أنت تسأل وإسـتـشـارى منتدى متسوبيشى يجيب

[مصراوي جدا]

الاستاذ / طارق
شكرا على المعلومات الحضرتك بتقدمها
انا معايا لانسر 2006(1300cc)
عايز اعرف ثمن سير الكتينة بيتغير فالتوكيل بكام
وثمن الطنابير امامى ثمنها بالتوكيل ممكن تكلفنى كام
وظبط التكيهات بيتكلف كام معلش لوكنت طولت عليك
وتنصحنى اروح اى توكيل اعمل فيه صيانة وتغيير كل الاشياء دي

وشكرا لتعاونك معانا
محمد

هو سير الكاتينة بيتم تغييره عند الكيلو متر 80 ألف ويحتاج معه بلية شداد واويل سيلات

تفاصيل تكلفة صيانة الثمانين ألف وقطع الغيار مذكورة في الموضوع ده علما بأن قيمة زيت الفتيس خاصة بالمحرك 1600 فتيس CVT لكن المحرك 1300 زيت فتيس عادي

http://www.nilemotors.net/Nile/showthread.php?t=39280

بخصوص طنابير أمامي سعر الواحد 400 ج + 10 %

ضبط التاكيهات 30 ج

[مصراوي جدا]

السلام عليكم ورحمه الله وبركاته
ليا استفسار صغير هل العربيه الانسر 1300 مع التكييف بتبقى كفائتها كويسه ولا حوار السى سى مع التكييف بياثر جامد وانا قدامى عربيه 1300 موديل 2007 لو حبيت اشتريها ياترى سعرها يعمل كام فى السوق ولكم جزيل الشكر

لو مانوال مفيش اي مشكلة ولو اتوماتيك هيكون سحب العربية ضعيف شوية خاصة مع التكييف وفيه مواضيع كتير هنا في المنتدى ناقشت موضوع اللانسر 1300 الأوتوماتيك وفيه اراء كتير بتقول انها سحبها ضعيف وفيه اراء كتير بتقول انها عادية انما مش بتاعة جري وشد

بخصوص تقييم سعر العربية المستعملة الحقيقة مش هاقدر افيد حضرتك فيه انما اكيد فيه كتير في المنتدى هيفيدوك لو فتحت الموضوع في منتدى البيع والشراء

[mohamedway]

كنت عاوز اسأل البشمهندس طارق سؤال مهم خطر ببالى......
دلوقتى كلنا عرفين ان الانسر المصرى غفشتها رياضيه يعنى المساعدين بتاعتها ناشفه (Super heavy duty) انما الخليجى غفشتها مش رياضيه والمساعدين حنينه اكتر فى المطبات و ده فرق ممكن اى حد يلاحظه لو ركب العربيتين.

السؤال بقه هو انى لما احتاج اغير مساعد واجيبه من التوكيل هيكون رياضى ولا عادى زى بتاع الخليجى وهل لو جبته مثلا من مصريه هيكون رياضى بما ان مصريه بتستورد عربياتها بمواصفات رياضيه و لو جبته من الرواس هيكون عادى بما ان الرواس بيستورد خليجى؟ و لو النوعين متوفرين فى مصريه و الرواس ازاى افرق بينهم عشان اتأكد ان المساعد اللى باشتريه رياضى زى اللى فى عربيتى المواصفات المصرى مش زى اللى فى الخليجى؟؟؟؟ (مع العلم ان الماعد اللى فى عربيتى لما شوفته و العجل مفكوك كان مكتوب عليه SUPER HEAVY DUTY فهل هو ده الفرق و لا كله كده و فيه فروق تانيه وهل العامل اللى هيبعلى المساعد فى التوكيل عارف ان فيه نوعين من المساعدين للانسر و لا هيدينى اى حاجه مشكل؟؟؟! انا أسف على السؤال ده ومش باعيب فى موظفين التوكيل بس عاوز اطمئن)

[مصراوي جدا]

سؤال ممتاز جدا وفتح مجال حوار قوي

لما سألت في قطع الغيار عرفت معلومة غريبة مكنتش اعرفها وهي ان المساعد المصري والخليجي واحد ورقمه MN101957 اكدت عليهم يعني المصري والخليجي واحد قالوا ايوة - برضه مصدقتش جبت رقم شاسيه عربية مصري ورقم شاسيه عربية خليجي ودخلت على برنامج كتالوج قطع الغيار وشفت رقم المساعد في العربية دي ورقمه في العربية دي طلع هو نفسه المذكور فوق ده.

