بصراحة ! ما رأيكم فى اسعار اللانسر 2008 الشكل الجدبد ؟؟؟

[ahmad7610]

كنت ناوى اكون اول واحد يجيب اللانسر 2008 الشكل الجديد وكنت عارف ان سعرها حيكون اغلى من باقى اليابانى علشان زى ما سمعنا ان كمالياتها عالية و كمان علشان الشكل القديم يمشى فى السوق

كل ده كان معناه ان الشكل الجديد حيكون اغلى...........

لكن المفاجأة كانت فى كماليات العربية مقارنة بالسعر ........
-
اللانسر عمرها ما حتكون عربية فخمة تنافس الفكترا والاوكتافيا وكده لكنها عربية المفروض رياضية اكتر
-
المانيوال 125900 بدون جنوط , تكييف مانيوال - دركسيون شكله وحش -بدون فوج -بدون عتب
المانيوال 133900 بعتب وتكييف اوتو لكن بدون جنوط بدون فوج و باقى الكماليات عادى جدا
الاوتوماتيك الاسبورت وهى دى بجد اللى تعتبر تحفة فى كمالياتها و لكن السعر 149000 !؟!؟!
---------
طبعا المانيوال دى اكيد مش حنشوفها كتير لان المنافسين زى المازدا و الكورولا و الامبريزا افضل من حيث السعر و الكماليات
-
اما الاوتوماتيك سبورت فطبعا هى افضل من الهوندا سيفيك ولكن يبقى سؤال ؟؟؟؟؟

هل هى افضل من ---------الفكترا 159000
---------افينسيس 157000
---------اوكتافيا 150000

_____اعتقد ان سعر اللانسر كان يجب ان يكون أقل بحوال 10000 جنيه فى كل موديل
لتدخل المنافسة ........
:arrow:

[hassan_ali296]

معك حق

انا رايي الشخص ان السعر مبالغ فيه شوية لان 150000 تفتح الباب امام منافسه حقيقية مع باقي الموديلات الياباني والاوربي

[ahmed1981]

غالي جداً جداً جداً جداً

[mina_ramsis]

انا معاك فعلا السعر مبالغ فيه جدا اعتقد هما مغليين سعرها علشان يمشوا حال اللانسر الشكل القديم و اول ما الشكل القديم ما يخلص عندهم هيقللوا سعر اللانسر الشكل الجديد شويه ديه وجهه نظرى و ممكن تتحقق و ممكن لأ

[hazem_khidr]

اعتقد ان سعر اللانسر كان يجب ان يكون أقل بحوال 10000 جنيه فى كل موديل
لتدخل المنافسة ........

جبت المفيد المفروض فعلا يكون تمنها 140 او 135 الف علشان تقدر تنافس.
انا شوفتها علي الحقيقه مع واحد زميلي هيا تحفه بصراحه و عاليه و شكلها فعلا فئه تانيه غير اللانسر اللي نعرفها .يعني دايما نقول لانسر و كورولا علي اساس ان الاتنين فئه واحده و نفس الحجم تقريبا لكن اننا نقول لانسر و فيكترا او لانسر و افنسيس ف دي صعبه شويه علي الواحد .مع احترامي الكامل للانسر و مالكيها لكن هيا فئه اقل من الاوكتافيا و الفيكترا و الافنسيس كانو المفروض ينزلوها باسم تاني

[Ahmed Hassan]

Re: بصراحة ! ما رأيكم فى اسعار اللانسر 2008 الشكل الجدبد ؟؟؟

انا معاك في كل اللي قلته يا ابو حميد ما عدا الجزء ده

-
اما الاوتوماتيك سبورت فطبعا هى افضل من الهوندا سيفيك ولكن يبقى سؤال ؟؟؟؟؟

:arrow:

ليه طبعا افضل من الهوندا؟؟ انا شايف ان مفيش مقارنه بينهم اصلا خصوصا لو اخدت الـ10000 جنيه الزياده في تمن الانسر و ركبت بيهم جنوط للهوندا. اظن فرق التكنولوجيا و الاداء كبير.

انا قلت الرأي ده قبل كده.. الانسر علشان تنافس الهوندا اللي موجوده في مصر المفروض تمنها ميزدش عن 130000 جنيه

[Ahmed Anwer]

بس اللانسر تتميز بالإنتشار الفظيع ، و توفر قطع الغيار و إعادة البيع الممتازة
بعدين الشكل الجديد مالوش أي علاقة بالشكل القديم غير السيفيك الي يعني دلعوها شوية بس عن الشكل القديم
بعدين أسعار الفيكترا و الأوكتافيا و الأفينسيس اللي حضرتك ذاكرها تقريبا أسعار المانيوال مش الأتوماتيك
عموما اللي يخوف فعلآ إن ده يكون مؤشر عن أسعار 2008 ، شكلها كده مفيش أسعار هتنزل ، كله هيغلي

[Eng.Salah Mahdy Salama]

السعر غاااااااااااااااااااااااااااالي جدااااااااااااااااااااااااااااااااااااا
و لا تقارن السيارة الجديدة بأي من السيارات المذكورة سابقا
أقصي سعر لأقصى إمكانيات لا يجب أن يزيد بأي حال من الأحوال عن 130.000 بالكتييييييييير
و يبدأ سعرها من حوالي 100.000بس فقط لا غير

[Ahmed Anwer]

