سعر الجنوط الأصلية للانسر البومة

[محمد أنور]

بعد اذنكوا يا جماعة كنت عاوز سعر الجنوط ال15 الأصلية بتاعة اللانسر البوما 2007 و اشتريها منين .. عشان انا ناوي اجنط ..
و هل تنصحوني بيها ولا اجنط احسن من عند اشرفكوا جنوط اندونيسي أو ماليزي و خلاص ؟

[limo]

دور فى المعارض الى بتبيع الخليجى
انا كان معرض عارض عليا انه ياخد الجنوط الى نازله مع العربيه وادفعه 2000 جنيه ويركب جنوط اصليه 15 بوصه (زى الى موجوده فى التوقيع بتاعى )
بس انا جبت عربيه هاف سبورت فمتاجتش انى اغير الجنوط

[محمد أنور]

شكرا يا أخ Limo بس ب 2000 جنيه و لازم ياخد الجنوط البلدي والطاسات ؟
و هل بال2000 جنيه دول 5 جنوط (لل 4 عجلات والأستبن) ولا ال4 عجلات بس ؟
و معرض زي مين اللي ممكن يكون بيبعهم ؟ أوتو سمير ريان مثلا ؟

[أبو إياد]

جنوط لللانسر

الجنوط فعلا بتغير ملامح السياره انا عربيتى 1300مانيوال 2007 الجنوط الاصليه طبعا 14 اول لما جبت العربيه غيرت الجنوط على نفس المقاس العربية كانت بتقفل امبير معايا بس مش ثابته اوى ع الطريق غيرت الجنوط لمقاس 15 وكاوتش اعرض بصراحه حسيت بقوه العربيه فى الشكل والاداء بس العربيه سرعتها قلت عن الاول اخرها 195 وده طبعا لان الجنوط بتقل العربيه بس بصراحه قمه فى الثبات وبالذات فى الملفات والمحاور

ده الجنط القديم

ده الجنط الحالى

[محمد أنور]

بسم الله ما شاء الله .. ربنا يحفظهالك و يديك خيرها و يكفيك شرها..
و هي فعلا العربية اللانسر بتبقى في احسن ثبات في الجنوط ال 15 ..
الجنوط اللي انت مركبها دي صناعة ايه و جيبتها منين و بكام ؟
(معلش كنت عاوز اسألك ازاي عربيتك 1300 و كانت بتقفل عداد و دلوقتي بتجيب 195 ؟ اصل انا عربيتي 1600 و اخرها 190 و مبتزيدش عن كدة)

[محمد أنور]

معلش كمان :) هو انت راشش الأكصدم اسود ولا ده ستيكر .. اصله ماشاء الله مغير شكل العربية

[أبو إياد]

الجنوط دى اندونيسى وكنت جايب مقاس 14 بـ 1300 وال15 بـ 1650 من عند الافريقى بشارع احمد عرابى المهندسين وانا اكتشفت انه بيجيب احدث واغرب جنوط واقل سعر فى مصر وفاتح 24 ساعه ياعنى ممكن تقضى عنده سهره لذيذه وتختار براحتك كده فى يوم بعد الساعه 12
بالنسبه للاكصدام انا من النوع اللى باتضايق جدا من حاجه اسمها خربوش رغم ان عربيتى موديل 2007 بس رشيت الاكصدام ده 3مرات وكل مره يكلفنى 250جنيه فكرت فى فكره الاستيكرز لقيته حاجه سهله وبيحافظ على الدهان وكلفنى 70جنيه واهو يعتبر تغيير

[أبو إياد]

بالنسبه لتقفيل العداد ده متوقف اولا على نوع الفتيس لو اوتوماتيك فى اللانسر استحاله علشان كان عندى 1600اوتوماتيك فى طريق الغردقه كان اخرها 195 بطلوع الروح لكن فى المانيوال هاقفله ياعنى هاقفله حتى لو 1300 بس انا عمرى ما استعملت الا بنزين 92 وعمرى ما غيرت زيت الا موبيل وان 10000كم وقفلت العداد فى طريق الغردقه باردو وربنا يستر وماموتش فى طريق اللعنه ده
ويعدين بلاش موضوع السرعه ده باستمرار

[محمد أنور]

هو سعره كويس جدا بالنسبة لأشرفكوا .. انا سألت عنده كان بيتكلم في 1800 جنيه عال 15 ..
و حلوة فكرة الاستيكر الاسود عالاكصدام و اللي عملهولك باين عليه نضيف عشان ماشاء الله شكله جامد عالاكصدام ..ممكن اعرف عملته عند مين ؟
بالنسبة لعربيتي فهي 1600 مانيول مصري .. و بحطلها برضه 92 و زيت موبيل وان 10000 كيلو .. يبقى ازاي بقى مبتجبش اكتر من 190 ؟؟
هو السرعات الكتير بيأثر عالماتور قصدك ؟ اصل انا مببطلش جري :)

[أبو إياد]

بالنسبه للسرعات انا مش من هواه الجرى داخل المدينه الا لما الظروف بتسمح وبعدين مش بحب احرق ع الغيار ياعنى ابتداء من الغيار الاول
الاول حد اقصى 20كم
الثانى >>>> 40كم
الثالث>>>> 60كم
الرابع>>>> 100كم
السرعات دى داخل البلد
ع الطريق الرابع معايا يوصل الى 160كم

[أبو إياد]

بالنسبه للاستيكرز انا لو كنت لقيت نفس درجه العربيه كنت هاعمله لان الغرض منه بصراحه حمايته من الخرابش
كنت عاوز اعرف لون عربيتك علشان ممكن اقولك هو عنده نفس الدرجه ولا هاتضطر تعمله اسود

[Oushy]

أستاذ محمد عزت انا برضو معايا 1300 وعايز اعرف منك لما جبت الجنوط ال15 جبت مقاس الكاوتش قد ايه بالظبط وهل مريح العفشه ولا عامل مشاكل معاك وفعلا بتفرق في الثبات والفرامل بطريقه ملحوظه؟؟؟ اصلي عايز اجيب 15 عشان تخلي الثبات احسن والفرامل احسن بس خايف أضر العفشه فا ياريت تفيدني بتجربتك ..

[أبو إياد]

انا بالنسبه للعفشه مش هاقدر احكم عليها لان الجنوط راكبه من فتره قليله بس فعلا الثبات لو كان 70%دلوقتى 85%
والفرامل افضل من الاول وبيتهايألى ان مافيش ضرر على العفشه ده فى ناس بتركب 17
بالنسبه لمقاس الكاوتش انا جايب 195/50
نسيت اقولك ان الكاوتش صوته هايعلى عن الاول وده علشان اعرض

[Oushy]

شكرا يا أستاذ محمد علي سرعه الرد والافاده وربنا يباركلك فيها :)

[محمد أنور]

أنا عربيتي فيراني .. متهيألي مفيش درجة باللون الفيراني فالاستيكرز .. غير كدة حاسس الاسود هيليق برضه