انا متضايق اوي من نفسي

[nabaster]

هو السمكري قطع من اول الكرتيرتين و فردتين الشاسيه و مجاش ناحية المكان اللي محفور فيه رقم الشاسيه .. مش عارف فاهم قاصدي ولا لأ

يا راااااااااااااااجل

يعني مغير ربع بس؟؟؟

وربع وعفشه بـ 10 تلاف جنيه؟؟؟ ده علي اساس ايه يعني؟

يا راجل ده الموتور المايفك بعفشته مش بـيعدي العشره خالص

الربع بالعفشه علي اي حال من الاحوال عمره مهيعدي ال 5 او الـ 6 تلاف جنيه

مع اني كنت شايف انك بايع العربيه بسعر كويس

ولحد الان شايف كده

فان كنت شايف انك مظلوم واضحك عليك فمفيش غير السمكري هوا الي ملبسك الليله كلها

ولاعب عليك في حوالي 5 تلاف جنيه فوق مصنعيته

A.Yakout

[محمد أنور]

وضح جدا ان السكمرى استغل الموقف وضحك عليك
خد مصناعية 3000+10 عفشة
يعنى جاب النص ب 3000
واضح انة ضحك عليك الاخ منة الله

هو اخد مصنعية 3 الاف و جاب نص فاضي و عفشة استيراد ب 10 الاف و اخد فلوس في شغل الماتور 1000 جنيه كمان و رش 1000 جنيه و اكصدام و فوانيس 1000 و زجاج امامي و زيوت للعربية 1000
يعني واخد مني تقريبا 17 الف غير اللي صرفته عليها بعد ما اخدتها منه

[bishoy02010]

الحمدلله انك عرفت تبيعها :) كده انته بايعها بسعر زى الفل

[محمد أنور]

يا استاذ محمد ولا تزعل نفسك والحمدلله انك بخير وعلى رأى الناس اللى ردت المهم انك سليم وماشفتش بعد الشر عن الجميع عمليات او تركيب شرائح فى العظام دى فظيعه جداا .. وفداك العربيه وان شاء الله تركب اللى احسن منها
وانا كنت قلتلك هاتها عندنا المنصوره ونظبطهالك وماكنتش هاتاخد ربع اللى انت دفعته للسمكرى النصاب ده
من رأيى السعر اللى انت بعت بيه سعر كويس بعد العك اللى عمله السمكرى

هو الحمد لله طبعا انها جات في العربية .. بس الواحد برضه بيبقى عاوز يحقق اقل نسبة خسارة في المصيبة اللي هو فيها .. بس اللي حصل حصل و الحمد لله .. يعني انا كان نفسي لما اجي ابيعها تجيبلي 70 - 75 مستريح .. بس يلا الحمد لله على كل شيء و مش هقول يا ريتني كنت جبتها عندكوا المنصورة لأن اللي حصل حصل و خير باذن الله

[محمد أنور]

انا ساءل عن العفشة بنفسي في الحرفيين ب 6 الاف جنيه .. و النص فاضي من غير تابلوه ب 3 الاف

[mada121977]

هو اخد مصنعية 3 الاف و جاب نص فاضي و عفشة استيراد ب 10 الاف و اخد فلوس في شغل الماتور 1000 جنيه كمان و رش 1000 جنيه و اكصدام و فوانيس 1000 و زجاج امامي و زيوت للعربية 1000
يعني واخد مني تقريبا 17 الف غير اللي صرفته عليها بعد ما اخدتها منه

معلش انت ماحسيتش بحاجه غريبه فى الاسعار وانت بتحاسبه ؟؟
يعنى رش ايه اللى ب 1000 ده ؟ هوا رش العربيه كلها ؟
والفوانبيس التايوانى الاتنين 500 والاكصطدام ب 350 يعنى 850
وزيوت ايه اللى ب 1000 ؟ دا موبيل 1 ب 215 وزيت الفتيس مش هايكمل 40 جنيه وجركن مياه خضراء للريداتير حوالى 30 جنيه يبقى باقى الالف فيين ؟
واضح جداااا انه نصاب جدااااا

[محمد أنور]

الرش حاسبني على انه رش الجزء الامامي كله بالدواخل .. يعني برة و جوة ..
و الازاز لوحدة ب 550 و الزيوت مش فاكر بكام بس انا فاكر انا اللي اشتريتهم ب حوالي 300 جنيه و شحم للكبالن و مياه ردياتير و حاجات كتيرة
والله الواحد اتخنق من السيرة دي و حسبي الله و نعم الوكيل فيه

