سؤال لملاك لانشر شارك 2014 هايلاين؟

[Omar Gamal]

النهارده و أنا بحجز العربية عند دايموند اكتشفت أن فتحة السقف مش بتتفتح كلها، دي مجرد بتميل بس أو بمعنى أصح بتعمل tilt فقط.

حد معاه ال 2014 هايلاين يقدر يؤكدلي الكلام ده؟ و هل ال 2013 كانت نفس النظام؟ و مسئول المبيعات النهارده أكدلي إن العربية فيها AUX بس مدفون في قلب التابلوه، هل الكلام ده صحيح؟

شكرا ليكوا يا جماعة

[محمد سمير حسين]

النهارده و أنا بحجز العربية عند دايموند اكتشفت أن فتحة السقف مش بتتفتح كلها، دي مجرد بتميل بس أو بمعنى أصح بتعمل tilt فقط.

حد معاه ال 2014 هايلاين يقدر يؤكدلي الكلام ده؟ و هل ال 2013 كانت نفس النظام؟ و مسئول المبيعات النهارده أكدلي إن العربية فيها AUX بس مدفون في قلب التابلوه، هل الكلام ده صحيح؟

شكرا ليكوا يا جماعة

بص يا باشا اولا ربنا يتمهالك علي خير واختيار موفق باذن الله بالنسبة لفتحة السقف انا مش هقدر افيدك لاني معايا الفئة التانية بالنسبة ل aux موجود فيها فعلا في التابلوه وليه غطاء مكتوب عليه aux

[spidars]

اي فتحت سقف لازم تكون بتميل لفوق وتفتح لاخر هتلقيه ميعرفش حاجه

[akmm]

اي فتحت سقف لازم تكون بتميل لفوق وتفتح لاخر هتلقيه ميعرفش حاجه

فعلا كل فتحات السقف فيها الابوبشن ده مضاف الى الخاصيه الاساسيه وانه يفتح بالكامل اكيد لو تلاحظ ان مفتاح الهوايه له اكتر من حركه ...

[Ahmed TRAVCO]

أولا: خاصية الـtilt بتتفعل لما حضرتك بتضغط "press" على الزرار بتاع فتحة السقف، فبتلاقي الفتحة مالت لفوق شوية... انما عايزها تفتح للآخر بتحرك نفس المفتاح للخلف "push backwards"... انت دلوقتي حركته زي ما قلتلك للخلف فتلاقي الفتحة بتتحرك بالكامل للخلف لحد ما تغطس تماما جوة التجويف بتاعها وتبقى اتفتحت بالكامل... طيب عايز تقفلها تاني، هتحرك نفس المفتاح للأمام "push forward" بضغطة واحدة طويلة هتلاقيها ماشية معاك لقدام لحد ما تقفل بالكامل، إلا لو حبيت توقفها عند اي نقطة تحبها "تسيب نصها أو ربعها مثلا مفتوح" فبتقوم شايل ايدك من على الزرار تلاقيها وقفت عند النقطة دي... حاجة كمان: لو هي على وضع tilt وانت عايز تقفلها بتزق الزرار لقدام برضه "push forward"...

معلهش انا بحاول افسرها لك على قد ما اقدر، فحاول تجرب تاني وتقول لنا...

ثانيا: انا معايا الـ2013 هاي لاين ومش لاقيلها AUX خالص وهتجنن لأن الشاشة التتش فيها الـicon الخاصة بالـAUX... واللي مدفون في درج التابلوه ده هو الـUSBفقط لا غير، وفعلا بيبقى ليها غطاء فايبر للحماية... انما عمري ما لقيت فتحة AUX عندي... يا ريت برضه تبص كده وتفيدنا...

وطبعا ألف مبروك على العربية وربنا يرزقك خيرها وان شاء الله تعجبك جدا خصوصا في ثباتها...

[Omar Gamal]

و الله حضرتك و ربنا لوحده يعلم أنا فكرت في عربيات كتيرة جدا قبل دي، بس من خلال متابعتي لكلام حضرتك سواء في القسم هنا أو قسم المقارنات فأنا عشقت العربية دي. و خاصة بعد ما عملت عنها بحث كتير و اكتشفت أنها الأنسب لاحتياجاتى، بشكرك من قلبي والله على مساعدتك و مرة تانية على الكلام الجميل ده.

