سؤال لملاك لانشر شارك 2014 هايلاين؟

[Ahmed TRAVCO]

كلام محترم و شكرا جدا لنصايح حضرتك و نقل خبراتك.

بالفعل مفيش أيقونة روكفورد في السماعات الصغيرة اللي في الأبواب، و ده بالتأكيد معناه إن السيستم هو unique audio. هو طبعا لا يقارن بالروكفورد، بس هل هو سيستم كويس ولا مش قد كده؟ أتوقع وجود نفس التحكمات في الصوت أو حتى نصها لأن في النهاية دي مسئولية الشاشة التاتش مش الساوند سيستم، لكن طبعا تأثيرها هيختلف و جودة الصوت لا شك أقل..و الله أعلم. ربما يكونوا عملوا كده عشان يحافظوا على سعرها.

بالنسبة للكاوتش، فهو زي أي حاجة ليها مزاياها و عيوبها و للأسف أغلب شوارع مصر أسفلتها سيء و بالتالي بنحس أن الشارك عزلها سيء إنما جزء كبير جدا من اللوم يقع على الكاوتش مفيش كلام. مجربتش حضرتك تحط فيها نيتروجين؟ ممكن جدا يعمل معاك فرق خاصة عالطرق السريعة.

أشكرك مرة تانية، هتابع مع حضرتك إن شاء الله لما أتأكد من الأسعار.

ربنا يخليك وتحت أمرك في اي حاجة اعرفها...
هو اكيد ان شاء الله اليونيك اوديو كويس بس للأمانة انا مجربتهوش... لو حد هنا يكون جربه وجرب الروكفورد ممكن يفيدنا اكتر...

بخصوص النيتروجين، فانا بصراحة شديدة مش شايف فرق محسوس بينه وبين الهوا العادي!!! يمكن انا بس اللي كده الله اعلم، بس فعلا مش شايف فرق يعني... وآخر مرة فضيت العجل بالكامل وحطين نيتروجين من اول وجديد عند جوديير الغردقة وبرضه مش شايف الفرق ملحوظ يعني...

[Mahmoud-7ouda]

Usb

يا جماعة انا معايا الشارك 2014 و فعلا بالنسبة للعزل مش اد كده و بالنسبة aux هى موجوده فعلا فى التابلوه اللى تحت التكيف لكن بالنبة لل usb مش موجوده عندى و انا معايا الفئة التانية و مكتوب ف الكتالوج انها موجوده فى درج التخزين و قلبته و مش لاقى حاجه بس هل هى نازله بيه و لا لا و حتى لو مش نازله بيه ينفع ابلغ التوكيل يركب واحده و انا بعمل صيانه 1000 و تكلفتها كام و بجد كانت مناقشة جيده جدا فى الموضوع و استفدت كتير للعلم اول مره اركب لانسر واشترتها بناء على توصيات من ناس فى الجروب و شكرا