محتـــــــار لانـــــــــسر شـــارك ولا تويوتا كورولا 2014؟؟

[HaNo_ELBeh]

اولا سلامى لكل اعضاء هذا القسم العملاق
انا محتار جدا فى اختيار العربيه انا باختصار حجزت لانسر شارك هاى لاين 2014 وبعدين لاقيت التويوتا كورولا نزلت بس هقول على كام ملاحظه وانتوا قولولى رايكم ايه
1-الانسر تقفيل يابانى 100*100 & التويوتا تقفيل تركى (ايه رايكم)
2-الانسر الهاى لاين 168000 ج كامله (فتحه سقف-بصمه مفتاح-جنوط - كاسيت تاتش-نظام صوتى رائع مدعم ب 9 سماعات وصب-تكيف تاتش-تحكم طاره-عفشه مالتى لينك ممتازه9 & التويوتا اول فئه 175000 ج (من غير فتحه سقف-مفتاح ريموت عادى-كاسيت عادى-نظام صوتى عادى -تكيف مش تاتش- طاسات على العجل)
3-مسافه العربيه من الارض حتى الاكصدام الانسر افضل
4-تقفيل العربيه الانسر من الداخل افضل من التويوتا من حيث الخامات ولكن لو الشكل هيبقى افضل من حيث التويوتا لان التويوتا غيرت الشكل الداخلى 180 درجه
5-الشكل الخارجى انا شايف ان الشارك افضل وديه كلها اذواق
6-الانسر 1600 سى سى 117 حصان & التويوتا 1600 سى سى 122 حصان
من الاخر انا شايف ان الانسر افضل من حيث الامكانيات لو هقارن السعر
مستنى رايكم
تحياتى

[semsem5144]

فرق السعر والكماليات مع اللانسر
الموتور تقريبا مفيش فروق بينهم لان موتور الكورولا هو نفس القديم
انا لو معايا 185 هجيب الكورولا لو مش هتكمل المبلغ يبقى اللانسر
وواضح انك مقتنع باللانسر اكتر يبقى خليك على اختيارك وبالتوفيق

[HaNo_ELBeh]

فرق السعر والكماليات مع اللانسر
الموتور تقريبا مفيش فروق بينهم لان موتور الكورولا هو نفس القديم
انا لو معايا 185 هجيب الكورولا لو مش هتكمل المبلغ يبقى اللانسر
وواضح انك مقتنع باللانسر اكتر يبقى خليك على اختيارك وبالتوفيق

تسلم ياباشا على ردك السريع

[Haitham Basha]

و الله يا باشا الشار ممتازة بكل المقاييس و نصيحتي ليك خليك مع الشارك عن تجربة عربية فوق الممتازة و عفشتها جميلة ... مبروك مقدماً و ربنا يديك خيرها و يكفيك شرها و بإذن الله تبقى وش السعد عليك ... و ياريت بقه لو اللون الفراني بيبقى جناااااان هو و الأبيض ...

[vip74]

كورلا أفضل

السلام عليكم
أنا شايف ان الكورولا أفضل بس ثاني فئة 185
معي يومه عزل الكورولا افضل
واقتصاديه في البنزين
وربنا يوفقك

[HaNo_ELBeh]

السلام عليكم
أنا شايف ان الكورولا أفضل بس ثاني فئة 185
معي يومه عزل الكورولا افضل
واقتصاديه في البنزين
وربنا يوفقك

هو فعلا الكورولا كويسه بس 185000 ج كتيييرررر اوى
وبصراحه انا خايف يكون فيها مشاكل وخصوصا ان العربيه لسه جديده ومحدش لسه اشتكى من حاجه
بس انا كنت قاريت ان فى شكوى من العفشه الاماميه فى التويوتا
ومش عايز انسى ان الانسر يابانى 100*100 لكن التويوتا تقفيل تركى وفى اتجاه الى تخفيض الخامات لتقليل التكلفه فدى شئ يقلق جدا
تحياتى

[HaNo_ELBeh]

و الله يا باشا الشار ممتازة بكل المقاييس و نصيحتي ليك خليك مع الشارك عن تجربة عربية فوق الممتازة و عفشتها جميلة ... مبروك مقدماً و ربنا يديك خيرها و يكفيك شرها و بإذن الله تبقى وش السعد عليك ... و ياريت بقه لو اللون الفراني بيبقى جناااااان هو و الأبيض ...

ياباشا ربنا يباركلك ومادام حضرتك جربت الشارك فممكن تقولى على كام نقطه كده
1-العفشه ايه اخبارها
2-الفتيس ومدى احساس النقل مع السرعات
3-الفرامل
4-قوه الموتور والتسارع
تحياتى

[Ahmed_Mega]

ياباشا ربنا يباركلك ومادام حضرتك جربت الشارك فممكن تقولى على كام نقطه كده
1-العفشه ايه اخبارها
2-الفتيس ومدى احساس النقل مع السرعات
3-الفرامل
4-قوه الموتور والتسارع
تحياتى

العفشة ممتازة
الفتيس بتحس بالنقلة بدري شوية مش باينة اوي
الفرامل ممتازة
العزم ممتاز جدا لكن التسارع ليا عليه تعليق انا شايف انه جيد جدالكن مش ممتاز

والله انا شايف التويوتا الفئة الهاي لاين بالكماليات دي احسن بكتير من فئات السيراتو وحتى السكودا الجديدة

