المشاركة الأصلية كتبت بواسطة land_cruiser
مشاهدة المشاركة
X
-
انا اشتريت العربيه بقالها معايا حوالى اسبوعين...تقييمى البسيط للعربيه من عدة زوايا...اولا العربيه فيها كتير قوى من الياريس كشكل و كاداء.العربيه واسعه قوى من جوه و دى كانت مفاجأه بالنسبه لى..انا طولى 199 سم باقعد فارد رجلى ورا و قدام...العفشه ناعمه الباور ممتاز.انا عربيتى لونها سيلفر و ده اكثر لون بافضله فى الميتسوبيشى.العربيه تقفيلها معقول قوى و لا يقارن بالتقفيل المصرى السيىء للافيو و لا للصنى...شنطة العربيه كبيره جدا انا كنت فى مشوار للمطار امس و كنت حاطط خمس شنط فى الشنطه و كانت مكفيه و زياده.......تكييف العربيه اكثر من رائع .لو على 2 بس بيخلى العربيه تلاجه.......الغريب بقى رغم ان العربيه 1200 سى سى و حجمها مش صغير لكن الموتور قوى جدا ماشاء الله و ماتحسش انها اقل من 1400 سى سى ...و انا خليت احد اصدقائى يركبها و ماقلتلوش انها 1200 ..قالى دى 1500......و اتصدم لما قلت له 1200...العربيه سحبها رائع جدا و مع التكييف ممتاز...انا ماباطفيش التكييف الا نادرا لان ولادى ما بيتحملوش لاننا عشنا بره فتره........الكاسيت صوته جميل جدا...العربيه فيها اماكن كتير قوى للتخزين.....موضوع البنزين بقى انا العربيه مستلمها بقالى اسبوعين مشيت بها 380 كيلو كنت حاطط فيها 25 لتر لسه ماخلصوش لحد دلوقتى و لسه فاضل فيهم شويه حلوين......العريبه ممتازه و مفاجأه كبيره ليا و اى حد هيجربها هيشتريها...صفقه رائعه بكل المقاييس كسعر و اداء ...
Comment
-
فى حاجه تانيه عايز اقولها و تعمدت انى اجربها علشان اشوف...انا مشيت بالعربيه على كوبرى اكتوبر على 120 علشان اشوف ثبات العربيه و على الدائرى جبت 130 ..العربيه قمه فى الثبات ..وزن العربيه متناسب جدا مع قوة الموتور ......العربيه معموله حلو قوى قوى و بمعلمه من ميتسوبيشى...انا مش عايز اقول العربيه مافيهاش غلطه بس العربيه غريبه جدا و اداءها مش طبيعى بالنسبه لامكانياتها خالص....امبارح فى مشوار المطار انا قلت فى 4 قاعدين ورا و 5 شنط فى الشنطه مع التكييف هتبقى سلحفاه...و الله العظيم قسما بالله و لا كان العربيه فيها حد و لا كان الشنطه مليانه..!!!!! العريبه ادائها و هى فاضيه زى و هى مليانه....حاجه غريبه بصراحه مش قادر افهمها............انا باحاول انكشها علشان اطلع فيها عيوب مش عارف...امبارح على مطلع الكوبرى و العربيه محمله كل ده و لا الهوا العربيه بتطلع زى الطلقه ماشاء الله.......بجد عربيه غريبه
Comment
-
المشاركة الأصلية كتبت بواسطة هانى شوقى مشاهدة المشاركةبالنسبة للبنزين : العربية فى اول شهر معايا كنت مشغل التكييف دايما عملت حوالى 400 كيلو جوة المدينة بالوقف والحركة البطيئة مونت حوالى مرتين ونص تنك بالضبط والتنك 41 لتر الشهر التانى ريحت التكييف للضرورة القسوة الايام الحر جدا فى النهار فقط مونت مرة واحدة وبقالى 20 يوم ولسة نص التنك وعملت حوالى 300 كيلو
بالنسبة للعربية : التكييف جوة المدينة خراب بيوت المتور بيخدم التكييف جوة المدينة وفى الكتالوج بتاع العربية بينصح بعدم استعمال التكييف على السرعات البطيئة مع السرعات العالية من الطبيعى اداء التكييف يقل بس مش للدرجة اللى تدايق او تحس ان العربية من غير تكييف وبصراحة فى عز النهار الحرارة عندنا بتعدى 45 فى ايام كتير وركبت الافيو الجديدة فى يوم حر كنت هموت جواها وفى الاتراج افضل من الافيو فى حتة التكييف وعن تجربة
