مشكله فى الفرامل aps

[kero25]

انا عندى العجل الامامى فى لانسر 2006 كان بيسخن جامد وغيرت تيل الفرامل وعملت طقم صيانه البساتم للعجل ولكن الان فى صوت احتكاك غير عادى عند الضغط بقوه على الفرامل وعموما الفرامل بقت ضعيفه هل المشكله فى المستر والا السيرفو وما هو احسن مكان لعدم العك فى الفرامل ؟ مع جزيل الشكر لكم

[Powert]

اخي اولا اسمه Abs

ثانياًAbs مالهومش علاقة بان الفرامل ضعيفة وبتعمل احتكاك

وانتظر حد من الاعضاء يرد عليك بخصوص المشكلة دي لاني بصراحة معرفش حلها

[شاهين - بنز]

غير طنابير الفرامل

[nobody]

قصد حضرتك ان الديسك بتاع الفرامل بتسخن جامد وبتطلع صوت احتكاك مع الفرامل الجامدة

كده يبقى الديسكات عندك عايزة تتخرط أو تتغير حسب الحالة

عموما ديسكات اللانسر دي من أحد عيوب العربية

يا ريت لو تقد تغيرهم ب Brembo حتلاقيهم بنفس سعر الديسكات الأصلية أو أرخص كمان

[zAzU]

العجل الامامى فى لانسر 2006 كان بيسخن جامد انا عندى كده هوا ده يبقى المشكله فين ؟ بس دا لما اشغل التكييف و امشى شويه انا لاحظت كده

[mohamedway]

طبيعى ان العجل الأمامى فى اى عربيه يسخن مع الفرامل الكتير و القويه و حتى لو مش بتفرمل جامد و الجو حر هتسخن بردو و ممكن السخونيه ده توصل لدرجه انها تلسعك و ده طبيعى و مش هيبوظلك حاجه فى العربيه لانها مصممه تستحمل درجه الحراره العاليه ده بس لازم تكون مركب التيل و الطنابير الاصليه عشان خاماتهم بتستحمل درجه الحراره العاليه من غير ما يحصل فى الفرامل Fade (يعنى ضعف الفرامل مع السخزنه الجامده) وعلى فكره التيل الاصلى بتاع العربيه اسمه Sumitomo و متوفر فى التوكيل حاليا و خلى بالك ان عندهم فى التوكيل نوع تيل تانى بديل لل Sumitomo بيحطوه لما الsumitomo بيبقه ناقص و النوع ده اسمه Ak و النوع التانى ده اداؤه زى الاصلى بالظبط بس عمره الطول و بيعيش كتير بس بيبقى انشف شويه على الطنابير و هو اللى بيبوظ طنابير الانسر و بيعمل فيها عالى و واطى و بيخليهم يخرطو الطنابير كل مره بيغيرو فيها التيل عشان ميحصلش رعشه فى الدركسيون مع الفرامل انما الsumitomo ما بيبوظش الطنبوره لان ده هو اللى متصممه عليه العربيه و بتنزل من اليابان بيه.
لو عاوز نصيحتى غير الطنابير بالاصليه و خليهم يحطولك التيل ال Sumitomo و اوعى تركب على الطنبوره التيل الak ابدا و بص عليه بنفسك.

[mohamedway]

http://www.nilemotors.net/Nile/showthread.php?t=23168

بص على اللينك ده هتلاقى النوعين اللى موجودين فى التوكيل

[nobody]

على فكرة أنا مركب عندي تيل AK وزي الفل
المهم من فترة لأخرى تفك التيل وتصنفره و تنضف الطنابير من أي أتربة
و مهم أوي ترجلش العجلة اللي ورا كويس عشان الحمل ما يزيدش على الفرامل اللي قدام
انا بارجلش العجل الخلفي تقريبا كل 5 آلاف كيلو ومهاهم برضه بصنفر التيل الأمامي وأنضف الطنابير (نصيحة اعمل الكلام ده بنفسك ما تخليش حد يلعبلك في العربية لإني مرة وديتها التوكيل ضيعولي brake shims )

[mohamedway]

على فكرة أنا مركب عندي تيل AK وزي الفل
المهم من فترة لأخرى تفك التيل وتصنفره و تنضف الطنابير من أي أتربة
و مهم أوي ترجلش العجلة اللي ورا كويس عشان الحمل ما يزيدش على الفرامل اللي قدام
انا بارجلش العجل الخلفي تقريبا كل 5 آلاف كيلو ومهاهم برضه بصنفر التيل الأمامي وأنضف الطنابير (نصيحة اعمل الكلام ده بنفسك ما تخليش حد يلعبلك في العربية لإني مرة وديتها التوكيل ضيعولي brake shims )

اولا: التيل الAK اداؤه زى الأصلى بالضبط و كمان احسن من الاصلى فى انه عمره اطول و بيركبوه فى التوكيل كبديل للأصلى بس في عيب مشهور قوى فى الانسر و هو غربله الدركسيون مع الفرامل و ده بيكون عيب طنابير و كل ما بيخرطوها بيرجع التيل يعمل فيها عالى و واطى تانى و ترجع الغربله انما الSUMITOMO ما بيعملش كده فى الطنبوره و هو(بص هو ده عيب فى خامه الطنبوره بتاعت الانسر و بيحصل العيب ده فيها مع اى تيل حتى لو تيل من السوق مش الAK بتاع التوكيل انما التيل الوحيد اللى ما بيبوظش الطنبوره هو الأصلى (SUMITOMO) و زى ما تقول كده انهم مصممين الطنبوره عليه و ده اللى بتنزل بيه العربيه من اليابان.

