سؤال عن اسعار اللانسر 2008

[Mohammad]

شوف يا استاذ رامى اللى انا متأكد منه مية فى المية ان فى حجز الان على الشكلين والاستلام مش قبل 12 اما عن اذا كان الشكل القديم هيكون موديل ايه فا مش عارف صراحة .

[Sharky]

فعلا كلام محمد مظبوط نزل فى الجيش 2 لانسر
اللانسر الجديدة 1500 سي سي نزلت فى الجيش ب3 موديلات تبدأ ب104.000 جم و تنهى ب124.000 جم و لانسر القديمة 1600 سى سى و الإتنين الحجز بتاعهم حلص و سوف يتم التسليم فى أكتوبر القادم

[أبوسيف]

اللى أعرفه ان اللانسر القديمة هاتستمر سنتين كمان مع وجود الشكل الجديد ، ودة معناه ان الشكل القديم هاينزل منه موديل 2008 و 2009

[Mohammad]

طيب يا جماعة يعنى بما اننا شاركنا فى هذا الحوار يعنى , لو كل واحد يقول رايه بصراحة اللى ناوى يشترى او مش ناوى , تفتكروا ايهما الاختيار الافضل يعنى زى ما بيقول البعض هل يبقى حرام الواحد يجيب الشكل القديم؟ مع انى بصراحة كده و من صور الشكل الجديد حاسس ان القديم اشيك و برستيج اكتر !!

[Sharky]

أنا عن نفسى مش ناوى أشترى أى عربية دلوقتى لكن لو كنت بشترى دلوقتى طبعا حاجيب الجديدة نظرا لأن فارق السعر مش كبير من 96.000 جم لـ 104.000 جم إلا لو كان سعر القديمة حينزل بتاع الـ1600 سىسى إلى 85.000 جم للفول أوبشن مثلا و 1300 سىسى لـ 75.000 جم لفول أوبشن كده ممكن الواحد يفكر فيها (رغم عدم إقتناعى بنزول شكلين لنفس الموديل لإن الناس بتبقى مياله للجديد دايما حتى لو الفرق كبير مثل الأوكتافيا A4 و A5 )

لكن السؤال بقى هل الـلانسر القديمة حتنزل يابانى ولا حتنزل حاجة تانى ؟؟؟

[اسامة عبد العزيز جابر]

انا ان شاء الله حأستنى الشكل الجديد والموديل الجديد 2008 واشوف الفرق فى السعر بس اللى أنا خايف منة أن الأسعار 2007 ماتنزلش وتبقى أسعار الجديد بشكلية الأتنين غاليين علشان يصرفوا اللى موجود عندهم من 2007 لو فية .

[Mohammad]

انت هترعبنى ليه يا اخ شرقى دا انا كن خلاص اخدت قرار الانتظار على امل يحصل نزول لسعر الشكل القديم , هل فعلا الاحتمال دا وارد؟

[Sharky]

انت هترعبنى ليه يا اخ شرقى دا انا كن خلاص اخدت قرار الانتظار على امل يحصل نزول لسعر الشكل القديم , هل فعلا الاحتمال دا وارد؟

بصراحة اللى أنا سمعته فى الجيش إنها نازلة بنفس الأسعار اللى كانت نازلة بيها فى الحجز اللى فات يعنى سعرها ماقلش فى الجيش لكن معرفش فعلا إن كان سعرها حيقل ولا لأ

على العموم إنت مش حتخسر حاجة لو إستنيت الشهرين دول و حنعرف إيه النظام
على العموم ماتقلقش لو فيها خير ليك حاكون من نصيبك إن شاء الله

على فكرة أنا أسمى أحمد و Nick Name بتاعى Sharky شاركى مش شرقى :)

[أبوسيف]

أنا كنت ناوى أشترى على أول 9 لكن فضلت انى استنى لنهاية السنة لما نشوف ايه اللى هايحصل من نزول موديلات جديدة وحقيقة إشاعة الجمارك ، بس لو الشكل الجديد للانسر نزل بالأسعار دى أعتقد ان كفة اللانسر هاتكون هى الأرجح ، وربنا يوفق الجميع.

[ramyfaris]

وانا فكرت اشتري دماغى من الموضوع ده كله.....وشكلى كده بدل لانسر هشتري سيريون واريح دماغى....بلا مصرى بلا خليجى بلا شكل جديد بلا شكل قديم...... :lol: :lol: