ملاك الصني الكرام ممكن ارائكم؟؟

[amir]

أخيرا حضرتك عملت مداخله بالعربى؟؟
شوف يا دكتور أمير..بالنسبه لرأى الشخصى...مش عارف حضرتك ليه إستبعدتها..يمكن عشان فكرة الماديات..
انا لو حغير الصنى....حجيب التويوتا...
لانها النقلة التانيه..فعلا..
سواء ماديه او رفاهيه.
هى فعلا البديل الأعلى رفاهيه فى بعد الصنى

يا جماعه التويوتا علي عيني و راسي بس العربيات زي حاجات كتير قوي اذواق
و انا شرحت شرح مطول تفكيري عامل ازاي

[amir]

راى الشخصى المتواضع انا مغيرش الصنى الى فى حالتين اما انها تكون عملت حادثة او فيها عيب مضايقنى او ان امورى المادية اتحسنت واقدر اعلى بمستوى تانى من العربيات
فى الحاله الاولى حجيب صنى زيرو برضه
فى الحالة التانية حجيب اوكتافيا a5 (فانتازيا حاليا)

رأيك يحترم بس الحمد لله العربيه معملتش حادثه ولا فيها عيب مضايقني
و خد بالك اني في اول الموضوع جبت سيره الصني برضو
بس انا لغايه النهارده كده ابقي سايق العربيات التاليه فترات طويله مش تجربه سواقه يعني:
بيجو 305
اكسنت1500
ريو 2003
فيليشيا 98
لانسر 1600 بومه
ماتريكس 2005
و جربت سواقه العربيات دي:
جين تو 2008-2009 اوتوماتك و مانيوال
لانوس قديم
سيفيا
بيتلز قديم
ميني فابيا سبورت
لانسر سام

و صدقوني كل عربيه و ليها طعم و جمال

[amir]

السلام عليكم دكتور امير
ارشح ليك النيسان صنى الجديدة السوبر علشان اكثر من سبب
اولا انها تتميز بالعفشة الرياضية و دى طبعا مهمة لشوارعنا فى مصر
ثانيا بسبب قانون السواقة الغالب فى مصر "اللى عاوز حاجة يعملها" فعنصر الامان هو الاساس الذى تنظر فيه لاى سيارة واعتقد ان الكلام عن النيسان وخاصة الصنى فى معدلات امانها محترمة
ثالثا انا معك فى تحديث موديل السيارة فالفرق الذى ستدفعة مش كبير بين سيارتك الحالية والجديدة فهذا يمثل الحفاظ على استثمارك


وفى حالة مقارنتك باى سيارة اخرى ارشح لك تأجير سيارة من نفس الموديل
لمدة اسبوع مثلا وقارن وشوف.

وبرغم انى زعلان من دكاترة الاسنان الا اننا اذا اتقابلنا فى عيد ميلاد المنتدى ان شاء الله يوم 23-4-2010 فى المعمورة
فسيارتى السوبر صالون تحت امرك طوال اليوم تجربها بنفسك

.

شوارعنا في مصر بصراحه ربنا عايزه حته لادا نيفا و تدوس علي خلق الله!!!
و علشان ارض مصر الحلوه فالتيجو و التيريوس في دماغي
انما بخصوص عفشه السوبر صالون و مناسبتها لشوارع المحروسه فانا الحمد لله معنديش مشاكل مع العفشه بس بتصعب عليا العربيه و انا صبح و ليل معدي علي حفر و بلاعات و اللي بيمشي في مصطفي النحاس مكرم عبيد اوتوستراد المنيل القصر العيني فلنكات اكتوبر عارف كويس الطرق دي عامله ازاي غير بقي باقي المشاوير المتنطوره علي ارضنا الحبيبه
و كويس انك قدرت موضوع تحديث الموديل اللي الناس مش واخده بالها منه قوي في حالتي و لو ان العربيه مش المكان المناسب اني استثمر فيها في بلدنا بس برضو اهي قيمه مختزنه في العربيه و في اي وقت تتباع و تجيب فلوس و كونها بقت شكل قديم فده اثر علي سعرها اكيد في السوق "مع ان الشكل المسمي جديد مش تجديد غير في الفوانيس و الشبكه بس اهو تجديد خلي الناس اللي بتتكلم عن الصني ان بقالها سنين علي نفس الشكل و مسمعناش منهم كلمه علي اللانسر بومه ولا اللانوس !!!"
و بعدين مين بس اللي مزعلك دكاتره السنان كلهم؟!!!
طب انا زعلتك في حاجه؟!!!!
شرفني بس في العياده مره واحده و بعدين تبقي تحكم عليا
و ربنا يسهل و ان شاء الله اقدر اجي المقابله اللي هتكون اول مره ليا اتشرف بيكم و كان نفسي اجي من زمان بس كل مره الظروف تحكم