الانتشار: دا عيب من الشركة انا بس اللى فى اسيوط راكب العربية ولو عملت مصيبة هتجاب فى ثوانى لدرجة لما اقول لحد انى جبت الاتراج يقولى هو انت اللى بتعدى من عندنا وناس تانية فكرانى جايب لانسر ولاعب في شكلها ودا ياخدنا لعيب الشركة فى التسويق هل دى ثقة منها وعارفين ان متسوبيشى بتفرض نفسها على السوق واشك ان دا يكون غباء او تطنيش
من جوة : العربية واسعة بمعنى واسعة ودا موضوع منتهى وبالنسبة للكماليات دا مش عيب فيها كل متسوبيشى كماليتها كدة وتقفيها عادى بس مش للدرجة اننا نقول ان التقفيل سئ وفى حتة غالبية العربيات الكماليات الاوفر والمتزوقة الناس بتشتكى منها بعدين لانى لازم يا تاخد شكل يا تاخد اداء
العربية دي كدة مع التكييف خرابة بنزين ... ده السوزوكي الألتو الـ 800 سي سي ... مع التكييف بتعمل 330 كيلو / 20 لتر ... ومن غير التكييف بتعمل 350 كيلو / 20 لتر
أعتقد السوزوكي السويفت هاتكون أفضل منها بكتير في موضوع استهلاك البنزين ده ...
غير بقى إن السويفت أربعة سلندر وده يفرق جامد في موضوع الاستهلاك ... وكمان السويفت أرخص بأكتر من 14 ألف جنيه وفيها كماليات أفضل وناعمة أكتر منها بكتير من تجربتي للاثنين مع بعض وتقفيلها من جوة أفضل برضه بكتير
(تعديل)
كدة يبقى في حاجة غلط في الحساب ... لأن الاستهلاك اللى حضرتك بتقوله ده كويس مش وحش بتكلم تقريبا في 300 كيلو / 20 لتر وده استهلاك كويس جدا بالتكييفالمشاركة الأصلية كتبت بواسطة مؤمن حمزه مشاهدة المشاركةانا اشتريت العربيه بقالها معايا حوالى اسبوعين...تقييمى البسيط للعربيه من عدة زوايا...اولا العربيه فيها كتير قوى من الياريس كشكل و كاداء.العربيه واسعه قوى من جوه و دى كانت مفاجأه بالنسبه لى..انا طولى 199 سم باقعد فارد رجلى ورا و قدام...العفشه ناعمه الباور ممتاز.انا عربيتى لونها سيلفر و ده اكثر لون بافضله فى الميتسوبيشى.العربيه تقفيلها معقول قوى و لا يقارن بالتقفيل المصرى السيىء للافيو و لا للصنى...شنطة العربيه كبيره جدا انا كنت فى مشوار للمطار امس و كنت حاطط خمس شنط فى الشنطه و كانت مكفيه و زياده.......تكييف العربيه اكثر من رائع .لو على 2 بس بيخلى العربيه تلاجه.......الغريب بقى رغم ان العربيه 1200 سى سى و حجمها مش صغير لكن الموتور قوى جدا ماشاء الله و ماتحسش انها اقل من 1400 سى سى ...و انا خليت احد اصدقائى يركبها و ماقلتلوش انها 1200 ..قالى دى 1500......و اتصدم لما قلت له 1200...العربيه سحبها رائع جدا و مع التكييف ممتاز...انا ماباطفيش التكييف الا نادرا لان ولادى ما بيتحملوش لاننا عشنا بره فتره........الكاسيت صوته جميل جدا...العربيه فيها اماكن كتير قوى للتخزين.....موضوع البنزين بقى انا العربيه مستلمها بقالى اسبوعين مشيت بها 380 كيلو كنت حاطط فيها 25 لتر لسه ماخلصوش لحد دلوقتى و لسه فاضل فيهم شويه حلوين......العريبه ممتازه و مفاجأه كبيره ليا و اى حد هيجربها هيشتريها...صفقه رائعه بكل المقاييس كسعر و اداء ...
[CENTER][U][FONT=Courier New]D . a . \ A Y M A N[/FONT][/U][/CENTER]
[CENTER][U][FONT=Courier New]A . S . Y[/FONT][/U][/CENTER]
N.Y.S.M.A سابقاً
Comment
-
انا اتفرجت على العربية في المعرض
بالنسبة للوسع فهيا واسعة
التقفيل مقبول
الصاج خفيف جدا وإن الكابوت خفيف
الجزء. الأمامي الأمامي بلاستك بالكامل لغاية بعد الموتور بشوية
التابلوه والعدادات عادية[SIGPIC]http://imageshack.us/photo/my-images/545/6c6d1551112s.gif/[/SIGPIC]
Comment
-
انا معايا العربية بقالها اسبوعين العربية بأسم الله ماشاء الله فعلا تشبة التويوتا في اكتر من شئ
انا جمعت ليها تقيم بسيط
العربية سحبها حلو جدا جدا علي ماتور 3 سلندر 1200بس دا متعوض ان الماتور 2 كامه بيدي 78 هورس باور
في حين لو شفنا اليارس الجديدة ماتور 1300 4 سلندر بتدي 83 هورس باور ولوقارنتها بالوجان مع ان دا رينو ودي متسوبيشي الرينو بتعمل 5500 لفة والاتراج 6000 لفة
والتجربة انك لو سفرت بيها علي سرعة 100 حتلاقي الار بي ام علي 2000
وانا كان معايا لانسر بوما 2008 كان الار بي ام نفس الحكاية
لو الماتور بيعاني كان الار بي ام يعلي عن كدا او عدد لفات الماتور زادت
ثانيا الماتور علي كاتينة مش سير زاي التويوتا وبعكس الموديلات السابقة
الباور كهربا مش سير زاي باقي الموديلات وتحفه علي السرعات العالية بعكس الموديلات الاخري مش بيفصل
الفرامل بتاعتها كويسة وثباتها كويس
اما بالنسبة للنيسان ااقدر اقول انها غوووول بنزين انا كان معايا 2013 نيسان الشكل القديم
وكان ممكن اكمل واجيب الشكل الجديد
سمعت وشوفت المهزلة اللي فيها توكيل نيسان والنصب البين علي الناس
بالنسبالي العربية تحفة جوا البلد ادائها مع التكيف جامد جدا بالنسبة لاتوماتيك
Comment
-
أعتقد مش هتنتشر أوى
وكلمة شركه عريقه مش شرط لان ديه بتبقى عربيه معموله للدول الفقيره زى الصنى كده
اذا كانت البومه مش بتلاقيها بره
زى التويوتا كده
من كتر رخص العربيات بره بتلاقى اقل واجب الكاميرى[SIZE="5"]لا اله إلا الله محمدُ رسول الله[/SIZE]
Comment
-
علي فكرة الاتراج نزلت اتحاد اوربيالمشاركة الأصلية كتبت بواسطة amr011111 مشاهدة المشاركةأعتقد مش هتنتشر أوى
وكلمة شركه عريقه مش شرط لان ديه بتبقى عربيه معموله للدول الفقيره زى الصنى كده
اذا كانت البومه مش بتلاقيها بره
زى التويوتا كده
من كتر رخص العربيات بره بتلاقى اقل واجب الكاميرى
وفكرة الانتشار برة دا عشان الجمارك
يعني لما يكون امامك عربية كامري بسعر الاتراج في مصر
اكيد حتشتري الكامري
وانا شفت عربيات لانسر بوما مع ناس من السعودية
لوسألت اي حد برة حيقولك اسعار العربيات عندنا لاتقارن
بدليل توكيل اب الرواس لغاية النهارده بينزل لانسر خليجي عشان يضرب توكيل دايموند
حيكون بيجبها منين
Comment
-
اعتقد ان العربية دي هاتفشل علي المدي الطويل لان الصيف في مصر بقي حار جدا والتكييف لا غني عنة وماتحكمش عليها دلوقتي تحكم عليها لما حالة الموتور تبقي 60 او 70 % معتقدش هاتبقي حلوة مع التكييف واعتقد ان العربية حجمها كبير علي 1200 سي سي ومع الحرارة العالية والتكييف وزحمة البلد والاتربة اللي بتسد الردياتير وتزود الحرارة اعتقد ان العربية دي موش هاتعمر واعتقد كمان ان بعد الخروج من الضمان هايبقي في صعوبة علي اي ميكانيكي يتعامل مع عربية 3 سلندر
Comment
-
غريبة اوي شركة متسوبيشي اقوي شركة مش بس في العربياتالمشاركة الأصلية كتبت بواسطة سامح سامي مشاهدة المشاركةاعتقد ان العربية دي هاتفشل علي المدي الطويل لان الصيف في مصر بقي حار جدا والتكييف لا غني عنة وماتحكمش عليها دلوقتي تحكم عليها لما حالة الموتور تبقي 60 او 70 % معتقدش هاتبقي حلوة مع التكييف واعتقد ان العربية حجمها كبير علي 1200 سي سي ومع الحرارة العالية والتكييف وزحمة البلد والاتربة اللي بتسد الردياتير وتزود الحرارة اعتقد ان العربية دي موش هاتعمر واعتقد كمان ان بعد الخروج من الضمان هايبقي في صعوبة علي اي ميكانيكي يتعامل مع عربية 3 سلندر
في مواتير السفن والاساسنسير وحاجات كتير حتخاطر عشان اه
الشركة الوحيدة اللي سحبت الباجيرو من السوق بعد اكتشاف عيب الفرامل
اللي نيسان مش عايزا تعترف بية
قارن بين تواجد تويوتا ومتسوبيشي ونيسان في الدول الخليج الاكثر ارتفاع في درجه الحرارة
وبعدبن لما نكلم عن الحجم والماتور نكلم بالحسابات
وزنها 850 كيلو مناسب جدا مع حجم ماتورها
العالم كلة في اتجاة لتوفير الطاقة
حتعمل اه لما الينزين يوصل 4.50 جنية
ودي كلها اراء
Comment
-
معلش فى حتة موضحتهاش يمكن هى عندنا بشكل واضح العربية موفرة بس اللى عايز اقوله انى فى الاول كنت مشغل التكييف عمال على بطال يعنى ممكن اقف فى الزحمة ساعة ومشغله والعربية تعتبر واقفة ودا مش مقياس والزحمة فى اسيوط مش طبيعية ومتكررة وفى اوقات بنسيب العربية ونمشى احسن فدا مش مقياس
لذلك فى الشهر التانى انا ريحت التكييف بس مش قوى علشان اعرف كمية الاستهلاك وفى 350 كيلو عملت حوالى من 20 لتر طبعا الوقفات كتير جدا والعربية دايرة على طول اعتقد مقياسها الحقيقى خارج المدينة جوة اسيوط محدش يقدر يقيس عربيته ابدا
Comment
-
تانى بالنسبه لموضوع البنزين...لحد دلوقتى انا عامل بيها 382 كم و كنت حاطط25 لتر...و لسه فاضل شويه ...يعنى طبيعى الاستهلاك بتاع العربيه دى حوالى 900 كم فى التنك......لو مزود قوى فى التكييف ممكن تعمل 800 كم فى التنك بالكتير قوى.....انا باشغل التكييف على 2 على طول و بيبقى الجو جميل جدا جوه العربيه ......
العربيه موفره فى البنزين بشكل مش طبيعى رغم انها كبيره و دى ميزه كبيره...
Comment

Comment