1. بالنسبة لفتحة السقف: أنا حاسس فعلا إن اللي في دايموند ده مكنش فاهم حاجة. فتحة السقف كان زرارها زي ما حضرتك بتقول كده زرار أسود مكتوب عليه tilt و واحد تاني مكتوب عليه push. على حسب فهمي لكلام حضرتك، زرار ال tilt ده مجرد بيميلها أما ال push فمسئول عن فتحها سواء بالكامل أو لأي نسبة أنت عايزها. مضبوط كده؟ هو ده اللي عند حضرتك في ال 2013؟

2. فتحة ال AUX فتحة عقيمة جدا موجودة بس جوا على يمين فتحة ال USB بس بجد صعب الوصول ليها و لكن أنا هحاول أصورها لحضرتك إن شاء الله.

3. بالنسبة للعتب الجانبي، مفيش حد ركبه أو عارف ممكن يتكلف كام لأنه بيفرق في شكل العربية جدا؟ دايموند قال 6000 الإتنين بالرش و التركيب و لكن ده طبعا هزار.

4. للأسف الهايلاين أصبحت زيها زي الفئة التالتة بالنسبة لعدد السماعات (6 و شالو الصب ووفر بدل من 9)، هل حضرتك شايف إن ده ممكن يفرق في جودة الصوت؟

أنا آسف جدا للإطالة، شكرا

[Ahmed TRAVCO]

و الله حضرتك و ربنا لوحده يعلم أنا فكرت في عربيات كتيرة جدا قبل دي، بس من خلال متابعتي لكلام حضرتك سواء في القسم هنا أو قسم المقارنات فأنا عشقت العربية دي. و خاصة بعد ما عملت عنها بحث كتير و اكتشفت أنها الأنسب لاحتياجاتى، بشكرك من قلبي والله على مساعدتك و مرة تانية على الكلام الجميل ده.

1. بالنسبة لفتحة السقف: أنا حاسس فعلا إن اللي في دايموند ده مكنش فاهم حاجة. فتحة السقف كان زرارها زي ما حضرتك بتقول كده زرار أسود مكتوب عليه tilt و واحد تاني مكتوب عليه push. على حسب فهمي لكلام حضرتك، زرار ال tilt ده مجرد بيميلها أما ال push فمسئول عن فتحها سواء بالكامل أو لأي نسبة أنت عايزها. مضبوط كده؟ هو ده اللي عند حضرتك في ال 2013؟

2. فتحة ال AUX فتحة عقيمة جدا موجودة بس جوا على يمين فتحة ال USB بس بجد صعب الوصول ليها و لكن أنا هحاول أصورها لحضرتك إن شاء الله.

3. بالنسبة للعتب الجانبي، مفيش حد ركبه أو عارف ممكن يتكلف كام لأنه بيفرق في شكل العربية جدا؟ دايموند قال 6000 الإتنين بالرش و التركيب و لكن ده طبعا هزار.

4. للأسف الهايلاين أصبحت زيها زي الفئة التالتة بالنسبة لعدد السماعات (6 و شالو الصب ووفر بدل من 9)، هل حضرتك شايف إن ده ممكن يفرق في جودة الصوت؟

