شرح بالخطوات حل مشكلة ارتفاع الحرارة بعد 120 كم/س ...

[ramadanshehatt]

بسم الله الرحمن الرحيم

الاخوة اعضاء القسم الكرام

كنت من فترة عملت موضوع عن ارتفاع حرارة العربية بعد ال 120 كم/س

http://www.nilemotors.net/Nile/472593-120.html

والحقيقة ان المشكلة كانت متشعبة وصعبة التشخيص لامها ممكن تكون من اكتر من سبب واللى حصل بالترتيب كالاتى :

1- تسليك وتنظيف الردياتير وتغيير الميه بميه خضراء .... ومازلت المشكلة موجودة
2- تغيير الردياتير بواحد جديد صناعة امارتى ب 550 جنيه واستعمال ميه خضراء ... وللاسف فضلت المشكلة موجودة
3- كشفت عند اتنين ميكانيكيا واكدوا ان المشكلة جيوان وش السليندر ولازم يتغير ودة كان راى الراجل بتاع الردياتير بردوا
4 - تم تغيير جيوان وش السيلندر وبعد التجربة مازل الوضع كما هو عليه
5 - الكهربائى كشف على المراوح واكد انها تمام بس ممكن تكون مشكلة صباع الحرارة اللى راكب فى الكوعة وغيرنا الصباع ومحلش المشكلة
6- قال يبقى المشكلة فى كتاوت المراوح ( منظم عمل سرعات المراوح ) اللى راكب فى القميص ... تم التغير باتنين مختلفين ومفيش جديد للاسف
7- تغيير ثرموثتات الكوعة بواحد جديد ... وبردوا مفيش حل ... لاغينا الثرمو ثتات خالص بردو محلش المشكلة
------------------------------------
8 - اخيرا طلبت من الميكانيكى فك طرمبة الميه وتغيرها ... وفعلا فكينها وكانت المفجأة .... الطرمبة منتهية الصلاحية ووجودها زى عدمه ... للاسف العطل دة مفيش حد قدر يحدد انها الطرمبة لان كل الناس اجمعت على ان الميه بتقلب كويس وانها مش طرمبة ميه

الحمد لله غيرت الطرمية بواحد جديدة اصلى ب 225 جنيه وجارى الاختبار ... وعلى فكرة كنت جبت واحدة استراد وطلعت بتسرب ميه وبعدها جبت الجديدة ..... مبدئيا الوضع مبشر والحمد لله ويارب فعلا تنتهى المشكلة على خير.

الموضوع دة قعدت فيه اسبوع تجارب ولف عند الصنيعية وشراء حاجات وتكاليف وحرقة دم طبعا بس الحمد لله على كل حال .

انا هبقى اعملكم ابديت بعدا اسبوعين لما اتأكد ان كل شئ تمام .

ولو فى حد عنده اى استفسار انا فى الخدمة ... والهدف من الموضوع هو نقل التجربة لباقى الاعضاء علشان لو حد قابله نفس المشكلة يستفيد ويوفر فلوسه وتعبه

اخيرا انا بشكر الميكانيكى المحترم اللى انا بتعامل معاه لانه امين وشاطر وصبووور جدا وقمة فى الاحترام .. هو فى فيصل ش العشرين ولو حد عايز رقمه وعنوانه ويروح يجرب ويتعامل معاه هيدعيلى

صورة طرمبة الميه الاستيراد :



صورة طرمبة الميه البايظة :



صورة لعلبة طرمبة الميه الجديدة:

[محمود نجيب]

جزاك الله خير علي نقل التجربة و يا ريت تطمنا علي النتيجة النهائية بعد التأكد من اختفاء المشكلة

[ahmed9003]

الف مبروك على انك وصلت لسبب المشكلة وان شاء الله تكون نهاية المطاف معاك

وربنا يجازيك خير على نقلك لخبرتك ديه لينا .. وربنا يجعله فى ميزان حسناتك لانك حتوفر علينا كل المصاريف والوقت والمجهود دا

انا واحد من الناس المشكلة ديه بقالها معايا سنتين من شهر اغسطس 2013 ولحد دلوقتى مش عارف احلها لان مش عارف المشكلة ايه

انا صاحب الموضوع دا

http://www.nilemotors.net/Nile/473759-a.html

وان شاء الله اخلى الميكانيكى يفك طرمبة الميه وابص عليها
وعايز اقولك ان بتاع الراداتيرات قالى زى ما كانوا بيقولولك بالظبط ان تقليب الميه كويس وان كدا الطرمبه تمام فعشان كدا استبعدت ان سبب السخونية يكون من الطرمبة

مرة تانية ربنا يجازيك خير ومتشكرين جدا

[ramadanshehatt]

الف مبروك على انك وصلت لسبب المشكلة وان شاء الله تكون نهاية المطاف معاك

وربنا يجازيك خير على نقلك لخبرتك ديه لينا .. وربنا يجعله فى ميزان حسناتك لانك حتوفر علينا كل المصاريف والوقت والمجهود دا

