حادثة لعربيتى سوبر اكشن فى عربية فيرنا

[aif]

قدر الله وماشاء فعل ...الحمد لله ان الاصابات في الحديد .....فداك 1000 عربية .... الحمد لله على سلامتك ... وربنا يعوضك خير ان شاء الله

[mohamedway]

انا شايف ان العربيه سليمه و ممكن ما تحتاجش غير فانوس امامى يمين تايوانى بحوالى 250 جنيه والصاج حالته قابله للسمكره يعنى لو سمكرى شاطر هيرجعهالك زى الفابريقه من غير متغير الرفرف ولا الكبوت و لو حسيت ان الكبوت مش هيتزبط كويس ممكن تجيبه استيراد اكيد هيكون ارخص من التوكيل بكتير و البويه اللى هترش بيها انصحك تجيبها من التوكيل عشان تبقه زى باقى العربيه بالزبط لأنك هترش الربع الامامى فقط و بالنسبه للإكصدام لنا شايفه سليم ما عدا قطعه صغيره ممكن حد بتاع فبر يصلحهولك انما لو مأمن على عربيتك يبقه وديها التوكيل طبعا و غير كل حاجه اتأثرت من الحادثه و التأمين هو اللى هايشيل الليله.

[khaledmekawy2008]

الحمد لله يا جماعة انا مامن على العربية والحمد لله اتفقت مع التوكيل بتاع الباشمهندس طارق على يوم 8 9 وان شاء الله تتصلح وكل واحد ياخد باله وهو بيسوق من غلطات الناس التانية واحب اشكر باشمهندس طارق على الاسعار اللى جبهالى بس كان عندى سؤال هل توكيل ده بيشتغل فى الخليجى ولا لا؟ اصل على ما اعرف ان الرواس للخليجى ومصرية للمصرى

[M_HaFeZ]

وعشان خاطر صاحب الفيرنا وهو نقيب شرطة كتفه فيه شبه تمزق وجروح تانية اتنازلت عن المحضر

حضرتك تنازلت عن المحضر علشان هو نقيب شرطه ولا علشان الاصابات ؟؟
فى كلا الحالتين هو أخطأ ولازم يتحمل نتيجه غلطه طالما كان استهتار مش غصب عنه

[khaledmekawy2008]

حضرتك تنازلت عن المحضر علشان هو نقيب شرطه ولا علشان الاصابات ؟؟
فى كلا الحالتين هو أخطأ ولازم يتحمل نتيجه غلطه طالما كان استهتار مش غصب عنه

لا انا ما اتنازلتش عشان هو نقيب شرطة عشان الاصابات اللى حصلتله وكان معاه عريس وعروسة اتبهدلو هو كان بيزفهم وهو كمان ماشى من غير رخص خالص يعنى كان رايح فى الحديد فقلت بلاش ابهدله واغرمه كتير واحتمال كان يسيب شغله وكمان كان بيلعب كرة يد فى نادى طلائع الجيش فاتنازلت

[blazer]

قدر الله و ما شاء فعل
حصل خييير
المهم انت تمام :):)
فداك 1000 عربيه

[M_HaFeZ]

لا انا ما اتنازلتش عشان هو نقيب شرطة عشان الاصابات اللى حصلتله وكان معاه عريس وعروسة اتبهدلو هو كان بيزفهم وهو كمان ماشى من غير رخص خالص يعنى كان رايح فى الحديد فقلت بلاش ابهدله واغرمه كتير واحتمال كان يسيب شغله وكمان كان بيلعب كرة يد فى نادى طلائع الجيش فاتنازلت

لا الصراحه الموقف كده يدعوا للتنازل
بجد انا باتنرفز جدا من اللى بيستغلوا سلطاتهم وبيتعاملوا مع الناس على انهم درجه تالته ..

وطالما وضحت كده .. يبقى العفو عند المقدره

[مصراوي جدا]

الحمد لله يا جماعة انا مامن على العربية والحمد لله اتفقت مع التوكيل بتاع الباشمهندس طارق على يوم 8 9 وان شاء الله تتصلح وكل واحد ياخد باله وهو بيسوق من غلطات الناس التانية واحب اشكر باشمهندس طارق على الاسعار اللى جبهالى بس كان عندى سؤال هل توكيل ده بيشتغل فى الخليجى ولا لا؟ اصل على ما اعرف ان الرواس للخليجى ومصرية للمصرى

الحمد لله ان العربية طلعت متأمن عليها لأنها لما بتتعمل صح ويتغير فيها كل حاجه صح بترجع باذن الله زي الزيرو انما لما بتكون مش مأمن عليها وبتلم الموضوع فالنتيجة بتكون كويسة انما مش 100 100 طبعا.

بالنسبة لموضوع الخليجي فالتوكيل بيقبل طبعا الخليجي طالما في الصيانة العادية أو اصلاح الحوادث انما لو لا قدر الله احتاجت تغير حاجه في الضمان هو ده اللي يقتضي ان العربية تكون مصري علشان ضمان الوكيل يغطيها.