أنتم محسسني إن اللانسر دي كوري ، هيا مش ياباني و لا أنا غلطان
أنتم عايزينها تبقي بسعر اللإلنترا ؟؟؟؟

[Ahmed Hassan]

أنتم محسسني إن اللانسر دي كوري ، هيا مش ياباني و لا أنا غلطان
أنتم عايزينها تبقي بسعر اللإلنترا ؟؟؟؟

المقارنه فوق بين ياباني و ياباني (هوندا و ميتسوبيشي)

[Ahmed Anwer]

أنا بكلم علي إنها تبتدي ب 100000 و يبقي اخرها 130000
كده هتبقي بسعر الإلنترا ،و الشكل القديم
أنا قصدي يعني عايز افهم انتوا ليه محتقرين اللانسر و شايفين إنها لازم تبقي أقل الياباني
الشكل الجديد حاجة تانية خالص غير الشكل القديم لا

[Powert]

غالية ومدفعش فيها المبلغ ده

عندي اشتري الماني احسن ميت مرة من اللانسر

ممكن اجيب اكتافيا ولا فكترا

[M_Abdallah]

يا جماعة اما نيجي نشوف وضع السوق الحالي نلاقي ان العربيات
معظمها بأت بتغلي يعني مثلا الكورولا 1300 اوتوماتيك2007
سعرها 120000 والكورولا 1.6 اتوماتيك2007 سعرها
138000والموديل الرياضي 2007اللي هو بفتحة سقف والجنوط15
سعره 150000 فمابال تويوتا الشكل الجديد2008 هيبأ سعرها كام.
والهوندا سيفيك عشان تستلمها فوري تمنها 155000 عند الموزعين المعتمدين
والسعر ده اللي الفطيم بيهدف ليه بعد كده.
.بالنسبة لللانسر الجديدة المفروض من وجهة نظر الجميع انها تقل 10000
وده الصح بس في رأيي الأسعار مش هتبان حقيقتها الا اما كل الشركات
تنزل موديلات 2008 وأكيد هتحصل تغييرات في الأسعار.
ياريت ياجماعة اما نيجي نقارن بين عربيتين في السعر لازم يكون العربيتين
من نفس الموديل بمعني اما نيجي نقارن اللانسرالجديدة السبور بموديل
تاني لازم يكون الموديل ده سبور باردوا مش موديل عادي يعني منقارنش بين
اللانسر الجديدة السبور2008 بالسيفيك الاتوماتيك العادية نقارن بينهم لو السيفيك
في منها الموديل السبور وده طبعا مش موجود.
السيفيك اللي تمنها دلوقتي يعتبر 155000 تتقارن بموديل اللانسر GLS الاتوماتيك
اللي تمنه 137000.










_____________
محمد عبدالله

[mina_ramsis]

ياريت ياجماعة اما نيجي نقارن بين عربيتين في السعر لازم يكون العربيتين
من نفس الموديل بمعني اما نيجي نقارن اللانسرالجديدة السبور بموديل
تاني لازم يكون الموديل ده سبور باردوا مش موديل عادي يعني منقارنش بين
اللانسر الجديدة السبور2008 بالسيفيك الاتوماتيك العادية نقارن بينهم لو السيفيك
في منها الموديل السبور وده طبعا مش موجود.
السيفيك اللي تمنها دلوقتي يعتبر 155000 تتقارن بموديل اللانسر GLS الاتوماتيك
اللي تمنه 137000.

طب حضرتك مش حاطط ليه فى اعتبارك ان السيفيك 1600 سى سى و اللانسر 1500 و كمان مش واخد بالك من القوه الحصانية بين الاتنين و مش واخد بالك من الاستيبترونيك يعنى فى حاجات كتيرة تفرق بين الاثنين كفاية يا راجل الفخامة بتاعت السيفيك

[M_Abdallah]

و مش واخد بالك من الاستيبترونيك يعنى فى حاجات كتيرة تفرق بين الاثنين كفاية يا راجل الفخامة بتاعت السيفيك

أول حاجة الاتوماتيك بتاع السيفيك مش فيه ستيبترونيك ياريت تراجع الكتالوج
وعلي فكرة السيفيك مش محتاجة ستيبترونيك كفاية الكيك داون بتاعها يغنيك عن
الستيبترونيك .السيفيك اللي عندنا بتنزل بأقل مواصفات يعني مثلا بينزل منها تلات
موديلات في الخليج بصرف النظر ان هناك 1800cc .
ماتور اللانسر الجديد بتقنية MIVEC الأداء بتاعة هيكون قوي جدا بصرف النظر
عن الباور هورس اللي بتتكلم عليه .
السفيك بلا شك من أفضل الأنواع في فئتها وانا بحبها جدا لكن التوكيل ظالمها في مصر
بحجة ان موديلات السيفيك التانية هتبأ غالية والكلام ده مش مظبوط والدليل علي كدة
الفرق في السعر بين موديلات السيفيك بره مش كتير.مثلا في السعودية الموديل LXI سعره 56000ريال سعودي وEXI مع الجنوط 16 والاشارات اللي في المرايات تمنه61000 ريال سعودي والموديل السبور VTI تمنه 66000 ريال سعودي.











___________
محمد عبدالله



واللانسر الجديدة بجد روعة ويتعملها حساب بأمكانياتها والسيفيك انا مش بقلل منها لأنها تحفة.

والعربيات أزواق.