لانسر بومه و حملة الهجوم الشنيعه

[hemaaa]

انا بجد تعبت من كتر الهجوم اللى قريته هنا فى المنتدى بجد يعنى انا هنزل اخد اللانسر بتاعتى


واطير بيها من فوق كوبرى 6 اكتوبر او انزل بيها فى ترعه يانهار ابيض ايه ياجماعه انا بشوف ناس عيزنا نقول بالعافيه


ان العربيه معفنه ومحصلتش 128 حتا انا من هنا بنادى ملاك لانسر بومه العربيه اللى وقفت جمبنا كلنا

لازم نعمل وقفه انما انتا تصحا الصبح تلاقى الفرنا بقت احسن من البومه و تلاقى الالنترا فوق المنافسه


والله يا جماعه انا بموت من الضحك من اللى بقراه مكتوب والهجوم الاعمى ده


ده فى واحد كاتب لو قرصت على المتور الفتيس الاوتماتيك بيجيب ريحة شياط وبيسخن يولع يانهار ابيض


انا عمرى ما شفتها ابدا ياريت يا جماعه اللى مش عجباه العربيه ميشترهاش ويسكت وميفضلش يكره الناس


فى عربيتها انا قربت اروح لدكتور نفسى عشان اتعالج من اللى قريته واللى اشترا العربيه ومعجبتوش وبعها


ده رايه الشخصى وكلنا نحترمه بس مش معناه ان يشتم فى العربيه هيا معجبتكش برده بيعها وهات اللى


هتعجبك ان شاء الله ولولا اختلاف الازواق لبارات السلع وتقريبا فى ناس اصلا مجربتش العربيه او ركبت جمب


صاحبها ويخش يعملك تقيم وياكد انه جربها بنفسه و الدليل قالوه .

وفى ناس تانيه مثلا فكره انها اشتريت بوجتى مش بوما ويقعد يقلك السحب ومش عارف ايه

ياعم ديه لانسر 1600 سى سى مش بى ام ولا مرسيدس ربنا يهديكوا يارب وتسيبوا البومه فى حالها

تم تغيير اللون الاحمر الى الازرق.
يرجى عدم استخدام اللون الاحمر حيث انه مخصص للمداخلات الاداريه
مشرف الياباني 1

[lovelorn]

# الشجرة المثمرة هى التى يقذفها الناس بالحجارة #

[lovelorn]

لو قرصت على المتور الفتيس الاوتماتيك بيجيب ريحة شياط وبيسخن يولع

قمة الجهل .... الفتيس أصلا قدام على الشمال جنب مياه الردياتير واللى فى العربية دا زى ال joystick واللى بيسخنه هو اللمبات وسخونة الجو ...

الفرنا بقت احسن من البومه و تلاقى الالنترا فوق المنافسه

الفرنا أصلا مش عربية ..

ويكفى ان الأتنين يندرجوا تحت اسم غبور

فى ناس تانيه مثلا فكره انها اشتريت بوجتى مش بوما ويقعد يقلك السحب ومش عارف ايه

ياعم ديه لانسر 1600 سى سى

اللى تاعبهم انها 1600 سى سى ومبهدله معظم بل اغلب العربيات فى فئتها السعرية

[ehab]

يا راجل بعد الشر عليك و علي عربيتك متقولش علي نفسك كدا
سيبك من الي بيتقال .

[Ibrahim88]

العربية دى مر عليها كاااام موديل و محدش قدر يحركها من مكانها،بص على عربية كورى ماشية سنتين بس و بص على لانسر ماشية اكتر و هتحس بالفرق،هى مش احسن عربية بس احسن واحدة لسعرها،الواحد عارف كاااام واحد معاه العربية،النقاط السلبية بيقولوها لما يقارنوا بالالمانى مش اى حاجة تانية، اه خفيفة شوية بس ثابتة جداااا و لا يتفوق عليها فى نفس الفئة(كثبات فقط) سوى النيسان صنى لكن مش الانترا خاااااااااالص و كله عن تجربة

[KSA2011]

يا باشا خلى عربيه الالنترا تعدى جمبك وانت سايق الانسر وشوف الناس بتلتفت لايه
احنا مش شعب عبيط والناس عارفه الحلو من الوحش
فرق السما من الارض فى ركوبه الانسر و الانترا مثلا مفيش وجه مقارنه
ما تشغلش دماغك يا عم خلى الى يقول يقول

[slimbig]

العربيه دي تمام قوي مش عارف إيه الهجوم الغريب عليها ده, ايوه الفيرنا مش عربيه و الإلنترا ثباتها رايح فداهيه, فعلا البومه ممتازه و معمره سيبك انت من الكلام الفارغ

[msds_eg]

سيبك انت من الكلام ده عمري الكوري ما يتساوى بالياباني ابدااااااااااااااااااااااا


ولو عاوزين يقارنو الكوري بالياباني ممكن يقارنو الالنترا بسوزوكي ماروتي واهي بردو شايله اسم سوزوكي اليابانيه و كده تبقا يعني معقوله شويه

روووووووووووق ومتضايقش نفسك لانسر هي احسن عربيه شبابيه واكتر عربيه مناسبه للفئه المتوسطه في مصر

[M.FOUAD]

اية يا جماعة اللي انتم بتقولوة دة انا حاسس اني قاعد في قهوة
صحيح الانر ممتازة بس بردة الانترا مش بدرجة السوء اللي انتم بتقولوة دة

[hemaaa]

قهوه فين بس يا فؤاد الالنترا عربيه كويسه محدش قال حاجه احنا بناقش موضوع تكريه الناس فى اللانسر


ومتشكر لردود الناس الزى العسل

[Eng.Osama.Afifi]

[iunknown]

العربية من أنجح العربيات الـ 1600 في مصر

بس لازم برضه نحط في دماغنا انها مش أفضل عربية في التاريخ


الموضوعية في النقد مهمة جدا


الصوت عالي علشان العزل سيئ ده حقيقة
الكاوتش اللي نازل معاها كان المفروض يكون افضل من كدة البريدجستون (gr80 ) بعد التجربة تحس انك راكب عربية تانية من ناحية الثبات والفرامل والصوت



برضه ماينفعش نقارنها بعربيات السنة دي واللي فاتت لأنها اصلا اتعملت سنة 2004 تقريبا
اللي عايز يقارن الالنترا يقارنها بالشارك وبرضه هتكون مظلومة لأنها 1500 مش 1600 زي الالنترا


أو يقارنها بالالنترا الشكل القديم


موضوع كوري وياباني مابقاش بنفس الفرق زي زمان

بالعكس

الالنترا الجديدة والسيراتو الجديدة عربيات محترمة جدا وفيها تقنية ممتازة
بس يتقارنوا باللي زيهم

مش اللي اتعمل قبلهم بخمس سنين

[popeto]

على فكره بعض المشاركات بتكون موجهه و مش مقصود بيها النصحيه لوجهه الله

[أبو إياد]

انت مزعل نفسك ليه يكفى ان اللى بيقارن بومه بشكلها اللى نازل من 2004 بيقارنها بالنترا نازله فى 2007
ده شرف طبعا لكل ملاك البومه

المفروض اللى يقارن يقارن بين شارك اللى نزلت فى 2007 وبين النترا اللى نزلت فى 2007 ويشوف فرق السعر وفرق الشكل والفخامه والثبات والشكل الرياضى

ومافيش اى فئه فى اللانسر تقارن بالفيرنا ابدا ممكن اقارن الفيرنا بلانسر كريستاله ميتسوبيشى انتجتها من 12سنه

انما المقارنه بفئه البومه (تويوتا 2005:2007 ) (النترا الشكل القديم ) (ميجان 2005 :2006) (بروتون واجا ) (كيا سيراتو 2005:2007)

شوف بقا تركب ايه فى العربيات دى

تويوتا مافيش ثبات
النترا عربيه واطيه جدا على الارض شكلها تقليدى قطع غيار غاليه
ميجان قمه التكنولوجيا اللى فيها اصبحت اكبر عيب موجود فيها مع صعوبه صيانتها وغلو اسعار قطع غيارها
بروتون واجا صعوبه صيانتها وصعوبه اعاده البيع بطريقه بشعه
كيا سيراتو قطع غيار غاليه صالون ضيق اسعارها وقعت جدا

البومه اسيب اصحاب انواع السيارات الاخرى يقولوا رائيهم فيها

[hemaaa]

شكرا على التفاعل وانا مش زعلان من حاجه انا حبيت اناقش اللى انا حسيت بيه

والهجوم الشنيع و متشكر للكل اللى ردو