لانسر بومه و حملة الهجوم الشنيعه

[ahmad--ezzat]

اللى يقول يقول سيبك من اى حد...طالاما مريحاك يبقى خلاص.....

[Ralliart]

كل اللي بيتكلم عن العربيه ديه معرفش كلمه عربيه من غير اعطال ودي لوحدها راحه مفيش بعدها وانا راكب ميتسوبيشي من ايام الجالانت 91 عربيه مبتهزرش ممكن تمشي بيها 10 الاف كيلو متواصل ومؤشر الحراره مش هيتحرك من مكانه والعربيه عمرها ما هتشتكي
بس المشكله ان مفهوم التكنولوجيا عندنا هو التكيف التاتش وفتحة الـaux والـusb انما غير كده تبقى عربيه زباله وتكنولوجيا سنة 2000 دي مش عارف اخترعوها منين ؟؟ طيب ايه المشكله ؟ مش العربيه موتور انجكشن وقوته حلوه جداً على سعته واقوى من عربيات تانيه يطلق عليها تكنولوجيا 2050 !
وبعدين ماهي التكنولوجيا القديمه دي زي الفتيس ال،cvt لسه موصلتش للطيارات بتاعت تكنولوجيا 2050 امثال الالانترا !؟

[hesham22822]

سيبك من الهجص دى عربيه تساوى تمنها دهب و خلى اللى يفرقع .... يفرقع دى كايداهم

[devilishtigers]

اللي بيفهم بجد هيقولك حاجة واحدة
(الانسر ما يختلفش عليها 2 )

[adel1414]

الانسر عربية محترمة ومميزاتها اكتر بكتير من عيوبها وبجد كل ماافكر فى عربية واروح واجى ويمين وشمال بردة الاقيها قصادى عربية بحترمها جدا وخصوصا ال1600

[turch]

يا لانسر يا بلاش عربيه غيرها متنفعناش

[mmffor]

عندي واحد صاحبي جاب سوبارو امبريزا بس قاللي انو عارف ان الانسر 1600 احسن منها و اقوى و الفيرنا دي كلنا عارفين انها متسواش بصله و الالنترا اللي جيبها يجيبها بس علشان مبيعرفش الفرق بين الياباني و الكوري

[limo]

انا عايز اسأل سؤال
البومه ايه الاسباب الى تخلى الناس تجذم انها وحشه
انا عن نفسى مش لاقى اسباب تخلينى اقول انها وحشه وكل لما افكر ابيعها واجيب حاجه اعلى وارجع واستحرم لانى فعلا مش لاقى فيها عيب غير حاجه واحده وهو صوت الكاوتش العالى وانا متكيف معاه جدا يبقى فيه ايه تانى
الانترا برضو نفس الكلام عربيه ناعمه وجميله جدا بس انا بفضل الانسر عنها لاسباب وهى انا الانسر فيها وسائل امان اعلى زى الاير باج والفرامل المانعه للنزلاق وكمان الانترا التحكم بتاعها مش لطيف لو ماشى فوق ال120 وبتاخد ملف
بس انا جيت للحق هى عربيه مش وحشه
الفرنا مش عارف ايه الى دخلها فى الموضوع بس هيه عربيه اقتصاديه جدا وممتازه من حيث اعتماديتها ومصاريفها القليله فى التسغيل وسعرها الى صعب جدا تلاقى عربيه تانيه فى فئتها بنفس الثمن وكمان سهوله البيع
فى النهايه عايز اقول ان كل واحد يحمد ربنا على النعمه الى معاه ويدعى ربنا انه يحفظهاله

[mmffor]

اويد كلامك جدا

[hemaaa]

بجد شكرا لكل اللى شارك برايه واللى حكلنا قصته مع اللانسر

وبجد تقيمى انا بعد 3 سنين وشويه مع لانسر 2007 اوتو مصريه

عربيه بلا اعطال مع صيانة توكيل مصريه لم اذهب الا التوكيل

الا فى مواعيد الصيانه عمرها ما كسفتنى او طلعت عنيا

وانا لاحظت ان فى ناس برده داخله هنا فى الموضوع وبتشتم فى الانسر برده

مش عارف اللانسر حرقاهم ليه ربنا يكرمكوا وتشلوها من دمغكوا وتسيبوها فى حالها

زى ما قلت فى التوبيك قبل كده

[mmffor]

اسمها كايداهم مش حارقاهم . لأن قطع غيارها موجوده زي ال 128. صحيح التجار رافعين سعرها شويتين سرقه بس برغم من كده ارخص من اي عربيه ياباني تانيه! بس انا لما ركبت جنوط سبور لعربيتي مع اني عملت ترصيص و ركبت غوايس و ضبط زوايا بس بحس ان العربيه بتعوم بعد ال 140

[H_A_T_Em]

اللانسر طبعا عربيه محترمه جدا و الدليل علي كده مبيعتها و هي لا تقارن بالالانترا طبعا و فرق كبير في الثبات و انا 2 من اصحابي الالانترا وديتهم في داهيه بصراحه و نرجع و نقول اللانير مش عربيه سوبر بردو بس معقوله قوي علي قد سعرها و قابله للتعديل و قطع غيار في كل مكان

[Kareem Khattab]

اللانسر فوق الجميع

[mido190]

اللانسر عربية ميختلفش عليها اتنين سيبكم من الهبل اللي بيتقال ده

مميزات اللانسر اكتر من عيوبها و لو قارنة عيوبها بسعرها يبقي احنا الكسبانين

انت محتاج ايه في مصر اكتر من عفشة قوية و ثبات على الطريق و شكل ممتاز و سحب رائع و اهم من ده كله قطع غيار متوفرة في اي وقت و في اي محافظة و اسعارها رخيصة و مراكز صيانة عديدة .

و انا عن تجربة مش مرة واحدة اسوق العربية و احكم عليها ده انا مجرب جميع فئات اللانسر مرات عديدة داخل المدينة و في السفر ( كريستالة و بومة و شارك ) مانيوال و اوتوماتيك في الانواع الثلاثة

انا معايا كريستالة 99 و الحمد لله عربية زي الفل و كفاية انها ثابتة و جودها لحد دلوقتي و سعرعا مستعمل اغلى ما كان سعرها زيرو و كل ما يعيبها انها واطية و ده في صالح الثبات

البومة عربية اثبتت وجودها بجدارة لا تقارن بأي سيارة في فئتها من حيث السحب و الثبات و قطع الغيار و سعر اعادة البيع و ده كلام ميختلفش عليه 2 و مجربها بدل المرة 1000 و سافرت بيها كذا مرة لأنها مع كذا حد من اصحابي

و والدي معاه شارك بجد انا بحس ان العربية دي مظلومة جداً شكل رياضي رائع و موتور قوي جداً كل الناس تقول دي 1500 سي سي و مبيكملوش و يقولوا انه مايفيك ( واللي ميعرفش يقول عدس ) و قطع غيار الشارك تقريبا نفس اسعار قطع غيار البومة و بمقارنة الشارك بمشاكل سيارات فئتها ستجدها الاقل ( المازدا قطع غيار نار و لا استطيع ان احكم عليها عشان مجربتهاش و السيفيك واطية جداً و ايضا مشكلة قطع الغيار و الكورولا مشكلتها المعروفة للجميع الفتيس الاوتوماتيك بتاعها و شكلها التقليدي و الكلاسيكي جداً و عدم الثبات على السرعات العالية و الجيتا موتور ضعيف بالنسبة لوزن السيارة و ده طبعا في مصر بس عشان لو حطوا موتور عالي هيبقى سعرها زي البي ام ) و اري ان الاوكتافيا افضل من الشارك في هذه الفئة و لكن فرق السعر كبير و اكرر ان الاوكتافيا افضل

ياريت اللي يحكم على اي عربية لازم يكون مجربها كويس و في حالات مختلفة من القيادة لكن مش اسوق العربية 100 متر و اقول جربتها و تعالو نشوف هتلاقي اللي بيشتموا في اللانسر اقل من بكتيير من اللي بيمدحوا فيها و اسألوا اي ميكانيكي او صنايعي بيمر عليه كل يوم عشرات العربيات ايه رأيه في اللانسر مش هيقولك غير دي عربية 10 على 10

[meg16]

شوفوا سقوط التويوتا على مستوى العالم والناس هتعرف قيمة الانسر يا جماعة العالم كله بيتقدم والمصريين بشربوا تويوتا وبيكلوا تويوتا وبيناموا تويوتا ركبت سيارات كتير واخرها لانسر لكن تويوتا لا لا لا