lancer vs nubira

[mando_07]

ممكن بس استفسر استفسار صغير أوي لو أنت مكاني تجيب لانسر موديل ٩٩ ولا نوبيرا ٢٠٠٢-٢٠٠٣? وليه ؟ بس كدة .. بس الموضوع التافه دة هيخليني اتجنن

[bmya]

بص يااباشا النوبيرا احسن كموتورأقوي واوسع عيبوها كتير خصوصا انها هتكون موديل قديم وياريت تبعد عنها لو اتو لان الاتوماتيك بتاعها انت وحظك
لانسر 99 لو نضيفه
تبقي احسن 100 مره اعطالها قليله جدااااااااااا وملهاش اعطال مميزه وسحبها حلو جدا علي انها 1300 cc وقطع غيارها مرميه ومعروفه وسهل اي حد يصلحلك فيها وكمان سهل جدا وبأقل حاجه العربيه تتظبط وتبقي شيك جدا
وربنا يوفقك

[islamaboelnaga]

طبعااا لانسر 99 و لو مانيوال كمان و نظيفه هاتجرى عن النوبيرا و الstabilty عالى و اعطالها قليله جدا بس عيبها انها واطيه و لو محمله بتحك

[islamaboelnaga]

لانوس بتجرى عن اللانسر ؟؟؟ مش غريبه شويه ؟؟؟

[bmya]

بص يا باشا انا كانت معايا العربيه دي من الزيرو بس كنت محافظ عليها جدااااا وصيانه علي طول لحد ما بعتها كانت بتجيب ال160 وكانت اتوماتيك
مع ابن خالتي وحد 98 مانوال وجايبها ماشيه 250000 وبجيب 170 وبيحوطلها بنزين 80:b4_556:
بالنسبه لللانوس فعلا اللانوس بتجري ممكن تكون بتجري عن لانسر بس لانوس موديل احدث وكمان انجكشن النوبيرا بتجري عن لانسر لانها 1600 وموتورها اقوي
بس لانسر سحبها حلو علي ان موتورها 1300 وكمان تكنولوجيا قديمه كربيراتير

[kliken]

الانسر طبعا اعطالها قليله جدا و شيك و سعر اعاده بيع كويس و الف مين يشتريها بعكس النوبيرا تقيله فى بيعها و اعطالها اكتر

[kliken]

صعب جدا يا باشا ان الانوس تكون بتجرى عن الانسر الا لو الانسر متبهدله اخر حاجه

[hazoma_nubira]

مش عارف على أى أساس حكمت ان النوبيرا اعطالها كتير ؟؟؟؟؟؟؟؟؟؟؟؟

[mando_07]

ولاهي موضوع أن ellanos بتجري أكتر من اللانسر حد هنا في المنتدى اللي قالهولي و كان معاه العربيتين و أنا أصلن حاسس أن ellanos مش سحابة أوي فياريت تفيدني في موضوع سحب الانسر دة ولو حد عندي أي معلومة بخصوص العربيتين أو حد ليه رأي تاني ياريت تفيدوني و ألف شكر ليكوا :k10:

[mazgangy]

يا باشا توكل على الله وهات الكريستاله وانت مغمض لانها افضل من الانوس والنوبيرا حتى لو هما زيرو بس شرط الكريستاله اكشف فى التوكيل ومتكونش عامله عداد كبير وتكون مانويل ولو مانويل حتشد مع لانوس وتطلع منها وده عن تجارب كتير بس النوبيرا ماتورها اقوى لان دى 1300 ودى 1600 بس انا مش عارف انت بتقارن الكريستاله بلانوس والا نوبيرا؟؟؟ وعلى العموم هى لو نظيفه افضل من الاتنين بس طبعا موتور النوبيرا اقوى لكن لانوس لا والمعادله بسيطه الانوس 1500 سى سى والكريستاله 1300 سى سى بس الاتنين حاجه وثمانين حصان بس مش فاكر كام بالظبط بس اللى يميز الكريستاله بقى عن الانوس لو الاتنين بيجروا ثبات الكريستاله مفيش زيوو فحيجرى وبتوصل لحد 185 لكن الانوس ثباتها ميجيش نقطه فى الكريستاله فمش حتوصل للسرعه دى ولو وصلت مش حتقدر تمشى عليها كتير لتميز الكريستاله طبعا فى العزل والثبات والفرامل والعفشه وطبعا العربيتين مانويل وانا ارشحلك الكريستاله وتوكل على الله بس اكشف فى التوكيل وتكون مانويل وبجد اسم على مسمى ( كريستاله) ومش حتخذلك ابدا وبالتوفيق

[kliken]

