آراء الناس ،، هل ستنجح متسوبيشي اتراج ??

[bedo84]

يا جماعه العربيه دي نزله في وقت غريب جدا كل الشركات تقريبا منزلا موديلات موفره واقتصادية

التساؤل دلوقتي هل العربيه توفيرها في البنزين ووسعها مع تكييف جيد وشركه عريقه وسحب وتسارع ممتاز ،،، هل تعتقد انها ستنجح في السوق المصري لكل ال بيفكر في الفئه دي وياريت مالكها يشاركوا بكثافه علشان العربيه لسه بتعمل سمعتها ومحتاجين معلومات كتير وشكرااااا ،،،

[OmarAdel98]

صفقة العام من ميتسوبيشي

[kantofanto]

أكيد هاتنجح خصوصاً ان سعرها كويس بس اهم حاجة يتسوق لها صح و ده لينك فى صور و مواصفات العربية و سعرها.

ويكيموبايل اسعار: سعر مواصفات ميتسوبيشي أتراج 2015 mitsubishi attrage

[mr.moustafa]

انت بتقول كلام مستحيييييييييييييل
مافيش عربية موفرة في البنزين و واسعة و تكييف جيد و سحب و تسارع ممتاز اقل من 200 الف
خليك موضوعي و اتكلم نسبيا
عربية 3 سلندر 1200 سي سي ، و بتقول واسعة ! طب ازاي تكييف و سحب و تسارع ممتاز ؟!!!!!!!!!!!!
سؤال : انت ركبت العربية ديه ولا جبت معلوماتك منين ؟؟؟؟؟؟؟؟؟؟؟؟؟؟

[عبدالله برعى]

متابعين الموضع
ونتمنى منك المزيد

[عبدالله برعى]

متابعين الموضع
ونتمنى منك المزيد

[D.Ahmed Ismail]

1200 سي سي
اكيد توفر بنزين
احتمال سحب جيد
استحاله تكييف و سحب

[hugan]

ماظنش انها هاتحقق مبيعات عاليه
خاصه مع وجود فئات زي الفيرنا واللوجان اوتو
وال بي واي دي اوتو
ونيسان بالرغم من عيوبها
عربيات بمواتير قويه
في مصر مفيش حد هايشتري عربيه 3 سلندر
فوق ال 100 الف علشان من متسوبيشي فقط

[Omar Mahmoud]

حكاية إن نسبة الإنضغاط بتاعتها عالية مما يترتب عليه وضع بنزين 95،الكلام ده حقيقي و لا إشاعة؟؟؟

[هانى شوقى]

بالنسبة للبنزين : العربية فى اول شهر معايا كنت مشغل التكييف دايما عملت حوالى 400 كيلو جوة المدينة بالوقف والحركة البطيئة مونت حوالى مرتين ونص تنك بالضبط والتنك 41 لتر الشهر التانى ريحت التكييف للضرورة القسوة الايام الحر جدا فى النهار فقط مونت مرة واحدة وبقالى 20 يوم ولسة نص التنك وعملت حوالى 300 كيلو
بالنسبة للعربية : التكييف جوة المدينة خراب بيوت المتور بيخدم التكييف جوة المدينة وفى الكتالوج بتاع العربية بينصح بعدم استعمال التكييف على السرعات البطيئة مع السرعات العالية من الطبيعى اداء التكييف يقل بس مش للدرجة اللى تدايق او تحس ان العربية من غير تكييف وبصراحة فى عز النهار الحرارة عندنا بتعدى 45 فى ايام كتير وركبت الافيو الجديدة فى يوم حر كنت هموت جواها وفى الاتراج افضل من الافيو فى حتة التكييف وعن تجربة
الانتشار: دا عيب من الشركة انا بس اللى فى اسيوط راكب العربية ولو عملت مصيبة هتجاب فى ثوانى لدرجة لما اقول لحد انى جبت الاتراج يقولى هو انت اللى بتعدى من عندنا وناس تانية فكرانى جايب لانسر ولاعب في شكلها ودا ياخدنا لعيب الشركة فى التسويق هل دى ثقة منها وعارفين ان متسوبيشى بتفرض نفسها على السوق واشك ان دا يكون غباء او تطنيش
من جوة : العربية واسعة بمعنى واسعة ودا موضوع منتهى وبالنسبة للكماليات دا مش عيب فيها كل متسوبيشى كماليتها كدة وتقفيها عادى بس مش للدرجة اننا نقول ان التقفيل سئ وفى حتة غالبية العربيات الكماليات الاوفر والمتزوقة الناس بتشتكى منها بعدين لانى لازم يا تاخد شكل يا تاخد اداء

[هانى شوقى]

استهلاكى 80 لتر فى اول 400 كيلو مع التكييف الدائم جوة المدينة وفى الوقفات طبعا دا مش مقياس خالص لان التكييف اكل البنزين كله
تانى 300 كيلو استهلكت لغاية دلوقت حوالى 20 لتر مع التكييف عند الضرورة باستخدام اقل من المتوسط بمعدل حوالى 15 كيلو فى اللتر من غير التكييف
من غير التكيف توصل ل 20 كيلو فى اللتر

[bedo84]

انت بتقول كلام مستحيييييييييييييل
مافيش عربية موفرة في البنزين و واسعة و تكييف جيد و سحب و تسارع ممتاز اقل من 200 الف
خليك موضوعي و اتكلم نسبيا
عربية 3 سلندر 1200 سي سي ، و بتقول واسعة ! طب ازاي تكييف و سحب و تسارع ممتاز ؟!!!!!!!!!!!!
سؤال : انت ركبت العربية ديه ولا جبت معلوماتك منين ؟؟؟؟؟؟؟؟؟؟؟؟؟؟

باشا احنا عملين الموضوع للنقاش

وانا جبت الكلام دا من مشاركة واحد هنا في المنتدي بي قول الكلام دا مش أكتر

علشان كدا عايزين معلومات من الملاك علشان نقدر نحكم العربيه مش من واحد بس

وكمان سمعت ان متسوبيشي موفره 30 عربيه للتجربة القيادة في ابو رواش علشان الناس متخوفا من السحب مع الموتور

1200 سي سي والتكييف ،، وأخيرا يا ريت نحكم عال عربيه من ملاكها ومنجزمش باي معلومة ،،،

وبعدين ليه بتقول مستحيل ميمكن متسوبيشي عملت المستحيل ،،،،

[bedo84]

استهلاكى 80 لتر فى اول 400 كيلو مع التكييف الدائم جوة المدينة وفى الوقفات طبعا دا مش مقياس خالص لان التكييف اكل البنزين كله
تانى 300 كيلو استهلكت لغاية دلوقت حوالى 20 لتر مع التكييف عند الضرورة باستخدام اقل من المتوسط بمعدل حوالى 15 كيلو فى اللتر من غير التكييف
من غير التكيف توصل ل 20 كيلو فى اللتر

انت كدا شركت العربيه خالص ومين يستحمل توفير بنزين من غير تكييف في الحر دا

[Land_Cruiser]

الموضوع مش كام سي سي فقط وإنما وزن العربيه له دخل كبير في موضوع التكييف والسحب. اعتقد العربيه لسه جديده و حتي التجربه بتاعه الأخ صاحب السياره لسه محتاجه تمشي شويه علشان امكانياتها تبان و نستطيع الحكم بموضوعيه لانها لسه بتلين

[MaZaGAngeE]

الفئة دي فيها عربيات كتير و كله هيطحن في بعض
بس محتاجين نشوف الدنيا كمان كام شهر هيحصل فيها ايه بس ظني انها هتعمل مبيعات اعتمادا على اسمها