تكييف الصنى هيس

[akramesg]

حد عنده فكرة لو التكييف هيس وبقى بيفصل لوحدة فى عز الحر اللى احنا فيه

هل فى حاجة ممكن اعملها بنفسى ولا اطلع عالتوكيل هى فى الضمان عالعموم بس عايز اوفر وقت

هو بيفصل ولازم اطفية شوية واشغلة عشان يرجع يقوم تانى !!!

شكرا مقدما

[fady_anis]

من وجهة نظرى نقص فريون التكييف

[akramesg]

لو نقص فريون يفصل وبعدين يرجع يشتغل كويس ؟؟

انا اظن ان فيه حاجة زى ترموستات ودى اللى اتهبلت من الحر ولا اية؟

[mohamedbook]

التكييف عمل معايا الحراكات النص كم ديه كل شويه يجيب هو سخن وشويه ساقع وشويه سخن لغيه ما تفيطه وكنت هموت من الحر

[eng.octooo]

روح التوكيل غالبا الكومبريسور بيفصل ويرجع يشتغل تانى ......

[iskandranee]

يعنى مش انا بس اللى بشتكى من التكييف اللى بقيت افله و فاتح الشباك على طول

مع ان فى اشاعات بتقول علية تكييف يابانى تلاجة

التكييف عمل معايا الحراكات النص كم ديه كل شويه يجيب هو سخن وشويه ساقع وشويه سخن لغيه ما تفيطه وكنت هموت من الحر

[Dewo]

أنا برده ياجماعه قابلتنى نفس المشكله إمبارح ,كنت لسه داخل عشان اسأل عنه

[Ahmed.TV]

يا جماعة كتر خير الدنيا , درجة الحرارة امبارح كانت 53 فى مصررررررررر,فاى كهرباء فى البيت فى الشارع فى العربية لازم تتاثر بالحر الشديد ده

انا عندى فى التيدا عشان احس بسقعة التكيف كنت مشغله على 18 وكنت مش حاسس بسقعة اوى ,كان التبريد متوسط فالعملية ملهاش علاقة بيابانى ولا امريكى

فممكن يكون عندك الكومبريسور بيفصل

[akramesg]

واضح انها مشكله عامه بتحصل عند سخونة الكمبريسور بذيادة - انهارده عالطوالى اشتغل كويس - بس هقولهم فى التوكيل لما اروح

[mohali1666]

التكيف بتاع الصنى فعلا تلاجة وده بلا منازع اكيد فى حاجة فى شحن التكيف لانه لو زيادة او ناقص التكيف مش هيشتفل كويس روح السبع وهناك هيكشفوا عليه ويبقى تمام

محمد على ابو الفتوح

[momkamel]

والله يا جماعة احسن تكيف عربية فى مصر موجود فى الصنى امبارح فى عز الحر ده وكنت مشغلة وكان تمام وكان معايا عيالى فى العربية وراة وكنت بسالهم التكيف عامل ايه معاكم قالوللى حلو يا بابا اكيد فى حاجة عندك ومادام بتقول لسة العربية فى الضمان روح التوكيل واسالهم

[ammarxn]

يا شباب أنا حصل معايا نفس الموضوع امبارح في الحر ...

النهاردة اتصلت بالمهندس كريم من السبع وسألته فقالي إن عنده النهاردة أكثر من 40 سيارة فيهم نفس المشكلة حصلت إمبارح ...

كان تفسيره الفني للموضوع إن شحن الفريون في المكيف زيادة شوية ولازم ينقص حبة ...

وقالي كمان إنه بعت استفسار لمصنع نيسان بيستفسر عن المشكلة وتأثيراتها ....

ووعدني بالإتصال لو جاءه رد آخر من مصنع نيسان

[akramesg]

كويس يعنى المية دى طلعت عرق مش اكتر

ومطلعش ان بيتهيئلى ولا حاجة زى مبعض الناس فكرونى بهاجم لسمح الله التكييف التلاجة

انا طبعا معنديش اعتراض انه تلاجة انا بس شرحت اللى حصللى بدون شكوى (العربية اصلا مش بتاعتى انا هتنطط على اية ههههههههه دى سلف من حمايا لغاية مستلم عربيتى )

المهم انا رحت شغلى ورجعت 100 كم والتكييف تمام فواضح انو بيعمل كدة لما بتزنق فى الزحمة مع الحر الجامد وبس

شكرا للنيساناوية على تفاعلهم وحسن متابعتهم

[iskandranee]

هو ده الكلام التمام.
انا كنت متاكد انها مش حالة فردية. وان فى مشكلة فى تكييف صنى 2010
وكون السبع اهتم و حيتابع دا زاد احترامى للصنى
اما ندفن راسنا زى النعام ونقول كله تمام ده الغلط
اللى ماعندوش مشكلة ربنا يباركلوا بس ما يحجرش على راى غيروا

متابع باهتمام
( انا رحت مودرن موتور 3 مرات من ساعة ما استلمت العربية اللى عاملة 2000 كم ومن اول صيانة ال 1000كم عشان التكييف و بردة مافيش حل)

عشان كدة توقعت ان المشكلة اكبر منهم وانه عيب فى موديل 2010

يا شباب أنا حصل معايا نفس الموضوع امبارح في الحر ...

النهاردة اتصلت بالمهندس كريم من السبع وسألته فقالي إن عنده النهاردة أكثر من 40 سيارة فيهم نفس المشكلة حصلت إمبارح ...

كان تفسيره الفني للموضوع إن شحن الفريون في المكيف زيادة شوية ولازم ينقص حبة ...

وقالي كمان إنه بعت استفسار لمصنع نيسان بيستفسر عن المشكلة وتأثيراتها ....

ووعدني بالإتصال لو جاءه رد آخر من مصنع نيسان

[iskandranee]

بعض القواعد اللتى وجدتها مفيدة عند بدا المكيف
1. لا تشغل المكيف مباشره عند ركوبك السيارة لكن ابدا بفتح النوافذ لطرد الهوا الساخن
2. شغل المكيف مع فتح الزجاج قليلا لطرد الهوا الساخن حوالى 2 دقيقة this reduce the cooling start up time substantially
3. اغلق النوافذ.