أنا آسف جدا للإطالة، شكرا

ربنا يكرمك يا باشا ولي الشرف والله اني اكون احد اسباب اختيارك للعربية... شكرا لذوقك!!
هحاول ارد نقطة نقطة:
1. فعلا ده اللي قصدته بخصوص فتحة السقف... وطبعا اللي في دايموند لا يفقهوا اي شيء عن العربية رغم بساطتها وعدم تعقيدها يعني... بس ده العادي بتاعهم... في صيانة الألف كنت بسأل الأخ اللي بيغيرلي الزيت وبيربط العفشة سؤال تافه جدا: ممكن تشرحلي الفرق بين عفشة الشارك وعفشة البومة؟ سكت شوية وقالي: زي بعض بس الشارك أحسن!!!! ولما لقاني مزبهل من جهله قام استدرك وقالي: آه مقصات الشارك اكبر!!!! كل ده والعربية مرفوعة قدامه وشايفها حتة حتة...
2. والله اتمنى يكون فيه AUX وهبقى انزل ابص عليها، رغم اني اعتقد مفيهاش... وحتى الكتالوج مبين فتحة الـAUX في التجويف اسفل مفاتيح التكييف... وده عندي متغطي بجزء اسود تحسة متبرشم او ملزوق (يعني مش بيتشال) وواضح انه في عربيات معينة زي الـGT والـSE والـRalliArt وغيره... انما مش في الـ1600 العادية بتاعتنا.... والله اعلم!!
3. بالنسبة للعتب، ده لا يزال من الحاجات اللي مصمم اعملها بس ظروف تواجدي في البحر الاحمر وعدم معرفتي بالحرفيين والاماكن دي هو اللي معطلني... وبعدين فيه هنا اراء متناقضة: فتلاقي ناس بتقول انها ممكن تتعمل عند واحد اسمه رمضان في قليوب وشغال في دايموند وبيشتغل بالكليبسات الأصلية، انما ناس تانية بتحذر وبتقول ان حتى لو الكليبسات اصلية ده مش هيمنع البارومة...
مش عارف بصراحة بس نفسي اعمل الموضوع ده هيحول العربية بجد... وبالمناسبة لما سألت في الموضوع ده اول ما جبت العربية الوكيل قالي العتب الجانبي بـ3600 والكساحتين الاماميتين بـ1500 او 1800 مش فاكر... يعني توتال 5400 على اقصى تقدير... مش فاهم ايه بقى 6000 دي؟؟ الا لو بيستهبلوا وبيضربوا اي سعر والسلام... وانا برجح كده لأنهم فوق جهلهم حرامية كمان...
4. اساسا عندي 6 سماعات مش 9 رغم ان الكتالوج بيقول 9 سماعات!!!! حاجة عجيبة برضه بس ما دققتش قوي لأني عارف اني بسأل ناس مش فاهمين اي حاجة في اي حاجة... الصب ووفر عامل شغل طبعا ومش فاهم ايه اللي دايموند بتعمله ده؟؟ كل سنة تشيل حتة من العربية وترجع تنزل حتة... يعني شالوا الصب في 2012 ورجعوه في 2013 (وكنت محظوظ الحمد لله) ورجعوا شالوه تاني معاك...
عموما الصوت مش حلو بس علشان الصب... الموضوع كله في الساوند سيستم الركفورد فوسجيت... حاجة محترمة جدا والصوت فوق الروعة واحسن من اي حاجة تانية في الفئة دي في نظري... الـbass والـtreble والـmid ممتازين جدا والتويترات في الأبواب عاملة شغل جامد برضه... ساعات بقول لو كان فيه 3 سماعات تانيين كانت العربية هتتفجر ههههه... بصراحة 6 كويسين خالص...

ربنا يباركلك ان شاء الله!!

[Mohamed Gebaly]

طب سؤال لو سمحتم فى اعلان العربية موديل 2013 هاى لاين كان مكتوب عن نظام الصوت
Touch panel audio with Rockford sound system
و فى موديل 2014 بقى مكتوب
Unique audio (AM/FM, CD player
هل معنى كده انهم غيروا ماركة الsound system
و شكرا

[Ahmed TRAVCO]

طب سؤال لو سمحتم فى اعلان العربية موديل 2013 هاى لاين كان مكتوب عن نظام الصوت
Touch panel audio with Rockford sound system
و فى موديل 2014 بقى مكتوب
Unique audio (AM/FM, CD player
هل معنى كده انهم غيروا ماركة الsound system
و شكرا

أوففف... لو ده حقيقي تبقى ضربة قاضية لنظام الصوت فعلا، لأن الـUnique Audio ده بينزل في الفئات الأولى (غير الهاي لاين) وأكيد أكيد جودة الصوت هتفرق عن الـRockford Fosgate مفيش كلام...

[Omar Gamal]

متشكر جدا لاهتمام حضرتك و نقل خبراتك في العربية دي والله، معندكش أدنى فكرة.

1. هل حضرتك تأكدت من موضوع البارومة ده في حالة تركيب العتب؟ طب بره ممكن أصدق، لكن حتى في اترشت و اتركبت في التوكيل بكليبساتها الأصلية بردو هتجيب بارومة؟ يا ريت لو حضرتك تقدر تشرحلي هي بتركب إزاي بالضبط (بيخرموا في الصاج ولا في طريقة ثانية؟) عشان زي ما حضرتك حكيت هو فعلا فارق جامد في شكل العربية الخارجي. و تنصحني أبقى أركبهم فيها؟

2. أسعار دايموند كانت 2200 للقطعة الواحدة، يعني 4400 و رش و تركيب هيكلف حوالي 1400 جنيه - ده استهبال رسمي طبعا. إن شاء الله في زيارتي الجاية ليهم أسأل تاني و أقول لحضرتك.

