انا متضايق اوي من نفسي

[nabaster]

هو طبعا اولا و اخيرا لله الحمد على كل شيء .. بس هل انا كان ممكن اظبطها و ابيعها بيعة احسن من كدة ؟ اصل انا حسبتها مع نفسي قلت ان مهما صرفت عليها سعرها مش هيزيد الزيادة اللي انا متخيلها .. فكأني برمي فلوسي في الارض .. بس انا متضايق لأني مش لاقي اختها بالسعر ده او زيادة 4 الاف جنيه .. كل اللي معاهم لانسر بيحسسوني انهم بيبيعوا جنيه دهب و بيطلبوا اسعار على مزاجهم .. زي موقع كار 100 100 الاقي اختها و ب 81 و ناس عاوزه حاجة و تسعين فبصراحة اتعقدت مبقتش عارف اعمل ايه .. الحمد لله

العربيه دي من الاخر اتكتبلها شهادة وفاه علي ايد السمكري الي زي الفل ده

علشان ترجع تاني العربيه دي لازم النص الي اتركبلها يتفور تاني ويتركب صح من تاني عند صنايعي اسطي والي ناقص فيها ان كان في المكنه ولا في الفتيس يتظبط عند ميكانيكي ابن حلال وبيفهم

و ده هيدخله علي الاقل خالص في 10 او 13 الف جنيه تاني ده علشان تبقي عربيه عدله ومظبوطه

يعني العربيه دلوقت واقعه بـ 66+13=79 الف جنيه

تفتكر مين هيشتري عربيه راشه جوه ومغيره نص بالسعر ده؟؟

احمد ربنا يا راجل وخلاص حط في دماغك ان خسارتك في ال 20 او 25 الف الي ضاعو في الحادثه ومتفكرش كتير

A.Yakout

[zizo50001]

وده طبعا واكيد لان تاجر ياخدها بالسعر دة معناها كدة
والله الواحد بيتضايق جدا لما يلاقى حد بيضحك على حد تانى

[Samir_Adel]

اي عربية رشة جوة و حصلها كل المشاكل و القلق دة كلة, لازم ينزل بتمنها الأرض, دي حاجة طبيعية..
ربنا يعوض عليك و متفكرش كتير و انسي.. و كل واحد فينا ياما خبط و عجن و السواقة عموما ملهاش كبير.

[Samir_Adel]

الخوف دلوقتى من التاجر لحسن يغش فيها حد

أكيد طبعا, ما هو دة أكل عيشة!

[أبو إياد]

الغلطه انك اتعاملت مع سمكرى زى ده ده الواحد بيزعل لما عربيه يترش فيها حاجه ياعنى لو حاجه صغيره ممكن تدق على البارد والموضوع يتلم
تروح انت لواحد يغير نص فى عربيه .................. هنا الغلطه بصراحه
ايا كان اللى فى العربيه كانت تتظبط وكان يكتفى بتغيير اكصادم وكابوت ورفرفين ده لو مش نافعين نهائى

انما الحمد لله على كل شىء انا من يومين كنت باتفرج على عربيه 1300 مانيوال 2008 عدادها عامل 17000كم لسه جديده
وكنت باشتريها بـ30000ج وصاحبها كان ماسك فى 36000ج طبعا انا ماكنتش فاتكلم معاه فى السعر هو قالى تسوى كام انا قولتله تسوى كده قالى لا انا طالب 36000 قولتله ربنا يحسن ليك سوقها ويعوضك عنها خير لان استحاله اتناقش معاه فى سعر علشان حرام بس هى فعلا ماتسواش اكتر من 30000ج

العربيه سليمه بس محتاجه سقف ب6 قوايم +صالون كامل +قطمه
العربيه نزل عليها بالكونه مسلحه الكابوت والشنطه والاربع ابواب مافيهومش الهوى


عاوز اقولك ماتزعلش نفسك والحمد لله وبكره تجيب احسن منها

[محمد أنور]

على كدة عربيتي و هي معجونة من قدام كانت تسوى كام يا أ\ محمد عزت ؟
هي الخبطة كانت من الناحية الشمال و لوحت العربية كلها و جبت تلاتة سمكرية شافوها ساعتها قالولي محتاجة قطعية من قدام
بس من اول القوايم لحد الشنطة ورا فابريكة 100%
هي كانت 1600 مانيوال 2007 بضمان مصرية

[nabaster]

على كدة عربيتي و هي معجونة من قدام كانت تسوى كام يا أ\ محمد عزت ؟
هي الخبطة كانت من الناحية الشمال و لوحت العربية كلها و جبت تلاتة سمكرية شافوها ساعتها قالولي محتاجة قطعية من قدام
بس من اول القوايم لحد الشنطة ورا فابريكة 100%
هي كانت 1600 مانيوال 2007 بضمان مصرية