يا باشا توكل على الله وهات الكريستاله وانت مغمض لانها افضل من الانوس والنوبيرا حتى لو هما زيرو بس شرط الكريستاله اكشف فى التوكيل ومتكونش عامله عداد كبير وتكون مانويل ولو مانويل حتشد مع لانوس وتطلع منها وده عن تجارب كتير بس النوبيرا ماتورها اقوى لان دى 1300 ودى 1600 بس انا مش عارف انت بتقارن الكريستاله بلانوس والا نوبيرا؟؟؟ وعلى العموم هى لو نظيفه افضل من الاتنين بس طبعا موتور النوبيرا اقوى لكن لانوس لا والمعادله بسيطه الانوس 1500 سى سى والكريستاله 1300 سى سى بس الاتنين حاجه وثمانين حصان بس مش فاكر كام بالظبط بس اللى يميز الكريستاله بقى عن الانوس لو الاتنين بيجروا ثبات الكريستاله مفيش زيوو فحيجرى وبتوصل لحد 185 لكن الانوس ثباتها ميجيش نقطه فى الكريستاله فمش حتوصل للسرعه دى ولو وصلت مش حتقدر تمشى عليها كتير لتميز الكريستاله طبعا فى العزل والثبات والفرامل والعفشه وطبعا العربيتين مانويل وانا ارشحلك الكريستاله وتوكل على الله بس اكشف فى التوكيل وتكون مانويل وبجد اسم على مسمى ( كريستاله) ومش حتخذلك ابدا وبالتوفيق

الله ينور على حضرتك كلام مظبوط 100 100

[mazgangy]

bs hdrtk kateb ank m3ak leganza w accent eh ra2yek fe elatnen(elkoory 3amtn) b3d m3doa 3-4 sneen kda 3shan ana mgrbtsh elkory 2bl kda w shokrn 3la rdk eltafseely fadny kteer wlahy

يا باشا انا كان عندنا رينو كليو ودى اتباعت ودى عربيه لا يعبها سوا التوكيل واسعار قطع الغيار والصيانه غير كده عمرى ما كنت اسيبها ابدا وبالنسبه لليجانزا دى عداد الان 35 الف كيلو دى مدلعه على الاخر ومش بتتركب الا كل فين وفين وطبعا عربيه محترمه بكل المقايس ولا اختلاف فى ذلك وللعلم العربيه دى انا مش بعتبرها كورى والا دايو اصلا وبالنسبه للاكسنت بعتها 24 الف كيلو موديل 2006 لانها مش عجبتنى خالص وبدلها دلوقتى كريستاله 99 جميع الكماليات اتوماتيك فبريكه بره وجوه عداد 36 الف كيلو فقط كانت مرفوعه وبتاعت دكتور معرفه والحمد لله زى الجوهره العربيه دى مفيش مقارنه اصلا بينها وبين اللى بيقارنها بافيو او لانوس او فيرنا او اكسنت لكن مع النوبيرا الوضع يختلف لان النوبيرا اكبر واقوى فى الموتور فناس بتفضل ده لكن غير كده الكريستاله الملكه بتاعتهم وللعلم كلامى ده من تجارب انا كان معايا اكسنت وفيرنا وافيو ولانوس ونوبيرا اتوماتيك طبعا اتباعت 7000 الف كيلو وهى كانت زيرو موديل 2006 حريقه بنزين وصوت موتور عالى غير الفتيس اللى اكدلى انه فيه مشكله حد فى التوكيل بتاع دايو ومشكله فى كل فتيس النوبيرا الاتوماتيك فعلشان اريحك وبحق ربنا ومن خلال كل تجاربى مع العربيات فى الكورى اركب اللانترا الجديده وكانت معانا واتباعت لظروف خاصه مش عيب فيها او سيراتوا مع اخويا زى الف تحفه او ليجانزا وتبقى كده انت باشا عربيه بجد تقول مرسيدس او كريستاله ودى جوهره فعلا او نوبيرا موديل 2001 او 2002 وتكون مانويل دى كويسه برضوا ومع التوفيق

[mazgangy]

لا شكر على واجب يا باشا وربنا يرزقك بكريستاله نظيفه واستمتع بالجوهره وبجد عمرها ما حتخذلك ابدا واكشف فى التوكيل ومتجبش عداد كبير ومتجبهاش اتوماتيك علشان سحب المانويل احسن والاتوماتيك مش وحش برضوا واى خدمه انا تحت امرك وبالتوفيق يا باشا

[mando_07]

**************************
لقد قمتم بمخالفة القاعدة رقم (6 ب) من قواعد المنتدى (كتابة اللغة العربية بالأحرف الانجليزية) لذا فقد تم حذف المشاركات المخالفة ، نرجو عدم تكرار ذلك.

يرجى مراجعة قواعد المنتدى

مشرف منتدى ميتسوبيشي

[mando_07]

معلش أني كتبت فرانكو عرب بس الاب بتاعي مافيهوش عربي هعيد السؤال تاني هي elancer ال-٩٩ بس اللي فيها كونسول و-rpm والشبكة الجديدة وبتعمل حوالي 47-50 كدة عشان بس لما أجي اشتري أبقى عارف والتكييف بتاعها كويس وبيأثر جمد على السحب ولا مش أوي ومعلش أخر سؤال كنبتها واسعة ولا مش أوي وألف شكر على مساعدتكوا :k10: