Tweet
روحت امبارح التوكيل عشان كنت عاوز اعمل Check على العفشه الأماميه و الزوايا لأنى كنت حاسس بعومان فى العربيه وكانت فرصه عظيمه ليا أتعرف على البشمهندس طارق فسألت على مكتبه و عرفته بنفسى و انى أعرفه من المنتدى و وجدت ترحيب جامد منه و اهتمام شديد لم اتوقعه لدرجه انى لما قولتله على مشكله عربيتى نزل بنفسه من مكتبه و وصى على العربيه و خلاهم اشتغلوا فيها علطول مع العلم انها كانت واقفه محدش جه جنبها لمدة ساعتين والله أعلم كانت هتخلص امتى مع ان طلبى كان بسيط و مجرد ضبط زوايا ولكن قوائم الانتظار و الزحام له أحكام....المهم المهندس طارق لم يكتفى بذلك و لكن فضل مستنى المهندس اللى بيجرب العربيه عشان يطمئن على العربيه و دخل و دخلنى معاه فى مكان الصيانه و شوفت العربيه بنفسى و قولت كل ملاحظاتى للعامل اللى اشتغل فى العربيه و كل ده و المهندس طارق واقف معايا و طلبت منه انه ميعطلش نفسه معايا و يطلع مكتبه و انا هجيله بعد ما العربيه تخلص وأنا واقف مع المهنس طارق دردشت معاه مجرد دردشه عن خبطات الأبواب و هل التوكيل بيغير الباب كله و لا ايه و سعره كام لأنى كان عندى خبطه جامده فى الباب و عملتها عند سمكرى بره التوكيل و فوجئت بأنه جابلى المهندس المسئول عن السمكره و الدهان يبصلى على الباب و فحصه جيدا و طمنى عليه و قالى ان السمكرى اللى عملهولى ممتاز عمله كويس جدا.
بصراحه مش لاقى كلام أقوله عن الراجل ده قد ايه خدوم و محترم و كفايه ردوده على الأسئله فى المنتدى تشهد على قد ايه الراجل ده محترم و خدوم..
بصراحه مش لاقى كلام أقوله عن الراجل ده قد ايه خدوم و محترم و كفايه ردوده على الأسئله فى المنتدى تشهد على قد ايه الراجل ده محترم و خدوم..
Comment