اعتقد السبب ان معظم وكلاء ميتسوبيشي في دول الخليج لما بيستوردوا لانسر بكميات كبيرة بتكون 90% منها مخصص لاعادة تصديره لمصر وبالتالي فهم اصبحوا بيطلبوا العربية بعفشة خدمة شاقة زي المصري (حسب طلب التجار المصريين)

مش لاقي تفسير تاني

[Ahmed Hassan]

م/ طارق... ممكن اعرف تمن الفانوش الخلفي لعربيه لانسر 2007 1300 سي سي بكام؟ العربيه خليجي.

[مصراوي جدا]

م/ طارق... ممكن اعرف تمن الفانوش الخلفي لعربيه لانسر 2007 1300 سي سي بكام؟ العربيه خليجي.

الخليجي الشفاف ثمنه 675 جنيه + 10% ض.م

وموجود في التوكيل (قليوب-جسر السويس - الكيت كات)

[Ahmed Hassan]

الخليجي الشفاف ثمنه 675 جنيه + 10% ض.م

وموجود في التوكيل (قليوب-جسر السويس - الكيت كات)

الف الف شكر... بارك الله فيك

[basom]

عامل اية يا باشا كنت قولت لحضرتك قبل كدة فى موضوع قديم عن مشكلتى مع الباور و صوت تزييق رحت اظبط زوايا الراجل جرب قبل ما يظبط قالى اعتقد ان فى مشكلة فى جلب المقصات قلتلو العربية http://www.nilemotors.net/Nile/showthread.php?t=37696
2008 و اكيد سليمة قالى هى سليمة بس فيها بوش بيخليها تعمل صوت طقة فى المرشدير ومرداش يعملى ضبط الزوايا غير لما اروح لعفشجى المهم رحت لعفشجى لقيتو بيقولى عيب تانى خالص ان التقل فى الباور من بطاحات المساعدين و قالى عايزين يتفكوا و يتشحموة فطبعا انا خلعت لان ماينفعش اعمل حاجة برة التوكيل هل الكلام دة فى الضمان ولا لاْ وشكرا

[mohamedway]

سؤال ممتاز جدا وفتح مجال حوار قوي

لما سألت في قطع الغيار عرفت معلومة غريبة مكنتش اعرفها وهي ان المساعد المصري والخليجي واحد ورقمه MN101957 اكدت عليهم يعني المصري والخليجي واحد قالوا ايوة - برضه مصدقتش جبت رقم شاسيه عربية مصري ورقم شاسيه عربية خليجي ودخلت على برنامج كتالوج قطع الغيار وشفت رقم المساعد في العربية دي ورقمه في العربية دي طلع هو نفسه المذكور فوق ده.

اعتقد السبب ان معظم وكلاء ميتسوبيشي في دول الخليج لما بيستوردوا لانسر بكميات كبيرة بتكون 90% منها مخصص لاعادة تصديره لمصر وبالتالي فهم اصبحوا بيطلبوا العربية بعفشة خدمة شاقة زي المصري (حسب طلب التجار المصريين)

مش لاقي تفسير تاني

معنى كلام حضرتك ان مفيش حاجه اسمها الانسر المصرى عفشه رياضيه و الخليجى لأ والمقارنات الكتير اللى كنا بنعملها و دماغنا صدعت منها و كمان على غرار الموضوع ده يبقه اكيد اللى معاهم 1600 خليجى و بيحطولها بنزين 92 و بيقولو مفيش مشاكل صادقين واكيد عاملين حسابهم فى الخليج انها رايحه مصر و بكده يبيقه الخليجى تكسب فى قوتها و كماليتها المصرى و مفيهاش مشاكل بالنسبه لمصر نهائى و كمان عفشتها رياضيه لتحمل الطرق الوعره بتاعتنا!!!!

