تجربتى فى كمية استهلاك البنزين ex salon automatic 2010

[د.أحمد السعيد]

السلام عليكم و رحمة الله

بعد التحية الحارة لكل أعضاء المنتدى و أعضاء قسم النيسان خاصة و الحمد لله على رجوع المنتدى الى قواعده سالما

فيما يلى تجربتى فى كمية استهلاك البنزين EX SALON AUTOMATIC 2010 بدون حساس اكسجين

منذ حوالى شهر(و قبل وقوع المنتدى) ذهبت الى مركز الاتحاد الوطنى بطنطا لعمل صيانةال 10,000 كم و تم عمل الصيانة و طلبت منهم رجلاش علبة الدركسيون كما اوصى اخونا سبعاوى و شفتهم بنفسى اثناء عملية الصيانة .


عند الوصول و الدخول الى مهندس الاستقبال اخبرته بعدة ملحوظات

*صيانة البطارية

*كود الكاسيت مش لاقيه ( لم يأتى مع الضمان )

*استهلاك البنزين عندى حوالى 165كم فى الصفيحة كمتوسط داخل البلد مع بعض المشاوير البسيطة على السريع و اغلب الاستهلاك بالتكييف.

فقال لى ان المفروض المتوسط داخل البلد 190- 200 كم و قاللى هنظبط حساس ال
TPS (throttle position senseor)فقلت له المفروض يكون كام فقاللى 48 و لو فيه استهلاك زائد نجرب على ال 46 مللى فولت

و بعد اتمام الصيانة اليدوية تم الكشف على السيارة بالجهاز و تم قراءة قيمة حساس ال TPS و كانت 0.48 MV مللى فولت . و الفنى قاللى كده كويس و روح حاسب علشان العربية خلصت !!


فقمت بالذهاب الى المهندس لاخباره فقاللى ازاى كده .... و نادى على الفنى و قال له اضبطه على 44 مللى فولت ...يللا


و فعلا وضعو الجهاز تانى و قاموا بالضبط و الجهاز واصل بالسيارة الى ان اصبحت قيمة ال TPS 0.44 مللى فولت و ربط المسمار .

و المهندس قال لى جرب و شوف الفرق .

و تم التجربة كالأتى

اول تفويله 35.5 لتر(92 طبعا) --------مسافة 325 كم بمعدل 182 كم فى الصفيحة
تانى تفويله 36.6 لتر--------------مسافة 328 كم بمعدل 179 كم فى الصفيحة


و الاستهلاك طبعا فى نفس ظروف استهلاكى السابقة " اغلب المسافة جوةالبلد و مشاوير بسيطة على السريع و الاختلاف الوحيد هو تكييف اقل من السابق ( يعنى مشغلتش التكييف كتير زى قبل صيانة ال 10.000

فمش عارف كده فيه فرق جوهرى لتظبيط حساس ال TPS ولا دا فرق التكييف .



ارجو اكون نقلت التجربة و مستنى التعليقات بس طبعا مش هقدر اشغل التكييف زى الاول علشان الجو برد شوية!!

[Bishoy.Girgis]

دكتور احمد
الف شكر علي نقل تجربتك الهايلة ديه و فعلا انا شخصيا استفدت كتير منها و عايز اطمنك و اقولك ان المعدل بتاعك ده رائع جدا جدا جدا و الف الف مبروك علي الصيانة

[M.Elgergawy]

دكتور احمد
الف شكر علي نقل تجربتك الهايلة ديه و فعلا انا شخصيا استفدت كتير منها و عايز اطمنك و اقولك ان المعدل بتاعك ده رائع جدا جدا جدا و الف الف مبروك علي الصيانة

انا اعرف واحد صحبي معاه نيسان 2009 كاملة مانيوال بتعمل الصفيحة 250 كم ( ماشاء الله )

[Ahmed.TV]

اول حاجة احب احى دكتور احمد على حبه لمنتدى نايل موتورز لان من الناس الدائمين على المتابعة والمشاركة بحب وبعطاء دائم مع كل الاعضاء , وشرفت باتصاله بى للاطمئنان على سير المنتدى واخبار الاعطال الفترة السابقة, وده ان دل دل على اهتمامه وحبه نايل موتورز ولاعضائه

بحييك كمان على سردك لتجربتك بتنسيق وبسهولة , وده اللى محتاجينه من كل الاعضاء عند طرح اى موضوع يسرد فيه تجربته


ندخل بقا على بعض النقاط اللى احبه اطمنك فيها

بخصوص استهلاك البنزين جوة البلد مع الزحمة ممكن يوصل الى 200 من غير تكيف وممكن 185 كمان او 190
لكن لو تكيف باستمرار مع الزحمة يبقا بتتكلم فى 165 -170-180 لو جوة البلد وزحمة جامدة وبتكييف مع الصنى

