سعر الجنوط الأصلية للانسر البومة

[harmadan]

الاستاذ محمد عزت
ربنا يبارك لك فى عربيتك ويديك خيرها ويكفيك شرها
انا بصراحه زيك بالضبط ماباطيقش أى حاجه فى عربيتى اللانسر اما عربيتى الاولى (الللانوس 2) اللى مع المدام دلوقتى فحدث ولا حرج فى الخدوش والحكات وخصوصا الاكصدامين علشان الركن . عربيتى اللانسر لونها فضى ميتاليك واللانوس ازرق سماوى فأعتقد ان الاستيكر هايمشى معاهم ولا هو فيه الوان ثانيه منه؟؟؟ وهى خامته ايه ؟؟؟ والاهم من دا كله ياريت حضرتك تتكرم وتقول لى جايبهم منين وعلى فكره انا من القاهره.
جزيل الشكر لحضرتك على اهتمامك.

[أبو إياد]

اللون الاسود بيليق على اى لون عموما والاستيكر ده هو خامه من خامات البلاستيك المقوى او الجلد الخفيف خاص لصاج السيارات موجود عند محلات الكماليات والاكسسوار والالوان المتاحه هى الابيض والاسود والفضى والكحلى والاحمر بس الفاتح

[ahmedel_rayies]

بسم الله ما شاء الله .. ربنا يحفظهالك و يديك خيرها و يكفيك شرها..
و هي فعلا العربية اللانسر بتبقى في احسن ثبات في الجنوط ال 15 ..
الجنوط اللي انت مركبها دي صناعة ايه و جيبتها منين و بكام ؟
(معلش كنت عاوز اسألك ازاي عربيتك 1300 و كانت بتقفل عداد و دلوقتي بتجيب 195 ؟ اصل انا عربيتي 1600 و اخرها 190 و مبتزيدش عن كدة)

أنا عربيتى 1600 أوتوماتيك وجيبت بيها 205. أكيد فى حاجه محتاجة تتظبط فى علابيتك

[mahmoudzaied]

بالنسبة للعضو محمد عزت
انت بتجيب بعربيتك 190
وهيا 1300 مانيول
طيب السحب بتاعها عاملة معاك ايه؟
وانت مركب فلتر ياضى ولا لأ؟
وهيا مصرى ولا خليجى؟
وعاملة معاك كام كيلو؟
واستهلاك البنزين قد ايه مع الحرق والمشى براحة؟
معلش انا اسألتى كتير بس انا معايا 1300 مانيول خليجى عاملة حوالى 4000 كيلو ( يعتبر لسة جديدة )بس حاسس ان سحبها مش حلو خالص واعلى سرعة جبتها كانت
160 كيلو و Rpm كان على 4200 تقريبا
انا مستنى تجاوب على اسألتى

[mahmoudzaied]

بالنسبة للجنط اللى موجود فى الصورة دى

حد يعرف هوا بكام
لانو اصلى وكان بينزل مع موديل 2006 لما كان مقاس ال 1300 وال 1600 واحد وهوا 14
يا ريت يا جماعة لو حد يعرف بجد لانو عاجبنى جدا وعايز اجيبو

[ahmedel_rayies]

جنوط لانسر الأصلية 15 بوصه، وفوانيس الشبورة !!!!!!

السلام عليكم ورحمة الله وبركاته
إزيكم ياشباب أتمنى تكونوا بخير.

أنا عايز أجيب جنوط لانسر الأصلية 15 بوصة، سألت عليها فى التوكيل وللأسف لقيت الجنط الواحد بـ 2000 جنية، طبعا دي أسعار (لاتعليق).
والفوج لايت (فوانيس الشبورة) سألت عليها برضوا فى التوكيل، تخيلوا بـ 4000 جنية (برضوا لاتعليق).

