كنت عاوز حد يعرفنى اسعار قطع الغيار اللى عربية محتاجاها وهل الاكصدام من التوكيل زى اللى كان فى العربية ولا بيترش

[khaledmekawy2008]

الحمد لله على حال ونشكر ربنا انك بخير
ان شاء الله الخبطه هتصلح وترجع زى الاول بسهوله
هيه الاير باج فتحت ؟

لا الايرباج مفتحتش

[salem]

لا الايرباج مفتحتش

leh kda b2a
2olohom fel tawkeel 3al mawdo3 da
3ashan mafrod el 7'bta men 2odam teft7 el airbag

wala el airbag mestany 7'bta ashad men kda

[salem]

- اكصدام امامي جاهز و ليس عموله 220 جنيه
3- كشاف امامي كوري كامل 220 جنيه

http://nilemotors.net/Nile/showthread.php?t=3372

de as3ar maktob enha men bara el tawkeel
el tawkeel a3'la akiid

[khaledmekawy2008]

leh kda b2a
2olohom fel tawkeel 3al mawdo3 da
3ashan mafrod el 7'bta men 2odam teft7 el airbag

wala el airbag mestany 7'bta ashad men kda

هى الخبطة مجبتش وش العربية كله جابته من الجنب والخبطة اتوزعت على الكبوت والرفارف لكن مجتش من الوش بالظبط ولازم العربية تكون دخلت فى حاجة ناشفة وجامدة اكتر من الفيرنا

[khaledmekawy2008]

- اكصدام امامي جاهز و ليس عموله 220 جنيه
3- كشاف امامي كوري كامل 220 جنيه

http://nilemotors.net/Nile/showthread.php?t=3372

de as3ar maktob enha men bara el tawkeel
el tawkeel a3'la akiid

معلش انا كنت بسال عن اسعار التوكيل بس

[YoussefMostafa]

قدر الله وماشاء فعل

والمهم انك بخير وان شاء الله ترجع زي الاول

[momenhamdy]

هى الخبطة مجبتش وش العربية كله جابته من الجنب والخبطة اتوزعت على الكبوت والرفارف لكن مجتش من الوش بالظبط ولازم العربية تكون دخلت فى حاجة ناشفة وجامدة اكتر من الفيرنا

كلامك مظبوط و بعدين في حاجة احب اوضحا ان الايرباج مش بتفتح غير و لو قدر الله ان الخبطة تدخل لحد نصف الكبوت ( توصل الي اول الموتور )

[affosah]

توضيح للموضوع على حد علمي حضرتك لو كنت لابس حزام الأمان كان الايرباج فتح لأنه مربوط بسينسور الحزام

أنا عملت برضو حادثة من شهر بالعربية اللانسر
إتخبطت بدبش كبير والحجرة كانت كبيرة وكنت ماشي على سرعة فوق الستين وزيت الموتور وقع والعجل رجع وإتبهدلت

رحت على التوكيل وعملت المقايسة طلعت 15000 جنيه

بس الحمدلله أثناء التصليح التكلفة نزلت وتكلفت 6500 جنيه بس لأن في حجات طلعت سليمة والفتيس ماتغيرش
خلال أسبوع إستلمت العربية

الحمدلله على كل شيء وإن شاء الله ترجع زي الأول وأحسن

[hazem_khidr]

قدر الله و ما شاء فعل
الحمد لله ان الاير باج ما فتحتش كانت اتكلفت كتيييييييير اوي
ان شاء الله العربيه ترجع لوضعها
يدوب تغير فوانيس و رفرين و كبود و اكصدام و حترجع زيرو تاني ان شاء الله
اعتقد انك تعملها بره التوكيل يبقي ارخص بكتير و فيه صنايعيه كتير كويسه
بيشتغلوا في العربيات الجديده
بالنسبه للاكصدام بيجي من التوكيل لون الفيبر و انت بترشه بلون العربيه

[مصراوي جدا]

استاذ خالد انا قلت أرد على حضرتك في اسعار قطع الغيار هنا أفضل من الخاص حتى يستفيد الجميع

هو حسب الصور المرسلة فالحادثة برضه مش بسيطه ولا يمكن تحديد التلفيات من الصور لكن لازم يتعمل معاينة للعربية ومقايسة

طبعا نظرا لكثرة الحوادث فهناك قائمة انتظار لعمل المقايسات

ممكن حضرتك تجيب العربية يوم 9-9 ويتعمل مقايسة لها تاني يوم

مبدئيا أسعار قطع الغيار في التوكيل للحاجات اللي ممكن العربية تحتاجها كالتالي (الأسعار شاملة الضريبة) :

- اكصدام أمامي 1600 جنيه
- كساحة اكصدام أمامي 1950 جنيه
- فانوس أمامي 1075 جنيه (موقف الفانوس الشمال يتحدد بالمعاينة)
- كبوت 1475 جنيه
- رفرف يمين 970 جنيه ومثله رفرف شمال

قد تحتاج العربية الى

- ردياتير 2200 جنيه
- سربنتينة تكييف 3000 جنيه

وده المعاينة اللي هتحدده وكذلك المصنعية لا يمكن تحديدها الا عند عمل المقايسة