سؤال عن اسعار اللانسر 2008

[اسامة عبد العزيز جابر]

ياترى فية احد من الأخوة الأعزاء فى المنتدى هنا عندة فكرة عن أسعار اللانسر 2008 بنوعيها الشكل القديم والجديد ومواصفاتهم وهل ياترى حد شاف الشكل الجديد هل هو نزل فى المعارض ولا لأ فية ناس بيقولوا انهم شافوة فى بورسعيد . الف شكر مسبقا على اهتمامكم :roll:

[مصراوي جدا]

http://www.nilemotors.net/Forum/viewtopic.php?t=4625

الصفحة دي اخونا بودي جايب اسعار الجيش
تقسيمات الموديلات صحيحة 100 % وهي بالظبط بتاعة الوكيل مصرية انما الأسعار لا استطيع تأكيدها
انما اقدر اقول انها معقولة لأن دايما اسعار الجيش اقل من مصرية بس بأكتر من 4000 جنيه

عموما مصرية لسه مأعلنتش اسعارها للشكل الجديد ومش هتنزلها الا بعد استلام العربيات في آخر اغسطس الحالي

عايز اضيف معلومة مهمة وهي ان الموتور MIVEC وده اختصار

Mitsubishi Innovative Valve Electronic Control

نظام ميتسوبيشي المبتكر في التحكم الإليكتروني لتوقيت وارتفاع فتح الصبابات

الهدف : زيادة العزم والقدرة الحصانية لمحرك بنفس السعة ونسبة الانضغاط

يعني الخلاصة ان الموتور اقوى من موتور 1600 الحالي

والخرج من ال 1500 الجديد ده 109 حصان/ 6000 د.د


والعزم 143 ن.م / 4000 د.د

وده نفس محرك الكولت الجديدة الـ 1500 سي سي برضه

[اسامة عبد العزيز جابر]

الف شكر لحضرتك على الرد انا بقى لى يمكن سنة بأفكر اجيب اية ولسة والله محتار بين الواجا واللانسر وكنت حأشترى اللانسر فى الأجازة دى لكن لما لقيت أنى حأشترى فى شهر يوليو والموديل الجديد حينزل فى شهر 9 قلت أستنى شوية وأشترى (الحكومة بقى هى اللى حتشترى لأنى ان شاء الله حأكون مسافر)موديل 2008 (الشكل القديم) لأن يمكن سعرة مايتغيرش كتير عن تمن موديل 2007.
الف شكر مرة تانية على الأهتمام

[د.محمود صلاح]

الاوتوماتيك بتاعها ستيبترونيك

[ramyfaris]

هو لانسر الشكل القديم هينزل منها 2008.............!!!!!!!!!!!!
انا معتقدش ان الكلام ده مظبوط يا استاذ اسامه....ولو حد عنده المعلومه الصح يا ريت يقولها عشان نعرف الحقيقه

[boody2]

هو لانسر الشكل القديم هينزل منها 2008.............!!!!!!!!!!!!
انا معتقدش ان الكلام ده مظبوط يا استاذ اسامه....ولو حد عنده المعلومه الصح يا ريت يقولها عشان نعرف الحقيقه

علي الموقع الرسمي لمصرية قالوا ان الشكلين نازلين 2008

[Sharky]

http://www.nilemotors.net/Forum/viewtopic.php?t=4625

الصفحة دي اخونا بودي جايب اسعار الجيش

يا شباب إنتوا متأكدين من الأسعار دى إنها نازلة فى الجيش
أنا سألت ناس كتير فى الجيش و قالولى إن اللانسر القديمة فقط هى اللى حتنزل عندهم و مايعرفوش حاجة عن الشكل الجديد

[boody2]

http://www.nilemotors.net/Forum/viewtopic.php?t=4625

الصفحة دي اخونا بودي جايب اسعار الجيش

يا شباب إنتوا متأكدين من الأسعار دى إنها نازلة فى الجيش
أنا سألت ناس كتير فى الجيش و قالولى إن اللانسر القديمة فقط هى اللى حتنزل عندهم و مايعرفوش حاجة عن الشكل الجديد

يا جماعة انا نقلت هذه الاسعار عن اخ لينا في المنتدي و انا ما شفتش هذه الاسعار بعيي و انا غير مقتنع بيها علي الاطلاق و الدليل علي هذا ان مصرية ما نزلتشي اسعار الانسر الجديدة وعلي هذا ازاي الجيش حينزل الاسعار دية؟؟

[Mohammad]

يا جماعة الكلام دا مضبوط ودى اسعار الجيش فعلا فى ست فئات من 102 حتى 124 الف وكمان منزلين الشكل القديم 1600 ب 87 الف مانيوال و 93 اتوماتيك بس مش عارف موديل 2008 منه ولا 2007 بس دى او دى مش هتتسلم فبل شهر 12 ويمكن يناير .

[ramyfaris]

طيب بالنسبه ل 1300...........يا تري اسعاره هتكون ازاى؟؟؟؟
وحضرتك عرفت التواريخ دى منين.....وهل هي مؤكده؟؟؟؟؟؟؟؟؟؟؟؟؟

[Mohammad]

معندهمش 1300 والتواريخ دى تقريبية يعنى, بس انت عارف المعاد الابعد طبعا هو اللى بيطلع صح , واعرفها عن طريق ناس ثقة فى الجيش بس الشكل القديم مش منزلينوا لكل الرتب عندهم , المشكلة يئا هل فعلا الشكل القديم هينزل 2008 وهل سعره هينزل ؟؟

[Mohammad]

اسف اقصد الشكل الجديد نازل فقط للرتب الكبيرة

[ramyfaris]

دى بقت حاجه تحير اوي.....الواحد كل ما يخلص من نقطه تطلع نقطه تانيه....
بس مش منطقى انى استنى من دلوقت لى شهر 12....على امل ان الشكل القديم ينزل 2008.....
ولا ايه رايكم؟؟؟؟؟؟؟؟؟

[Sharky]

يا جماعة الكلام دا مضبوط ودى اسعار الجيش فعلا فى ست فئات من 102 حتى 124 الف وكمان منزلين الشكل القديم 1600 ب 87 الف مانيوال و 93 اتوماتيك بس مش عارف موديل 2008 منه ولا 2007 بس دى او دى مش هتتسلم فبل شهر 12 ويمكن يناير .

أنا سألت ناس فى الجيش و قالولى إن فيه تسليم سيارات لانسر فى شهر أكتوبر و دى خلاص الحجز بتاعها خلص و دى اللانسر القديمة و لسه ما فتحوش حجز للانسر تانى

[ramyfaris]

طيب يا استاذ شرقى........قالولك انها هتنزل فى الحجز الجديد بالشكلين.....يعنى هيكون فيه 2008 شكل قديم؟؟؟؟
وكده يبقى كلام استاذ محمد صح.....حتى لو جات دفعه جديده مش هيكون قبل شهر 12.....ولا ايه؟؟؟