طالما من اول القوايم سليم ليه غيرت نص؟؟؟

A.Yakout

[محمد أنور]

كان فردة الشاسيه من الناحية الشمال مدمرة خالص , واليمين ملووحة و لاوحة العربية كلها معاها , ف كل السمكرية اللي بصوا عليها قالوا لازم تغير نص

[nabaster]

كان فردة الشاسيه من الناحية الشمال مدمرة خالص , واليمين ملووحة و لاوحة العربية كلها معاها , ف كل السمكرية اللي بصوا عليها قالوا لازم تغير نص

الي بتقول عليه ده مش مطلوب معاه خالص انك تغير نص

ممكن علي اسوء الفروض ربع لاكن ليه تغير نص؟؟؟

وليه مغيرتش فرادي السلاح بس؟؟؟

A.Yakout

[Sharky]

هو طبعا اولا و اخيرا لله الحمد على كل شيء .. بس هل انا كان ممكن اظبطها و ابيعها بيعة احسن من كدة ؟ اصل انا حسبتها مع نفسي قلت ان مهما صرفت عليها سعرها مش هيزيد الزيادة اللي انا متخيلها .. فكأني برمي فلوسي في الارض .. بس انا متضايق لأني مش لاقي اختها بالسعر ده او زيادة 4 الاف جنيه .. كل اللي معاهم لانسر بيحسسوني انهم بيبيعوا جنيه دهب و بيطلبوا اسعار على مزاجهم .. زي موقع كار 100 100 الاقي اختها و ب 81 و ناس عاوزه حاجة و تسعين فبصراحة اتعقدت مبقتش عارف اعمل ايه .. الحمد لله

الحمد لله انك بعتها بالسعر دا
طبعا سعر ممتاز على حالتها

و متركز قوى على أسعار النت لإن 95% بيبقى سعهرها مبالغ فيه قوى و مابتخلص طبعا بالأسعار دى

ياريت بالمرة تقولنا أسم السمكرى و عنوانه علشان محدش من الأعضاء يتعامل معاه تانى

[zizo50001]

وضح جدا ان السكمرى استغل الموقف وضحك عليك
خد مصناعية 3000+10 عفشة
يعنى جاب النص ب 3000
واضح انة ضحك عليك الاخ منة الله

[mada121977]

يا استاذ محمد ولا تزعل نفسك والحمدلله انك بخير وعلى رأى الناس اللى ردت المهم انك سليم وماشفتش بعد الشر عن الجميع عمليات او تركيب شرائح فى العظام دى فظيعه جداا .. وفداك العربيه وان شاء الله تركب اللى احسن منها
وانا كنت قلتلك هاتها عندنا المنصوره ونظبطهالك وماكنتش هاتاخد ربع اللى انت دفعته للسمكرى النصاب ده
من رأيى السعر اللى انت بعت بيه سعر كويس بعد العك اللى عمله السمكرى

[محمد أنور]

هو السمكري قطع من اول الكرتيرتين و فردتين الشاسيه و مجاش ناحية المكان اللي محفور فيه رقم الشاسيه .. مش عارف فاهم قاصدي ولا لأ

[NaderNabil]

هو السمكري قطع من اول الكرتيرتين و فردتين الشاسيه و مجاش ناحية المكان اللي محفور فيه رقم الشاسيه .. مش عارف فاهم قاصدي ولا لأ

يبقى كده غير ربع بس مش نصف

[محمد أنور]

الحمد لله انك بعتها بالسعر دا
طبعا سعر ممتاز على حالتها

و متركز قوى على أسعار النت لإن 95% بيبقى سعهرها مبالغ فيه قوى و مابتخلص طبعا بالأسعار دى

ياريت بالمرة تقولنا أسم السمكرى و عنوانه علشان محدش من الأعضاء يتعامل معاه تانى

هو مهندس فاتح ورشة في المنيب اسمه محيي عرفته عن طريق دكتور في العلوم الاسلامية و قالي راجل كويس و مبيشتغلش غير فالحوادث و رحنا و انبهرت بمنظر السيفيك و الجيتا و الياريس و الكورولا اللي عنده و شكلهم يصعب عالكافر و وراني لانسر مقلوبة و قالي دي مفهاش حاجة و هتتصلح و ترجع زي الاول .. ف لما اتفرجت شجعني اني اسيبله العربية يصلحها بس الحمد لله اتبع معايا اسلوب المماطلة و كل شوية عاوز فلوس لما خنقني و مصدقت اخدت منه العربية رغم الشغل اللي كان فيها .. و اخر مرة اتكلمت معاه فيها عالايرباج والماتور قالي يعني عاوزني اعملك ايه يعني و متحملنيش فوق طاقتي فعرفت انه بيقلي اخبط دماغك في الحيطة .. الحمد لله اللي حصل حصل