3. فتحة ال AUX (حسب ما فهمت من كلامهم) عشان توصلها محتاج تفتح درج التخزين اللي في التابلوه و تمد إيد حضرتك هتلاقيه مدفون على اليمين في غطاء بلاستيك للحماية. لو الشاشة التاتش فيها خيار ال AUX يبقى أعتقد لا محالة موجود، إنما هو بالتأكيد مش تحت فتحات التكييف (القطعة السودة المتلصمة دي موجودة في 2014 بردو).

4. هو الكاسيت التاتش عند حضرتك مكتوب فوقه rockford fosgate؟ للأسف كل الفئات unique audio باختلاف عدد السماعات (4 في الأولى و الثانية و 6 في الهاي لاين)، بس يتهيألي ال hardware واحد؟ يعني الكاسيت التاتش ده له output بكواليتي معينة، مظنش إنها تتغير. تفتكر؟

[Omar Gamal]

سؤالي الأخير و أنا آسف: الكاوتش بتاعها الدانلوب سمعت كتير شكوى منه إنه صوته عالي و مزعج في السفر و ما شبه، هل الكلام ده صحيح؟

[Omar Gamal]

مفيش أي جديد؟ :)

[Ahmed TRAVCO]

متشكر جدا لاهتمام حضرتك و نقل خبراتك في العربية دي والله، معندكش أدنى فكرة.

1. هل حضرتك تأكدت من موضوع البارومة ده في حالة تركيب العتب؟ طب بره ممكن أصدق، لكن حتى في اترشت و اتركبت في التوكيل بكليبساتها الأصلية بردو هتجيب بارومة؟ يا ريت لو حضرتك تقدر تشرحلي هي بتركب إزاي بالضبط (بيخرموا في الصاج ولا في طريقة ثانية؟) عشان زي ما حضرتك حكيت هو فعلا فارق جامد في شكل العربية الخارجي. و تنصحني أبقى أركبهم فيها؟
بص انا زي ما قلتلك الكلام كله مبني على ما قاله بعض الزملاء الافاضل في قسم ميتسوبيشي... ومن كلامهم برضه واضح ان لازم الصاج يتخرم...
2. أسعار دايموند كانت 2200 للقطعة الواحدة، يعني 4400 و رش و تركيب هيكلف حوالي 1400 جنيه - ده استهبال رسمي طبعا. إن شاء الله في زيارتي الجاية ليهم أسأل تاني و أقول لحضرتك.
بس هم مش قطعتين على فكرة... عندك 2 عتب جانبي + 2 كساحة أمامية... فمش عارف بقى السعر اللي قالوهولك ده على العتب الجانبي بس ولا كل حاجة مع بعض... ومستني الجديد عندك بعد ما تسألهم تاني... انا عن نفسي يأست من اللي عندي في الغردقة لأنهم في البلالا تماما...
بس للأمانة، اول ما سألتهم في الموضوع ده بعد ما اشتريت الراجل قالي حرام والعربية كده كده شكلها حلو من غيره ومش عارف ايه... وفي الاخر قالي هاتهم استيراد من الحرفيين ارخص وانا ارشهم لك واركبهم لك عندنا... ومن وقتها بقى ما سألتش تاني لأن مفيش امكانية دلوقتي...
3. فتحة ال AUX (حسب ما فهمت من كلامهم) عشان توصلها محتاج تفتح درج التخزين اللي في التابلوه و تمد إيد حضرتك هتلاقيه مدفون على اليمين في غطاء بلاستيك للحماية. لو الشاشة التاتش فيها خيار ال AUX يبقى أعتقد لا محالة موجود، إنما هو بالتأكيد مش تحت فتحات التكييف (القطعة السودة المتلصمة دي موجودة في 2014 بردو).
بص هو انا لسة ما بصيتش في العربية تاني بصراحة ونسيت خالص اعمل كده النهاردة... هبقى اشوف واقولك، بس انا قلبت الكتالوج وزي ما بقولك واضح جدا ان مفيش AUX لأن مكانه متلصم اسود زي ما انت وصفت (عكس الموديلات التانية المذكورة في الكتالوج برضه واللي الجزء ده فيها بيتحرك وبيكون تحتيه فتحة الـAUX)... وبالنسبة للأيقونة فواضح ان السيستم "مجهز" للـAUX ومش شرط يكون موجود في العربية فعليا... لأن برضه عندي ايقونة Phone وBluetooth Audio وiPod مثلا وطبعا مفيش الكلام ده...
4. هو الكاسيت التاتش عند حضرتك مكتوب فوقه rockford fosgate؟ للأسف كل الفئات unique audio باختلاف عدد السماعات (4 في الأولى و الثانية و 6 في الهاي لاين)، بس يتهيألي ال hardware واحد؟ يعني الكاسيت التاتش ده له output بكواليتي معينة، مظنش إنها تتغير. تفتكر؟
لأ... اعتقد جدا ان الكواليتي هتتغير... روكفورد فوسجيت نظام صوتي امريكي مختلف عن الـUnique Audio العادي... وعندي التويترات في الابواب محفور عليها لوجو روكفورد، والصب ووفر كمان نفس الكلام... بمعنى ان الهاردوير مختلف تماما... والنظام الصوتي عندي مدعوم من كذا براند زي Dolby وDTS Neutral Surround وPremiDIA...
وطبعا التحكم في الصوت حاجة تانية خالص... عندك Balance/Fade علشان التحكم في مستوى الصوت من كل سماعة على حدة... عندك Equalizer ممتاز ممكن تظبط منه الـtreble والـBass والـMid وكمان خاصية الـPunch اللي بتعمل شغل جبار مع الـBass... وحتى الـSurround ليه كذا شكل، ممكن يبقى Premidia Wide وممكن تغير مركز الصوت من front الى driver الى all لو عايز صوت محيطي بالكامل زي ما تكون في استوديو... وحتى الـPremidia HD والـDolby Volume نفسهم ممكن تظبط مستواهم من off الى low الى mid الى high...

