lancer vs nubira

[mando_07]

بص يا ماندو كان فيه هنا لانوس ماشيه اكتر من 900.000 يعني داخله على مليون ك/م كان حاطط صورتها محمد ممدوح

وماتورها ماتفتحش اللي عايز اوصلهولك طول ما انت ماحافظ على عربيتك وبتصرف عليها مش هاتكسفك في يوم من الايام

وطول ما انت مهملها ومش بتعمل صيانها هاتبهدلك حتي لو راكب هامر اما من ناحيه السفر والمشي كتير فا ماتقلقش

النوبيرا حماله اسيه امشي بيها زي مانت عايز وماتقلقش من الكيلوات الكتير اللي بتعملها في السفر ماتور النوبيرا الحمد لله

عفي جدا وجربها في سفر او طريق مفتوح وانت تعرف واسف على الاطاله

طب ممكن تقولي يا كيمو عربيتك ماشية إد إيه وعاملة اه معاك يعني فعلن بتغير جلب كل ٣ شهور وكدا واستهلاك البنزين معاك إد إيه وطبعن شكرن على ردك واهتمامك

[mando_07]

ألف شكر يا رجالة على رددكوا وأهتمامكوا

[kimo-nubira]

طب ممكن تقولي يا كيمو عربيتك ماشية إد إيه وعاملة اه معاك يعني فعلن بتغير جلب كل ٣ شهور وكدا واستهلاك البنزين معاك إد إيه وطبعن شكرن على ردك واهتمامك

بص ياباشا انا عربيتي جايبها يوزد من سنه واول ما اخدها كانت عامله 75000 الف ك/م موديل 2001

وطبعا كشفت عليها وغيرت الحاجات المهمه قبل ما امشي بيها زي
1- السيور

2- الطنابير

3-المقصات وجبتها كوري لاني مكنتش اعرف قصه الاسباني

بس لحد دلوقتي شغاله تمام وماحتاجتش اغير جلب ولا حاجه الحمدلله

4- تيل فرامل امامي وخلفي

5- رشاشات و طرمبه بنزين

ولحد دلوقتي عامل تقريبا 92500 كيلو والحمدلله تمام

اما بالنسبه لاستهالك البنزين انا حسبتها مره واحده وانا رايح مرسي مطروح في طريق مفتوح يعني

وكنت مفول قبل ما اطلع من القاهره واول ما دخلت مرسي مطروح فولت تاني اخدت مني 35 لتر وتقريبا الطريق 500 كيلو

اما عن استهلاك البنزين جوه البلد عمري ما حسبتها بصراحه

[husseinthemaster]

السلام عليكم

يا جماعة بصراحة انا كانت معايا نوبيرا 2002 مانيوال عربية فوق المحترمة جدا مش ممكن كل حاجة فيها جامدة بس فيها بعض العيوب الممكن حلها اولا البنزين كانت بتاكل بنزين جدا لحد ماوصلت 120 في 20لتربس مكنتش اعرف حكاية تغييلر الرشاشات بm40واعطالها لو في الكمبيوتر لازم تروح التوكيل ولومش مشكلة البنزين مكنتش بعتها ابدا لكن غير كدا عربية مش ممكن جامدة في كل حاجة انا معايا دلوقتي لانسر 92 هي قديمة بس ممتازة في كل حاجة اولا البنزين 100/100 ثانيا سحبها ممتاز بالنسبة لموديلها لحد 155 ثابته وانا خفت ازود عن كدة وكانت بتجيب اكتر التكييف ممتاز لانها خليجي اعطالها مفيش بصراحة العربيتين حلوين وتحتار تختار مين علي فكرم الموتور اللي في لانسر 92 تقريبا نفس موتور الكريستالة مفيش فرق نفس البساتم والكاربراتير

[kimo-nubira]

البنزين كانت بتاكل بنزين جدا لحد ماوصلت 120 في 20لتربس

مش ممكن اكيد عربيتك كان فيها حاجه غلط 120 بس ده قليل جداجدا

[mando_07]

thnx alot kimo for ur fast reply and i will begin to search for a one with a good condition isa

[kimo-nubira]

thnx alot kimo for ur fast reply and i will begin to search for a one with a good condition isa

ياباشا تحت امرك في اي وقت وربنا معاك ان شاء الله وتلاقي واحده كويسه ولو احتجت اي استفسارعن اى حاجه قولي

[mando_07]