بصراحه يا بشمهندس طارق انا مش مقتنع لأنى جربت الخليجى و المصرى و حاسس بفرق فعلا فى نشوفيه العفشه و أكيد فى فرق بينهم فى المساعدين و كلام حضرتك مالوش عندى غير تفسير واحد و هو ان المساعد المتوفر فى التوكيل موحد لجميع الموديلات و غالبا هيكون مش نفس نوع الاصلى اللى نازله بيه العربيه من اليابان سواء المصرى أو الخليجى على غرار تيل الفرامل الAK اللى بيركب فى التوكيل بديل للSUMITOMO رغم ان الSUMITOMO هو اللى العربيه بتنزل بيه من اليابان وانا معنديش مشكله فى كده لأنه اكيد التوكيل مش هيجيب مساعد وحش بس انا عاوز اطمن انه هيبقه بديل للرياضى مش بديل للعادى (يعنى لما اركبه و انا اصلا عفشه عربيتى رياضيه ما احسش انه أقل من اللى كان فيها من حيث الثبات و الأداء الرياضى) أو ممكن يكون فعلا كلام حضرتك مضبوط و انا اللى مش واخد بالى و عفشه الانسر كلها واحده خليجى و مصرى بس ما تزعلش منى ده تبقه اكبر كدبه من التوكيل حصلت بخصوص مباهاته دايما انه بيجيب عربياته عفشه رياضيه خدمه شاقه و كأن ده حاجه مميزه مش موجوده فى عربيات لانسر تانيه و فى الاخر طلع كله واحد!!!!!!!!

[مصراوي جدا]

معنى كلام حضرتك ان مفيش حاجه اسمها الانسر المصرى عفشه رياضيه و الخليجى لأ والمقارنات الكتير اللى كنا بنعملها و دماغنا صدعت منها و كمان على غرار الموضوع ده يبقه اكيد اللى معاهم 1600 خليجى و بيحطولها بنزين 92 و بيقولو مفيش مشاكل صادقين واكيد عاملين حسابهم فى الخليج انها رايحه مصر و بكده يبيقه الخليجى تكسب فى قوتها و كماليتها المصرى و مفيهاش مشاكل بالنسبه لمصر نهائى و كمان عفشتها رياضيه لتحمل الطرق الوعره بتاعتنا!!!!

بصراحه يا بشمهندس طارق انا مش مقتنع لأنى جربت الخليجى و المصرى و حاسس بفرق فعلا فى نشوفيه العفشه و أكيد فى فرق بينهم فى المساعدين و كلام حضرتك مالوش عندى غير تفسير واحد و هو ان المساعد المتوفر فى التوكيل موحد لجميع الموديلات و غالبا هيكون مش نفس نوع الاصلى اللى نازله بيه العربيه من اليابان سواء المصرى أو الخليجى على غرار تيل الفرامل الAK اللى بيركب فى التوكيل بديل للSUMITOMO رغم ان الSUMITOMO هو اللى العربيه بتنزل بيه من اليابان وانا معنديش مشكله فى كده لأنه اكيد التوكيل مش هيجيب مساعد وحش بس انا عاوز اطمن انه هيبقه بديل للرياضى مش بديل للعادى (يعنى لما اركبه و انا اصلا عفشه عربيتى رياضيه ما احسش انه أقل من اللى كان فيها من حيث الثبات و الأداء الرياضى) أو ممكن يكون فعلا كلام حضرتك مضبوط و انا اللى مش واخد بالى و عفشه الانسر كلها واحده خليجى و مصرى بس ما تزعلش منى ده تبقه اكبر كدبه من التوكيل حصلت بخصوص مباهاته دايما انه بيجيب عربياته عفشه رياضيه خدمه شاقه و كأن ده حاجه مميزه مش موجوده فى عربيات لانسر تانيه و فى الاخر طلع كله واحد!!!!!!!!

واحدة واحدة يا استاذ محمد .. حضرتك دخلت كل الأمور في بعضها .. بعد اذنك نحللها واحدة واحدة :
- أولا : العفشة
لما الوكيل المصري يقول انا باجيب عفشة رياضية مناسبة للطرق المصرية فده كلام مش كدب ولا غلط .. انما لما التاجر المصري اللي بيستورد من الخليج يروح يقول لهم في الخليج ابقوا اطلبوا عفشة رياضية علشان العربيات اللي بناخدها منكم لمصر فده من حقه .. وكون الوكيل المصري ما زال بيقول العربية عفشة رياضية مناسبة للطرق المصرية فبرضه كلامه صحيح لأنه مقالش (والخليجي مفيهوش)

- ثانيا : المحرك
الكلام بتاع العفشة ليس له اي علاقة بالمحرك. قصة المحرك وبنزين 95 دي بتنطبق فقط على البومة 1600 سي سي وهي اللي فيها محرك الخليجي بينزل بنسبة انضغاط 10 ويحتاج بنزين 95 أما المصري او الاردني بينزل بمحرك بنسبة انضغاط 9.5 ويحتاج بنزين 92 والكلام ده اللي قايلاه الشركة الأم ميتسوبيشي اليابان والتجار في مصر ميقدروش يطلبوا من الوكيل الخليجي يجيب عربية 1600 بمحرك زي المصري لأن دي المواصفات المخصصة للخليج وليست اوبشن مثل (العفشة الرياضية)
أما عن اصحاب العربيات البومة 1600 خليجي اللي بيقولوا احنا بنحط بنزين 92 ومحصلش حاجه فأنا مش باكدبهم انما ميتسوبيشي اليابان مقالتش اللي هيحط بنزين 92 هيحصل ايه للعربية او ايه حجم الضرر اللي ممكن يحصل وغالبا هو مش ضرر انما قوة العربية هتقل على ما اعتقد

- ثالثا : موضوع تيل الفرامل
التوكيل مش ممكن يضحي بسمعته ويبيع صنف واحد من قطع الغيار مش اصلي او مش من الشركة الأم وبالتالي نوعين التيل اللي في التوكيل من ميتسوبيشي الأول هو اللي بينزل مع العربية وده طري وبيستهلك بسرعة انما مش بيعمل اي صوت والثاني ناشف شوية وبيعيش اطول انما ممكن اصحاب الأذن الحساسة يحسوا انه له احيانا صوت انما هو مهم للعملاء اللي بيشتكوا ان التيل بيخلص بسرعة وهو مش رخيص

[مصراوي جدا]

عامل اية يا باشا كنت قولت لحضرتك قبل كدة فى موضوع قديم عن مشكلتى مع الباور و صوت تزييق رحت اظبط زوايا الراجل جرب قبل ما يظبط قالى اعتقد ان فى مشكلة فى جلب المقصات قلتلو العربية http://www.nilemotors.net/Nile/showthread.php?t=37696
2008 و اكيد سليمة قالى هى سليمة بس فيها بوش بيخليها تعمل صوت طقة فى المرشدير ومرداش يعملى ضبط الزوايا غير لما اروح لعفشجى المهم رحت لعفشجى لقيتو بيقولى عيب تانى خالص ان التقل فى الباور من بطاحات المساعدين و قالى عايزين يتفكوا و يتشحموة فطبعا انا خلعت لان ماينفعش اعمل حاجة برة التوكيل هل الكلام دة فى الضمان ولا لاْ وشكرا

بشكل عام يا باسم متعملش شغل في العربية بره التوكيل علشان تحافظ على الضمان.. هات العربية ويتكشف عليها ونشوف فيها ايه واكيد في التوكيل حافظين العربية وهيحدد علطول المشكلة اللي فيها بدل الاجتهادات دي

[mohamedway]

واحدة واحدة يا استاذ محمد .. حضرتك دخلت كل الأمور في بعضها .. بعد اذنك نحللها واحدة واحدة :
- أولا : العفشة
لما الوكيل المصري يقول انا باجيب عفشة رياضية مناسبة للطرق المصرية فده كلام مش كدب ولا غلط .. انما لما التاجر المصري اللي بيستورد من الخليج يروح يقول لهم في الخليج ابقوا اطلبوا عفشة رياضية علشان العربيات اللي بناخدها منكم لمصر فده من حقه .. وكون الوكيل المصري ما زال بيقول العربية عفشة رياضية مناسبة للطرق المصرية فبرضه كلامه صحيح لأنه مقالش (والخليجي مفيهوش)

- ثانيا : المحرك
الكلام بتاع العفشة ليس له اي علاقة بالمحرك. قصة المحرك وبنزين 95 دي بتنطبق فقط على البومة 1600 سي سي وهي اللي فيها محرك الخليجي بينزل بنسبة انضغاط 10 ويحتاج بنزين 95 أما المصري او الاردني بينزل بمحرك بنسبة انضغاط 9.5 ويحتاج بنزين 92 والكلام ده اللي قايلاه الشركة الأم ميتسوبيشي اليابان والتجار في مصر ميقدروش يطلبوا من الوكيل الخليجي يجيب عربية 1600 بمحرك زي المصري لأن دي المواصفات المخصصة للخليج وليست اوبشن مثل (العفشة الرياضية)
أما عن اصحاب العربيات البومة 1600 خليجي اللي بيقولوا احنا بنحط بنزين 92 ومحصلش حاجه فأنا مش باكدبهم انما ميتسوبيشي اليابان مقالتش اللي هيحط بنزين 92 هيحصل ايه للعربية او ايه حجم الضرر اللي ممكن يحصل وغالبا هو مش ضرر انما قوة العربية هتقل على ما اعتقد

- ثالثا : موضوع تيل الفرامل
التوكيل مش ممكن يضحي بسمعته ويبيع صنف واحد من قطع الغيار مش اصلي او مش من الشركة الأم وبالتالي نوعين التيل اللي في التوكيل من ميتسوبيشي الأول هو اللي بينزل مع العربية وده طري وبيستهلك بسرعة انما مش بيعمل اي صوت والثاني ناشف شوية وبيعيش اطول انما ممكن اصحاب الأذن الحساسة يحسوا انه له احيانا صوت انما هو مهم للعملاء اللي بيشتكوا ان التيل بيخلص بسرعة وهو مش رخيص

شكرا ليك يا بشمهندس طارق على توضيح الأمور بس انا مش مضايق من حاجه و ذكرت فى كلامى ان عمر التوكيل ما هيجيب حاجه و حشه بالنسبه للمساعد حتى لو نوع مختلف و انا عارف كويس ان نوعين التيل اللى فى التوكيل ممتازين بس واحد منهم هو اللى بينزل راكب فى العربيه و التانى بديل و الهدف كله من موضوعى انى اطمن انى لما أغير مساعد فى عربيتى مش هخسر أوبشن ان العفشه رياضيه ليس أكثر. وأنا على فكره من المؤمنين جدا بانى لما اجيب الحاجه من التوكيل هتكون افضل بكتير من اى بديل رغم فرق السعر اللى ممكن يكون كبير ده حتى ريش المساحات بتاعتى لما اتقطعت جبتها اصلى من التوكيل و كانت بحوالى 150 جنيه مع انها حاجه مش مهمه زى تيل مثلا و كنت ممكن اقضيها بريش من اى حته ب30 جنيه بالكتير.(بس ما دام هجيب مساعد اصلى من التوكيل و هدفع فيه فلوس كتير يبقه لازم يكون رياضى زى الأوبشن الأصلى اللى فى عربيتى ليس إلا...)

[abdo1001]

السلام عليكم ورحمة الله وبركاتة

الأخ الأستاذ / طارق
شفت سيارة لانسر موديل 1997
(1600 سي سي) كاملة أتوماتيك فابريكة بالكامل لا أعتقد في وجود سيارة في مثل هذة الحالة الممتازة عاملة حوالي 150 ألف كيلو ( مش كتير - مش كدة ولا إية )
وبالإستعلام من صاحبها عن رغبتة في البيع من عدمة ؟

قال لي بالحرف الواحد هو إنت بدور علي عربية غالية لية ؟؟؟؟؟؟؟؟
وكمان قطع الغيار بتاعتها غالية ؟؟؟

ولمعرفتي بهذا الشخص ومدي إهتمامة بالسيارة و ذهابة للتوكيل لصيانة السيارة الدورية ؟؟؟؟ ومدي حرصة الشديد عليها ؟؟؟؟
توقعت أنة قال ذلك من منطلق أن التوكيل دائما أسعارة في العالي ...

فما هو سعر هذة السيارة في السوق ؟

وهل أسعار قطع الغيار غالية مثلما قال ؟

وهل هي سيارة غالية فعلا أم يكون هو بيعلي في سعر السيارة ؟

أرجوكم المساعدة سريعا لإنها سيارة لقطة فعلا ؟ بس حسب سعرها

فعلا و لا أريد أن أطيل عليكم أنتم الذين ستقررون لي شراء هذة السيارة من عدمة؟

ولكم الأجر و الثواب

[am_dove118]

السلام عليكم ورحمة الله وبركاتة...
انا لسه شارى لانسر وعاوز اعمل صيانة الالف كيلومتر - ممكن عناوين مراكز الخدمة المعتمدة لو تفضلتم

شكرا
اخوكم
احمد حسن

[مصراوي جدا]

السلام عليكم ورحمة الله وبركاتة...
انا لسه شارى لانسر وعاوز اعمل صيانة الالف كيلومتر - ممكن عناوين مراكز الخدمة المعتمدة لو تفضلتم

شكرا
اخوكم
احمد حسن

اهلا يا استاذ احمد .. والف مبروك العربية .. ربنا يديك خيرها ويكفيك شرها

صيانة الألف كيلو مش محتاجة حجز انما الصيانات التالية محتاجة حجز

مركز خدمة الوكيل ومراكز الخدمة المعتمدة مذكورة في الاعلان ده

ضيف حضرتك عليهم : مركز العدوي بالمنصورة
منتصف طريق المنصورة / المحلة
قرية ميت عساس – سمنود - بجوار بنزينة توتال
ت : 2883341 – 040
3441280- 012