لملاك و خبراء المتسوبيشي بومة فقط .2013 و 2014

[manfromegy]

السلام عليكم و رحمة الله و بركاته.كامل إحترامي ﻷدارة المنتدي و مشرفين القسم.
ندخل في الموضوع بقي
ملاك السياره لانسر بومة موديل 2013 و 2014 تقريبا إحنا ربنا إبتلانا بسياره سيئه و أسوء من الكوري و الصيني و الماليزي كمان
دا من المواضيع اللي بشوفها في القسم.
ماعلينا . المهم
أنا عملت الموضوع دا لملاك البومة علشان لو فيه حد متضايق من عربيته يعرف يعدلها إزاي و يوصل للي هوا عاوزه ( أنا شخصيا راضي تماما عن عربيتي و الحمد لله) أو برضوا لو حد من ملاك العربيه عاوز يبدل العربيه بحاجه كوري أو ماليزي أو صيني عادي يعني
ماعلينا
المهم
ياريت الخبراء يوضحوا لينا فرق العفشه الخلفيه و العيوب و بالصور علشان اللي عاوز يعدل يعرف الفرق و يشتري الأحسن في المساعدين أو السوست أو أي حاجه تانيه في العفشه
و برضوا طلب نصيحة نشتري العرببه منين من دايموند ولا عربيات الرواس أحسن في الموصفات و ياريت كله بالصور ( بالنسبه لقطع الغيار بالذات )للأستفاده وشكرا لسعه صدركم...

[magued2001]

حضرتك عربيتك موديل كام؟

[manfromegy]

حضرتك عربيتك موديل كام؟

2013

[akmm]

كل عربيه لها مميزات وعيوب سواء يابانى كورى صينى واللى مالهاش عيوب تقريبا عيبها قطع غيارها نار نار او شحيحه ....

[manfromegy]

كل عربيه لها مميزات وعيوب سواء يابانى كورى صينى واللى مالهاش عيوب تقريبا عيبها قطع غيارها نار نار او شحيحه ....

معاك حق بس مش عارف ليه هنا بيكرهوا البومة جدا

[yasserelshakwe]

هيا عامله زي البومة فعلاً وشها نحس

[amro0000]

هيا عامله زي البومة فعلاً وشها نحس

ياريت يكون فية لفظ احسن من دا وياريت يكون فية تقدير للناس اصحاب العربية الي في المنتدي عشان بجد ميصحش كدة

[manfromegy]

ياريت يكون فية لفظ احسن من دا وياريت يكون فية تقدير للناس اصحاب العربية الي في المنتدي عشان بجد ميصحش كدة

عادي إسم و طلع علي العربيه زي الخنزيره مثلا محدش زعل من كلمة خنزيره للمرسيدس
أو الشمامه برضوا للمرسيدس
ماعلينا برضوا كله كلام أنا مثلا سألت و عاوز أستفيد لما أجي أغير المساعدين هاجيب إيه و شكله إيه المساعد و هلاقي بتاع ال1600 التخين دا فين.
و بعدين هاقلوكوا علي حاجه يكفي إنه ﻷ قدر الله لو حصل حادث هلاقي حاجتها عند أي حد مش هاروح التوكيل يدبحني.
كان فيه عضوا فاضل معانا في المنتدي معاه بيجو301 و عمل حادث و ربنا سلمه بس اللي فهمته من كلامه إن الحادث هايتكلف 46 ( إكصدامين و باب شنطه و كبود ) عندنا الحمد لله في اللانسر لو في التوكيل مش هاتعدي 25 أو 30 الف ودا في التوكيل برضوا وبرضوا و محدش دله يجيبلها حاجات إستيراد منين دي مشكله لما تبقي حاجه العربيه في التوكيل بس ( أنا مش بعيب في العربيه دي جميله جدا ) بس مش معني إن العربيه جميله إني أحط رقبتي تحت رحمة التوكيل . مع إحترامي دي لو لانسر (ربنا يسلم عربيتنا كلنا ) كان لاقي صاجها و حاجتها الأصليه عند البقال

[manfromegy]

http://www.nilemotors.net/Nile/391952-301.html
دا اللينك بتاع ال 301 اللي ربنا يعافينا كلنا حصلها الحادث
طيب ما كلنا معرضين لدا يبقي أنهي أحسن بقي

[manfromegy]

متابع

[manfromegy]

139 مشاهده و محدش رد
طيب ياجماعة الخير حد يفيدنا

[manfromegy]

محدش دخل رد عليا
مع إني عامل الموضوع دا علشان الناس اللي متضايقه من لانسر و البومه بالأخص طيب محدش عاوز يرد

[Mahmoud.hamedm]

السلام عليكم
انا لسه شارى لانسر بومة 2014 من كام يوم ولسه مرخص امبارح واول مرة اطلع بالعربية مشوار حوالى 40 كيلو متر ووجدت بعض العيوب اللى مش لقيتها فى لانسر بومة 2007 اللى كنت شاريها زيرو ومن كتر حبى فى العربية ملقتش عربية احسن منها فى وجهه نظرى فى نفس السعر كاعتمادية وقع غيار رخيصة
والعييبين هما صوت المحرك عالى وكمان فى رعشة جامده جدا وانا واقف بالعربية على الp او ال n وده فى بداية تدوير المحرك مع ان ال rpm اعلى من 1000 وبعد كده بتروحمع سخونة العربية.
أرجو منكم اﻷفادة
ملحوظة انا اشتريت العربية يوم الاحد بسعر 138000 من المصرية للسيارات عشان مكنتش لاقى اللون اللى انا عايزة وكان فراق بس 500 جنية عن سمير الريان

[manfromegy]

السلام عليكم
انا لسه شارى لانسر بومة 2014 من كام يوم ولسه مرخص امبارح واول مرة اطلع بالعربية مشوار حوالى 40 كيلو متر ووجدت بعض العيوب اللى مش لقيتها فى لانسر بومة 2007 اللى كنت شاريها زيرو ومن كتر حبى فى العربية ملقتش عربية احسن منها فى وجهه نظرى فى نفس السعر كاعتمادية وقع غيار رخيصة
والعييبين هما صوت المحرك عالى وكمان فى رعشة جامده جدا وانا واقف بالعربية على الp او ال n وده فى بداية تدوير المحرك مع ان ال rpm اعلى من 1000 وبعد كده بتروحمع سخونة العربية.
أرجو منكم اﻷفادة
ملحوظة انا اشتريت العربية يوم الاحد بسعر 138000 من المصرية للسيارات عشان مكنتش لاقى اللون اللى انا عايزة وكان فراق بس 500 جنية عن سمير الريان

ألف الف مبروك علي العربيه و ربنا يديك خيرها و يكفيك شرها بص راجع ضبط الهواء ﻷنه بيبقي عالي علشان التخزين و ماتخافش عن تجربه في ال 2013 بعد ال 3000 كيلوا العربيه بتظبط و مش هاتحس بإنها بتستهلك بنزين و غير كدا نصيحة روح ﻷي حد بتاع عفشه يحرق علي العفشه كويس دا عادي و راجع مقاس الزيت ﻷنهم في دايموند عندهم إيمان إن كتره الزيت فايده و نصيحه خليك علي بنزين 92 علي طول

[Mahmoud.hamedm]

الله يبارك فى عمرك جزاك الله خيرا على الدعوه الجميله
معندكش فكرة سبب الرعشة اللى فى العربية ده وهيا بارده مع العلم انا معايا 2007 ومفيهاش الموضوع ده
شكرا مقدما