آسف على التطويل والاسهاب في نظام الصوت بس فعلا حاجة قمة في الاحترام ومتكلفة بجد!!

[Ahmed TRAVCO]

سؤالي الأخير و أنا آسف: الكاوتش بتاعها الدانلوب سمعت كتير شكوى منه إنه صوته عالي و مزعج في السفر و ما شبه، هل الكلام ده صحيح؟

الكلام ده صح ألف في المية!!! فردة راااائعة في التراكشن والفرملة ونادرا ما بتشبط فيها زلة صغيرة... وفردة حمالة قسية كمان، لك انت تعرف اني عملت لحد دلوقتي 31000كم في سنة بالظبط!!! عربيتي اتمت سنة في 24 فبراير... والدانلوب فوق الممتازة... كل ده جميل ولكن،،،
للأسف الشديد الفردة دي ناشفة جدا وصوتها مزعج جدا خصوصا مع الوضع في الاعتبار صوت موتور الشارك الرياضي وعزلها الاقل من المستوى... في الاول كنت برمي كل اللوم على العزل من كتر كلام الناس عليه، انما لما دققت في الموضوع لقيت ان يمكن 70% من الصوت صوت كاوتش!!! اه والله... يعني لما بمشي على اسفلت ناعم قوي (زي طريق القطامية السخنة مثلا) تقريبا مش بسمع صوت نهائيا وساعتها بحس ان العربية عزلها تحسن بنسبة كبيييييرة جدا... فعلا فيه فرق... انما تمشي على اسفلت خشن الصوت بيبقى باين، ولو ركبت كورولا او بومة مثلا (اللي فيهم بريدجستون تورانزا) بتحس بالفرق...

[Omar Gamal]

كلام محترم و شكرا جدا لنصايح حضرتك و نقل خبراتك.

بالفعل مفيش أيقونة روكفورد في السماعات الصغيرة اللي في الأبواب، و ده بالتأكيد معناه إن السيستم هو unique audio. هو طبعا لا يقارن بالروكفورد، بس هل هو سيستم كويس ولا مش قد كده؟ أتوقع وجود نفس التحكمات في الصوت أو حتى نصها لأن في النهاية دي مسئولية الشاشة التاتش مش الساوند سيستم، لكن طبعا تأثيرها هيختلف و جودة الصوت لا شك أقل..و الله أعلم. ربما يكونوا عملوا كده عشان يحافظوا على سعرها.

بالنسبة للكاوتش، فهو زي أي حاجة ليها مزاياها و عيوبها و للأسف أغلب شوارع مصر أسفلتها سيء و بالتالي بنحس أن الشارك عزلها سيء إنما جزء كبير جدا من اللوم يقع على الكاوتش مفيش كلام. مجربتش حضرتك تحط فيها نيتروجين؟ ممكن جدا يعمل معاك فرق خاصة عالطرق السريعة.

أشكرك مرة تانية، هتابع مع حضرتك إن شاء الله لما أتأكد من الأسعار.