ربنا يخليك يا باشا كلك ذوق والله

[حماده المصري]

النوبيرا افضل من كل النواحي

اكبر واشيك وزيد على كده صعب جدا تلاقي لانسر 99 سليمه كلهم هيبقى طالع عينيهم من الشغل

النوبيرا ممكن ب 55 الف تجيب وحده زي الفل ومفيهاش الهوا وموديل احدث كمان

بالنسبه للاعطال النوبيرا فيها 3 عيوب فقط لاغير وسهل جدا اصلاحهم

الرشاشات وبتتغير ب الف حاجه في رشاش اوبل يركب وممكن هيونداي كمان يركب

المقصات تعبانه الجلب بتاعتها واهو بيقولوا في اسباني يعني هتبقى زي الفل

العيب الاخير وهو اكواع مواسير الميا بتتكسر بسرعه عشان تقريبا بلاستيك ورديئ ولما بتروح التوكيل بتاعها بيغيروها ب نحاس تقريبا
ودي اكتر حاجه غايظاني توكيل بيبيع العربيه زيرو بطق غيار تعبانه وتروح له بعدين يغيرهالك

زود على كده استحااااااله تركب نوبيرا اوتوماتك

لانسر 99 انا مركبهاش الا في حاله وحده فقط الا وهي اني ازبطها تبقى سبوور جدا ماتور جديد مش اقل من 1600 وعفشه رياضيه وجنوط

انما ك اوريجينال نوبيرا افضل وعائليه جدا وعفشها مريحه مش ناشفه

[mando_07]

الصراحة أنا متردد جدن أنا نفسي ألاقي واحد معاه نوبيرا وكاسر بيها 200alf كم.. مثلن ويقولي عاملة إيه؟ سعتها هرتاح نفسين الصراحة وأنا عارف طبعن أن من ناحية الموتور والركوبة elnubira تكسب

[walyas1]

الناس كلها بتقول نوبيرا كورى مع ان مفهاش كورى غير الصاج والتابلوة اما موتور وشاسيه فهما من صناعة جنرال موتورز فرع اسبانيا يعنى تكنولوجيا محترمة ونفس الموتور دة استعملتة جنرال موتورز فى اوبل استرا والنسخة المطورة بتاعتة فى شيفرولية اوبترا

[husseinthemaster]

مش ممكن اكيد عربيتك كان فيها حاجه غلط 120 بس ده قليل جداجدا
الحقيقة مش عارف التوكيل قالي العربية وهي زيرو بتعمل 180في 20 لتر فمستعملة هتعمل اية ومش عارف انا دوخت في التوكيل وغيرت رشاشات ب900جنية وحساس مياة ومفيش فايدة وفي الاخر بعتها وزعلان جدا عليها

[husseinthemaster]

الحقيقة مش عارف التوكيل قالي العربية وهي زيرو بتعمل 180في 20 لتر فمستعملة هتعمل اية ومش عارف انا دوخت في التوكيل وغيرت رشاشات ب900جنية وحساس مياة ومفيش فايدة وفي الاخر بعتها وزعلان جدا عليها

[hishamkenawy]