انا واحد من الناس المشكلة ديه بقالها معايا سنتين من شهر اغسطس 2013 ولحد دلوقتى مش عارف احلها لان مش عارف المشكلة ايه

انا صاحب الموضوع دا

http://www.nilemotors.net/nile/473759-a.html

وان شاء الله اخلى الميكانيكى يفك طرمبة الميه وابص عليها
وعايز اقولك ان بتاع الراداتيرات قالى زى ما كانوا بيقولولك بالظبط ان تقليب الميه كويس وان كدا الطرمبه تمام فعشان كدا استبعدت ان سبب السخونية يكون من الطرمبة

مرة تانية ربنا يجازيك خير ومتشكرين جدا

حبيب قلبى ياباشا والله انت فى بالى من ساعة ما كنا بنفكر سوا فى المشكلة وكنت مستنى اخلص واكتبلك النتيجة وان شاء الله تظبط الدنيا معاك ....

[ramadanshehatt]

جزاك الله خير علي نقل التجربة و يا ريت تطمنا علي النتيجة النهائية بعد التأكد من اختفاء المشكلة

جزاك الله خيرا .. وان شاء الله شوية كدة هتأكد وهعمل ابديت واغير الميه لميه خضراء وهكتبلكم

[غزلة]

اولا مبروك على حل المشكلة وثانيا انا مش عارف ازاي طرمبة كانت شغالة و هي في الحالة دي

[ahmed9003]

حبيب قلبى ياباشا والله انت فى بالى من ساعة ما كنا بنفكر سوا فى المشكلة وكنت مستنى اخلص واكتبلك النتيجة وان شاء الله تظبط الدنيا معاك ....

ربنا ما يحرمنى منك ولا من زؤقك واخلاقك العالية .. والله انا حبيتك فى الله

انت ماتعرفش انك ممكن تكون سبب فى فك كرب ناس كتير عندها نفس المشكلة

عايز اقولك انا سافرت بالعربية يوم الجمعة اللى فاتت .. مش عايز اقولك العربية عملت فيا ايه

الحمد لله على كل شئ وانا متفائل جدا جدا المرادى باللى انت عاملته وان شاء الله ماتشوفش سخونية تانى

كريم يارب

[monamize4]

الحمد لله ان الموضوع اتحل ,, مشكلة السخونة من اكتر المشاكل المتعبة ف العربيات
واضح ان الطلمبة القديمة كانت مش طلمبة اساسا :) ,, هل كانت القديمة بتطلع صوت ?

[د.هشام]

مبروك على حل المشكلة
أعتقد أن اللي صعب الموضوع أن الطلمبة القديمة كانت شغالة بس كانت ضعيفة
وشكرا على نقل التجربة، ومتزعلش على المصاريف، الحمد لله انها جت على قد كدة

[hugan]

ممتاز
اكيد الطلمبه تقليبها كان ضعيف جدا علي السرعه العاليه

[ramadanshehatt]

اولا مبروك على حل المشكلة وثانيا انا مش عارف ازاي طرمبة كانت شغالة و هي في الحالة دي

الله يكرم ياباشا .... هى للاسف كان فاضل فيها ريشتين بس ومكسورين وبالتالى كانت بتقلب فى السرعة العادية والسلنسيه لكن مع السرعات ... العربية بتحتاج تقليب ميه عالى ودة ماكنش بيحصل

[ramadanshehatt]

الحمد لله ان الموضوع اتحل ,, مشكلة السخونة من اكتر المشاكل المتعبة ف العربيات
واضح ان الطلمبة القديمة كانت مش طلمبة اساسا :) ,, هل كانت القديمة بتطلع صوت ?

شكرا لمرورك ... الطلمبة مكانتش بطلع صوت وكانت ناعمة جدا لما تحركها بايدك بس زى مانت شايف مكانش فيها ريش من جوه خلاص ... وبواقى الريش كانت بتحرك الميه بس تقليب ضعيف

[ramadanshehatt]

مبروك على حل المشكلة
أعتقد أن اللي صعب الموضوع أن الطلمبة القديمة كانت شغالة بس كانت ضعيفة
وشكرا على نقل التجربة، ومتزعلش على المصاريف، الحمد لله انها جت على قد كدة

فعلا اكتر من حد شافها ومكانش قادر يفكر فى الطرمبه لانها كانت بتحرك الميه والعربية واقفة والحرارة مكانتش بتعلى لان العربية مش محتاجة حركة ميه عالية دة غير ان سخونة الميه بتسهل خروجه من فتحة الخارج من الموتور فتديلك احساس ان ضغط الطرمبة كويس ...

الحمد لله وشكرا لمرورك

[ramadanshehatt]

ممتاز
اكيد الطلمبه تقليبها كان ضعيف جدا علي السرعه العاليه

هو دة فعلا اساس المشكلة

[Moataz Slaeh]

انا معايا نفس العربيه وعندي نفس المشكله ومشيت نفس خطواتك بس ازيد عليك اني غيرت الحسسات، لدرجه اني زهقت وفكرت ابيع العربيه واخلص ياريت ياريت تقولي عمله معاك ايه دلوقتي