فاطمن من موضوع الاستهلاك خير مثال عشان نحسبه هو على طريق سفر طوالى وتفول وتحسب مرة من غير تكيف ومرة بتكيف وتاخد قراءتك مظبوطة

هما ظبطولك الحساسات على الكمبيوتر , ولو كان فى مشكلة عندك وانت شايف ان فى زيادة حسب سواقتك ومشاويرك يبقا طبعا ممكن تظبيط الحساسات دى عليها عامل فى ظبط الاداء

والقراءات دى اللى انت اخدتها كويسة ومعقولة

وتقبل تحياتى يا دكتور

والف مبروك الصيانة

[د.أحمد السعيد]

اول حاجة احب احى دكتور احمد على حبه لمنتدى نايل موتورز لان من الناس الدائمين على المتابعة والمشاركة بحب وبعطاء دائم مع كل الاعضاء , وشرفت باتصاله بى للاطمئنان على سير المنتدى واخبار الاعطال الفترة السابقة, وده ان دل دل على اهتمامه وحبه نايل موتورز ولاعضائه

بحييك كمان على سردك لتجربتك بتنسيق وبسهولة , وده اللى محتاجينه من كل الاعضاء عند طرح اى موضوع يسرد فيه تجربته


ندخل بقا على بعض النقاط اللى احبه اطمنك فيها



خير مثال عشان نحسبه هو على طريق سفر طوالى وتفول وتحسب مرة من غير تكيف ومرة بتكيف وتاخد قراءتك مظبوطة

حبيبى فى الله استاذ احمد احنا بنتعلم منك الذوق و الحرص على مصلحةالمنتدى و يا ريت كلنا نبقى زيك


طول عمرى مش مقتنع بالطالب اللى يذاكر كلمتين صدفه و يصبح تانى يوم المدرس يسأله فيجاوب صدفة و المدرس يقول له انت هايل و ممتاز و طول عمر الطالب مش كده خالص ..............

بمعنى انى مش هقيس استهلاك البنزين فى الطوالى علشان اطمن و اقول الاستهلاك ممتاز و اغلب مشاويرى و طبيعة شغلى مش طوالى!!

فانى ارى ان كل واحد بيقيس على حسب طبيعة تحركة المألوف بالسيارة و دا اللى بيدى انعكاس فعلى لطبيعة استهلاك البنزين و أغلبنا الا قليل مش بيعمل مشاوير طوالى كطبيعة حركة بالسيارة .

وتحياتى للجميع

[Ahmed.TV]

بمعنى انى مش هقيس استهلاك البنزين فى الطوالى علشان اطمن و اقول الاستهلاك ممتاز و اغلب مشاويرى و طبيعة شغلى مش طوالى!!

بنقول فى الطوالى عشان اللى معاه اعربية يطمئن ان مفيش مشكلة عنده فى الاستهلاك عشان الطوالى مختلف

وحتى فى مراكز الخدمة لما حد بيشتكى من البنزين بيخدوا العربية ويجربوها على طرق سريعة وطوالى عشان يطمئنوا ان مفيش مشكلة او كان فى

وكمان حبيت اوضح نقطة الطوالى عشان فى ناس لما بتدخل تقراء الكلام ده بتقول اه يبقا كدا العربية استهلاكها شرس ومحدش بيقرا باقى الكلام وبيمسكوا على القراءات اللى كاتبنها وبس
ده كان توضيح مش اكتر


فانى ارى ان كل واحد بيقيس على حسب طبيعة تحركة المألوف بالسيارة و دا اللى بيدى انعكاس فعلى لطبيعة استهلاك البنزين و أغلبنا الا قليل مش بيعمل مشاوير طوالى كطبيعة حركة بالسيارة .

وتحياتى للجميع

فعلا القراءات اللى حضرتك اخدتها دى يعتبر المناسبة لوسط البلد والزحمة وخصوص لو على زحمة القاهرة وجوة البلد ممكن تكون اكتر من كدا كمان نظرا لكثرة التوقف كل متر

[د.أحمد السعيد]

105 مشاهدة ولا حد يصبح و لا حد يمسى ولا حد يكح حتى غير عضوين و معالى سيادة جناب منسق القسم

[Mo.Kareem]

بسم الله ماشاء الله اللهم بارك له فيها
معلش سؤال لحضرتك هو الجهاز ده بيظبط قراءة الحساس ده ازى وهل هو متوفر خارج التوكيل ؟
انا عربيتى هيونداى اوتو موديل 99 بتعمل فى الصفيحة من 120 الى 150 داخل البلد ومن غير تكيف ، ياترى فيه حل ليها خارج التوكيل ؟
ومتشكر جدا لحضرتك وربنا يباركلك فى العربية ويديك خيرها ويكفيك شرها

[hazemelgohary]