[gebreel]

المهم قول الحمد لله انك خلصت منها، الحاجة التانية انك كنت لو خلتها هتصرف عليها جامد جدا و مع ذلك مكنتش عمرها هترجع زي الاول تاني علاوة على انها مش هتبقى امان لان الشاسيه اتلعب فيه غلط و الايرباج و الكلام ده كله و بصراحة العربية مدام كانت عاملة حادثة يعني اترشت برة و جوة يعني مش منطقي انك تنزل 5 الاف بس عن الفابريكة، و معروف ان التجار بيخسفو بتمن الحاجة الارض لاكن هوة هيعرف يصرفها لاكن انت مكنتش فقول الحمد لله و قدر الله و ما شاء فعل و الحمد لله انك قمت بالسلامة و متفكرش في المبلغ اللي انت خسرتو علشان متتعبش و ابدا يا وحش دور على عربية جديدة و متنساش تدينا لفة بيها بقا :d

[Dr Zezo]

اولا حمدا لله علي سلامة حضرتك

ثانيا قدر الله وما شاء فعل

حضرتك فعلا خسرت في سعر العربية بسبب الحادثة بس كسبت انك قدرت تجمد منها فلوس و تريح دماغك من مشاوير الاصلاحات و السمكرية وخلافه

والنقطة الاخيرة تستحق ان الواحد يضحي بكام الف و يريح دماغه منها لان لو حضرتك كملت كنت هاتخسر اكتر من كده

[mada121977]

الرش حاسبني على انه رش الجزء الامامي كله بالدواخل .. يعني برة و جوة ..
و الازاز لوحدة ب 550 و الزيوت مش فاكر بكام بس انا فاكر انا اللي اشتريتهم ب حوالي 300 جنيه و شحم للكبالن و مياه ردياتير و حاجات كتيرة
والله الواحد اتخنق من السيرة دي و حسبي الله و نعم الوكيل فيه

على فكره الازاز بيجى من جريش تقريبا ب 250 او 300 فقط
وحتى لورش الجزء الامامى كله بره وجوه ماياخدش 1000 .. اخره 500 جنيه بس

[onsi]

اولا حمداللة على سلامتك
العربية اتباعت ب000 65 وانت صرفت عليها قول 20000 يعنى تعتبر وقفت عليك ب 45000 جنية موديل 2007 طبعا حرام
ربنا يعوض عليك

[ConDoR]

بالنسبه لسعر السوق فحضرتك بعت بسعر ممتاز جدا الحمدلله والاهم انك بعت وخلصت ودي اهم بكتير من فكره بكام بالنسبه للعربيه مستحيل كانت ترجع زي الاول وتتباع على عيبها بسعر حتى مقبول بس علشان انت بترضي ربنا قبل ما ترضى نفسك ربنا سهلك بعها

[محمد أنور]

متشكر يا اخواني عالردود سواء منها تشجيعية او للفت انتباهي لخطأ ما فقط
و انا اللي استنتجته ان العربية اتباعت بسعر حلو بالنسبة لحالتها لكن الخسارة الاكبر كانت في تصليح العربية لأن المهندس نصب عليا في حوالي 7 او 8 الاف جنيه و ده كله بسبب خطأي اني مأخدش عليه ورق بالمبلغ ولا جابلي فواتير بالحاجة اللي اشتراها .. حسبي الله و نعم الوكيل فيه و محدش بيتعلم ببلاش .. ارجو من اخواني الاعضاء انكوا تاخدوا بالكوا من النقط اللي انا و قعت فيها و ربنا يحفظكوا من الحوادث و مصايبها

[human]

هو سعر وهمى انك تبيع عربيه فيها كل ده ب 66 الف و الراجل هيلزقها لواحد و يكسب فيها
هوه محدش ليه دعوه انت صرفت كام حتى لو كانت وقفت عليك انك اخدت 1000 جنيه

عربيه فيها كل ده اصلا المفروض تتكهن

فل اوى كده

و ربنا يستر و التاجر يطلع نضيف و يقول للى بيبعله الموضوع ده

[adel1414]

الحمدلله على كدة وكويس اوى انك بخير غير كدة انك خلصت منها لانها كدة كل شوية كنت حتلاقيها عاوزة حاجة فاحمدربناعلى كدة وقدر الله وماشاء فعل