لكن ادام مش معاك يكمل اتوكل على الله وجيب الشارك احسن اختيار وانا لو مكانك هجيب لانسر لعشقي الكامن لشركة ميتسوبيشي

[Haitham Basha]

العفشة ممتازة
الفتيس بتحس بالنقلة بدري شوية مش باينة اوي
الفرامل ممتازة
العزم ممتاز جدا لكن التسارع ليا عليه تعليق انا شايف انه جيد جدالكن مش ممتاز

والله انا شايف التويوتا الفئة الهاي لاين بالكماليات دي احسن بكتير من فئات السيراتو وحتى السكودا الجديدة

لكن ادام مش معاك يكمل اتوكل على الله وجيب الشارك احسن اختيار وانا لو مكانك هجيب لانسر لعشقي الكامن لشركة ميتسوبيشي

ده نظام الس سبق أكل النبأ و لا إيه ههههههههههههههههههههه بهزر يا باشا كلامك مضبوط 10000000% بس الإختلاف الوحيد الي عايز أضيفه إن النقلات كانت مضبوطه معايا يمكن على شان أصلاً انا من النوع الهادي الي مبيطلعش مره و حده و بسيب العربية تطلع براحتها و تجمع براحتها على الهادي يعني و رجلي حساسة على البنزين جداً :)))

[محمد أنور]

مقارنة حلوة .. بس انا من رأيي ان التويوتا تويوتا برضه
انا معاك ان الانسر ياباني بس التويوتا شكل جديد و تكنولوجيا احدث
و انا حاسس ان اللانسر الشارك مش محبوبة اوي زي البوما بعكس الكورولا محبوبة بجميع اشكالها ماعدا الجنوب افريقي دي

[محمد أنور]

ده تقرير سريع عن الكورولا الجديدة من احد مالكيها

http://www.nilemotors.net/Nile/379153-2014.html

[salah_86]

هانى باشا انا كنت هبقى فى حيرتك دى بس حصلتلى ظروف مش هعرف اغير العربية دلوقتى خالص خالص
من رائيى الميتسوبيشى افضل حاليا
صحيح التويوتا افضل من الميتسوبيشى بس الكورولا اللى بتنزل مصر تركى وتغور من وش اردوغان وممكن تتصرف وتجيب الخليجى وهتبقى تيوانى
اما الانسر شارك يابانى 100%
وماتور 1600 وانت هتجيب الهاى لاين يعنى حاجة محترمة
مش اى كلام
توكل على الله انا لو مكانك ياهجيب الشارك يا السيفك بس للاسف سامع برضة ان السيفيك تركى

[HaNo_ELBeh]

هانى باشا انا كنت هبقى فى حيرتك دى بس حصلتلى ظروف مش هعرف اغير العربية دلوقتى خالص خالص
من رائيى الميتسوبيشى افضل حاليا
صحيح التويوتا افضل من الميتسوبيشى بس الكورولا اللى بتنزل مصر تركى وتغور من وش اردوغان وممكن تتصرف وتجيب الخليجى وهتبقى تيوانى
اما الانسر شارك يابانى 100%
وماتور 1600 وانت هتجيب الهاى لاين يعنى حاجة محترمة
مش اى كلام
توكل على الله انا لو مكانك ياهجيب الشارك يا السيفك بس للاسف سامع برضة ان السيفيك تركى

والله ياابوصلاح انتا وحشنى فينك ياراجل
انشاء الله يكون المانع خير
ورايك انا اكيد هاخد بيه وهافكر فيه كويس علشان انا كمان محتار جدا
بس موضوع السيفيك صناعه تركى انا مش متاكد منها
تحياتى ليك

[HaNo_ELBeh]

مقارنة حلوة .. بس انا من رأيي ان التويوتا تويوتا برضه
انا معاك ان الانسر ياباني بس التويوتا شكل جديد و تكنولوجيا احدث
و انا حاسس ان اللانسر الشارك مش محبوبة اوي زي البوما بعكس الكورولا محبوبة بجميع اشكالها ماعدا الجنوب افريقي دي

بس حضرتك عارف المشكله الوحيده ان العربيه التويوتا لسه جديده ومتجربتش لسه مش عارف مميزاتها وعيوبها فعلشان كده انا قلقان جدا
لكن الشارك من 2008 وهى موجوده وكل الناس عرفت مميزات العربيه وعيوبها
تحياتى

[HaNo_ELBeh]

العفشة ممتازة
الفتيس بتحس بالنقلة بدري شوية مش باينة اوي
الفرامل ممتازة
[gdwl]العزم ممتاز جدا لكن التسارع ليا عليه تعليق انا شايف انه جيد جدالكن مش ممتاز [/gdwl]

والله انا شايف التويوتا الفئة الهاي لاين بالكماليات دي احسن بكتير من فئات السيراتو وحتى السكودا الجديدة

لكن ادام مش معاك يكمل اتوكل على الله وجيب الشارك احسن اختيار وانا لو مكانك هجيب لانسر لعشقي الكامن لشركة ميتسوبيشي

شكرا ليك
بس انا عندى استفسار بخصوص العزم اللى انا عارفه ان العربيه صاج تقيل وبياثر على الشاسيه بنسبه بسيطه جدا يمكن يكون ده السبب وفى ناس بتحب صاج العربيه المتين علشان كده مش بيفرق معها العزم الشديد
تحياتى