د.أحمد أستهلاك جيد جدا بعد تظبيط tps بس محتاج تشغيل المكيف عشان تعرف بظبط معدل الأستهلاكل لأن المكيف يفرق كثير وشكرا

[Tarek0]

هوّة ايه ريجلاش علبة الدريكسيون ده؟؟

[د.محمود صلاح]

هل ضبط الحساس ده بالفعل يخفض استهلاك البنزين ؟ وهل على حساب قدرة المحرك ؟

سؤال فني

[د.أحمد السعيد]

بسم الله ماشاء الله اللهم بارك له فيها
معلش سؤال لحضرتك هو الجهاز ده بيظبط قراءة الحساس ده ازى وهل هو متوفر خارج التوكيل ؟
انا عربيتى هيونداى اوتو موديل 99 بتعمل فى الصفيحة من 120 الى 150 داخل البلد ومن غير تكيف ، ياترى فيه حل ليها خارج التوكيل ؟
ومتشكر جدا لحضرتك وربنا يباركلك فى العربية ويديك خيرها ويكفيك شرها

اظن عربية حضرتك كاربيراتير

و أفضل حاجة لضبط عربيتك هى ظبط الكاربيراتير و العربية متوصلة بحساس اول اكسيد الكربون علشان يضبط لحضرتك خلط الهواء مع البنزين وضبط اول اكسيد الكربون فى العادم (انا كان معايا بولونيز 88 كنت بضبطها كده و كان الاستهلاك وصل الى 12 كم فى ا لللتر على السريع (يعنى 240 فى الصفيحة)

و لو فيه حد فى قسم هيونداى يفيدك اكتر بشأن تظبيط الاستهلاك
و مرحبا بحضرتك معانا فى قسم نيسان

[د.أحمد السعيد]

هوّة ايه ريجلاش علبة الدريكسيون ده؟؟

راجع الموضوع دا

http://www.nilemotors.net/Nile/108933-a.html

[AbuHusam]

[mark=#f8fab6]معاك حق يا دكتور أحمد.. المفروض قياس الاستهلاك يكون في ظروف القيادة اليومية.. لكن لازم ناخد في اعتبارنا إن الظروف دي متغيرة ومش ثابتة.. يعني حسب انت بتقف في كام إشارة وفي كل مرة بتقف قد إيه وقت والجو حار ولا معتدل ولا بارد وهكذا..
لكن دائماً مصانع السيارات بتحدد الاستهلاك القياسي بتاع أي عربية بناء على ظروف مثالية.. سرعة من 80 - 100 وفي طريق مفتوح وفاضي وأجواء معتدلة.. وده ببساطة علشان الطروف اللي بنعتبرها مثالية بل خيالية هنا.. هي دي الظروف الطبيعية في دول تانية كتير.. علشان كدة بيقيسوا الاستهلاك في ظل هذه الطروف وبيعتبروا هو ده الطبيعي.. خصوصاً إن الدول المصنعة للسيارات في معظم الحالات بتكون مدنها غير مزدحمة.. مع استثناءات محدودة زي نيويورك..
وممكن تجرب الجدول اللي في موضوع استهلاك البنزين.. اعمل بيه قياس أكتر من مرة في حالات مختلفة.. واحسب المتوسط بعد نتيجة كل حالة[/mark]

[Ahmed.TV]

[mark=#f8fab6]معاك حق يا دكتور أحمد.. المفروض قياس الاستهلاك يكون في ظروف القيادة اليومية.. لكن لازم ناخد في اعتبارنا إن الظروف دي متغيرة ومش ثابتة.. يعني حسب انت بتقف في كام إشارة وفي كل مرة بتقف قد إيه وقت والجو حار ولا معتدل ولا بارد وهكذا.. [/mark][mark=#f8fab6]
لكن دائماً مصانع السيارات بتحدد الاستهلاك القياسي بتاع أي عربية بناء على ظروف مثالية.. سرعة من 80 - 100 وفي طريق مفتوح وفاضي وأجواء معتدلة.. وده ببساطة علشان الطروف اللي بنعتبرها مثالية بل خيالية هنا.. هي دي الظروف الطبيعية في دول تانية كتير.. علشان كدة بيقيسوا الاستهلاك في ظل هذه الطروف وبيعتبروا هو ده الطبيعي.. خصوصاً إن الدول المصنعة للسيارات في معظم الحالات بتكون مدنها غير مزدحمة.. مع استثناءات محدودة زي نيويورك..
وممكن تجرب الجدول اللي في موضوع استهلاك البنزين.. اعمل بيه قياس أكتر من مرة في حالات مختلفة.. واحسب المتوسط بعد نتيجة كل حالة[/mark]

+11111111111111111111111
متفق تماما معاك فى الرائ

وده يا جماعة لينك مهم عشان اللى بيسال على علبة الدريكسيون


هنا :

وكان موجود فى اهم موضوعات الصنى المثبتة فى القسم