انا كنت زيك تمام كان معايا 55 الف مكنتش عارف اركب اية
اللانسر كانت دخلة دماغى اكتر لانى جربتها وهى زيرو تحفة موتورها ناعم جدا ملوش صوت سحبها رهيب على 1300 سى سى شكلها جامد تميل الى الشكل الرياضى الرشيق الموكونات الداخية لها ممتازة الصالون متناسق مستغل فية كل الاماكن المتاحة سقف السيارة مرتفع مش زى الكورى خامات التابلوة جيدة جدا ولما قررت ان اشترى كانت المفاضلة بين الانسر الكريستالة وبين النوبيرا وبين الفيرنا
النوبيرا والفيرنا اللى كان بيميزهم عن الانسر انهم موديل جديد معظم اللى شوفتة كان 2003 الى 2006
بس صراحة انا مبحبش الفيرنا فكانت فى اخر تفكيرى
النوبيرا حسيت انها كلاسكية الشكل وتقيلة بدليل انك متعرفش تعمل فيها اى تعديل بعكس الانسر كل تعديل ولو بسيط بيبان فيها
وكمان عزل الانسر كويس طابعا النوبيرا فيها حاجات كتيرة كويسة بس مش عارف حاسس ان الانسر شباب اكتر
المهم قررت انى اجيب الانسر واشتريت لانسر كريستالة Glx زيتى
مغيرتش فيها اى حاجة تذكر بخلاف الفلتر وسير الكاتينة العربية سحبها حلو بتجيب 160مستريحة ولسة فيها كمان بس انا بخاف
طابعا من اهم عيوبها واطية على الارض وصاجها ضعيف وكمان الاكصدامات تسبيتها مش قوى عكس النوبيرا الصاج متين وعالية شوية عن الارض
تيجى لاهم نقطة وهى اعادة بيعها الانسر مازالت محتفظة بسعرها ايام ماكانت زيرو وقتها كان تمنها بردة فى حدود 57000 تقريبا
انهاردة بعد مرور 10 سنوات على انتاجها سعرها لسة قريب اوى
على عكس الوبيرا سعرها بينزل كتير وبالذات الاوتوماتيك لانة الفتيس فى عيب واضح وصوت العربية مش ناعم والعفشة محتاجة متابعة دورية وطابعا دى مشاكل مش سهلة
على عكس الانسر بقالها 10 سنوات ولسة فيها المساعدين بتعاتها العربية اللى معايا متعملش فيها شغل عفشة نهائى
على العموم دى طابعا وجهة نظرى الخاصة ممكن تكون صح وممكن تكون غلط وربنا يوفئك

[HeMa_LanCeR]

انا كنت زيك تمام كان معايا 55 الف مكنتش عارف اركب اية
اللانسر كانت دخلة دماغى اكتر لانى جربتها وهى زيرو تحفة موتورها ناعم جدا ملوش صوت سحبها رهيب على 1300 سى سى شكلها جامد تميل الى الشكل الرياضى الرشيق الموكونات الداخية لها ممتازة الصالون متناسق مستغل فية كل الاماكن المتاحة سقف السيارة مرتفع مش زى الكورى خامات التابلوة جيدة جدا ولما قررت ان اشترى كانت المفاضلة بين الانسر الكريستالة وبين النوبيرا وبين الفيرنا
النوبيرا والفيرنا اللى كان بيميزهم عن الانسر انهم موديل جديد معظم اللى شوفتة كان 2003 الى 2006
بس صراحة انا مبحبش الفيرنا فكانت فى اخر تفكيرى
النوبيرا حسيت انها كلاسكية الشكل وتقيلة بدليل انك متعرفش تعمل فيها اى تعديل بعكس الانسر كل تعديل ولو بسيط بيبان فيها
وكمان عزل الانسر كويس طابعا النوبيرا فيها حاجات كتيرة كويسة بس مش عارف حاسس ان الانسر شباب اكتر
المهم قررت انى اجيب الانسر واشتريت لانسر كريستالة Glx زيتى
مغيرتش فيها اى حاجة تذكر بخلاف الفلتر وسير الكاتينة العربية سحبها حلو بتجيب 160مستريحة ولسة فيها كمان بس انا بخاف
طابعا من اهم عيوبها واطية على الارض وصاجها ضعيف وكمان الاكصدامات تسبيتها مش قوى عكس النوبيرا الصاج متين وعالية شوية عن الارض
تيجى لاهم نقطة وهى اعادة بيعها الانسر مازالت محتفظة بسعرها ايام ماكانت زيرو وقتها كان تمنها بردة فى حدود 57000 تقريبا
انهاردة بعد مرور 10 سنوات على انتاجها سعرها لسة قريب اوى
على عكس الوبيرا سعرها بينزل كتير وبالذات الاوتوماتيك لانة الفتيس فى عيب واضح وصوت العربية مش ناعم والعفشة محتاجة متابعة دورية وطابعا دى مشاكل مش سهلة
على عكس الانسر بقالها 10 سنوات ولسة فيها المساعدين بتعاتها العربية اللى معايا متعملش فيها شغل عفشة نهائى
على العموم دى طابعا وجهة نظرى الخاصة ممكن تكون صح وممكن تكون غلط وربنا يوفئك

+10000000000000
وكمان احب اضيف نقطه صغيره
شوف النوبيرا كماليات ايه وموديل كام = تقريبا تمن اللانسر اللي في فرق موتور وموديل علي الاقل (واحسبها صح)
وشوف اللي هترتاحلها ايه
انت ممكن ترتاح في النوبيرا وماترتحش في اللانسر اهم حاجه راحتك النفسيه
وربنا يوفقك في الأختيار الصح