مدة استهلاك تيل البومة الاتوماتيك

[mohdfouda]

انا التيل الاصلى اللى جاى مع العربيه قعد معايا 46 الف كيلو وغيرته اطمئنان بس وكان لسه فيه يمشينى زى 5 الاف كمان لونه اخضر

[Egy_fan]

يا جماعه انا بجيب الريمسا و بقعده 10 الف كم و انت و حظك مره يصفر و مره لأ

لو فى حاجه احسن من الريمسا ياريت تقولوا و يتباع فين

[mohamedxsayed]

انا التيل الاصلى اللى جاى مع العربيه قعد معايا 46 الف كيلو وغيرته اطمئنان بس وكان لسه فيه يمشينى زى 5 الاف كمان لونه اخضر

اول تيل عندى قعد 40 الف كان اخضر وبعدها كل 6 الاف تيل اخضر زباااااااااااااله ب600 برضه والتوكيل لسه بيبعه وعاملك فئه اعلى الرمادى ( بس على ماسمعت النهارده انهم بطبو يجيبو الاخضر فى التوكيل وبقى االرمادى )

[momo_h]

يا جماعة يا ريت كل واحد بيستخدم نوع تيل في البومة الاوتوماتيك يقول عليه و بيقعد معاه اد ايه عشان نعرف ايه احسن الانواع لان الواحد بقى في حيرة الصراحة

[ahhazem]

انا غيرت تيل الفابريكا على ٣٠ الف
ودلوقتي العربيه عامله ٤٥ الف بالتيل الجديد وبصراحه مش حاسس انه تعب لسه

[Ramy.Gamal]

انا معايا بوما 1600 مانيوال التيل اﻻصلى الرمادى و اخر سعر 640 من غير تركيب بيقعد حوالى 40 الف معايا مع اننى رجلى تقيله على الفرامل و مع اننى كنت ماسح الطنابير فى اخر تغيير بس بيصفر بمزاجه و اللى قبله اصلى بردو كان اساسى بيصفر مع المارشدير

[hatemmohsen]

انا معاى بومة 2008 1600 اتوماتيك ..وانا بعمل صيانة ال 30 اتصلوا بيه وقالى ان التيل محتاج يتغير وممكن يقعد 5000 كيلو تانى س مش للصيانة القادمة فغيرته ..فانا اعتقد انه على حسب اسلوب القيادة والوقوف فى الاشارات هل بتفضل دايس فرامل وانت جايب الفتيس ع ال d ولا بتجيب على ال n فى الاشارات ..كل ده بيفرق طبعا

[mahmoud85]

ريمسا اسباني
اعتقد اللي بيصفر ده بيكون التيل الخلفي بسبب الرايش
لو ماشي عالسلانسيه ارفع فرامل اليد براحه نص رفعه كده هتسمع الصفاره وده دليل انها من ورا