المهم أنا بحثت هنا فى المنتدي ولقيت واحد قايل إن الجنوط بتتباع فى المعارض بـ 2000 جنية للأربع جنوط. ممكن حد يقولنا أى معرض ولو موجودين فى مكان تانى أقدر أجيبهم منين. ياريت مكان بالتحديد الله يكرمكم

أما بالنسبة للفوج لايت ممكن أعرف أشتريهم منين وأجيب نوع إيه وبكام، أهم حاجه يكون المكان داه كويس ويكون اللى هيركبهم فاهم ميبوظليش الكهرباء بتاعة العربية.

جزاكم الله خير،

[ahmedel_rayies]

دور فى المعارض الى بتبيع الخليجى
انا كان معرض عارض عليا انه ياخد الجنوط الى نازله مع العربيه وادفعه 2000 جنيه ويركب جنوط اصليه 15 بوصه (زى الى موجوده فى التوقيع بتاعى )
بس انا جبت عربيه هاف سبورت فمتاجتش انى اغير الجنوط

ليمو باشا الكلام داه لما كنت بتشتري العربية ، ولا إنتا كنت رايح تشتري جنوط.
أصل لو الكلام داه لما كنت بتشتري العربيه ، مش مشكلة بيفك الجنوط من عربية ويبدل مع عربية ماهوا كدا كدا الجنوط الحديد اللى عندك لسه جديدة، إنما لو رايحلوا كدا عشان الجنوط أعتقد مش هيديك جنوط!!!

[mada121977]

معلش سؤال متعلق بالموضوع .. انا لو غيرت الجنوط بتاعتى اللى هيا 14 علشان العربيه 1300 بجنوط 15 زى بتاعه ال1600 الاسبورت هل ده ياثر على العربيه فى حاجه؟؟

[ahmedel_rayies]

معلش سؤال متعلق بالموضوع .. انا لو غيرت الجنوط بتاعتى اللى هيا 14 علشان العربيه 1300 بجنوط 15 زى بتاعه ال1600 الاسبورت هل ده ياثر على العربيه فى حاجه؟؟

هوا فى ناس بتغيير. ولكن أعتقد إن العفشة بتاعة ال 1300 متصممة عشان جنوط 14 مش 15 ولو تم التغير كدا إنتا بتقلل العمر الإفتراضى للعفشة بتاعتك.
وبرضوا لما بتركب جنوط 15 الثبات بتاع العربية بيبقى أحسن.

[M.Nasr]

أنا عربيتى 1600 أوتوماتيك وجيبت بيها 205. أكيد فى حاجه محتاجة تتظبط فى علابيتك

انا عايز اسألك حضرتك مركب حاجة فى العربية ؟ جنط سبور؟ فلتر ؟ بوجيهات قوية؟ لأنى معايا 1600 اوتوماتيك واخرها معايا كانت 170 وكنت جايب دواسة البنزين للاخر وحاسس ان الموتور جايب اخره وصوته مخيف جدا وماجبتش اكترمن كده وعلى فكرة كنت جايب Ds

[ahmedel_rayies]

انا عايز اسألك حضرتك مركب حاجة فى العربية ؟ جنط سبور؟ فلتر ؟ بوجيهات قوية؟ لأنى معايا 1600 اوتوماتيك واخرها معايا كانت 170 وكنت جايب دواسة البنزين للاخر وحاسس ان الموتور جايب اخره وصوته مخيف جدا وماجبتش اكترمن كده وعلى فكرة كنت جايب Ds

لأ والله أنا مش مركب أى حاجه وكان الفتيس على D ولكنى كنت مفول بنزين 90، كنت مسافر على الغردقة وكان ال RPM على 4.6 لكن طبعا فى أول الأمر كان 5.8 تقريبا عشان وبعدين خففت رجلي . لكن دلوقتى أعتقد عربيتى مستحيل تجيب ال 170 حتى لأن أدائها بقى زي الزفت خالص والتوكيل كمان مش عارف يظبطها تخيل!!!!

[ahmedel_rayies]

هوا محدش بيرد عليا ليه؟!!!

خبراء اللانسر فين؟

[Nader]

انزل شوف عند محلات الجنوط، في الحي السادس هتلاقي تجمع كبير للمحلات.


الفوجات هتلاقيها في التوفيقية.