ملاك الصني الكرام ممكن ارائكم؟؟

[amir]

السلام عليكم و رحمه الله
اخواني و حبايبي ملاك الصني
احلي تحيه و سلام علي الناس المحترمه اللي فعلا مشفتش زيكم في اقسام تانيه في التعاون و الاحترام المتبادل
كوكبه من الناس تألقت في قسم النيسان في المنتدي
من اول سبعاوي من ايام القسم الاولي لحد اجدد عضو معانا
انا بفكر الفتره اللي جايه اغير العربيه
ايوه بفكر اغير الصني
مش لمشاكل الحمد لله بس تجديد بقي
و نظرا لعدم التيقن من الحاله الماديه و وضعي المادي ففي شقين للتفكير

1- الاول لو الحاله الماديه تسمح

2- التاني لو حبيت اوفر الفلوس المتاحه و استخدمها في مجال تاني غير عربيه اركبها

و طبعا كل اتجاه و ليه عربياته و مميزاته و عيوبه بالنسبه للناس كلها و بالنسبالي شخصيا
فحبيت تشاركوني النقاش في الموضوع ده
و اكيد كلامكم هيؤخذ في الحسبان و هيساعدني كتير في اتخاذ القرار
بس ليا رجاء خاص بجد
اللي هيرد في الموضوع ده يرد رد كامل
يعني بلاش حد يدخل يقول العربيه دي لأ او يأيد عربيه فقط دون ابداء اسبابه حتي لو اسبابه دي انها تكون عاجباه كشكل او مش طايقها كشكل!!

انا محتاج ناس اناقشها مش مجرد ماركه عربيه تتحط قدامي

نرجع بقي للشقين و استحملوني شويه علشان دماغي دي مش سهله فيما يخص العربيه ولازم اكون واخد القرار مبني علي عوامل محدده و هتشوفو بنفسكم اني مش سهل في اي حاجه بشتريها, بمعني اني لازم اكون مقتنع 100% باسبابي و ممكن اعند مع الكل بس اسبابي تكون مقنعه ليا فده كفايه لاتخاذ القرار


اولا الشق الاول (توافر الماديات)


التيريوس 1500 اوتوماتك

قناعتي: عربيه شكلها حلو\عاليه عن الارض\متعدده الاستخدام مش محصوره زي السيدان\رؤيه واضحه و كشف الطريق بصوره ممتازه

اراء سلبيه: سحب مش ممتاز\مخاوف الانقلاب في حاله انفجار اطار علي سرعات عاليه\استهلاك بنزين\غلو قطع الغيار\كونها all wheel drive و الفئه العاليه بس هي اللي فيها 4*4\مميزات كتير خاصه بالامان و السيطره مش موجوده الا في الفئات العاليه\لا يوجد في الفئه العاليه فتحه سقف

التيجو 1600

قناعتي: تويوتا راف زائد نفس مميزات التيريوس و تزيد عليها: ارخص من التيريوس\فانوس فوج بمقام فانوس الصني\قابليه طي المقاعد الخلفيه و رفعها تماما\مجهزه بالعوارض بتاعت السقف\طاره جلد\اعرض من التيريوس\شكل قوي اكتر من التيريوس\ممكن اتفاوض مع ابو الفتوح و لو هاشتريها اجيبها بفتحه سقف

اراء سلبيه: صيني صيني صيني (كلام الناس) زائد انها مانيوال مش اوتوماتك\اداء الموتور مش متناسب قوي مع العربيه\الاطار الخلفي معرض للخبطات في الركن\الاكصدام مقسوم اتنين جزء في العربيه و جزء في باب الشنطه

التيجو 2000

قناعتي: الاوتوماتك المتاح فقط في التيجو زائد فتحه سقف\ كان في عضو اشتراها بعد ما عمل مقارنه بالورقه و القلم ما بينها و بين التيريوس كمصاريف (ممكن ابقي اقتبس الرد ده لو حد عايز يشوفه)

اراء سلبيه: صيني صيني صيني صيني (كلام الناس) زائد كونها 2000 سي سي يعني فلوس ازيد في التراخيص و فلوس بنزين اكتر خصوصا جوا البلد

الجين تو

قناعتي: انا بحب العربيات الهاتش باك او ما شابهها لأنها بتدي مرونه في الاستخدام و بتسعف في اوقات معينه السيدان بتعجز فيها الا لو مركب ليها شبكه سقف\ ثبات وهمي و اداء ممتاز علي الطريق\فرامل abs و اير باجز\ سيستم صوت ممتاز و نقي\القيمه مقابل المدفوع فيها ممتاز\فلتر ال ifam عوض عجز الاوتوماتك منها\عربيه دكر لو صح التعبير

اراء سلبيه: ماليزي ماليزي (مرتين بس مش زي الصيني) \ كان في كلام علي الرفارف الخلفيه انها جزء واحد مع السقف و صعب سمكرتها في حاله خبطها في الحته دي, و الموضوع ده مش مطمئن لأني مش هنقي الخبطه هتكون فين\التابلوه مش مستساغ قوي بالنسبالي كشكل من جوه خصوصا بالنهار, انما باليل فشكله مع انوار التابلوه شيك جدا

نيسان صني الشكل الجديد

قناعتي: عربيه ممتازه\سعرها حلو\وكيلها حلو\قطع غيار متوفره\هيكون فيها abs و باقي الانظمه الحديثه

اراء سلبيه: صني دي عربيه مصري و غول بنزين (كلام الناس), انما بالنسبالي الشكل الجديد مش مبلوع قوي لأنه شبه اللانسر بوما\مش هحس بفرق في حاجه ولا كأني غيرت العربيه (و الناس اللي متعوده تغير هتتفهم النقطه دي تماما)

الشق التاني (عدم توافر الماديات او توجيهها لاتجاه اخر)


فيات بونتو كلاسيك

قناعتي: اداء حلو\ موفره في البنزين \ و كونها هاتش باك بيدي مرونه و اماكن و وضعيات ركن اكتر\ موتورها يناسب استخدام المدينه كونه بيطلع اقصي عزم عند عدد لفات قليله

اراء سلبيه: بطلت تنزل خلاص و شكلها اتوقفت و كنت عايزها زيرو

جيتز

قناعتي: اداء حلو\هاتش باك\فتحه السقف موجوده اكيد في احدي فئاتها\ عربيه من العربيات المميزه في عالم الهاتش باك في مصر

اراء سلبيه: غبور غبور غبور غبور غبور غبور غبور زائد احتمال ايقاف انتاجها و ده هينزل من قيمتها لما اجي اغيرها (الكلام ان ال i 20 هتكون خليفتها ) او هينزل من سعرها لما اجي اشتريها زيرو (ممكن العيب ده يتحول لميزه)

فابيا 1200 سي سي مستعمل

قناعتي: اللي ركب اسكودا هو اللي هيقدر ان الاسكودا عربيه ممتازه ممتازه, كونها موديل احدث من الفيليشيا فهيكون فيها من المميزات ما يكفيني

اراء سلبيه: مش محترف بيع و شرا و ممكن اخد حاجه مش ولا بد, التوكيل اتعاملت معاه مره او اتنين بالاسكودا فيليشيا و مكنش عند حسن ظني (بس للسبب ده اتعرفت علي ميكانيكي اسكودا ممتاز و كهربائي محترف و عفشجي نادر الوجود فمش هغلب في صيانتها للدرجه)

فيليشيا موديل 2000 او 2001

قناعتي: الموديل بتاع السنتين دول كان انجكشن مش كاربيراتير, و سقتها اكتر من مره فرق السما عن الارض في الاداء عن الكاربيراتير اللي كانت معايا

اراء سلبيه: خشونه صوتها (الحل كان في تغيير سير الكاتينه بس بعت عربيتي قبل ما اجرب الموضوع ده) تقل الدركسيون (هو مش باور اه بس لو اتعمله سيرفس ممتاز بيكون خفيف) سخونه دوره التبريد (عالجت المشكله دي بتغيير الرادياتير و مراجعه دوره المياه و استخدام مياه خضراء و تغيير الترموستات بواحده اقل)

بعد كده ممكن العربيات ال 1100 سي سي


شيري qq :

قناعتي: هي هي الماتيز بس زيروو الماتيز كلام ملاكها عنها حلو و ممتاز \ القطعه اللي مش عاجبني ممكن ابدلها بحاجه الماتيز او السبارك\ثبات معقول\استهلاك البنزين زي اي عربيه 1100 سي سي فوق الممتاز\اسعار قطع غيار الشيري تضحك

اراء سلبيه: صيني صيني صيني صيني

اسبارك i 10

قناعتي: مكره اخاكم

اراء سلبيه: سعر لايتوازي مع العربيه\ يعتبرو ميني هاتش باك

سبيرانزا a113

قناعتي: عربيه مش بطاله\ابو الفتوح حالف علي الاسبيرانزا من بعد ما اتاخد منه توكيل بي ام و ده راجل عارف يرضي العميل ازاي

اراء سلبيه: عضه الفتيس\عفشه ناشفه شويه\ تكييف مش قوي (ممكن استخدام افلام 3m و ساعتها التكييف هيكون جبار متنسوش تكلفه العربيه رخيصه فممكن يتصرف عليها شويه) و نسيت طبعا اقول صيني صيني صيني صيني

باقي الاختيارات او المقترحات مستنيها منكم و النقاش مفتوح
بس في كام عربيه مش هتنفع معايا
لانسر بومه- دايهاتسو سيريون- سوزوكي ماروتي-سوزوكي التو-شيفروليه اوبترا

[mohamed10]

انا متفق مع رايك فى التريوس لانها عربية جميلة من حيث الاتساع والرؤية الجيدة اثناء القيادة ويتفق معها ايضا نيسان تيدا ونصيحة خليك فى اليابانى احسن حاجة بسبب سعر اعادة البيع مع سهولة البيع

[HOSSAM_GABRE]

انا من رايى الشخصى ان حضرتك يا دكتور امير لازم الاول تقولنا عايز تغير الصنى ليه
علشان لو فيه عيوب معينه واجهتك نرشح لحضرتك عربية تانية ما تكونشى فيها عيوب الصنى
الا بقى لو حضرتك عايز تغير لمجرد التغيير

[د.أحمد السعيد]

أخى الفاضل د /أمير
تحياتى ليك و للاعضاء الافاضل


أولا وقبل اى شىء اسمحلى اتكلم معاك كأنى بفكر بصوت عالى مع نفسى :

*انا مفكرتش ابدا اغير عربيه طالما ماشيه معايا و زى الفل و مشتكتش منها و قاضيه لى مصالح لان تغيير العربيه فيه خسارتين الاول فى نزول سعر العربيه اللى انا هبيعها عن التمن الللى اشتريتها بيه . و التانيه طبعا فى المبلغ اللى هيتزود علشان تجيب جديد ( اذا كنت هتجيب)

*ممكن افكر اغير العربيه علشان اجيب امكانيات اعلى و رفاهيات اما بالنسبه للامكانيات فلا اظن ان شوارع مصر تستوعب امكانيات اعلى من ال 128 واما بالنسبه للرفاهيات فدى ازواق و اظن اى حاجه ممكن تتركب على اى عربيه و بالنسبه لشكل اى عربيه فعمرها ما فرقت معايا لانى لما بشترى عربيه بتعود على شكلها و بتحلى فى عينى. و عموما فكرة التغيير كامكانيات و رفاهيات مرفوضه شكلا و موضوعا و محتاجه فرق سعر كبير و اظن اللى متجوز زى حالاتى و عنده طفلتين وراه بنود لا تنتهى من الطلبات فما بالك باللى متجوزش لسه !!! اكيد وراه بيت كامل عايز يأسسه . ( انا غيرت النوبيرا الاوتوماتيك بعد ما طلعت عينى و غيرت الفتيس مره و بعد كده لاقيت العربيه هتطلب فتيس تانى .......)


*لما فكرت هجيب ايه لاقيت الناس بتقوللى لو عايز ترتاح اركب كورى او يابانى طيب ما الكورى طلع عينى بقى مقدميش غير اليابانى و ان فاتك اليابانى..... هتتعب تانى. معلش برده ده رأيى لان قلبى مش جامد انى ادفع مبلغ فى حاجه اجربها زى الصينى مثلا ( مع الاعتذار لاصحاب الصينى اللى قلوبهم حديد )

قلت لنفسى اجيب لانسر مستعمل 2007 مثلا و انا برده مش حابب اللانسر زى سيادتك . لاقيتها بحاجه و ستين الف قلت كوروللا 2004 لقيتها تعدى ال خمسه و سبعين ......قلت حرام اشترى مستعمل بالمبلغ ده و اشترى مشاكل غيرى!!

اخيرا ربنا هدانى للصنى و قلت تزويده على ال خمسه و سبعين و ربنا دبرها من عنده و جبت الاوتوماتيك على 88000 وعلى فكره العربيه ال 1600 معقوله لو بتسافر على الطريق كتير و اظن لو مليش سفريات كنت هفكر فى ال 1300 و عمرى ما هفكر فى ال 1600 اما بالنسبه لل 1100 فلا اظن انها عمليه لانك لو حبيت تروح بيها مشوار فسحه و لا سفريه هتلاقيها مش عمليه و هتندم عليها .



و اخيرا اخى الفاضل ربنا يوفقك الى ما يحب و يرضى و ده رايى ....


سبحانك اللهم وبحمدك ، أشهد أن لا إله إلا أنت أستغفرك وأتوب إليك

[AhmadKamal]

السلام عليكم و رحمه الله

اخواني و حبايبي ملاك الصني
احلي تحيه و سلام علي الناس المحترمه اللي فعلا مشفتش زيكم في اقسام تانيه في التعاون و الاحترام المتبادل
كوكبه من الناس تألقت في قسم النيسان في المنتدي
من اول سبعاوي من ايام القسم الاولي لحد اجدد عضو معانا
انا بفكر الفتره اللي جايه اغير العربيه
ايوه بفكر اغير الصني
مش لمشاكل الحمد لله بس تجديد بقي
و نظرا لعدم التيقن من الحاله الماديه و وضعي المادي ففي شقين للتفكير

1- الاول لو الحاله الماديه تسمح

2- التاني لو حبيت اوفر الفلوس المتاحه و استخدمها في مجال تاني غير عربيه اركبها

و طبعا كل اتجاه و ليه عربياته و مميزاته و عيوبه بالنسبه للناس كلها و بالنسبالي شخصيا
فحبيت تشاركوني النقاش في الموضوع ده
و اكيد كلامكم هيؤخذ في الحسبان و هيساعدني كتير في اتخاذ القرار
بس ليا رجاء خاص بجد
اللي هيرد في الموضوع ده يرد رد كامل
يعني بلاش حد يدخل يقول العربيه دي لأ او يأيد عربيه فقط دون ابداء اسبابه حتي لو اسبابه دي انها تكون عاجباه كشكل او مش طايقها كشكل!!

انا محتاج ناس اناقشها مش مجرد ماركه عربيه تتحط قدامي

نرجع بقي للشقين و استحملوني شويه علشان دماغي دي مش سهله فيما يخص العربيه ولازم اكون واخد القرار مبني علي عوامل محدده و هتشوفو بنفسكم اني مش سهل في اي حاجه بشتريها, بمعني اني لازم اكون مقتنع 100% باسبابي و ممكن اعند مع الكل بس اسبابي تكون مقنعه ليا فده كفايه لاتخاذ القرار

اولا الشق الاول (توافر الماديات)

التيريوس 1500 اوتوماتك

قناعتي: عربيه شكلها حلو\عاليه عن الارض\متعدده الاستخدام مش محصوره زي السيدان\رؤيه واضحه و كشف الطريق بصوره ممتازه

اراء سلبيه: سحب مش ممتاز\مخاوف الانقلاب في حاله انفجار اطار علي سرعات عاليه\استهلاك بنزين\غلو قطع الغيار\كونها all wheel drive و الفئه العاليه بس هي اللي فيها 4*4\مميزات كتير خاصه بالامان و السيطره مش موجوده الا في الفئات العاليه\لا يوجد في الفئه العاليه فتحه سقف
Terioes is an unstable car, I used to have one @ Alexandria, specially @ high speeds, it is really unstable if compared to the Sunny.

التيجو 1600

قناعتي: تويوتا راف زائد نفس مميزات التيريوس و تزيد عليها: ارخص من التيريوس\فانوس فوج بمقام فانوس الصني\قابليه طي المقاعد الخلفيه و رفعها تماما\مجهزه بالعوارض بتاعت السقف\طاره جلد\اعرض من التيريوس\شكل قوي اكتر من التيريوس\ممكن اتفاوض مع ابو الفتوح و لو هاشتريها اجيبها بفتحه سقف

اراء سلبيه: صيني صيني صيني (كلام الناس) زائد انها مانيوال مش اوتوماتك\اداء الموتور مش متناسب قوي مع العربيه\الاطار الخلفي معرض للخبطات في الركن\الاكصدام مقسوم اتنين جزء في العربيه و جزء في باب الشنطه

Chinease cars cannot be compared to the Sunny, for many reasons , one of them is the resell value and the car's performance, totally, and also the relaibility of the car.

التيجو 2000

قناعتي: الاوتوماتك المتاح فقط في التيجو زائد فتحه سقف\ كان في عضو اشتراها بعد ما عمل مقارنه بالورقه و القلم ما بينها و بين التيريوس كمصاريف (ممكن ابقي اقتبس الرد ده لو حد عايز يشوفه)

اراء سلبيه: صيني صيني صيني صيني (كلام الناس) زائد كونها 2000 سي سي يعني فلوس ازيد في التراخيص و فلوس بنزين اكتر خصوصا جوا البلد
Same as 1.6

الجين تو

قناعتي: انا بحب العربيات الهاتش باك او ما شابهها لأنها بتدي مرونه في الاستخدام و بتسعف في اوقات معينه السيدان بتعجز فيها الا لو مركب ليها شبكه سقف\ ثبات وهمي و اداء ممتاز علي الطريق\فرامل abs و اير باجز\ سيستم صوت ممتاز و نقي\القيمه مقابل المدفوع فيها ممتاز\فلتر ال ifam عوض عجز الاوتوماتك منها\عربيه دكر لو صح التعبير

اراء سلبيه: ماليزي ماليزي (مرتين بس مش زي الصيني) \ كان في كلام علي الرفارف الخلفيه انها جزء واحد مع السقف و صعب سمكرتها في حاله خبطها في الحته دي, و الموضوع ده مش مطمئن لأني مش هنقي الخبطه هتكون فين\التابلوه مش مستساغ قوي بالنسبالي كشكل من جوه خصوصا بالنهار, انما باليل فشكله مع انوار التابلوه شيك جدا
Very Good car, but do U think they are from the same category, I mean if the Gen 2 is Ok for your requirments, then ask yourself a question about the history of Proton compared to that of Nissan.

نيسان صني الشكل الجديد

From my point of view, the car's life time is minimum of 5 years, I think yours now is 3 years old, I think U can wait for another couple of years.
قناعتي: عربيه ممتازه\سعرها حلو\وكيلها حلو\قطع غيار متوفره\هيكون فيها abs و باقي الانظمه الحديثه

اراء سلبيه: صني دي عربيه مصري و غول بنزين (كلام الناس), انما بالنسبالي الشكل الجديد مش مبلوع قوي لأنه شبه اللانسر بوما\مش هحس بفرق في حاجه ولا كأني غيرت العربيه (و الناس اللي متعوده تغير هتتفهم النقطه دي تماما)
Gasoline consumption issue is bull shit

الشق التاني (عدم توافر الماديات او توجيهها لاتجاه اخر)

فيات بونتو كلاسيك

قناعتي: اداء حلو\ موفره في البنزين \ و كونها هاتش باك بيدي مرونه و اماكن و وضعيات ركن اكتر\ موتورها يناسب استخدام المدينه كونه بيطلع اقصي عزم عند عدد لفات قليله

اراء سلبيه: بطلت تنزل خلاص و شكلها اتوقفت و كنت عايزها زيرو

جيتز

قناعتي: اداء حلو\هاتش باك\فتحه السقف موجوده اكيد في احدي فئاتها\ عربيه من العربيات المميزه في عالم الهاتش باك في مصر

اراء سلبيه: غبور غبور غبور غبور غبور غبور غبور زائد احتمال ايقاف انتاجها و ده هينزل من قيمتها لما اجي اغيرها (الكلام ان ال i 20 هتكون خليفتها ) او هينزل من سعرها لما اجي اشتريها زيرو (ممكن العيب ده يتحول لميزه)

فابيا 1200 سي سي مستعمل

قناعتي: اللي ركب اسكودا هو اللي هيقدر ان الاسكودا عربيه ممتازه ممتازه, كونها موديل احدث من الفيليشيا فهيكون فيها من المميزات ما يكفيني

اراء سلبيه: مش محترف بيع و شرا و ممكن اخد حاجه مش ولا بد, التوكيل اتعاملت معاه مره او اتنين بالاسكودا فيليشيا و مكنش عند حسن ظني (بس للسبب ده اتعرفت علي ميكانيكي اسكودا ممتاز و كهربائي محترف و عفشجي نادر الوجود فمش هغلب في صيانتها للدرجه)

فيليشيا موديل 2000 او 2001

قناعتي: الموديل بتاع السنتين دول كان انجكشن مش كاربيراتير, و سقتها اكتر من مره فرق السما عن الارض في الاداء عن الكاربيراتير اللي كانت معايا

اراء سلبيه: خشونه صوتها (الحل كان في تغيير سير الكاتينه بس بعت عربيتي قبل ما اجرب الموضوع ده) تقل الدركسيون (هو مش باور اه بس لو اتعمله سيرفس ممتاز بيكون خفيف) سخونه دوره التبريد (عالجت المشكله دي بتغيير الرادياتير و مراجعه دوره المياه و استخدام مياه خضراء و تغيير الترموستات بواحده اقل)

بعد كده ممكن العربيات ال 1100 سي سي

شيري qq :

قناعتي: هي هي الماتيز بس زيروو الماتيز كلام ملاكها عنها حلو و ممتاز \ القطعه اللي مش عاجبني ممكن ابدلها بحاجه الماتيز او السبارك\ثبات معقول\استهلاك البنزين زي اي عربيه 1100 سي سي فوق الممتاز\اسعار قطع غيار الشيري تضحك

اراء سلبيه: صيني صيني صيني صيني

اسبارك i 10

قناعتي: مكره اخاكم

اراء سلبيه: سعر لايتوازي مع العربيه\ يعتبرو ميني هاتش باك

سبيرانزا a113

قناعتي: عربيه مش بطاله\ابو الفتوح حالف علي الاسبيرانزا من بعد ما اتاخد منه توكيل بي ام و ده راجل عارف يرضي العميل ازاي

اراء سلبيه: عضه الفتيس\عفشه ناشفه شويه\ تكييف مش قوي (ممكن استخدام افلام 3m و ساعتها التكييف هيكون جبار متنسوش تكلفه العربيه رخيصه فممكن يتصرف عليها شويه) و نسيت طبعا اقول صيني صيني صيني صيني

باقي الاختيارات او المقترحات مستنيها منكم و النقاش مفتوح
بس في كام عربيه مش هتنفع معايا
لانسر بومه- دايهاتسو سيريون- سوزوكي ماروتي-سوزوكي التو-شيفروليه اوبترا

Dr. Amir,

about a year ago, I spent 3 months in a country called Trinidad and Tobaggo, It is full of mountains and hills, and their popular cars there is Nissan Almera, which is known in Egypt as Sunny

I asked some peopel there about this , I was told they prefer it for its strong engine, and cheap spare parts compared to other Japanese cars, as Toyota corolla and Lancer and even Honda,it is the only car that can reach without any problems highest place there with lower gasoline consumption and its spare parts life time is higher than others.

I know that many people think that the Sunny's shape is very old and ugly, but in fact, it is a very good car


Actually

It saved my life once and I know that if I were driving another car, I would have been now not writing to You.


My recommendations to U is to think again about the changing issue, as U said U have no complains from it,

I is the most Japanese car suitable for our small and bad roads in Egypt


N.B.: I am @ home, so forgive me for writing in arabic, I do not have here arabic version of the windows


Thank You




Cheers

[amir]

انا متفق مع رايك فى التريوس لانها عربية جميلة من حيث الاتساع والرؤية الجيدة اثناء القيادة ويتفق معها ايضا نيسان تيدا ونصيحة خليك فى اليابانى احسن حاجة بسبب سعر اعادة البيع مع سهولة البيع

رأيك يحترم

انا من رايى الشخصى ان حضرتك يا دكتور امير لازم الاول تقولنا عايز تغير الصنى ليه
علشان لو فيه عيوب معينه واجهتك نرشح لحضرتك عربية تانية ما تكونشى فيها عيوب الصنى
الا بقى لو حضرتك عايز تغير لمجرد التغيير

اولا بلاش رسميات احنا اخوات
ثانيا عيوب ايه بس ده انا معملتش الموضوع ده الا في قسم الصني علشان معسكرات التعذيب المفتوحه للصني بره قسم الصني متقولش الكلمه دي و كمان ده انا حاطط الصني الشكل الجديد في دايره التفكير و كاتب رأي و قناعتي و الاراء السلبيه حوالين الموضوع
و برضو خد بالك اني مش الفت التت و اذكي واحد في الكون و مكتشف عيب الصني الخطير و عايز ازقها و اخلص منها
الصني عربيه حلوه و سعرها مناسب و ادائها يعتمد عليه لسنين طويله

أخى الفاضل د /أمير
تحياتى ليك و للاعضاء الافاضل

اخوك اه فاضل دي كتير عليا و الله احرجتني و يارب اكون عند حسن ظنكم بيا

أولا وقبل اى شىء اسمحلى اتكلم معاك كأنى بفكر بصوت عالى مع نفسى :
*انا مفكرتش ابدا اغير عربيه طالما ماشيه معايا و زى الفل و مشتكتش منها و قاضيه لى مصالح لان تغيير العربيه فيه خسارتين الاول فى نزول سعر العربيه اللى انا هبيعها عن التمن الللى اشتريتها بيه . و التانيه طبعا فى المبلغ اللى هيتزود علشان تجيب جديد ( اذا كنت هتجيب)

*ممكن افكر اغير العربيه علشان اجيب امكانيات اعلى و رفاهيات اما بالنسبه للامكانيات فلا اظن ان شوارع مصر تستوعب امكانيات اعلى من ال 128 واما بالنسبه للرفاهيات فدى ازواق و اظن اى حاجه ممكن تتركب على اى عربيه و بالنسبه لشكل اى عربيه فعمرها ما فرقت معايا لانى لما بشترى عربيه بتعود على شكلها و بتحلى فى عينى. و عموما فكرة التغيير كامكانيات و رفاهيات مرفوضه شكلا و موضوعا و محتاجه فرق سعر كبير و اظن اللى متجوز زى حالاتى و عنده طفلتين وراه بنود لا تنتهى من الطلبات فما بالك باللى متجوزش لسه !!! اكيد وراه بيت كامل عايز يأسسه . ( انا غيرت النوبيرا الاوتوماتيك بعد ما طلعت عينى و غيرت الفتيس مره و بعد كده لاقيت العربيه هتطلب فتيس تانى .......)

اسمحلك طبعا و مرحب بكل رأي و احترمه
ده انا عامل الموضوع ده علشان افكر معاكم و تساعدوني في الاختيار
و كلامك صح 100 100 خصوصا موضوع الجواز و بدء الحياه
و علشان كده لو اخدت بالك انا حاطط خيارات رخيصه سواء من ناحيه الفلوس كتمن للعربيه او حتي البنزين
و الكلام هنا برضو للاخ حسام (لو شاري الصني اكتبها في الملف الشخصي لو بتفكر قولنا و نفكر معاك)
انا دكتور اسنان
طبعا تكاليف عياده الاسنان حاجه مش سهله و ممكن تسحب فلوس اكتر من اللي متاح حاليا
فلو اضطريت هيكون التفكير في البدائل اللي تديني عربيه كويسه فتره من زمن لغايه ما اقدر اشتري حاجه من اللي في بالي
و لو ربنا كرمني الفتره الجايه هيكون التغيير من اجل التغيير, انا في يوم من الايام كنت ناوي ابقي علي الفيليشا طول العمر , و لما بعتها جزء الولاء لعربيه معينه معادش موجود, بس طبعا في عشره بيني و بين الصني بس انا بعشق العربيات الهاتش باك و للاسف مش عارف انسجم مع السيدان زي ما كنت مع الفيليشيا
و كلامك يا دكتور صح 100 100 و ده اللي مخليني مش عارف احسم حاجه هل احتفظ بالصني لغايه ما ادوبها ولا خليني في حاجه تانيه و استفيد من فرق السعر (الكلام ده لو اضطريت ماديا)
خصوصا ان النهارده العربيه زي الفل بس هل مقدرلي بحادثه او خبطه تجيب تمنها الارض؟!!
و ارجع للاخ حسام:
اطمن الصني عربيه كويسه و سعرها مناسب و عربيه تعتمد عليها
بس خد بالك من كلامي اللي في اول الموضوع
انا كان معايا فيليشيا و كنت بموت فيها
و لما بعتها كنت بدور علي حاجه تريحني و تكون اوتوماتك و تكييفها ممتاز
فكرت ساعتها في النوبيرا بس الاوتوماتك بتاعها مش قد كده
فكرت في الاوبترا بس قولت هيا هيا النوبيرا يبقي اجيب نوبيرا احسن و ابقي وفرت و كده كده الحاجات اللي عايزها هتكون موجوده من زجاج كهربا و باور و تكييف و شنطه واسعه....
الوالد الله يرحمه كان بيفكرلي في الصني او الماتريكس
انا مش بطيق الماتريكس بس كانت عجباني كعربيه عاليه كقعده و كشف طريق و اناره ممتده
فلما ربنا اراد و بعت الفيليشيا كنت بوازن ما بين بونتو كلاسيك (اللي جرب هاتش باك بيعشقه تماما) زيرو بس كان سعرها 75 الف (و علي فكره لما سعرها نزل ل 65 كنت هتجنن عليها و نويت ابيع الصني و اشتري البونتو بس محصلش نصيب)
قلت في بالي ما ب 75 الف دول اركب نوبيرا و ازود الفين
لقيت النوبيرا اصلا بدأت تختفي من السوق
قلت طيب ما اشوف الصني
و دخلت المنتدي هنا
و ليا مشاركه زمان لما كنت بتحايل علي الاعضاء يكتبو استهلاك البنزين بتاع الاوتوماتك بتاعها و كان سبعاوي بس هو اللي كاتب لها استهلاك فقط و باقي ملاك الصني ولا هنا خالص, حتي كتبت مره اني لو ربنا قدرني و جبت الصني هكون في خدمه اي حد يسأل عليها, و الحمد لله اديني قدرت اوفي عهد خدته علي نفسي
و جه اليوم الموعود
و من الوسيط لقيت اللون اللي كنت عايزه عليها (خفت من الاسود علشان دايما العيال في الشارع بتخربشه كنوع من انواع المرح) و لقيتها لسه يادوبك 25200 كيلو و نبيتي كمان
رحت كشفت في التوكيل و ربنا كرمني الحمد لله
و عايز اقولكو ان لحد النهارده ده مجرد تفكير بصوت عالي مع اصحاب الصني لأنهم هيبقو فاهمين انا ببيع ايه و ليه
و مين عارف الخير فين و ربنا يكرمنا و يوفقنا جميعا
و ياريت الاعضاء يناقشوني

[amir]

dr. Amir,

about a year ago, i spent 3 months in a country called trinidad and tobaggo, it is full of mountains and hills, and their popular cars there is nissan almera, which is known in egypt as sunny

i asked some peopel there about this , i was told they prefer it for its strong engine, and cheap spare parts compared to other japanese cars, as toyota corolla and lancer and even honda,it is the only car that can reach without any problems highest place there with lower gasoline consumption and its spare parts life time is higher than others.

I know that many people think that the sunny's shape is very old and ugly, but in fact, it is a very good car


actually

it saved my life once and i know that if i were driving another car, i would have been now not writing to you.


My recommendations to u is to think again about the changing issue, as u said u have no complains from it,

i is the most japanese car suitable for our small and bad roads in egypt

n.b.: I am @ home, so forgive me for writing in arabic, i do not have here arabic version of the windows
thank you
cheers

مشكور يا ابو حميد و الحمد لله علي الناس الحلوه اللي الواحد عرفها من خلال المنتدي
يمكن موضوع سنتين كمان يكون هو الحل الامثل بس مين عارف
و لو حبيت ممكن اترجم مشاركتك دي للعربي لو حبيت الناس كلها تعرف الصني بتعامل ازاي بره المحروسه
و بخصوص استهلاك البنزين فتفتكر مين اللي عامل الموضوع ده؟؟؟؟

http://www.nilemotors.net/Nile/62667-a.html

[AhmadKamal]

Dr. Amir,
once again, U r most welcome anytime

N.B.: There was a feeling of proud and happy come to me when I saw cars like mine performing very good in Trinidad and Tobaggo, and they are beating other cars, that the Egyptian market is the only market respecting them, specially when it comes to fuel consumption and engin performance

Good luck to You, but from my point of view, if U change your car, and U do not like fast driving, go for the Tiida or the Bluebird Sylfy, Nissan also,

I really like this brand

Couple of days before, I convinced someone @ work to buy a Tiida and I asked Ahmad Almokadem from Auto Egypt about its price, he gave me a great offer, 111,000 EGP for the lower A/T and he said for the Sylfy 2009, 129,000EGp, I thought to sell the Sunny and buy a Sylfy, then I excluded the idea and continue in my plans to change in 2012 ISA if I live till that time

Thank You and I really wish U good luck


Cheers

[amir]

متفهم وجهه نظرك و مقدرها و الله
بس ياريت باقي ملاك الصني يدلو بدلوهم في النقاش
ساعات الواحد لما تعجبه عربيه يحب بس يتكلم عنها و كأنه هيشتريها
و برضو ادينا بنتكلم و ندردش شويه
باقي الاقسام مليانه مواضيع
و القسم عندنا كل فين و فين لما حد يشتكي او يسئل سؤال

[HOSSAM_GABRE]

انا ان شاء الله قدامى من شهرين الى 3 شهور
خياراتى معتمدة على الفلوس ان شاء الله اللى حتكون متوفرة معايا فى الوقت ده
لو انا فعلا ما قدرتش اجمع غير من 95 الى 100 الف يبقى نيسان بلا تفكير وخصوصا ان انا قريب جدا من العربية وشبه حافظها
قدرت ازود شوية يبقى بفكر بين عربيتن السيراتو ام 116 الف او الفلوانس 125 الف
طبعا دى فئات تانية غير النيسان واعلى اكتر فى السعر
اللى مضايقنى بس ارتفاع سعر النيسان ( انا شوفت فى الجورنال ان السوبر صالون بقت ب 106 الف بس لسه فى المعارض 102 الف ) بس اعتقد ان السعر حيريح تانى فى الفترة القادمة وخصوصا ان المنافسة فى السوق بقت عالية جدا
طبعا لو حضرتك ملاحظ انا كل خياراتى اساسى فيها معاملات الامان ( abs & ebd & 2airbags ) دول اساسيات بالنسبة لى
عموما انا يشرفنى ان ناس متفتحة زى حضراتكم يفكروا معايا

[AhmadKamal]

انا ان شاء الله قدامى من شهرين الى 3 شهور
خياراتى معتمدة على الفلوس ان شاء الله اللى حتكون متوفرة معايا فى الوقت ده
لو انا فعلا ما قدرتش اجمع غير من 95 الى 100 الف يبقى نيسان بلا تفكير وخصوصا ان انا قريب جدا من العربية وشبه حافظها
قدرت ازود شوية يبقى بفكر بين عربيتن السيراتو ام 116 الف او الفلوانس 125 الف
طبعا دى فئات تانية غير النيسان واعلى اكتر فى السعر
اللى مضايقنى بس ارتفاع سعر النيسان ( انا شوفت فى الجورنال ان السوبر صالون بقت ب 106 الف بس لسه فى المعارض 102 الف ) بس اعتقد ان السعر حيريح تانى فى الفترة القادمة وخصوصا ان المنافسة فى السوق بقت عالية جدا
طبعا لو حضرتك ملاحظ انا كل خياراتى اساسى فيها معاملات الامان ( abs & ebd & 2airbags ) دول اساسيات بالنسبة لى
عموما انا يشرفنى ان ناس متفتحة زى حضراتكم يفكروا معايا

السلام عليكم

من وجهة نظري السيراتو لسة مظهرتش مشاكلها و هي خاصة بالعفشة و الثبات علي السرعات

الرينو سيارة جامدة جدا لكن نسي التكييف وسعر اعادة البيع

تحياتي

أحمد كمال

[HOSSAM_GABRE]

السلام عليكم

من وجهة نظري السيراتو لسة مظهرتش مشاكلها و هي خاصة بالعفشة و الثبات علي السرعات

الرينو سيارة جامدة جدا لكن نسي التكييف وسعر اعادة البيع

تحياتي

أحمد كمال

غلى العموم انا فى الانتظار لمدة شهرين او تلاته
انا مش مستعجل وما زلت بدرس اكتر واكتر
دى عربية بتحويشة العمر مش حاجة سهله وانا فى الاول والاخر موظف يعنى مش بتيجى بالساهل ابدا
الفلونس اعتقد حتعمل طفرة والاقبال عليها شديد جدا بس فعلا ما اتجربتشى ومش عارفين فيها مشاكل الميجان ولا لا , بس اعتقد ان وضع رينو فى السوق حيتغير وخصوصا مع انتشار اللوجان ( مع الفارق طبعا ) والرينو والنيسان مدرسة واحدة بردو
والسيراتو انتشارها رهيب بس ما تتركبشى اقل من الفئة اللى ب 116 الف sx
والصنى بنت ناس ومحترمة وداخله قلبى قوى بصراحة بحس كده ان متانة العربية واعتماديتها عالية
والف شكر ليك يا استاذ احمد
انا بحس ان الناس فى قسم النيسان محترمة جدا وحيادية غير باقى الاقسام للاسف بيكونوا متحيزين لعربياتهم بشكل فظيع .

[hany_mohamed]

السلام عليكم دكتور امير
ارشح ليك النيسان صنى الجديدة السوبر علشان اكثر من سبب
اولا انها تتميز بالعفشة الرياضية و دى طبعا مهمة لشوارعنا فى مصر
ثانيا بسبب قانون السواقة الغالب فى مصر "اللى عاوز حاجة يعملها" فعنصر الامان هو الاساس الذى تنظر فيه لاى سيارة واعتقد ان الكلام عن النيسان وخاصة الصنى فى معدلات امانها محترمة
ثالثا انا معك فى تحديث موديل السيارة فالفرق الذى ستدفعة مش كبير بين سيارتك الحالية والجديدة فهذا يمثل الحفاظ على استثمارك


وفى حالة مقارنتك باى سيارة اخرى ارشح لك تأجير سيارة من نفس الموديل
لمدة اسبوع مثلا وقارن وشوف.

وبرغم انى زعلان من دكاترة الاسنان الا اننا اذا اتقابلنا فى عيد ميلاد المنتدى ان شاء الله يوم 23-4-2010 فى المعمورة
فسيارتى السوبر صالون تحت امرك طوال اليوم تجربها بنفسك

.

[م.محمد علاء]

السلام عليكم

من وجهة نظري السيراتو لسة مظهرتش مشاكلها و هي خاصة بالعفشة و الثبات علي السرعات

الرينو سيارة جامدة جدا لكن نسي التكييف وسعر اعادة البيع

تحياتي

أحمد كمال

أخيرا حضرتك عملت مداخله بالعربى؟؟
شوف يا دكتور أمير..بالنسبه لرأى الشخصى...مش عارف حضرتك ليه إستبعدتها..يمكن عشان فكرة الماديات..
انا لو حغير الصنى....حجيب التويوتا...
لانها النقلة التانيه..فعلا..
سواء ماديه او رفاهيه.
هى فعلا البديل الأعلى رفاهيه فى بعد الصنى

[khela]

راى الشخصى المتواضع انا مغيرش الصنى الى فى حالتين اما انها تكون عملت حادثة او فيها عيب مضايقنى او ان امورى المادية اتحسنت واقدر اعلى بمستوى تانى من العربيات
فى الحاله الاولى حجيب صنى زيرو برضه
فى الحالة التانية حجيب اوكتافيا a5 (فانتازيا حاليا)