ثانيا: عن تجربه ما ترجلش فرامل ورا كتير انا بقالى 40000 كم مخلتش حد يقرب منها و بدال الفرامل عالى و فرامل اليد قويه و زى الفل و بتلقط من اول سنه و الفرامل عموما كويسه جدا و بالعكس لما رجلشتها زمان حملت و بقت تسخن و الفرامل كانت و حشه جدا لان التيل و هو سخن فرامله طبيعى تبقه و حشه ده غير تكتيفه العربيه و استهلاك البنزين(انا ما بصدق ان فرامل ورا تبقه مضبوطه من حيث انها تكون قويه و التيل مطبع و مخدم كويس على الطنبوره و فى نفس الوقت العجل خفيف و ما بيحملش و ما ببقاش عاوز العب فيه ابدا لأنه لو اتلعب فيه عمره ما هيرجع مضبوط تانى غير بعد فتره من الاستخدام) و على فكره التيل الخلفى للانسر تقريبا يكاد يكون ما بيخلصش و قريب لما حسيت ان فرامل ورا ضعفت شويه(بعد 40000 كم من اخر رجلشه) فكيت الطنابير ولاقيت التيل تقريبا زى ما هو و لاقيت كميه بودره قليله جدا بالنسبه ل40000 كم شغل و فعلا بدال الفرامل كان حلو فكل اللى عملته انى نضفت البودره و غسلت التيل و الطنابير ببنزين و قفلت تانى من غير ما العب فى الرجلاش خالص و الفرامل تمتام(و على فكره كتر الرجلشه هيقصر عمر التيل لانك كل ما بتحمل عليه بيتاكل مع المشى العادى لغايه ما يضبط نفسه تانى و علما يضبط نفسه تانى هيكون عمل بودره كتير و كتر البودره ده هى اللى بتخلى الفرامل ما تمسكش حلو فتقوم تلاقى الفرامل مش عجباك خلال فتره قصيره فتقوم تفك تانى و تنضف و ترجلش تانى و هلم جره (نصيحتى انك تنسى فرامل و را ده خالص فى الانسر بالذات لان خامه التيل اللى ورا ما بتتاكل ببطء شدييد مع اى استخدام و لما تحس ان الفرامل مش عجباج نضفها فقط و (ما تصنفرهاش) نضافه بس و قفل تانى و على فكره التيل الSUMITOMO قدام فرامله احن شويه قدام و مش هيغليك تحس ان العربيه بتتزحلق قوى زى الاول(بالاضافه انى مركب قدام فردتين ميشلان 205/60 R15) ظابطين الدنيا معايا تمام.

[mohamedway]

على فكره انا كنت شايل الBrale Shims و لاحظت ان مسافه التوقف مع الABS لما يكون شغال بتطول شويه من غيرها فركبتهم تانى و اكيد بتخفف الصدمات بتاعت مكنه الABS عن التيل و اليابانيين مش حاطينها زينه فى العربيه و اكيد مهمه.

[nobody]

آسف على التكرار

[nobody]

كلامك كله مزبوط
بس لما أبقى مش مرجلش العربية كويس العربية بتحدف لقدام
و على فكرة brake shims وظيفتها الوحيدة فقط انها تمنع brake squeal
وأنا بصراحة من ساعة ما التوكيل ضيعها من 10 الاف كيلو و الحمد لله ما فيش squeal
و بصراحة هي كانت بتعمل مسافة حرة بسيطة في الدواسة
لكن لما تشيلها البستم بيبقى لازق في التيل على طول

اكيد بتخفف الصدمات بتاعت مكنه الABS عن التيل

و اديك حضرتك قولت فبالتالي الفرامل حتبقى أضعف
هي أصلا كانت معمولة عشان عاملين حسابهم ان في أنواع معينة من التيل اللي بيكون فيه مواد معدنية كتير كان بيعمل squealing والعربية ماشية لكن التيل الأصلي ما بيعملش كده

[salem]

ya3ni eh ya shabab brake shims

[nobody]

Anti-squeal shims

[mohamedway]

اقتباس:
اكيد بتخفف الصدمات بتاعت مكنه الABS عن التيل
و اديك حضرتك قولت فبالتالي الفرامل حتبقى أضعف
هي أصلا كانت معمولة عشان عاملين حسابهم ان في أنواع معينة من التيل اللي بيكون فيه مواد معدنية كتير كان بيعمل squealing والعربية ماشية لكن التيل الأصلي ما بيعملش كده
__________________

على فكره مش بتضعف الفرامل بالعكس بتخلى اداء الABS افضل و عن تجربه و ده لسبب بسيت واضح جدا و هو ان الABS بيمسك و يسيب الديسكات مئات المرات فى الثانيه و الSHIM بتبقه عامله زى السوسته (تاخد طاقه لما تنضعت و ترجع تفرغها لما تتساب) وده بيكون مفيض فى اللحظه اللى الABS بيسيب فيها فرامل على العجل فميحصلش لحظات ضعف كتيره اثناء عمل الABS ,وبتحافظ على احسن Fitt لل تيل مع الطنبوره اثناء الVIBRATION بتاع الABS (بس على فكره الفرق بين وجودها من عدمه مش كبير بس انا لاحظت انه فعلا مسافه التوقف بالABS بتبقه افضل و هم راكبين و عن تجربه عمليه لأنى شيلتهم بنفسى و رجعتهم تانى و جربت العربيه فى الحالتين)