[amir]

غلى العموم انا فى الانتظار لمدة شهرين او تلاته
انا مش مستعجل وما زلت بدرس اكتر واكتر
دى عربية بتحويشة العمر مش حاجة سهله وانا فى الاول والاخر موظف يعنى مش بتيجى بالساهل ابدا
الفلونس اعتقد حتعمل طفرة والاقبال عليها شديد جدا بس فعلا ما اتجربتشى ومش عارفين فيها مشاكل الميجان ولا لا , بس اعتقد ان وضع رينو فى السوق حيتغير وخصوصا مع انتشار اللوجان ( مع الفارق طبعا ) والرينو والنيسان مدرسة واحدة بردو
والسيراتو انتشارها رهيب بس ما تتركبشى اقل من الفئة اللى ب 116 الف sx
والصنى بنت ناس ومحترمة وداخله قلبى قوى بصراحة بحس كده ان متانة العربية واعتماديتها عالية
والف شكر ليك يا استاذ احمد
انا بحس ان الناس فى قسم النيسان محترمة جدا وحيادية غير باقى الاقسام للاسف بيكونوا متحيزين لعربياتهم بشكل فظيع .

و علشان كده ارشحلك الصني بجد
اعتماديه
قيمه مقابل السعر
قطع غيار مهاوده و في حاجات ممكن تجيبها من بره التوكيل و اصلي برضو ده غير الفوانيس و الاكصدامات اللي نزلت تايواني و باسعار تحفه
ممكن تجيب ال ex اوتوماتك و بسعر ممتاز و لو معاك تزود يبقي السوبر صالون من غير حيره لأن الاضافات اللي فيها تستاهل الفرق عن جداره
استهلاك بنزين زي اي عربيه 1600 و راجع موضوع استهلاك البنزين بتاعها برضو "دي بس اشاعات و دعايه مضاده ليها و خد بالك برضو ان الناس كانت واخده علي ال 1300 منها فلما نزلت 1600 كان استهلاكها صادم لكتير من الناس"
و التقفيل المصري و الرغي الكتير بخصوصه هقولك اللي فاكره من رد سبعاوي في الموضوع ده:
لا يوجد في التقفيل المصري حاجه تعيبه في الصني
و خد بقي الجزء الحلو ده
المرسيدس و بي ام و الفيكترا بيتقفلو في مصر
ايه مشكله التقفيل المصري غير بس انه الباب الخلفي للهجوم علي الصني
اهم حاجه في حساباتك انك تكون فعلا العربيه داخله قلبك
الصني عربيه ممتازه و الموضوع بتاعي ده مش تشنيع عليها
و زود في الحسبان ان التوكيل و اسلوب تعامله فوق الممتاز و ضمان بجد مش زي البهوات اللي بيخلو الناس تشحت منهم كلمه طيبه حتي و لو في لا قدر الله حاجه كده ولا كده التوكيل في الصيانات الدوريه هو اللي بيقولك عليها و بيغيرهالك قبل حتي ما انت تاخد بالك ان عندك مشكله
و الحمد لله احنا هنا مش متحيزين للعربيه ولا حاجه
العربيه الصني بسعرها منافسه جدا و ممتازه
اللي عايزها اكيد هينبسط منها و اللي مضايق ان في عربيه ياباني بالسعر ده و الامكانات دي يبقي يشوفله حاجه تانيه بس كده من غير بقي تحيز او هجوم او زعل
بس خد بالك من مسافه الاقدام في الكنبه لو انت بتحب ترجع الكرسي للاخر

[AhmadKamal]

أخيرا حضرتك عملت مداخله بالعربى؟؟
شوف يا دكتور أمير..بالنسبه لرأى الشخصى...مش عارف حضرتك ليه إستبعدتها..يمكن عشان فكرة الماديات..
انا لو حغير الصنى....حجيب التويوتا...
لانها النقلة التانيه..فعلا..
سواء ماديه او رفاهيه.
هى فعلا البديل الأعلى رفاهيه فى بعد الصنى

والله العظيم أنا باكتب عربي
الفكرة بس اني معنديش windows arabic في البيت و كمان أنا عمري مكتبت عربي علي الPC

أما بالنسبة للتويوتا مش للدرجة دي الصني بالنسة لي أحسن للثبات و السرعة العالية


والله أعلم


لأحمد كمال

[hany_mohamed]

شوارعنا في مصر بصراحه ربنا عايزه حته لادا نيفا و تدوس علي خلق الله!!!
و علشان ارض مصر الحلوه فالتيجو و التيريوس في دماغي
انما بخصوص عفشه السوبر صالون و مناسبتها لشوارع المحروسه فانا الحمد لله معنديش مشاكل مع العفشه بس بتصعب عليا العربيه و انا صبح و ليل معدي علي حفر و بلاعات و اللي بيمشي في مصطفي النحاس مكرم عبيد اوتوستراد المنيل القصر العيني فلنكات اكتوبر عارف كويس الطرق دي عامله ازاي غير بقي باقي المشاوير المتنطوره علي ارضنا الحبيبه
و كويس انك قدرت موضوع تحديث الموديل اللي الناس مش واخده بالها منه قوي في حالتي و لو ان العربيه مش المكان المناسب اني استثمر فيها في بلدنا بس برضو اهي قيمه مختزنه في العربيه و في اي وقت تتباع و تجيب فلوس و كونها بقت شكل قديم فده اثر علي سعرها اكيد في السوق "مع ان الشكل المسمي جديد مش تجديد غير في الفوانيس و الشبكه بس اهو تجديد خلي الناس اللي بتتكلم عن الصني ان بقالها سنين علي نفس الشكل و مسمعناش منهم كلمه علي اللانسر بومه ولا اللانوس !!!"
و بعدين مين بس اللي مزعلك دكاتره السنان كلهم؟!!!
طب انا زعلتك في حاجه؟!!!!
شرفني بس في العياده مره واحده و بعدين تبقي تحكم عليا
و ربنا يسهل و ان شاء الله اقدر اجي المقابله اللي هتكون اول مره ليا اتشرف بيكم و كان نفسي اجي من زمان بس كل مره الظروف تحكم

موضوع دكاترة الاسنان ده شرحه يطول مش عايزين نبعد تركيزك عن موضوع اختيار سيارتك
الجديدة وان شاء الله لما نتقابل ابقى احكي لك ...
ياريت كمان تدرس السيارة الكيا الكارينز لى اصدقاء معاهم و زى الفل بس معاهم من فترة قريبة يعنى ما أقدرش اعطيك تفاصيل كتير عنها ...

بالنسبة لمقابلة المنتدى انا اللى اتشرف بمعرفتك يا دكتور وربنا يديم المحبة .

[aymenseef]

والله يا دكتور امير انا برضه بقالى فتره بفكر اغيرالعربيه
ومحتار ومش عارف هل الخطوه دي صح فى الوقت ده ولا غلط
والصنى برضه مريحاني بس انا مبحبش الاوتوماتيك
هوا ده بس اللى مش عاجبني فيها
وزيك برضه بعشق الهاتش باك
بس مستبعد البونتو عشان مع واحد صاحبي وبسوقها كتير قعدتها مش مريحه وموتورها ضعيف بالنسبه للصنى (انا معرفش انزل من موتور قوي لاضعف منه )
بفكر فى حاجه هتشباك وموتور 1600 سي سي
انا حاسس ان احنا هنندم على الخطوه دي

[م.محمد علاء]

أما بالنسبة للتويوتا مش للدرجة دي الصني بالنسة لي أحسن للثبات و السرعة العالية


والله أعلم


لأحمد كمال

ثبات العربيه و السرعات العاليه؟؟مش دايما هو اللى بيشد الواحد للعربيه..
العربيات الجيب فى مصر مش عشان الطرق الصحروايه...لأ الواحد بيجيبها عشان عربيه فخمه..
هل بتكون ثابته؟؟؟
الثبات عند السرعات العاليه ميزه خاصه بالعربيه..
بس مش معناه ان لو دى متفوقه عن دى يبقى معناه ان دى أحسن من دى.؟
كرأى شخصى

[mohamedhamam]

دكتور أمير الأفضل أن تحتفظ بسيارتك الحالية و بخاصة أنها الحمد لله بحالة جيدة و ركز فى حاجة تانية أهم و علشان تحسم قرارك هات ورقة و قلم و إكتب أهدافك إيه خلال المرحلة القادمة مثلاً الزواج ، أكبر العيادة ، أغير العربية و هكذا لحد ما تكتب كل أهدافك التى تتمنى و تسعى لتحقيقها خلال الفترة القادمة ثم قم بترتيبها الأهم فالأهم و إبدأ بالتنفيذ بعد التوكل على الله بنفس الترتيب اللى إنت رتبته و ربنا يقدملك كل ما هو فيه خير

[handasa]

جيتس شكلها حلو
امكانيات جميلة
ضمان غبور (مركز صيانة كتييييييير)
سعرها انا شايف انه كتير شوية

بص على كيا بيكانتو
سعر تمام امكانيات تمام
شكل تمام
بحبها

[handasa]

بس انا لو مكانك حجيب فليشيا 2001
وانت مجرب الفليشيا وعارف هى ايه

[YoussefMostafa]

دكتور امير البونتو كلاسيك نزلت تاني ب 70 الف بس من غير جنوط وفوج لايت

[amir]

والله يا دكتور امير انا برضه بقالى فتره بفكر اغيرالعربيه
ومحتار ومش عارف هل الخطوه دي صح فى الوقت ده ولا غلط
والصنى برضه مريحاني بس انا مبحبش الاوتوماتيك
هوا ده بس اللى مش عاجبني فيها
وزيك برضه بعشق الهاتش باك
بس مستبعد البونتو عشان مع واحد صاحبي وبسوقها كتير قعدتها مش مريحه وموتورها ضعيف بالنسبه للصنى (انا معرفش انزل من موتور قوي لاضعف منه )
بفكر فى حاجه هتشباك وموتور 1600 سي سي
انا حاسس ان احنا هنندم على الخطوه دي

تفتكر لو سيبنا الاوتوماتك و انا بتكلم كوني ساكن في القاهره و رجعنا للمانيوال هنكون سعداء ولا تعساء؟
و بالنسبه لاحساسك فردي عليه يا خوفي يا زيدان!

ثبات العربيه و السرعات العاليه؟؟مش دايما هو اللى بيشد الواحد للعربيه..
العربيات الجيب فى مصر مش عشان الطرق الصحروايه...لأ الواحد بيجيبها عشان عربيه فخمه..
هل بتكون ثابته؟؟؟
الثبات عند السرعات العاليه ميزه خاصه بالعربيه..
بس مش معناه ان لو دى متفوقه عن دى يبقى معناه ان دى أحسن من دى.؟
كرأى شخصى

اللي بيشد الواحد للعربيه لو كييف عربيات بتكون حاجات كتير قوي مختلفه مش شرط تكون واحده عند الناس كلها

دكتور أمير الأفضل أن تحتفظ بسيارتك الحالية و بخاصة أنها الحمد لله بحالة جيدة و ركز فى حاجة تانية أهم و علشان تحسم قرارك هات ورقة و قلم و إكتب أهدافك إيه خلال المرحلة القادمة مثلاً الزواج ، أكبر العيادة ، أغير العربية و هكذا لحد ما تكتب كل أهدافك التى تتمنى و تسعى لتحقيقها خلال الفترة القادمة ثم قم بترتيبها الأهم فالأهم و إبدأ بالتنفيذ بعد التوكل على الله بنفس الترتيب اللى إنت رتبته و ربنا يقدملك كل ما هو فيه خير

رأي يحترم و نصيحه غاليه طبعا

جيتس شكلها حلو
امكانيات جميلة
ضمان غبور (مركز صيانة كتييييييير)
سعرها انا شايف انه كتير شوية

بص على كيا بيكانتو
سعر تمام امكانيات تمام
شكل تمام
بحبها

مع ان الجيتز هاتشباك محترمه بس ضمان غبور ده اللي ضحك علي الدقون و زياره واحده لقسم الهيونداي و انت تشوف بنفسك اللي قاعد من التوكيل علشان يرد علي استفسارات الاعضاء مالكي الهيونداي رده عامل ازاي علي واحد زيي و زيك اشتري عربيه زيرو وقلب انت بقي علشان تكمل الموضوع هناك لأنه موضوع شرحه طويل
و لما ربنا يسهل و يقوم كريم بالسلامه و نتجمع كلنا اكيد هيكون في اخد و عطا بخصوص من لا يحترم اعضاء المنتدي كلهم!!!!!
مكانه مش بينا هنا مكانه اونكل غبور

بس انا لو مكانك حجيب فليشيا 2001
وانت مجرب الفليشيا وعارف هى ايه

اكيد دي العربيه اللي بعتبرها شبكه الامان و المثل يقول القديمه تحلي و لو كانت ....

دكتور امير البونتو كلاسيك نزلت تاني ب 70 الف بس من غير جنوط وفوج لايت

نزلت تاني بجد؟
كويس و الله العظيم
بس تاني من غير جنوط و فوج لايت؟
هي دي دوره حياه اوماترا؟؟